水門雞飯 (蟾宮大廈)

营业中

休息中

之前的茶餐廳轉咗買雞飯。沒有太大裝修，用不銹鋼枱櫈，方便打理。可能同一般泰國海南雞做法唔同，雞肉質雖然嫩，但唔夠滑，雞皮唔爽。送雞腎同鴨血，普普通通。豬手淋夠入味，豬皮滑、唔膩。個人覺得好食過雞。半隻雞、豬手飯都送咸咸哋少少辣的例湯似炸豬扒，有少少肥肉；不過炸得乾咗少少，要靠個醬汁濕潤返。這碟雞腳有深淺色，應該唔同時間制作，但味道差唔多，勝在夠淋，餸飯或酒都好。各款食物的質素唔太差，價錢合理，在銅鑼灣返工的人有多一個選擇😀

水門雞飯終於開到嚟銅鑼灣啦🐣！之前試過尖沙咀分店覺得唔錯，所以去左試下但真係好多人等，排左接近20分鐘先有位😖個日食左：🐔水門雙拼雞飯($56)本身想叫三寶飯但好不幸咁無曬雞雜😞所以轉左叫雙拼。水門雞雖然幾嫰唔鞋，但味道好淡冇咩雞肉味。反而炸雞比想像中更好食，炸皮好鬆脆，完全唔會過厚又唔油，雞肉仲係好juicy，比水門雞好味得多👍🏻油飯都做得好好，好有油香，飯粒亦較軟身，不過如果可以更多飯就好了🍚雙拼飯會跟雞骨湯同兩種醬，雞骨湯既胡椒粉落得有啲太重手，所以只飲到胡椒味🥵。水門雞飯醬似醬油膏，味道偏甜，自己就覺得麻麻地了。但係炸雞醬就酸酸甜甜咁，帶少少辣，同炸雞好夾食落好惹味，結果兩種雞都點曬呢個醬嚟食😂🥤香茅特飲($20)呢杯野飲每次都必點，有成支香茅係入面，飲落香茅味都幾出，仲帶有少少檸檬味，味道清新份量又大杯，鐘意香茅味必試💕

有冇人好似我一樣 好中意去泰國旅行 周圍掃街又鍾意坐係啲環境一般般但係食物質素好高既街邊檔呢 推介大家試下依間係銅鑼灣嘅水門雞飯🍗今次終於係銅鑼灣精選，星期日既夜晚八點黎食排隊堂食都等左差唔多10分鐘🥸舖面坐嘅位置都算寬躺 無泰國嗰啲咁地踎叫左食物大概需要等大概5分鐘時間就上菜✊🏻牛肉湯牛丸生牛肉湯米$50首先講佢似唔似泰國我食過嘅船面先，係唔似既，不過佢就無咁重口味，我覺得這個湯底是比較適合香港人嘅口味！水門雞飯$54可能我本身期望太高，真係唔知泰國食到嘅綠色衫同粉紅色衫雞飯(去過既朋友仔就會明)，佢係一個好食嘅雞飯，雞味非常夠，醬汁方面就欠缺泰式風味，但總括然而，都係一個合格嘅雞飯。整體嚟講我想想食返泰國口味，就不太建議大家去試，但係性價比極高，適合銅鑼灣嘅上班族去一試！5分滿分💛味道 4環境 3.5服務 3性價比 4.5

🎈水門雞飯身邊好多朋友飛泰國，好羨慕🤤好彩香港都有水門雞飯，味道正宗，餐廳裝修亦充滿泰國地道風情，可以暫時止一止癮🎈水門雙拼雞飯 $56雙拼雞飯有滑雞同炸雞無骨雞肉幾嫩滑，雞皮唔會有肥膏，可以放心大啖食🤤配埋自家製醬汁，咸香得嚟帶點香辣🥢炸雞嘅炸粉唔會太厚，食落幾香口加上酸甜醬幾惹味🍗跟餐仲有一碗湯，好香胡椒味，仲有冬瓜添，清清哋幾好味🎈冬蔭雞湯河粉 熱辣辣嘅冬蔭湯河就最啱冬天啦湯底帶有雞湯香味，辣度屬bb辣，唔食開辣嘅朋友都接受到配料有嫩滑嘅雞肉同草菇，用上粗身河粉頗為索湯🎈豬肉串燒 雞肉串燒串燒有雞肉或豬肉，配有白醋汁同香濃沙爹醬想清新啲可以點香醋汁，酸酸甜甜頗為解膩，而沙爹汁質地濃厚，夠晒惹味✨🎈泰式奶茶泰式奶茶有種獨特嘅茶香，口感順滑唔會澀口，係正宗嘅泰國風味🤤

