水門雞飯 (蟾宮大廈)

营业中

休息中

想食正宗少少既泰菜,又要平既價位,呢間係不二之選。我同朋友黎,食小食為主。我地叫左炸春卷,呢間野係長條型,幾特別。叫左碟馬拉盞炒通菜,個味唔錯,唔會太spicy,同平時港式好唔同。叫左satay,半雞半豬,個sauce好正,係自家製既味道,satay都燒到岩岩好。個無骨鳳爪好正,個sauce酸酸地,唔錯。飲品我地分別叫左椰青同可樂,椰青仲有個container載住佢添。呢間真係幾平,岩食又抵食呀。

今日去銅鑼灣睇美斯…張海報，之後行行下就搵地方醫肚，見呢間成兩點幾都有人龍排隊，就試下佢啦。一坐底係用QRcode落單，當然要叫招牌水門雞飯，同埋水門雙拼炸雞飯，兩個飯都加$10轉雞脾肉，嘻嘻，雞件好滑仲有少少肉汁添，加埋佢跟埋秘製醬汁，簡直係一流，秘製醬汁有少少酸辣，好開胃，而配炸雞既醬汁除了酸辣味，仲多咗少少甜香味，都好襯炸雞而飲品當然要叫🧋泰式奶茶、🥥椰青，泰式奶茶一望個顏色橙橙紅紅，就知係正宗口味，椰青超大個，好清甜最後叫埋甜品🥭芒果糯米飯，原來仲可以揀多汁，我地一食就覺得超好味，糯米軟硬適中，有微微暖，芒果又香甜，可惜太飽，唔係會想食多個

我同朋友仔行經銅鑼灣時，肚子餓得不行，見到人龍排隊，我地都好奇，就決定試吓。下面同大家分享下我地試過嘅美食。先講飲品芒果沙冰，呢個真係太正啦！佢以新鮮成熟嘅芒果為主，再加上沙冰，食落去好清涼，而椰青飲落去解渴又開胃！然後泰式乾炒辣牛河，呢個菜色味道鮮美，一試就愛上。牛肉同河粉經過炒煮，口感彈牙，加上泰式調味，味道香濃。牛肉嘅鮮嫩同河粉嘅滑爽，加埋香辣嘅泰式風味，真係好開胃。仲有金牌胡椒豬雜粉+超多芫荽，呢個真係一道豐富嘅粉！煙韌嘅豬肉同豬雜、再加上香濃嘅胡椒湯底同芫荽，味道香辣鮮美。粉麵嘅滑爽同豬肉嘅嫩滑，同芫荽嘅清香，真係好搭配。炸黃門鱔魚皮，呢個係一個香脆嘅小食。鱔魚皮經過炸至金黃酥脆，一口咬落去，外脆內軟，好有嚼勁。加埋啲調味料，味道更加豐富，好適合當作下酒小食。喺銅鑼灣行街，唔好錯過呢啲美食啊！每一樣都有獨特嘅風味，一定能夠滿足您嘅味蕾。

聽朋友講銅鑼灣有間抵食又好食嘅泰國餐廳：水門雞飯星期六晏晝見餐廳門口唔多人，即時興起入去試吓叫咗四樣嘢：水門雞飯（轉雞髀肉）、鳳尾蝦泰式金邊粉、馬拉盞西蘭花炒魷魚鬚、雞肉串燒首先上場嘅係招牌水門雞飯，轉左雞髀肉真係唔同啲，既嫩滑又有咬口，而且份量非常之慷慨，好抵食至於金邊粉，酸甜適中，加上幾隻大大嘅鳳尾蝦，好有泰式風味我最欣賞嘅係馬拉盞西蘭花炒魷魚鬚，佢啲馬拉盞好似唔使錢咁落咗勁多，超級惹味，而且西蘭花好爽脆，再加埋大量魷魚鬚，係我最鍾意食嘅一碟餸至於雞肉串燒熱辣辣，配上少少辣嘅沙嗲醬，令人垂涎三尺水門雞飯地處銅鑼灣鬧市，嘢食好味之餘，價錢又合理，值得推薦#水門雞飯

