水門雞飯 (蟾宮大廈)

营业中

休息中

今星期一中午同同事一齊去銅鑼灣希慎道地下一間主打水門鷄飯的小店午膳。舖位面積不大，枱與枱之間距離狹窄，但勝在出餐快，適合上班族速食。我今次試咗椰菜花飯版本嘅水門鷄飯，並加錢轉為鷄脾。椰菜花飯熱辣辣，有少許水份但無嚡口感，對於想控制澱粉攝取量嘅人係個不錯選擇。鷄脾肉質滑嫩，皮薄而唔油膩，搭配特製魚露香辣醬汁，惹味又開胃。整體配搭比想像中有層次，唔會太淡亦唔過鹹。同行同事則點咗牛肉湯米線，加冬蔭湯底，湯頭香濃酸辣，牛肉湯料都幾足，表現唔錯。加多杯泰式奶茶，甜度適中，奶味香濃，完美作結。

超級吸引既水門雞飯，坐落左係香港銅鑼灣呀。 呢到環境幾好，簡單乾淨，仲有好多靚靚畫做裝飾添。 一入到店感覺清新闊落，冷氣風扇都ok,唔太熱唔太涼，啱啱好。 而且餐廳好細心，放左個籃係枱底比人客放下手袋，外套，咁就再坐得舒服少少，唔洗擔心好迫啦。另外餐牌方面，美食好多款，有雞食有牛河串燒，仲有生銅係系列，正呀！椰菜花雞飯同椰菜花蝦飯睇到個menu 都忍唔住想落單。今日試左個下午茶餐，tea set $38就有個靚規雞飯，加多兩隻雞翼仔（可以更改為加春卷）。 另外加幾蚊就有多飲品，當然飲品大大杯，款式多多，任君選擇。溫馨提示呢到好in,手機下單嫁！下午5pm 之後仲有$10限時追加items，牛舌，芥蘭苗，脆炸雞翼。如果人多，公司宴會，個人派對都仲可以叫下泰式到會，超級方便。 呢度有泰式甜品，食完加多份甜品仲得，滿足口感，食飽飽。 去銅鑼灣想食經濟又好味既泰式菜就黎呢到啦呢到雞味十足，咪走雞呀！原來餐廳就係利園附近炸

香港開咗咁多間「水門雞飯」都未食過，咁啱喺銅鑼灣搵食，一於試吓呢間分店。前菜我叫咗一碟秘汁泰式生蝦，賣相真係好靚，蝦肉鮮嫩又大隻，食落去啖啖肉，夾埋生蒜片、辣椒、蔬菜片同特製嘅泰式醬汁，微辣味道層次豐富🍤🧄🌶️🫑主菜我試咗A5和牛泰式船粉，選用日本A5和牛薄片、和牛超大塊、肉質鮮味唔靭；湯底飲落去有超濃郁嘅牛味，我揀咗金邊粉，質感滑溜，我試咗A5和牛泰式船粉，粉麵選咗金邊粉，質感滑溜，索哂湯底啲精華，配埋芽菜、通菜同薄脆，味道一流。跟餐仲送咗一杯凍話梅茶，解膩又清新🥩🍜蔬菜我點咗韭菜花，呢道菜嘅新鮮度一流，韭菜花脆口又有香氣，搭配少量調味同薄脆，清新卻好味🥬見天氣突然凍凍地，我試咗佢哋嘅雞骨湯，價錢只係$5，實在好抵！湯底清甜，雞骨煮得相當入味，胡椒味道濃郁，飲落去有一種暖心嘅感覺🥣整體啲講，水門雞飯嘅食物質素相當高，價錢又親民，正👍🏻

There is a famous cheap chicken restaurant in CWB. For lunchtime, there are many people queuing outside the restaurant. Therefore, we order takeaway. All the food on the menu is attractive and the prices are cheap. We order Phad Thai with prawns, Poached half chicken, Thai pork knuckle rice and Thai milk tea. Phad Thai is super spicy, but the taste is good. The chicken is smooth, the pork knuckle is soft. Thai milk tea is yum.

