水門雞飯 (蟾宮大廈)

营业中

休息中

幫襯水門雞，但我通常都唔叫雞，而係食佢個泰式豬手飯。呢個泰式豬手，炆得勁稔，稔到豬皮豬肉一夾就分離，幾乎可以當兩樣餸食。尤其豬皮部分，軟滑起膠，肥而不膩，越食越想食，十足田中寧寧，係肥㗎，一般嚟講唔啱食，但試過之後不自覺回味。呢個泰式豬手，帶有少少辣味，對於我呢啲唔食得辣嘅人來講都可以接受。其實跟餐仲有一個醬汁，但個豬手本身已經好入味，再點醬嘅話有少少過猶不及。值得一提嘅係，呢間餐廳嘅飯，全部都係雞油蒸飯，唔使餸、齋食飯都好好味。👍🏾美中不足嘅係，每個餐都會跟一個胡椒味相當重嘅湯，呢個湯都幾唔錯，可惜每次都係得半碗，俾人感覺唔夠大器。