人氣泰式水門雞飯最新分店位於喺銅鑼灣希慎道，住港島嘅朋友可以更方便享受地道泰式風味🥳 銅鑼灣店裝潢同其他幾間分店相似，牆壁上寫滿泰文好有泰國feel😚🇹🇭食物選擇一如以往咁豐富，除左招牌水門雞飯、炒粉、船麵、串燒、甜品之外，新店仲推出香辣牛脷飯、香辣牛脷生菜包，連火鍋都有🔥🍲 推介一下其中幾款食物☺️: 🔸•鳳尾蝦炒金邊粉 $75Pad thai係我最鍾意嘅泰國菜式🧡 呢度嘅炒金邊粉賣相好吸引, 有四隻蝦喺面🦐🦐🦐🦐 金邊粉炒得乾身又惹味，唔錯🔥🔸•泰式腩仔 $52外層炸得香脆，腩肉肥瘦適中🐖 非常香口🤤🔸•水門雞飯•$54去水門雞飯點都會叫個雞飯🐓 雞飯附送例湯一碗🥣 油飯香而乾身；雞肉脂肪唔多但都算嫩滑，仲可以+$10轉雞髀🍗 🔸•水門三寶雞飯 $64三寶雞包括招牌水門雞、炸雞、雞腎、雞腸同雞紅🐔🐓🐥 炸雞好香口🤤👍🏻🔸•牛肉湯牛丸生牛肉湯米 $50船麵湯底濃郁🤎 好大碗好足料👍🏻🔸•鮮檸梳打$22每次幫襯一定會叫鮮檸梳打，可以走甜，好清爽又解膩🍋❄️🥰🔸•椰青•$38呢度嘅椰青新鮮又大個，爽😚🧊整體真係平靚正，推介❤️

今日去到@銅鑼灣嘅水門海南雞飯！水門雞飯$54我一直都比較鍾意食泰式海南雞飯，雖然係鞋少少，但勝在醬汁夠好味！呢度嘅海南雞飯都係用鐵碟裝住，真係好似返咗去曼谷咁！水門炸雞$50好想去同朋友一齊嚟，我哋一人一個雞飯，朋友就揀咗炸雞飯，感覺好酥脆，而且點埋佢酸酸甜甜嘅醬汁，十分之開胃！串燒我同朋友都嗌咗雞肉同埋牛肉串燒，傳銷係即叫即燒，點上佢嘅肥仔醬汁，真係令人食指大動！香辣鳳爪沙律作為頭盤，呢個鳳爪沙律絕對唔失色！鳳爪係已經去好晒骨，所以食落去好滋味！而且酸酸辣辣嘅木瓜，真係好有亞熱帶風情嘅開胃感覺凍泰式奶茶呢度嘅奶茶唔會太甜，但亦都冇港式奶茶嘅苦澀味！——————為食分界線——————📍 水門雞飯灣仔希慎道2-4號蟾宮大廈地下9號舖推介指數 🤰🤰🤰🤰🤰(5/5)好味指數 🤰🤰🤰🤰🤰(5/5)抵食指數 🤰🤰🤰🤰🤰(5/5)環境推介 🤰🤰🤰🤰🤰(5/5)人均消費： $80#mariofatfat #hkfoodie #Foodie #為食馬利奧 #hkrestaurant #topcitybiteshk #topcitybites #hongkongfood #hk #hongkong #

幫襯水門雞，但我通常都唔叫雞，而係食佢個泰式豬手飯。呢個泰式豬手，炆得勁稔，稔到豬皮豬肉一夾就分離，幾乎可以當兩樣餸食。尤其豬皮部分，軟滑起膠，肥而不膩，越食越想食，十足田中寧寧，係肥㗎，一般嚟講唔啱食，但試過之後不自覺回味。呢個泰式豬手，帶有少少辣味，對於我呢啲唔食得辣嘅人來講都可以接受。其實跟餐仲有一個醬汁，但個豬手本身已經好入味，再點醬嘅話有少少過猶不及。值得一提嘅係，呢間餐廳嘅飯，全部都係雞油蒸飯，唔使餸、齋食飯都好好味。👍🏾美中不足嘅係，每個餐都會跟一個胡椒味相當重嘅湯，呢個湯都幾唔錯，可惜每次都係得半碗，俾人感覺唔夠大器。

