水門雞飯 (蟾宮大廈)

营业中

休息中

呢間餐廳見有幾間分店應該有質素保證，所以同朋友今日行街行到攰就去銅鑼灣分店坐低✨雞骨湯碗湯重胡椒味，有冬瓜!感覺好消暑！✨菠蘿燒雞炒飯份量都幾大 ，一個男仔食都應該覺得好飽！菠蘿飯啲雞肉多嘅，不過食落似星洲炒米隻味！所以都幾得意！✨泰式豬手飯豬手飯啲飯係油飯，好重薑味！唔似得其他餐廳剩係得顏色沒有味道！豬手炆得幾軟林林充滿骨膠原！而且亦都唔會太多肥膏好似冇肉咁✨芒果糯米飯啲芒果大大嚿啖啖肉！而且亦都好新鮮沒有渣！糯米飯好軟林林！而且亦都夠多汁！✨凍泰式奶茶超級大杯，絕對對得住呢個價錢！一睇顏色就知道幾正宗！而且味道都好正宗！✨凍柚子蜜柚子蜜都好多，絕對冇慳皮！值得一讚就係呢度枱面都清潔得幾乾淨！而且服務態度都幾好！上菜速度幾快！

今日行經銅鑼灣突然覺得肚仔餓，於是同朋友誤打誤撞去左水門雞飯食dinner, 呢間餐廳聽就聽得多，印象中有好幾間分店，今次就黎試下佢。餐廳雖然麻雀雖小，五臟俱全。餐牌選擇都幾多，而且位於銅鑼灣地段黎講，價錢都唔係貴了，性價比都幾高。點完餐會有碗美味雞湯飲下，味精唔算多～另外呢度沖的泰奶好好飲，唔會太甜，而且有好濃的茶底。泰式海南雞飯～滑溜溜的雞肉，而且啖啖肉，令人食指大動！泰式辣雞絲湯河：果然係做海南雞出名，連雞絲都一樣好食，辣湯非常惹味，唔覺意連湯頭都飲埋～都只係四十零蚊，好抵食！泰式炒通菜，好有火候，份量都幾多。另外一定要提佢既泰式腩仔!第一次食到，外表炸粉一啲都唔厚，腩仔肉咬落啖啖肉，必吃推介！

水門雞飯銅鑼灣店，雞飯每天自家新鮮製作😍即使平日lunch都要大排長龍，呢到主打食曼谷水門雞飯，鋪面裝潢以鋅鐵餐桌加上泰文字樣雞檔，配上平民價錢泰式水門雞飯，體驗曼谷當地市集小食餐廳嘅地道風味！水門雞飯 $54.00 (轉雞脾+$10) 可以免費+多飯🍚份量十足! 雞湯有加入胡椒和冬瓜，與雞飯味道十分夾🤩無骨啖啖白雞肉，雞皮薄又無脂肪，雞肉滑嫩，加上醬汁有泰國小辣椒，青辣椒、醬油，微辣中帶酸甜，極富地道泰式風味，開胃十足🤤小食:脆炸雲吞 $28.00外皮酥脆，蝦肉餡爽口，配上甜辣醬汁，夠香脆熱氣😆香辣肉碎沙律 $68.00地道香辣肉碎生菜包，泰式香料十足，口感豐富，係夏日清爽沙律，帶辣味送飯一流😉甜品:芒果糯米飯$58.00厚切甜甜芒果，必點嘅飯後甜品！😋飲品:凍泰式奶茶 $22.00 獨特泰國茶香，茶味香濃，甜度適中🥤香茅特飲$20.00香茅味道清新清爽，非常適合夏天飲呀！🍹

早兩日經過tst好肚餓，同媽咪入咗水門雞飯，大家減肥唔想食咁多飯，就叫咗半隻雞、一碗黃油飯share、沙嗲雞肉同埋豬肉串燒~水門雞飯同泰國食嘅竟然無乜大分別，雞肉好滑，超重雞味，一啲都唔肥，連我唔鍾意食雞皮嘅人都食得落啲雞皮，加上啲醬汁，酸酸甜甜，係清新又好食嘅感覺，食到停唔到口。黃油飯係我最愛，好香好香，加埋啲雞都酸汁，如果唔係減肥應該會encore多兩碗。雞肉有埋雞雜，我就唔食內臟嘅，但母親大人話好香～沙嗲雞肉同豬肉串燒都好香口，燒得啱啱好，雞肉好滑，又唔會太油。相反豬肉就比較鞋口。埋單都係150蚊左右，抵食之選。

