水門雞飯 (蟾宮大廈)

营业中

休息中

今日中午看完電影去這家店吃午飯。因為今天阿女生日，要求食她愛吃的海南雞飯。等了一會兒就有位入座。我們三人點了兩份海南雞，一個肉碎煎蛋飯和一個豬腩肉。第一次試呢個腩仔唔錯。肉碎飯都幾好，銅鑼灣黎講性價比好高。不過，阿女開始沒專注力要看手機，用了台上兩個餐具盒楞住。點知過了一陣，有位職員忽然過來合埋個盒，部電話就跌落檯面。有點不忿，問下另一位職員先知原來佢係經理，叫佢過黎了解下點解咁。佢話佢頭先有講唔好意思，係我地聽唔到，同埋你地唔覺得打開餐具盒楞電話好奇怪嗎？我話完全聽唔到你同我地講野，其實我地三個人都聽唔到你講嘢，亦都沒回應過什麼，點解唔可以好好講我地聽先合埋個盒呢？！算啦，好明顯佢直接認左覺得咁楞電話唔正確所以過黎閂蓋。呢一餐滿足到我女生日願望，食物素質好，廚坊都好努力，幫襯左好多次。希望其他食客唔會比呢個唔想溝通好無禮貌仲既員工影響啦。

想念泰國但冇時間飛,唯有食水門雞飯止一下思念之情水門雙拼雞飯好細心，有得特別要求脾/胸好多人唔鍾意食胸但係個人偏愛鍾意食雞胸,啖啖肉，有得揀胸非常開心水門雞嫩滑唔係鞋口，另外一定要食皮！爽滑而不肥炸雞雖然唔似即叫即炸，但係依然保持外脆內嫩胡椒冬瓜湯，好重胡椒味食泰國嘢一定要食泰式鳳爪！酸酸中帶少辣好開胃，食完仲想食多D野串燒即叫即燒，又唔會燒得太乾配上沙爹汁超惹味班蘭大菜糕一層班蘭軟綿綿配上一層大菜糕爽口加上花奶,肥仔之選😁

水門雞飯而家開咗幾間分店，但係今日第一次去試，地點唔喺銅鑼灣鬧市中心，反而揀咗喺利舞臺嘅後邊，人流唔會太多，但係靜中帶旺。六點幾去到，好彩仲未需要排隊，但係已經坐咗七八成人，都算幾旺場。用電話落單嘅，叫左：水門雙拼雞飯($56): 係水門雞拼炸雞，會有埋雞湯跟餐。分量望上去唔算太多，但係同行男伴都覺得啱啱好，上第一題電子落單嘅時候可以揀少飯或者多飯。炸雞即炸嘅，炸漿算薄，食落去都多汁。招牌水門雞當然出色，雞皮薄之餘雞肉都好嫩滑。配埋雞醬，感覺辣辣地更加惹味。香葉辣肉碎煎蛋飯($62): 同樣都係可以自選辣度，自己揀咗小辣同埋全熟蛋。識落真係剛剛好，又唔會冇辣味，反而少少辣更加惹味，自己好鍾意呢一種泰式辣。全熟蛋點雞醬幾好食，配埋油飯就更加邪惡啦。雞肉串燒/豬肉串燒($14@): 要叫三串以上，可以百搭嘅。攤銷未配埋沙嗲醬真係永恆嘅配搭，冇得輸。一串大概有四舊左右，可以接受。韭菜花($36): 食咗好多味道重嘅嘢，所以想叫啲清清地嘅咁啱見到有韭菜花，所以就即刻嗌咗，相比起其他菜類應該比較健康，而且份量好多！簡單用豉油調味就可以。韭菜花好亂，唔會食到有骨。香茅特飲($20): 同其他餸一樣

水門雞飯我諗香港人一定會聽過，基本上18區黎講，總有一間係左近，雖然我都係第一次食，但我對海南雞飯非常執著，收到風上年係銅鑼灣新開分店，要食得正宗，非水門雞店不可！👇🏻📌主 食 - ▪️ 水 門 雞 飯 - $54(+10)▫️ 黎得呢間一定要走唔甩「水門雞飯」咖啦，我識歎少少，轉埋雞脾肉，食落皮爽肉滑，配搭鮮香油飯同埋雞湯，誠意十足；配搭佢地泰式辣醬，濃香惹味，我幾鍾意佢個雞湯，夠哂鮮味，呢個價錢整體性價比高。▪️ 海 鮮 冬 陰 公 湯 - $60▫️ 第二樣又係必試「海鮮冬陰公湯」，海鮮夠哂足料，一次過食勻魷魚、青口、大蝦，樣樣野都相當新鮮鮮甜；河粉質感滑嘟嘟，好爽彈，加上吸收哂湯底精華，非常惹味。📌小 食 - ▪️ 脆 炸 雲 吞 - $28▪️ 泰 式 腩 仔 - $52▫️ 小食亦有驚喜，先黎個「脆炸雲吞」，即叫即炸，入口索索聲，好爽脆；「泰式腩仔」炸到個皮夠脆口，油香十足，配搭酸辣醬，味道岩岩好。📌飲 品 - ▪️ 泰 式 奶 茶 - $22▫️ 嗌埋呢杯最地道既「泰式奶茶」，味道絕對夠正宗，奶香幼滑，值得一試。

