水門雞飯 (蟾宮大廈)

早幾日去咗銅鑼灣「水門雞飯」食晚飯，呢間餐廳主打泰式風味，裝修都有啲心思，用咗好多泰式元素嘅裝飾，坐低嗰陣即刻好似去咗旅行咁，有少少置身曼谷街頭嘅感覺。我嗰晚叫咗幾樣嘢試下，整體嚟講都幾滿意。首先係 餐廳最近嘅新品A5和牛泰式船粉，呢個幾有驚喜，船粉湯底有香料味，但唔會太辣，和牛切得啱啱好，入口即溶，牛味十足，同湯底好夾。蔬菜方面，我點左馬拉盞西蘭花炒魷魚。成碟西蘭花賣相一流，而且炒得夠鑊氣，魷魚唔韌，西蘭花爽口，馬拉盞味道唔會太搶，整體好食得嚟又唔會太heavy。和牛串燒都唔錯，燒得啱啱好，外面微焦但入面仲keep住juicy，香口之餘又唔會太油。最後仲試咗個泰式雞腳，呢個比較重口味，酸酸辣辣幾開胃，雞腳處理得乾淨，啲筋位又夠彈牙。飲品方面叫咗杯凍泰式咖啡，甜度啱啱好，冇落太多煉奶，咖啡味都幾香，非常refreshing！值得一讚係餐廳出菜好快，唔使等太耐。價錢方面都合理，以銅鑼灣嚟講算係咁啦，算係非常抵食。總括嚟講，「水門雞飯」係一間值得再去嘅泰式餐廳，環境舒服，食物水準唔錯！…Read More

放工到銅鑼灣開餐, 今晚挑選了這間平民價格, 有水準又能吃得豐盛, 充滿性價比的<水門雞飯>。<水門雞飯>招牌水門雞飯, 我們加了十蚊, 要了雞髀肉, 水門雞肉的肉質非常之嫰滑, 重點是已經去了骨, 入口啖啖肉, 配上自家製醬汁, 連同雞油飯, 感覺好滿足。<泰式豬手>泰式豬手肉, 同樣已經完全去骨, 餐廳用上特製的鹵水醬汁來醃製這個豬手肉, 豬手做得非常入味, 鹵水汁的味道亦調教得非常之好, 在這家小店能夠吃到如此高水準的泰式豬手, 感覺非常驚喜。<泰式豬腩仔>泰式豬腩仔用上五花腩肉來製成, 烤得又香又脆, 而且燒腩仔的五花肉肥瘦均勻, 香口又好食。<脆炸雲吞>泰式炸雲吞都幾特別, 以蝦肉和豬肉作為餡料, 包裹在雲吞皮入面, 然後炸至金黃, 外皮炸得香脆, 入面的餡料彈牙好食。<鳳尾蝦泰式金邊粉>金邊粉材料豐富, 用上大大隻鳳尾蝦來炒, 蝦肉非常之爽口彈牙, 餐廳炒得非常之有鑊氣, 並帶有酸酸甜甜的味道, 值得推薦！！~<菠蘿冰>菠蘿冰非常之清甜, 沙冰夠冰凍, 非常之解渴, 而且還有一大片新鮮菠蘿, 清新好味。<泰式凍奶茶>奶茶的茶味比較濃, 並帶有泰式的香料味道, 都幾特別。個人覺得餐廳供應的食物質素不錯, 而且招牌菜水門雞飯, 絕對是必食之選！！…Read More

原來泰國「水門雞飯」不知不覺，已經喺香港開咗好多間，都已經好耐冇去過泰國，都真係好懷念泰國嘅食物！最掛住就係「水門雞飯」個水門雞飯醬，嫩滑嘅雞肉配上泰國風味雞飯醬，100%還原泰國風味😜估唔到用咁相宜既價錢食埋「泰式燒腩仔」😋脆卜卜嘅燒肉皮，配埋炸雞醬💯👻「泰式船粉」有幾款可以選擇，經典豬肉配料、有齊豬肉丸、扎肉、豬肉碎三個經典項目😛「芒果糯米飯」 啲芒果飯煙煙韌韌加埋甜甜嘅椰漿，正👍🏻飲品都有唔少泰國嘅經典款式，都係加$8/$12就飲到🍹✦ 水門雞飯 $56｜泰式燒腩仔（例） +$30｜龍眼水 +$8✦ 泰式船粉（豬）（豬肉丸/扎肉/肉碎） $52｜芒果冰 +$12✦ 芒果糯米飯 $58…Read More