水門雞飯 銅鑼灣希慎道2-4號蟾宮大廈地下9號舖香港有好幾間食水門雞, 我上網查了一下為什麼叫這個名字, 原來在曼谷水門市場附近，就幾家非常有名海南雞飯，而食客直接稱她為『水門雞飯』。而水門雞就演化成一個出名食海南雞飯的化身名字了。水門雞飯加雞雜，附有湯湯很重胡椒味。雞很滑，油雞飯很入味，雞起了骨很滑。泰式腩仔一吃停不到, 豬表炸到很香脆, 咬下時脆卜卜響, 不僧飲像港式腩仔那麼鹹, 附上酸酸甜微辣的泰式蘸汁, 令到腩仔更可口不怕滯,做得袁出色。單雞炸雞翼也是炸得脆卜卜，$44 必點小食烤麵包是鬆軟的包，像我們香港人食開的小餐包，點椰子味satay 韭菜花, 很整齊排列好, 淋上醬#香港美食 #hkfood #hkfoodie #yummy #foodporn #delicious #cuisine #restaurant # #restaurant #水門雞飯

在銅鑼灣利園二期後街的街坊泰國餐廳，除咗開咗好多年重有好多間分店，距離地鐵站8分鐘步程， 餐廳不難尋找，因為門面有一隻雞的大招牌，相信主打就是水門雞！每次經過都很想嘗試一下，這次跟朋友來銅鑼灣，終於可以一上他們的泰式水門雞，餐廳外在環境簡約貼地，不鏽鋼餐桌帶有泰國風情的環境，開放式門面更令空氣流通，富有亞洲氣息猶如置身泰國一般的體感。我們分別點了半只水門雞，泰式辣肉碎拼生菜，芒果糯米飯。水門雞飯（半只）以半只雞的價錢尚算可以，而水門雞去骨令食客更易品嘗，水門雞配搭一碗清雞湯及秘制醬汁，醬汁令整道雞菜式生色不少，醬汁口感非常惹味！清雞湯味道偏濃，附上的冬瓜算大粒。泰式辣肉碎拼生菜喜歡吃辣的人必點，因為口感非常香辣及味道偏濃，炎熱的香港夏天沒有胃口時的確會讓人更愛吃辣，比一般餐廳的辣肉碎更加香辣，豬肉肥瘦度均勻，盡量尚算可以。芒果糯米飯每次吃泰國菜式也必點的芒果糯米飯，看下去金黃色的芒果鮮甜多汁，幾香甜，啱曬夏天享用，而糯米飯並沒有想像中這麼多份量，面層淋咗一層香濃椰汁醬，入口時暖暖的帶趙口。

遊客去到曼谷水門街必吃的當然是海南雞飯，毫無疑問在當地吃的價錢自然相當便宜。雖然價錢不同，但想在香港吃到 水門雞飯，現在銅鑼灣都有店了喔！🐔水門半隻雞 ($108) 因為不想吃飯才點這個，但之後發現水門雞飯好像更吸引。雞肉整體都很嫩滑，單吃或者稍微淡一些，配上醬汁來吃的話則很不錯。另外還配了雞雜和一碗喝起來頗鹹的湯。🥗香辣肉碎沙律 ($68) 調味很濃的肉碎，吃起來十分之辣！用來包著吃的生菜幾新鮮，很脆口。🥭芒果糯米飯 ($58) 淋上椰漿的糯米飯香甜得來頗軟糯，不過吃到最後一口發現硬成一塊的糯米飯 QAQ 芒果幾大舊而且都幾清甜。