小編今日來到銅鑼灣一間泰式海南雞專門店「水門雞飯」，餐廳由本地人開設，裝修以泰國大排檔，牆上掛著泰國海報和泰式拳套🥊 所用香料及調味料均由泰國直送🇹🇭 餐廳主打正宗泰式海南雞飯，搭配雞湯及秘製醬汁，還有多款泰式小食，感受泰國美食的精髓👏🏼「水門雞飯（加 $10 雞什）」選用約白身走地雞，雞肉皮薄少脂肪，肉質鮮嫩多汁，口感清爽不膩，雞皮與雞肉之間更有一層雞汁啫喱🐔 蘸上秘製酸辣醬汁拌飯一流🧡 雞什包括雞腸、雞腎和雞紅，雞腸口感爽脆，雞腎彈牙有嚼勁，雞紅滑嫩且充滿鮮味🙌🏻搭配泰國茉莉米飯，吸收了雞油的精華，每一口都讓人感受到泰式風味🇹🇭🥢 🍽🍽 ：水門雞飯（加雞什 $10） 👅好味指數：8.25/10 💰消費：HK$54（另+$10雞什）📍 地址：水門雞飯 (蟾宮大廈) (銅鑼灣)銅鑼灣希慎道2-4號蟾宮大廈地下9號舖

♥️水門雞飯（銅鑼灣）係銅鑼灣做完野好想食泰國野，呢間泰國餐廳人頭湧湧價錢又唔貴，menu都幾多選擇😆就叫左啲外賣翻屋企食 ✨水門半隻雞半隻雞份量都幾多 雞肉鮮嫩唔會柴 好有雞味 已經去埋骨可以啖啖肉好爽！小朋友同老人家食都岩曬✨鳳尾蝦泰式金邊粉講到食泰國野我一向好中意食金邊粉，酸酸辣辣好開胃！呢到配上青檸🍋‍🟩、花生碎同辣椒🌶️粉撈埋一齊係我好中意食嘅味道 我淨係撈左小小辣粉因為個人唔太食得辣haha金邊粉口感煙韌 蝦肉都彈牙 正✨✨豬肉/雞肉串燒呢到嘅串燒全部大大串好足料！佢地個沙嗲醬好惹味好好食😋呢間餐廳唔洗加一又好食 唔怪得咁多捧場客啦🥰

自從去完新加坡之後就超耐冇食過海南雞飯今次起銅鑼灣想搵平價美食，朋友推介咗呢間▶️ 水門雞飯 ($54)當然要試招牌菜😉帶返新加坡回憶油飯好入味，淡淡雞油香，飯質好食同時唔油膩🍚雞肉有驚喜，可以揀胸位，或加錢轉脾🐔超級粉嫩，帶適量油脂，入口順滑一啲骨都冇，皮下有啫喱，雞皮簿身自己好鍾意佢個雞醬汁，甜甜地帶少少辣，夠惹味👍🏻附送清湯重胡椒味，幾好飲～▶️ 水門雞椰菜花雞飯 ($58)生酮選擇，賣相同飯好似多咗隻烚蛋🥚雖然冇雞油香，但好重蒜香味口感同一般椰菜花一樣，只係切碎咗-整體來講係高質海南雞飯，同新加坡當地食嘅差唔多😻雞同飯份量十足環境迫少少但坐得算舒服服務都OK，幾有禮貌性價比高，學生再9折，賣單$50咋❗️