今晚去朋友銅鑼灣嘅時裝店幫手，佢買左水門雞飯嘅食品嚟報答我🤣食物好味道😋招牌半隻水門雞份量好多，雞皮滑溜之外，肉質鮮嫩多汁，一啖咬落去真係好爽口，唔乾唔柴，雞香味十足，平時我唔太食雞皮都忍唔住要食。再配埋秘製醬汁，味道層次豐富。泰式無骨豬手都好驚喜，豬手肉質軟腍，每一啖都充滿泰式香料嘅香氣，微微嘅辣味同香料混合出嚟，忍唔住不停食。無骨設計方便食用，正。香辣紅咖喱豬肉串飯咖喱味濃郁，帶有微微嘅香辣，豬肉串夠香脆，加埋咖喱汁一齊食好好食。淨係用咖哩汁配飯已經一流，好滿足。…Read More

🇹🇭 呢間分店裝修似泰國大排檔，最近試咗幾款招牌，足料新鮮，價格親民😄🧋 泰式檸茶 凍泰式奶茶 泰式檸茶酸甜清新，檸檬汁新鮮爆汁，混埋茶香，冰冰涼涼！🥳凍泰式奶茶就濃郁奶香，茶味撲鼻，甜度啱啱好，唔會太膩，配飯一流！🐷 泰式無骨豬手豬手控天堂！呢個無骨豬手煨到入味，皮脆肉嫩，肥瘦層次分明😎咬落去滿口膠質彈牙，泰式醬汁酸辣微甜，滲入每塊肉！份量夠晒兩個人 share，配埋雞飯食更過癮，$48 真係值爆！🍳 百葉辣肉碎煎蛋飯呢個飯超推介！鋪滿辣肉碎同豆腐皮，肉碎炒得香脆入味，微辣帶香，煎蛋溏心金黃，切開流汁拌飯即刻變 creamy🤗每一口都層次豐富！辣度啱香港口味，解膩又開胃，一碟夠飽，$64 性價比高！🍗 水門雞飯 (加烚蛋 +$6 轉雞髀)
招牌水門雞飯絕對係主角！雞髀肉滑嫩多汁，皮薄少脂，蒸得鮮甜無腥，配秘製酸辣醬汁，拌埋白飯香濃惹味！😍加烚蛋蛋黃流心，轉雞髀多咗肉感，$62 埋單超抵！雞湯清澈暖胃，飲落去解油膩，整個體驗正宗泰式海南雞，食完回味無窮！😝…Read More

想要追求性价比的宝宝们一定要试试水门鸡饭，在铜锣湾这样的黄金地带人均不到百元也可以吃饱吃好记录下吱吱的点单⬇️▪️泰式酸辣鸡脚 💰hkd酸辣开胃，啃到停不下来，但完全是港人能接受的辣度▪️和牛串烧 💰28肉质爆汁！蘸酱绝了▪️海鲜冬荫功汤+河粉 💰60选了多汤少粉（口味偏好都可以备注）！巨多海鲜🦐，酸辣味太正了▪️斑斓大菜糕 💰32口感DuangDuang的～清爽不甜腻▪️水门鸡饭 💰58必点招牌，加了鸡杂才+10hdk！鸡肉超嫩，鸡血和鸡肠蘸酱汁很好吃，饭是油饭巨香▪️香辣牛舌 💰20总共有8片，厚切弹牙！辣度够劲🌶️不能吃辣的宝宝慎点！▪️芒果冰 💰12冰沙细腻芒果🥭味超浓，和香辣牛舌绝配⚠️建议错峰！晚饭点可能要排队～人均💰：100📍銅鑼灣希慎道2-4號蟾宮大廈地下9號舖（🚇铜锣湾站A出口步行5分钟）…Read More

開到周圍都有嘅水門雞飯，絕對係我嘅canteen之選😋✨足料椰汁雞煲 $48今次就試咗新嘢，濃郁椰香湯底同嫩滑雞肉嘅完美結合，雞肉比想像中嫩滑🤙🏻呢個價錢嚟講絕對係值得一試！✨泰式炒通菜$54鹹香同通菜嘅爽脆相得益彰，可依個人口味加粉調整辣度，個人覺得咩都唔使加已經夠味，而且唔會炒到好油！✨招牌水門雞飯 $56選用去骨雞肉😋搭配香氣撲鼻嘅油飯同秘製醬汁，絕對係性價比之選！大大碟仲可以叫多飯🥹真心可以話係糧尾恩物泰式無骨豬手 $30貪心想試多幾樣嘢就加配咗個小食，炆煮入味嘅豬手搭配酸甜醬汁，滿滿嘅骨膠原！去骨處理食用更加方便，啱晒我呢啲懶人✨芒果冰沙綿密自然；鮮檸梳打酸甜比例恰到好處，絕對係夏日首選！…Read More