環境4分：有梳化位，有窗枱位，有圓枱都唔迫，可以畀四分。衛生4分：地方光猛乾淨，而家仲有膠板隔開，手機落單，非常衛生。服務5分： 年輕人侍應生非常快手快腳，好有活力，上菜又夠爽手，滿分。味道5分：1)    水門雞飯轉雞脾肉加十蚊，揀咗多飯不用加錢，多飯份量應該有一點五倍，非常夠飽肚。Ｄ無骨雞啖啖肉，滑皮，肉嫩，油飯唔油膩但係有香味，超級好食。2)    雞骨湯胡椒味好濃郁，飲落有少少辣都算嘢味。3)    泰式豬頸肉好爽口，個辣汁好香。4)    泰式炒通菜非常嫩脆，Ｄ泰式馬拉盞有Ｄ辣，份量都唔少。抵食5分：沒有加一超大份量水門雞飯普通果隻都係五十幾蚊，加飯唔加錢，又有湯送，套餐型式最抵食，仲平過出面Ｄ快餐店。

夜晚嚟到銅鑼灣行街啦，之後就揾左間想食好耐嘅水門雞飯🥰我哋嗌左半隻雞啦🥳都幾大份，而且雞件好滑！仲有啲雞腸雞腎咁添 如果青瓜多幾片就更好啦🥳另外嗌左個三寶飯！佢一樣有雞雜同海南雞，特別多左炸雞嘅，食落脆口的，點埋個汁撈飯食就好正🎁一定要嗌下芒果糯米飯啦🥭🥭芒果好甜又多汁，配上糯米飯食好夾，食完十分之飽呀😽 #hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西

悶熱嘅天氣☔️係銅鑼灣搵食，又想食個平民lunch，泰國嘢可謂夏天必揀嘅菜式😝水門雞飯銅鑼灣店喺希慎道好方便，主打雞飯🍚今次揀左雙拼飯，有水門雞+炸雞$56 有埋解暑冬瓜湯，嫩口皮薄的雞肉為主角，配埋香氣十足的泰式米飯，搭配泰式醬汁，好開胃😋😋

每次去到泰國一定食嘅水門雞飯，喺香港開咗咁耐都冇食過，今日就特登去試吓，喺利舞臺行過去就近好多，位置就入少少，不過都唔算難搵～-水門雞飯 $54水門雞飯最愛就係佢個冬瓜湯咸咸地飲落去仲有啲胡椒好正啲雞就中等唔算太滑但又唔鞋雞都幾有味但點埋個酸辣汁都好惹味～啲油飯粒粒分明仲有少少煙靭感-秘汁泰式生蝦 $108生蝦啲汁好開胃酸酸辣辣咁-芒果糯米飯 $58啲芒果超好食！芒果大大隻又冇筋食落啖啖肉咁超甜又多汁🥰🥰仲可以多椰漿正呀💯-凍泰式鴛鴦 $22、凍泰式奶茶 $22係泰國既泰式奶茶一模一樣😋仲唔貴想提神可以飲鴛鴦同奶茶差唔多但多左陣咖啡味飲完即刻想去泰國🥺🥺

成日都話食水門雞飯，今次終於經過銅鑼灣食晏就去食 ， 不過人真係唔少，兩點左右都要排隊，不過等得唔耐，都係大概等咗5至10分鐘睇到個餐牌， 原來唔只有水門雞飯，仲有水門炸雞飯 結果就叫三寶飯 好有趣食水門雞飯都有三寶飯的確係冇令人失望，雞肉嫩滑、雞皮薄，炸雞脆身，雞雜分量又足，連個油飯都覺得好好食，就算淨係食油飯都可以食曬成個飯，唔會太鹹但係又有雞味冬瓜雞湯重胡椒味因為想試多幾樣嘢，另一個就叫咗冬陰功海鮮河粉， 超級多青口，食下食下數落有成六、七隻青木瓜沙律重魚露蝦味睇餐牌見到一個烤麵包16蚊，就叫黎試一試，覺得呢個包都有驚喜， 包身夠脆 ，嗰個醬係沙嗲味，覺得好正， 而且份量剛剛好，唔太多唔太少 飲品各自揀咗一個泰式奶茶同埋美祿出奇地平時覺得泰式奶茶會好甜但係飲落唔甜覺得呢個泰式奶茶超好飲整體覺得雖然要排一陣隊先食到， 都值得排既， 可以再去食過