話說今日開party ，大家都想食水門雞飯，我哋就去咗銅鑼灣買外賣返屋企😆當日大概五點鐘左右見到入面店的都坐滿人😆而我就叫左幾樣食物番屋企水門雞飯($56)呢個簡直係大熱👍🏻絕對唔會令人失望既海南雞飯，飯係好有雞油味，而且肉都好嫩口😂 加埋醬汁令人哋食完一啖又一啖鳳尾蝦金邊粉($77)鮮蝦的鮮美與粉條的滑嫩相互輝映，特製的泰式醬料更是為整道菜增添了層次感，香辣中帶有一絲酸甜，非常開胃😋豬肉串燒 ($30@3)外焦內嫩的豬肉串散發著誘人的香氣，搭配特製醬汁，絕配！青木瓜沙律($50)爽口的青木瓜搭配香菜和酸辣的調味，讓人感到口腔的清新，完美平衡了重口味的主菜，不過食落有小小辣，大家要注意😚鮮檸梳打( $8)搭配這頓餐的最佳飲品，清新的檸檬味道讓整個用餐體驗更加愉悅，消暑又提神。🚩水門雞飯 (蟾宮大廈) (銅鑼灣)🚩銅鑼灣希慎道2-4號蟾宮大廈地下9號舖

-香辣鳳爪沙律 $52前菜必點沙律，味道唔係特別濃，酸辣道適中，唔鍾意重口味嘅可以試！配菜好足料～兩個人都叫岩岩好👍🏼-冬陰雞湯粉 $58冬陰湯味唔會蓋咗雞味，可以連埋啲湯一齊飲，河粉好滑軟硬剛好，可以揀其他粉麵類～雞肉唔算”鞋”😆一個價錢飲到湯又食到雞粉👍🏼-泰式凍奶茶 $8(跟餐)跟餐$8超抵！又夠大杯🤩唔會話太甜，奶茶味相當夠，可以再試！佢仲有其他特色小食同甜品，港九新界周圍都有分店，緊有一間係你左右🤣推薦同一大班朋友去呀！

晏晝大概1345左右去，諗住過咗lunch hour，點知門口都係勁多人排隊，仲有好多人等緊外賣。我見堂食都好多人，所以買咗外賣翻公司食。餐牌就貼咗喺門口，除咗水門雞飯之外，都幾多泰式食物可以揀。泰式燒豬頸肉 $98豬頸肉有好香嘅炭燒味道，而且入口即溶，相當惹味！雖然豬頸肉嘅等候時間比較長，但係攞到手我覺得係值得嘅！香辣肉碎沙律 $68即係平時食嘅生菜包阿 ！香草味唔算好濃，不過勝在辣味出！肉碎入邊有少少辣椒，配合埋生菜惹味得來又唔會好滯！馬拉盞西蘭花炒魷魚鬚 $68魷魚食落好爽口，加埋啲西蘭花吸晒啲汁簡直就係一流！想食啲味道濃少少嘅嘢可以揀呢款！雖然餐廳一啲都唔近地鐵站，不過性價比極高，食物嘅價錢合理而且仲好高質，會再嚟食！

香港都有「水門雞飯」，主打正宗水門雞飯及泰式料理、特飲，餐廳由泰國人大廚主理，口味貼近泰國當地風味而且好抵食，之前食過尖沙咀分店既招牌水門雞飯，的確性價比極高，尤其係午市送泰式特飲今日同朋友行銅鑼灣Shopping發現原來都有分店，一於介紹佢試下啦除了招牌水門雞飯及三寶雞飯，水門雞飯亦提供其他泰式料理，如各式串燒、牛肉湯牛丸生牛肉金邊粉、冬陰功雞湯粉及泰式乾炒辣牛河等。特飲方面除了近來流行的泰式奶茶外，也有洛神花茶、泰式咖啡、椰青、菠蘿冰及青檸梳打等