水門雞飯已經唔係第一次食，佢又平又keep到水準，裝修真係好有泰國小店feel，幾有風味。三寶飯三寶飯可以滿足曬三個願望，可以試曬雞雜，水門雞同埋炸雞 。雞腸又幾好食喎，脆脆地既口感，又帶有油脂香。原隻燒魷魚兩串好好大條，上枱已經聞到燒魷魚香味 ，但佢入邊都好濕潤一啲都唔乾，仲可以配上佢香辣嘅醬汁 。芒果糯米飯芒果粒粒都幾大粒，同埋夠新鮮 ，糯米飯就正常發揮。凍泰式奶茶（加珍珠）個人十分推介呢個泰式奶茶加珍珠 ，本身嗰個泰式奶茶都幾正宗，飲到茶嘅香氣，珍珠嘅口感就偏軟，都幾夾泰茶嘅味道 。芒果冰芒果嘅味道都幾濃郁，食完辣嘢飲呢個就啱晒。

最近周圍都見到有水門雞飯店， 開到成行成市， 一定有佢嘅原因， 今日拉埋honey去試 ，睇下佢有乜嘢過人之處 。🤓原來水門雞飯呢個名， 係出自泰國曼谷水門市場， 嗰度嘅海南雞非常出名受歡迎， 引入香港後都用返水門雞飯呢個名， 個招牌好醒目， 綠色嘅靚雞一隻。 今日兩點去到餐廳， 門口排曬長龍， 真係估唔到咁受歡迎， 一場嚟到都要排啦， 好彩唔使等好耐， 食好嘢梗係要有少少代價。👌 只要好味， 等耐啲都冇所謂。 餐廳用數碼點餐， 我哋慕名而來， 當然要食水門雞飯轉雞髀， 加十蚊。 雞飯好快送到， 啲雞肉係白色 ，有別於其他舖頭嘅黃色海南雞 ，皮薄肉嫩 ，一舊舊精瑩通透， 睇落去係好新鮮， 絕對引起人嘅食慾， 水門雞已經起曬骨 ，淨係有皮同肉， 原來啲雞皮都好好食， 好爽脆鮮嫩， 千祈唔好揼咗啲皮。 碟醬汁都係亮點， 泰式特製嘅醬汁， 鮮辣味極和諧， 點雞食真係一流。 碟飯仲有兩塊好新鮮爽脆嘅青瓜， 點啲泰式醬汁， 簡直精神一陣 ，非常美味， 油飯都好好味， 可惜今日啲飯有啲硬， 我食慣軟飯冇辦法。🤣🤣 我哋又叫咗碟肉碎芥蘭苗 ，青青綠綠， 溝埋啲肉碎食 ，健康滋味。 兩碟飯同埋菜好快食

由幾年前一開業後已經keep住幫襯！果陣係尖沙咀要大排長龍～但每次經過都想食！係銅鑼灣哩間都保持住咁好味嘅水門雞飯😋😋😋😋😋😋😋😋😋😋😋😋😋😋舖頭入邊有大象🐘掛畫，超級可愛啊！！！！！！！😍😍😍😍碗🥣湯好辣，飲完個人好㷫好正！睇相都流哂口水！最鍾意佢啲雞夠滑，同出邊食嘅唔同，雞皮唔會太厚太肥太靭！不過個雞油飯唔夠香，如果可以再香啲就好。有食過海南雞油飯，淨係碗飯都可以食兩碗。呢度嘅其他小食，例如串燒或者炒菜都好食，不過今次冇影相。

之前見到lucy去左食，已經想試好耐，叫左個水門雞飯，個雞係幾滑，配埋個汁，正👍🏻👍🏻 d飯一粒粒，幾好食😂😂，跟埋個湯，好重胡椒味個pad thai就正常，酸酸甜甜，不過唔好撈曬d辣粉，會好辣😂😂😂 同埋唔知點解好多pad thai通常都會原條䓤上，究竟係比人剪粒食，定原條食？😂😂😂串燒要叫三串起，有豬同雞揀，燒到偏乾，不過點埋個醬，都okay😂😂不過d野食份量偏小，之後再叫多個牛丸生牛肉船麵，個牛肉好淋，牛丸幾有牛味，幾好食