成日諗起泰國嘅陽光海灘，泰國嘅美食，泰國嘅按摩，泰國嘅靚女靚仔，都好有衝動想飛返一轉。心思思諗起泰式海南雞飯，即刻就會諗起呢間水門雞，好鍾意食佢嘅雞髀雞雜油飯💕💕💕💕💕再配一個胡椒雞湯同埋秘製醬料， Yummy Yummy🌟好吃好吃👍🏻👍🏻呢間水門雞喺銅鑼灣，地點都唔難找，座位都幾多，唔使排隊排好耐。 之前去過尖沙咀嗰間，都覺得同樣出色，真係好鍾意入到餐廳，見到啲泰文，直頭好似喺泰國食緊嘢咁，好正好正。

一直都係水門雞fans~上星期五去左銅鑼灣工作, 要食個early dinner~諗都無諗就去左水門雞  本身好鍾意呢間店的泰式decoration ;) 每一間分店都唔同今次無食到出名好味又正水門雞~ 我試左一直都未有機會食到的六星鮮蟹肉炒飯 個炒飯落足料有鍋氣~有好多好大條的蟹肉 蟹肉有鮮甜海鮮味道, 加埋葱同蛋絲, 口感非常豐富, 成個炒飯有少少微辣, 十分惹味 另外, 次次食水門雞我都係會叫我最愛的泰式炒通菜, 泰式醬汁好惹味, 辣辣地, 送飯食一流;P今次仲試左泰式和牛串, 超有驚喜! 個和牛好juicy, 肉質鮮嫩, d油脂好香, 加埋個微辣醬汁, 味道層次好豐富, 好正!去食泰國菜我都會飲椰青，椰青好大個, 非常鮮甜!同埋我真心推薦佢地支水門雞飯醬, 送飯點雞食一流 ;P

來到銅鑼灣想食泰菜，但要價格親民，就會想起抵食的水門雞飯。之前在尖沙嘴分店吃過，這次銅鑼灣店座位不算很多，午飯時段坐滿人，幸好我們不用等位，很快便安排入座，這次可試其他食物了。《水門雞飯》還是不得不點，分量頗多，雞肉嫩滑，配上搭配的雞汁，雞肉味道更昇華，雞飯會有一碗湯，是胡椒湯的味道，能暖暖胃部。《冬陰雞湯金邊粉》這個冬陰湯比平時吃的冬陰湯略有不同，不算很辣，濃濃的味道，酸味比較重和突出，雞肉同樣嫩滑，旁邊伴有一片脆蝦片。《馬拉盞西蘭花炒魷魚鬚》超級濃味的小菜，西蘭花吸收了馬拉盞汁的精華，吃上來有點咸；而魷魚鬚就頗爽滑的。《泰式和牛串》燒得頗香口且淋身，點上泰式醬汁非常不錯！《凍泰式奶茶》茶底濃郁，不會很甜，味道頗特別。

水門雞飯不嬲都係我最愛，你諗下雞肉果種滑溜，非普通人能夠理解。如果呢一刻你問我最想食咩，100%答你 水門雞飯！！👇🏻📌主 食 -▪️ 水 門 雞 飯 - $54▫️ 一定係先黎個招牌「水門雞飯」，雞皮色澤清澈，滑不溜口，肉質爽滑，絕對唔乾身，連住一碗胡椒雞湯同埋秘制醬汁，簡簡單單一個油飯，整體組合非常出色，可以話係一絕！▪️ 泰 式 乾 炒 辣 牛 河 - $78▫️ 另一道「泰式乾炒辣牛河」我覺得都係必試，河粉非常粗身，質感透薄，食落果種辣係帶香果種，唔食得辣既朋友都唔洗驚，加上炒得非常乾身，唔會好油膩，牛肉亦夠哂鑊氣。📌小 食 -  ▪️ 馬 拉 盞 西 蘭 花 炒 魷 魚 鬚 - $68▫️ 仲有一道「馬拉盞西蘭花炒魷魚鬚」都係幾高質，一上枱已經聞到香，魷魚鬚同西蘭花都沾滿哂D馬拉盞醬，相當惹味，雖然係重口味，但對我黎講唔會太鹹，當然送飯就一流啦。📌飲 品 -▪️ 芒 果 冰 - $26▪️ 泰 式 奶 茶 - $22▫️ 泰國野必飲「芒果冰」同埋「泰式奶茶」，前者夠哂透心涼，入口芒果味濃郁；而奶茶奶滑茶香，兩者比例岩岩好，唔錯。