如果要食海南雞，我每次都會諗起水門，雖然人唔係泰國姐，但要最地道一定揀返呢間，未食過唔會明我講咩，但食過肯定有共鳴，唔係耳鳴！👇🏻📌主 食 -▪ 香 辣 紅 咖 喱 牛 肉 飯 - $50▫ 首先試一試呢個「香辣紅咖喱牛肉飯」，紅咖喱唔會太辣，反而煮到好濃香惹味，牛肉完全吸收哂醬汁精華，有咬口唔韌，值得一試。▪ 三 寶 飯 - $64▫ 我朋友就揀左「三寶飯」，三寶分別係水門雞、炸既水門雞、雞雜，雞肉口感夠哂滑溜，加左10蚊嗌多個雞油飯，當然本身仲可以多飯啦，仲有碗雞湯附送，幾抵食。📌小 食 - ▪ 脆 炸 雲 吞 - $28▫ 小食黎講「脆炸雲吞」又係必試，炸到夠哂脆口，雖然好邪惡，但真係好滿足。▪ 泰 式 豬 頸 肉 - $98 ▫ 另一道小食「泰式豬頸肉」幾有驚喜，豬頸肉外層燒得焦香，裡面夠Juicy，完全唔乾身，肉質爽口彈牙，正！

late lunch✡️ Tea Set：泰式船粉（牛） 配炸春卷牛肉 佈滿大半碗，牛丸2粒，乾蔥蒜也夠。炸春卷 比想像中大條，蝦味濃 入口卜卜脆。CP值高！＄42 包飲品，冇加一！凍泰式鴛鴦（走冰）好人性化，可以走冰，及職員溫馨提示走冰比較甜。熱蘋果雪梨茶好潤喉及清甜，甜度啱啱好。✡️ 西蘭花炒魷魚鬚🦑wow，一打開個蓋已經香噴噴。叫左少辣，味道啱啱好，又滋味又有鑊氣。✡️ 菠蘿燒雞炒飯好足料，眼見都好多燒雞🐔、菠蘿🍍、提子乾🍇，而且成盒滿晒，分量好夠。入口好有鑊氣，飯粒粒分明，炒得夠乾身。朋友平時唔會多食炒飯都大讚。✡️ 烤麵包🍞沙爹醬係靈魂，我哋外賣返來之後，將麵包再焗一焗，朋友大讚。3個人，可share 船粉、炒飯、小菜、烤麵包，平均每人＄80，就CP值好高！

喜歡吃雞🐔的人對雞都有不同程度的要求，所謂食雞有雞味，菜有菜味，今日終於食倒最有雞味的雞飯。銅鑼灣希慎道2-4號蟾宮大廈地下9號鋪，離我家很近，今日想早點吃飯，剛好經過還有位置，就順便進來一試，難怪開了這麼多分點，水門雞確是與別不同，白皮白肉，皮薄脂肪少，雞肉有香鮮味，有咬口而不柴，而且價錢💰實惠，一碟雞飯才＄54，仲有一碗胡椒冬瓜雞湯送，不吃真是虧大了。我們每人點了一碟雞飯，一杯熱薑蜜，再點一碟芥蘭苗，就開始吃好味的雞飯。胡椒冬瓜湯夠曬辣味，吃得胃暖暖的，雞肉都是去骨，配一碟特色醬汁點雞，有味飯熱香軟，還有兩片新鮮翠綠青瓜。芥蘭苗配泰式炸醬，特別有風味，薑蜜茶夠薑又夠蜜，香甜暖身，吃飽飽，買單＄190，真是抵食又好食。😋😋

今日去咗銅鑼灣行吓經過水門雞見好耐冇食就入咗去食。我叫咗半隻水門雞加油飯，馬拉盞芥蘭同埋串燒水門雞啲肉一啲都唔肥，全部都係瘦肉真材實料，點埋佢個醬汁餸油飯一流。呢次第一次食佢哋個馬拉盞醬加芥蘭，意想不到嘅係馬拉盞個醬出奇地好味一啲都唔辣，但睇落就好似好辣，我將個馬拉盞醬好似油漆咁塗到成碟芥蘭都係非常之好味，雖然個芥蘭就咁用清水烚，但係加咗馬拉盞醬之後零舍不同。最後加咗串燒分別係雞肉同豬肉，食佢哋嘅串燒意境都在於個醬汁，出晒名好有味，雞肉同埋豬肉都落足料燒，配合埋佢哋嘅醬汁天衣無縫。