【銅鑼灣泰式小店驚喜！高性價比生蝦＋減肥人士椰菜花炒飯飯】📍地址：銅鑼灣希慎道2-4號蟾宮大廈地下9號舖今晚專程來到銅鑼灣這間隱藏於蟾宮大廈地下的泰式小店，試了幾道招牌菜，整體體驗非常驚喜！店面雖太大，但環境乾淨明亮，頗有泰國街坊小店的親切感。______________________________🦐 生蝦 ($108)生蝦新鮮度滿分！每隻都爽脆彈牙，搭配經典的泰式酸辣汁（內有蒜片、辣椒、薄荷葉），酸辣醒胃，辣度溫和卻後勁十足。特別喜歡他們家的醬汁調配，不會過鹹或過酸，完美帶出蝦的鮮甜。______________________________🥗 木瓜沙律 ($48)青木瓜絲切得細緻，口感爽脆清新。調味偏向傳統泰北風格——酸、甜、辣平衡得恰到好處，魚露香氣突出但不會過重，加上花生碎和櫻花蝦提香，非常開胃。辣度可選，建議敢吃辣的人試中辣，風味更層次！______________________________🍚大蝦蟹肉椰菜花炒飯 $68 (加配豬手 +$30)這道絕對是驚喜之作！椰菜花飯炒得乾身香口，完全模仿了米飯的口感卻更健康。蝦仁和蟹肉份量足，鮮味突出，加上蛋絲、洋蔥等配料炒得鑊氣十足。減肥人士食呢個炒飯真係好岩!!!!!特別加配既豬手好好食——燉得軟糯入味，皮脂膠質豐富，輕輕一夾即散，一D都唔UN，滷汁香濃卻不膩！______________________________✅ 總結CWB物價好高，呢間小店性價比真係好高，食物都好新鮮、調味好正宗泰國風味，而且有創意菜式（如椰菜花飯）適合健康人士。服務態度親切，上菜速度快，適合一人食或三五好友簡單聚餐。會再回訪試其他菜式！…Read More

想簡單食好食同地道得嚟又唔貴嘅泰菜，過嚟銅鑼灣水門雞飯就啱晒香辣肉碎沙律，其實係生菜包，辣咪幾香，份量十足，食得好過癮，生菜又處理得好乾淨香辣紅咖喱炸雞飯，炸雞皮脆肉嫩，咖喱好香口，撈飯一洗烤麵包，金黃脆皮夠乾身，脆卜卜好好食香茅雞翼炸得好好，熱辣辣脆卜卜，啖啖肉好滋味馬拉盞肉醬芥蘭苗，夠晒惹味，芥蘭苗新鮮嫩綠泰式奶茶又香濃又順滑，芒果沙冰鮮甜消暑餐牌提供嘅款式同選擇好多，味道夠晒地道，份量又足，冷氣好夠，乾淨闊落，整體性價比係高嘅…Read More

呢個水門雞飯七裡香真係正到爆炸好鬼好食。 一定要試所有內地同包嚟到香港一定要品嚐呢個七裡香否則必定後悔外脆內軟多汁回味香氣在口腔中迴檔每次食水門雞飯都一定要嗌呢個 七裡香…Read More

## 食評：水門雞飯銅鑼灣店外賣今日外面落雨，無法出門，於是我選擇咗水門雞飯銅鑼灣店的外賣自取，整體體驗相當滿意，性價比亦唔錯。### 環境水門雞飯的店面設計簡潔明亮，菜單選擇多樣，適合不同口味的顧客。雖然我係外賣，但店內的氛圍給人一種舒適的感覺。### 食物今次我哋點咗四樣嘢，以下係具體評價：1. **水門雞飯**： - 雞肉質地滑嫩，油飯香氣四溢，份量頗足，搭配清脆的黃瓜，整體味道非常好，令人滿意。2. **鳳尾蝦泰式金邊粉**： - 份量充足，蝦肉新鮮，金邊粉炒得唔錯，味道香濃，配上少許檸檬汁，提升了整體清新感。3. **菠蘿烤雞炒飯**： - 加咗肉鬆嘅炒飯底部香氣十足，菠蘿的甜味與雞肉的鹹香相得益彰，味道非常好，滿足感十足。4. **雞肉串燒**： - 性價比高，每串只需$12，三串都唔會太貴，串燒外焦內嫩，味道令人驚喜。### 飲品雖然今次冇特別點飲品，但水門雞飯的飲品選擇多樣，下次必定要試試他們的飲品。### 總結整體來講，水門雞飯銅鑼灣店的外賣選擇非常理想，食物質素高，份量足，性價比亦好。落雨天叫外賣非常方便，下次再來試試其他菜式！…Read More