💥水門雞飯開到黎銅鑼灣啦📍水門雞飯｜銅鑼灣📍人均消費 $ 8 X#CL銅鑼灣 #CL四圍食 #CL泰國野 ⚪️⚪️⚪️⚪️⚪️⚪️⚪️⚪️⚪️⚪️LUNCH TIME 超誇張，堂食外賣都排哂長龍呀🤓外賣快啲就外賣啦😌叫左水門雞飯，另外加左炒通菜👍🏻兩樣都超正，啲雞好滑～雞胸都唔痴牙😍只係個飯略嫌唔夠香不過自然健康啲嘅，個冬瓜湯帶胡椒味，飲完信身暖哂👍🏻散叫既通菜都幾多，熱辣辣應該都係即炒嘅👅嫩口之餘唔會太辣😀🤟🏻不負責任點評好味道🌕🌕🌕🌕🌕🌕🌕🌑🌑🌑性價比🌕🌕🌕🌕🌕🌕🌕🌑🌑🌑回頭率🌕🌕🌕🌕🌕🌕🌖🌑🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️

嚟銅鑼灣 Shopping，行到攰攰哋又有少少肚餓，想搵間餐廳坐低食啲嘢。行經希慎道，見路口位新開左間「水門雞飯」，反正未諗到食乜嘢，就一於入去試吓。餐牌選項好豐富，除左招牌水門雞外，仲有沙律、泰式生蝦、炒粉、撈麵、船河、串燒、小食、甜品等，花款多不勝數，令人目不暇給。餐廳主打泰式雞飯，一場嚟到，當然要試下。我哋點左水門雞飯，一客串燒，烤麵包，另外再加左碟芥蘭苗同甜品。水門雞飯 ($54) (轉雞髀+$10)  雞飯大大碟，送上時還附有例湯一碗。例湯係冬瓜湯，以碗盛載，湯內有冬瓜一件，入口胡椒味很強烈，飲完成身暖笠笠。雞髀已起骨，肉質好滑溜，皮薄肉嫩，入口脂肪不多，啖啖肉，點埋個醬汁食，好滋味。油飯水準亦唔錯，雞油滲透飯內，食起嚟特別香口。另外呢度嘅串燒都幾抵食，價錢唔貴，只係 $14 串，不過就要 3 串起，可合併。本來想點豬肉同雞肉各 2 串，可惜雞肉已售罄，幸好豬肉串燒 ($42)  味道亦不俗，食落肉厚多汁，配上沙嗲醬，超惹味。至於客烤麵包 ($16)  味道亦一流，用上衛星包炮製，而且燒得幾靚仔，入口外脆內軟，沾上微甜的沙嗲汁，令人吃不停口！馬拉盞肉醬芥蘭苗 ($46)，芥蘭

水門雞飯 (銅鑼灣)📍銅鑼灣希慎道2-4號蟾宮大廈地下9號舖水門雞飯平時喺九龍區都有食開原來最近已經開咗過嚟銅鑼灣夜晚帶朋友嚟食個飯👫🏻🍜泰式清湯腩船粉$50+魚蛋$12清湯腩轉左金邊粉上枱嘅時候已經聞到湯底嘅香味 好濃嘅骨香啲清湯腩好有驚喜 件件都好靚 肥瘦分明肉味又濃郁 除咗肉位 仲有筋位金邊粉又滑 值得一試🦑原隻燒魷魚$45一份有兩隻 估唔到咁大隻 幾有睇頭燒到好香 肉質爽口彈牙配埋自家制嘅辣椒醬好惹味🌶🐥胡椒單骨雞翼$44泰國街頭必點小食之一 炸得好香脆而且單骨雞翼特別容易食 好快已經食晒一碟😍🧋泰式奶茶$22食泰國嘢點少得杯泰國奶茶茶底十分之香濃 啲奶又好滑真係覺得自己去咗泰國食飯咁🍋鮮檸梳打$22另外點多咗杯鮮檸梳打用咗泰國梳打水 加埋青檸 特別解油膩

在銅鑼灣十分有名的一間食雞專門店🐓今日終於有機會試一試🤩呢間餐廳在晚上要預留一些時間去排隊，因為基本上是滿座的，要堂食的話就要等一等😂餐牌的選擇很多，原本想點一個三拼雞飯，不過卻因為沒有雞雜，最終只能點一個雙拼雞飯（$56），另外加$10可以轉為雞髀肉😋雞肉十分嫩滑，配上醬料味道一流，還有一個例湯送；炸雞層次分明，外脆內軟，值得比個Like👍🏻好味指數：9/10性價比指數：9/10

📍#水門雞飯 #銅鑼灣🏆水門雙拼雞飯(轉雞髀)(8/10)水門雞髀🍗非常嫩滑juicy，女生連雞皮食都唔會覺肥膩😆 炸雞🐔唔算厚粉，有脆口感。唔好以為雞飯🍚冇乜顏色會冇味，食落係好有雞油香🤩 雙併有2隻醬，紅色果款係甜酸醬，好惹味！另外黑色嗰款相信係店舖嘅秘製醬汁😋 仲有個冬瓜雞湯，濃濃嘅胡椒味好有🇹🇭泰國正宗水門雞嘅回憶啊☺️ 今日雞雜賣曬，有啲可惜。希望下次可以試埋！個人覺得雙併好抵食，兩款雞嘅份量都好多😎👍🏻⭐️水門雞飯⭐️銅鑼灣希慎道2-4號蟾宮大廈地下9號舖