今次去咗間銅鑼灣嘅食店，心諗要來幫大家試下佢哋嘅海南雞飯同其他菜式嘅味道。首先講講個「水門半隻雞」，簡直係雞中極品，佢哋啲雞肉真係超級滑，咬一口沙律醬汁，雞肉嘅味道就更加突出！嘥氣勁爽口🐔！再嘆返碗「牛肉湯米」，湯底香醇唔油膩，牛肉滑而唔柴，牛丸又夠彈牙，啖啖肉真係過癮！而間鋪成日喺用新鮮嘅食材，對於食得健康嘅我嚟講，實在係正點。再講講個和牛串燒，火候控制得好好，和牛外焦里嫩，口感滑溜，入口即化，加欉點心嘅韭菜花，清新得嚟又多咗炸蒜嘅香氣，真係夠哂味。總結，呢家食肆保持到平民價錢同時又能提供高質素嘅菜色，真係難得一見嘅好去處，值得再去再試！食友們，記得最後加個芒果糯米甜品，芒果香甜得黎，糯米飯軟糯香口，完美收尾嘅選擇！🥭🍚🥄

希慎道蟾宮大廈地下有一家水門雞飯店，係一間唔錯嘅飯店，午餐去食多數都要排隊。今日和朋友一起去食午餐。來這裡當然係食最出名嘅水門雞雙拼飯，其中炸雞鬆化肉嫩👍🏻而水門雞嘅雞身較白，雞肉浸得剛剛好熟，我哋加咗$10要雞髀肉，覺得非常明智，水門雞嘅雞皮爽脆而肉質鮮嫩，加上特製醬汁，十分好吃。呢度嘅韭菜花好好食，佢嘅碟頭很大，只係輕輕咁灼熟咗，然後加啲豉油同埋脆蒜頭，我覺得非常之健康。我哋叫咗個鳳尾蝦炒金邊粉，四隻鳳尾蝦都幾大隻，食落鮮甜，個粉炒得乾身，酸酸甜甜，好有特色，裏面仲有雞蛋同埋豆腐卜一齊炒😋呢度嘅飲品我就覺得好有驚喜，叫咗熱蘋果雪梨茶，好清甜，裏面有紅棗、南杏、蘋果、雪梨，係健康嗰種微甜，我哋叫咗龍眼水，龍眼水一樣係微甜，有清新嘅龍眼味，所以我哋呢都好鍾意飲。最後個甜品斑蘭大菜糕，有三大件，爽爽的大菜糕口感，加了香甜嘅椰汁喺大菜糕面頭，係午餐完美嘅結束。😍見到招牌有六星鮮蟹肉炒飯，下次再嚟試吓。

泰國餐廳飲品必點，熱泰式奶茶，呢度仲可以揀多奶少奶，同埋配珍珠添！珍珠軟身煙煙韌韌，好好咬，我自己鍾意多奶，所以味道較甜，茶底香濃，小食就點咗招牌炸黃門鱔魚皮，厚身嘅魚皮特別好食，加埋特色胡椒清湯，香脆美味，我個人好鍾意厚身嘅魚皮，因為比較有口感，另外點咗沙嗲串燒三串，兩串雞肉，一串豬肉，串燒三串起計，每次都只係$14，因為佢啖啖肉而且燒得好惹味，除咗沙嗲醬，另外配有泰式酸汁，客人可以自己揀沾邊個醬汁食，我好中意個沙嗲醬因我完全唔辣而且花生醬味濃郁，主菜泰式清湯腩船麵，配河粉，湯底好香蒜味，牛腩牛筋都煮得好稔，啖啖juicy，牛筋近乎入口即融又彈牙，食咁多野埋單都只係$156，很滿足😌