水門雞飯食到好滋味可以點嘅餐選擇非常多海南雞飯佢個油飯好開胃好易入口 ，啲雞都好滑個Pad Thai 唔記得走辣粉，撈埋搞到勁辣。成碟嘢原來蕃茄味比較重，隻蝦仲要大大粒添幾爽口仲有加咗個餸，西蘭花魷魚，呢隻魷魚唔係變身全部都係魷魚鬚 食起上嚟幾彈牙👏🏻整體嚟講都幾滿意，會回頭再食👍🏻😃…Read More

有啲事要走去銅鑼灣。唉，其實好怕去銅鑼灣，因為食飯又貴，又唔好食，service又差。系曬到飛起嘅中午，兜咗成條渣甸坊，冇一間食肆吸引我。再行遠少少見到呢間鋪，裝修好似有啲特色。裏面客人又唔少，咁咪走入去試吓囉。點咗個水門雞椰菜花雞飯，一上台，瀨嘢，以為有椰菜花原來係冇嘅。我問waiter咁同普通嘅雞飯有乜分別呢？佢話就係少咗碟豉油，同埋個飯不是油飯，健康啲。咁我一食落個飯，濕立立，有陣味好難食。好在waiter俾左碟醬油我，因為啲雞系完全冇味，唔點醬油唔知點食。等咗好耐都冇杯水飲，叫waiter拎杯水，佢俾左杯滾水我，唔知點飲...呢餐我都覺得幾賴嘢。咁多好評，可能我唔識點餸喇…Read More

行過銅鑼灣唔知食咩好 揀水門雞一定冇死🙋‍♀️叫咗幾個招牌菜試下。首先主角一定係碟水門雞🐔，啲雞肉真係滑到不得了，完全唔嚡口，連雞胸肉都好嫩滑。雞皮爽口彈牙，皮下脂肪唔多，食落一啲都唔會好肥膩。佢個雞油飯都好講究，粒粒分明，索晒雞湯精華，油香十足但又唔會太油。不過最靈魂嘅一定係個醬汁，酸甜中帶點微辣，仲有啲薑蓉蒜蓉香，點埋啲雞肉同雞油飯一齊食，味道層次即刻提升，真係冇得頂👍，我哋三扒兩撥就清晒成碟。跟住就係個泰式豬手飯🍖，一上枱已經聞到好香嘅滷水味。豬手炆到勁腍勁入味，用筷子輕輕一夾就皮肉分離，啲皮同筋位幾乎入口即溶🤤，充滿骨膠原嘅感覺，而啲瘦肉又唔會散開。個滷水汁甜甜地，撈飯又係一流，每一啖飯都掛滿醬汁，鍾意食重口味嘅朋友一定會好鍾意。食得肉多，梗係要叫啲菜平衡下。碟泰式炒通菜🥬鑊氣十足，一上枱就聞到蒜香。用咗泰式豆醬去炒，鹹香惹味，通菜又夠爽脆，完全冇炒到黃晒或者太老。呢個菜真係白飯小偷，送飯食真係絕配。另外個青木瓜沙律🥗都好開胃，青木瓜絲切得好幼，口感好爽脆，配埋脆卜卜嘅花生碎、鹹香嘅蝦米，再加埋個集齊酸、甜、辣、鹹四種味道嘅醬汁🌶️，成件事好 fresh，即刻解晒啲油膩感，夏天食真係一流。總括嚟講，呢餐真係食得好滿足😋。由主菜到配菜都睇得出好有心機，味道好地道，份量又足。無論係主角水門雞定係其他配菜都好有水準，價錢又合理，如果你突然想食返餐地道泰國菜，呢間絕對係一個唔會令你失望嘅選擇！💯…Read More

今日突然想食下泰國野，緊係去水門雞飯啦～🔶香辣肉碎煎蛋飯：愈簡單既野愈難做出水準。佢既肉碎炒得好香，加埋岩岩煎好既蛋，送飯一流。🔶冬蔭公海鮮金邊粉：依個非常抵食！絕對唔係搵蟹柳扮海鮮。有青口、蝦、仲要有魷魚！湯底酸酸辣辣，非常惹味！金邊粉亦都好煙un，好有口感！🔶西蘭花炒鮮魷：水門雞飯既炒菜一定要叫。因為重點就係佢既醬料！鑊氣夠，炒得好香。仲可以少油少辣，無咁邪惡！🔶原隻鮮魷魚：由於之前魷魚都好食，所以決定追加燒魷魚！魷魚非常爽口，仲要即叫即燒！配埋秘製醫汁，非常入味！最後我地再叫左龍眼水同美祿，每杯都係加多$8，夠抵啦！…Read More