水門雞飯是可以選擇食，但叫咗杯菠蘿冰有啲嚇人，無見過咁嘅颜色，是否落了顏色？😨希望唔係啦，嘩！一飲😖杯嘢好x難飲！本想食船麵，見到食平麻麻地，見寫水門雞好咪嚟試🙄

📍水門雞飯 𝑾𝒂𝒕𝒆𝒓𝑮𝒂𝒕𝒆 𝑪𝒉𝒊𝒄𝒌𝒆𝒏 𝑹𝒊𝒄𝒆 🧭 銅鑼灣希慎道2-4號蟾宮大廈地下9號鋪💰人均消費: $90🛵運費: $24外賣見#水門雞飯 @watergate_chickenrice 好似好抵食所以試下 😍⭐️水門雙拼雞飯 $64𝑲𝑴𝑮 𝑷𝒐𝒂𝒄𝒉𝒆𝒅 𝒂𝒏𝒅 𝑫𝒆𝒆𝒑 𝑭𝒓𝒊𝒆𝒅 𝑪𝒉𝒊𝒄𝒌𝒆𝒏 𝒘𝒊𝒕𝒉 𝑪𝒉𝒊𝒄𝒌𝒆𝒏 𝑹𝒊𝒄𝒆佢有兩款雞，一款水門雞，一款炸雞！水門雞肉唔肥而且好滑，雞味不算濃，點泰式辣汁好好味！炸雞濃味香口，蘸糖醋汁出奇地夾個油飯好香又唔膩，個湯係冬瓜湯，好清但又有好香胡椒味！份量又足，性價比好高！#MFJ銅鑼灣 #MFJ泰國菜#mfoodjournal #foodie #hkfoodie #foodblog #hkfoodblog #thaifood #thaicuisine #相機食先 #灣仔美食 #泰國菜

今日同同事黎到cwb 食lunch 大約12:20 左右到 已經排緊隊 可見幾多人食 大約等左15 分鐘入得 前菜：冬瓜清湯（跟飯）胡椒味太濃 減少少比較好主菜：水門雞併炸雞飯 雞胸本人從小就鐘意食泰國既海南雞飯 呢間我敢講可以去到8/9 成係泰國食既水門雞飯 雞肉嫩滑 雞油飯用左蒜頭一齊煲 然醬油都調得剛好 炸雞部份就普通 主打水門雞 份量足夠飲品：泰式奶茶要散叫冇餐 雖然唔平 但好大杯 而且味道同泰國街邊好相似 反而冇咁甜 仲好整體非常滿意 加埋飲品先$78 好抵

#foodchaser_hk📌同區美食#foodchaserhkcausewaybay📌同類餐廳#foodchaserhkrestaurant📌同款美食#foodchaserhkthai✨✨✨✨✨✨✨✨✨📍銅鑼灣 水門雞飯🥳🥳🥳今次帶大家遊泰國🇹🇭✈️✈️✈️唔洗飛去泰國都有得食水門雞飯🐔🐔🍚🥰價錢親民✨唔洗去曼谷，都食到嗰種風味🥰😋✨✨✨✨✨✨✨✨✨🍽 水門雞飯 $54有泰式秘方😋，加上泰國直送嘅香料🥰，食落好味道👍🏻👍🏻雖然個湯比較重胡椒味，但啖啖雞肉食落油份唔算多，雞肉份量足夠🫶🏻🤍🤍🍽 魚片金邊粉牛肉湯麵 $38CP值高‼️魚片份量多，金邊粉份量更多，最後食唔晒啲金邊粉😹🤣如果想食得清少少，冇咁重口味嘅就好啱你🥰🥰🍽 泰式奶茶（凍） $22呢間泰式奶茶除咗甜之外，仲有茶香✨✨✨✨✨✨✨✨✨✨✨食物味道：⭐️⭐️⭐️⭐️⭐️打卡指數：⭐️⭐️⭐️⭐️服務環境：⭐️⭐️⭐️⭐️📍水門雞飯 (銅鑼灣)店舖地址：銅鑼灣希慎道2-4號蟾宮大廈地下9號舖營業時間：星期一至日 1130-2200查詢/預約電話：23828893服務費：🙅🏻‍♀️🙅🏻‍♀️🙅🏻‍♀️**最新營業時間改動建議各位foodchasers出發前主動向店主查