應該好多人都食過佢地既雞飯，講真呢個價錢真係冇咩投訴。銅鑼灣店晚上一樣多人飯，都未計不停有外賣單。餐廳唔係賣豪裝，而係典型泰式 - 簡簡單單。水門雞飯 $54五十幾蚊既雞飯賣相靚仔，份量夠做，仲有重胡椒味嘅湯，同埋一大碟醬汁。雞肉冇骨，醬汁絕對夾到，油飯幾香，整體真係有番當地食果種似層相識既感覺。鳳尾蝦泰式金邊粉 $75炒金邊粉各種配料齊備，其中鳳尾蝦幾有誠意。金邊粉口感煙韌，有嚼勁，本身已帶辣味，所以旁邊辣粉可以不理。馬拉盞西蘭花炒魷魚鬚 $68馬拉盞多數炒通菜，但原來西蘭花更吸汁。魷魚鬚唔係小貓三四隻，有誠意。烤麵包 $1616蚊烤麵包睇價錢以為頹野，其實好正。麵包烤得香口，然後比個咖哩汁你，勁好食，千祈唔好錯過。凍泰式奶茶 $22有飲開泰式奶茶都知特別甜，呢杯反而冇咁甜，溶冰後更好飲。

想食泰國野，平平地嚟水門雞過口癮。以前去泰國好鍾意去食果兩間唔同顏色嘅海南雞飯同串燒，好有回憶。今日入到去，都係光猛簡單嘅白色裝修，不過天氣就舒服好多。QR code自助落單，嗌咗個三寶雞，有雞腎、雞肉同炸雞，會配兩隻汁同一碗湯等你冇咁乾。份量大過泰國食，雞都唔鞋嘅，炸雞肉同炸粉都冇分離，配醬汁食都好開胃。再嗌咗自選冬蔭公湯豬肉丸生牛肉金邊粉呢個價錢真係超值，好大碗，連牛肉都有4大塊…$60唔洗再嗌咗2個小食，呀媽好鍾意食嘅雞腳，同脆豬肉。雞腳正常發揮，純粹我媽喜歡🤣🤣都入味嘅，脆豬肉好大碟，又脆加上啲汁好惹味🤩一啲都唔覺油膩🤭最後唔少得甜品，芒果糯米飯，芒果唔當造，唔算好甜，但配埋好甜嘅椰汁糯米飯就啱啱好！成餐$250有找…今時今日邊道搵，好抵食！！！

成日經過都見到呢間水門雞大排長龍，今日有啲時間，我同個friend又去排埋一份先😆😆喺門口排隊，已經睇定一陣要叫啲乜嘢食😆😆門口啲玻璃貼晒Menu，方便大家可以諗定先😄😄咁必叫嘅就一定係水門雞飯啦，加咗$10 ，要轉雞髀肉，一場嚟到排隊，緊係要食最滑嘅雞髀啦😋😋水門雞飯會跟一碗冬瓜湯，清甜嘅冬瓜湯，好味！雞俾肉勁滑呀😍好好食呀😍點埋佢個汁，好開胃，個飯係好香嘅香茅味，我同朋友平時都食好少飯，而家個飯俾我哋食晒😆跟住叫左一份有3串嘅串燒雞，雞肉醃料足，入哂味，燒得啱啱好，夠juice! 會配埋個沙嗲醬同醋青瓜洋蔥😋跟住梗係唔少得嘅燒豬頸肉啦，好夠燒烤味😍配埋個少少辣嘅泰式醬汁，好match ar😋跟住叫埋佢哋嘅芒果沙冰，同埋菊花茶芒果沙冰OK嘅，菊花茶就同超市盒裝嘅無分別😄整體黎講，係銅鑼灣地區算係性價比好高嘅推介！

第一次氣到Openrice點評，如果來不及幹嘛開外賣自取！外賣平台11:40落單，12點半還未有！明明寫著11:57取餐，站門外等足半個鐘！伙計都不睬！外賣自取慎點！