每次到泰國必食的水門雞飯， 銅鑼灣都有分店了，位於灣仔希慎道2-4號蟾宮大廈地下9號舖。 店內裝修懷舊風格，平日中午時段都好多客人。餐廳主打泰式雞飯， 還有麵類和小食。午餐 ～ 水門雞飯$54、 水門撈麵$58、 豬肉串燒(兩串) $28、 雞肉串燒$14、凍泰式奶茶(兩杯) $44。 🔸水門雞飯🍛 ～ 雞肉的皮又薄又爽， 海南雞已起骨，食落啖啖肉， 配上醬汁一起吃，肉質嫩滑又惹味。 油飯非常香， 軟硬適中， 雞骨湯有濃濃的胡椒味， 加入清甜的冬瓜， 一啖飯一啖湯，好正。 🔸水門撈麵🍜 ～ 有入味的雞腳、 香滑的鴨血和口感軟腍，膠質豐富的豬手，撈麵味道夠濃， 估唔到撈麵都做得幾出色。 🔸豬肉串燒＆雞肉串燒🍢 ～ $14一串，好抵食， 燒得又香，配上惹味濃郁的沙嗲醬，好滋味。 🔸凍泰式奶茶🥤 ～ 每次必點的泰式奶茶，香濃滑順的口感，味道正宗。 雖然現在已經開關可以隨時到泰國食水門雞飯， 但個人感覺香港的水門雞飯更加好味😋。🏷️溫馨提示～ 整個用餐體驗均屬個人分享意見， 只作參考😊。

第一次係香港食係尖咀跟住再食過旺角分店，宜家開到黎港島區仲要係銅鑼灣近利園超級方便～下晝兩三點相對冇咁多人 起碼唔洗大排長龍🙈 水門雞飯($54) 必點 雞肉夠滑油飯好香 配埋個秘制醬一流👍🏻 起碼每一檯至少都有一碟呢個！另外朋友揀左泰式豬手飯 ($52) 豬手燜得好軟淋超入味 Q彈補充骨膠原，旁邊仲有少少個醬汁撈泰國香米好正🤤我地仲點左個新菜式試下 香辣牛脷生菜包 ($65) 限時優惠仲送一杯飲品 叫左凍泰式鴛鴦～ 一開頭食仲覺得好香辣好惹味 點知越食越辣 原來係因為落左指天椒炒🌶️ 辣到搞唔掂唯有叫多杯芒果沙冰($26)解辣⋯ 大家唔係好食得辣既記住問下店員可以減少辣椒份量哈哈！

以前係九龍區番工已經成日幫襯「水門雞飯」，原來不知不覺佢地已經進軍埋港島區，係銅鑼灣開咗新店🤩 以前都係食午市，原來晚市小炒都好出色👍🏻《 水門三寶雞飯 》 $64 4.5 / 5 呢個飯有齊白雞，炸雞，雞腎雞腸同雞紅🤯直頭係「曬你冷」嘅豪華陣容🤪招牌雞肉鮮味嫩滑，點埋秘制汁醬仲惹味😝雞內臟食得出係用靚雞湯熬煮過，完全辟哂內臟嘅羶味，原汁原味😚性價比一流👍🏻《 馬拉盞西蘭花炒魷魚鬚 》 $68 4.5 / 5 西蘭花經馬拉盞醬爆炒過後，香辣味滲哂入去之餘竟然仲保持到爽口，不得不讚廚師炒功一流，而且好有鑊氣👏🏻 魷魚鬚份量十足，撈埋醬汁惹味又脆口，餸飯一流😛🍚《 泰式清湯腩船河 》 $50 4 / 5除左海南雞，哩度嘅清湯腩亦好受歡迎😆 湯頭香濃而清爽，唔會太鹹或油；而牛腩大舊，肥瘦適中，仲食到一、兩舊牛筋😋 河粉比平時食到嘅闊身，更有厚度同咬口👍🏻《 烤麵包 》 $16 4 / 5香烤麵包配搭沙嗲醬🤤 兩邊都烤到啡黃色，外脆內鬆軟，點埋醬食更惹味👍🏻《 凍泰式奶茶 》 $22 4 / 5雖然無得嗌少甜但甜度都好港式化，大杯抵飲！