嚟到水門雞飯又好想食佢哋個招牌雞飯，又想食炸雞飯，所以最後決定食埋佢哋嘅雞腎同血，所以決定要個三寶飯本身個雞就已經好嫩唔肥有少少咸香🥰配埋雞汁帶出埋甜味另外炸雞皮薄雞厚唔過火👍🏻雞腎同血就正常😝雞油飯香且乾身，唔會濕到一patpat就咁食已經覺得好好食，如果加埋雞汁就1000分👍🏻配埋一碗冬瓜雞湯以前食水門雞飯嘅時候好似未發展到咁多種類嘅食物，而家就連冬陰功都有得食其實呢個唔係單純嘅冬陰功湯，佢係一個冬陰功湯底嘅麵，你可以選擇金邊粉或者河粉唔好睇小呢個冬陰功湯好似好淺色咁但其實佢嘅後勁好勁🤣辣到小飛起🤣🤣同埋佢嘅冬陰功唔係平時嗰種椰奶冬陰功，所以飲落去感覺清爽啲呢度嘅泰式豬手飯係有心思的！一般嘅泰式豬手飯係只得滷水味，但呢度嘅有辣味嘅滷水🥰🥰令到口味唔係咁單一同埋啱晒鍾意辣嘅我🥰🥰🥰豬手清潔得好乾淨！豬皮好滑好香好軟綿💕好好味😋 再配埋柸泰奶🥰🥰🥰🥰🥰 今餐滿足晒💕😋

海南雞就成日都食到，但正宗嘅泰式水門雞唔係度度都有！呢間小店主打水門雞飯，已經有幾間分店，菜式仲有啲泰式船麵同埋小食，足料又抵食！------------------------------◖水門雞飯◗ $54落單嘅時候可以揀要雞胸定雞髀，今次揀咗雞胸，肉質都好嫩滑；佢個醬汁酸甜微辣，用黎點雞肉食好醒胃！ ◖冬陰功雞絲生牛肉湯粉◗ $56呢個係自己散叫嘅船麵，先揀咗湯底再揀餸。揀咗冬陰功湯（$44），然後蛋麵底，包咗一個餸，可以自己加$12要多一個餸，今次試佢個雞絲同生牛肉！冬陰功湯唔算太辣，可以根據自己喜好，落返花生碎、辣椒碎同埋佢嘅秘製醋汁；佢嘅蛋麵係闊身，比較爽口！ ◖馬拉盞西蘭花炒魷魚鬚◗ $68呢碟都幾大份，有好多魷魚鬚！西蘭花同魷魚鬚都炒得好入味，好均勻咁沾上馬拉盞，食落味道幾辣下！落單嘅時候仲要可以揀少油、少鹽，感覺更健康！ ◖熱泰式鴛鴦◗ $22用咗泰茶底嚟沖嘅鴛鴦，帶一種獨特嘅香味，飲落去一啲苦澀味都冇，微甜好smooth～ 🌟Encore指數：8.5/10

🌃水門雞飯終於喺港島區開分店喇， 選址係銅鑼灣， 鄰近於銅鑼灣港鐵站A出口， 裝修同其他分店相似，依舊有泰國地道風味， 好有泰國熟食市場嘅感覺，餐廳主打泰式地道菜。.🐔 水門雞三寶飯(轉雞髀)💲 64+10👉 呢一個係必食，可以食齊招牌雞嘅款式， 小編將水門雞件轉了雞髀肉， 雞髀肉十分嫩滑，炸雞炸得金黃香脆，仲有口感彈牙嘅雞腎、雞腸同埋豬紅，而飯係採用雞油飯，食落幾香。.🐄 香辣牛脷飯餐💲 58👉 香辣牛脷採用免冶方式呈上， 觀感上有啲似香葉肉碎飯🤣， 不過今次不過係採用牛脷，食到幾濃嘅牛味， 可惜食落分不出是什麼部位，係一個幾創新嘅嘗試，用黎拌飯好開胃。.🍖 炸雞皮💲 20👉 估唔到廿蚊一碟都幾有驚喜， 炸雞皮炸得好香脆，油脂感滿滿， 如果沾湯食會更加出色。.🍞 烤麵包💲 16👉 看似一個平平無奇嘅烤麵包， 個靈魂在於沙嗲醬， 就會變成十分美味嘅民間小食。.👉 最後小編叫了一杯凍泰式奶茶、 菠蘿冰、 同埋雞骨湯， 泰式奶茶嘅茶味幾醇厚，同泰國飲嘅分別不大， 而菠蘿冰酸酸甜甜好解渴，而雞骨湯加上了冬瓜，都係清熱解渴嘅湯水，為呢一餐美食作一個完美嘅作結。.📍 水門雞飯灣仔希慎道2-4號蟾