暫時飛唔到去泰國唔緊要，估唔到有間水門雞飯同泰國既feel差唔多。今日過嚟銅鑼灣開會，無諗過附近會有間平靚正嘅水門雞，lunch time仲要排長龍等位。我地大概2點先落去，終於唔洗等長人龍。餐廳環境格局好有泰國feel，播住泰文歌用枱鐵凳。睇下食乜先，選擇好多，自己用QR code落單就最方便。。三寶雞飯乜都想食嘅我嗌個三寶飯先，入面有雞，炸雞同雞腎雞腸雞血，乜都可以食啲。。飯跟左一碗湯，呢碗湯胡椒味好濃，辣辣地好好飲。呢個薑油飯好好食！唔會好油，濃濃薑味，啲飯粒粒分明，軟硬適中！下次應該要點多飯，真的好好味😋水門雞我轉左雞髀肉，好滑唔會肥，沾汁超好食，炸雞唔會太硬，juicy的好食。清冬蔭公魚片湯清冬蔭公第一次試，都幾特別，真係冬蔭公個味😂魚片好滑，入面仲有啲海鮮菇茹，清湯好鮮甜美味。點左粉絲索晒啲湯汁，唔會太辣！泰式豬腩仔佢係整舊豬腩仔炸好，不過唔會好柴，其實有啲似港式燒腩仔，只係佢整舊都係脆脆，沾上泰醬，作為小食配啤酒一流！泰式咖啡，話梅茶話梅茶酸酸甜甜好好飲，女仔應該會中意嘅味道，因為真係好濃話梅味，夏天飲解渴消暑！未去泰國嘅朋友仔真係可以過嚟食下，價錢平民，大份又好味！

今日去咗銅鑼灣呢邊食飯，就揀咗呢一間喺近希慎嘅水門雞飯，希望試吓地道嘅泰國菜，好彩都冇令我失望，餐廳地址位於希慎道，佢喺地鐵站大概10分鐘路程，完全唔難搵、喺希慎中心對面 我哋喺下午時間到達，好彩都唔使等位，我就叫咗海南雞飯+雞髀，雞髀非常嫩滑，亦都好有雞味，咬落去完全冇好又唔開嘅感覺! 朋友就叫咗炸雞同埋海南雞飯，佢都話炸雞非常好食！之後我哋叫咗炸雞皮，每一件都非常跪！有一種去泰國夜市食嘅感覺！同埋份量都好多，起碼有10件以上！我哋仲叫咗一個泰式炒通菜，每一條都非常爽脆，再加埋辣椒同埋蒜蓉，味道配搭上嚟講非常好食！價錢亦都唔貴 最後要推介嘅食物有單骨雞翼，每一件都做得非常好食，唔會有炸得太乾嘅感覺，每一件都有肉汁，忍唔住食完一件有一件! 最後飲埋泰國嘅地道梳打水，非常配合今日嘅食物 有機會會再返嚟幫襯

今日做野做到冇晒時間，到覺肚餓時已經好晏啦，即刻要搵啲野食。同事話附近間水門雞飯好得，快靚正，所以就即刻去食。過左食飯時間，冇咩人，可以好快有位同食野。黎到更係要食雞，要左半份。 黎到幾靚，雞冇骨，皮肉分明，睇到冇咩肥膏，好放心食。 佢仲要少少雞雜跟，我就鍾意食佢既雞腎多啲，好爽，同勁滑嫩既雞肉好大對比，好夾。 佢仲要跟埋有個楜椒湯，好暖胃。睇有咩菜時竟然有韮菜花，真係好少見，比其他菜吸引多啦。 韮菜花好嫩好甜，加埋佢地自己炸既蒜蓉同秘制豉油，好好味，而且夠大碟，好難得。因為肚餓，要多個炸腩仔，都算唔錯，冇想像中油，但最後都食唔晒。第時肚餓都唔可以太睇得起自己。試左佢地既泰式凍黑咖啡，整體係ok既，但意外係佢甜既。 如果可簡稱甜就好。 不過可能係我唔飲甜先覺麻麻，味道算唔錯的。而食物真係幾好，同事冇介紹錯。