影片
更多
2022-12-04
402 浏览
嚟銅鑼灣 Shopping，行到攰攰哋又有少少肚餓，想搵間餐廳坐低食啲嘢。行經希慎道，見路口位新開左間「水門雞飯」，反正未諗到食乜嘢，就一於入去試吓。餐牌選項好豐富，除左招牌水門雞外，仲有沙律、泰式生蝦、炒粉、撈麵、船河、串燒、小食、甜品等，花款多不勝數，令人目不暇給。餐廳主打泰式雞飯，一場嚟到，當然要試下。我哋點左水門雞飯，一客串燒，烤麵包，另外再加左碟芥蘭苗同甜品。水門雞飯 ($54) (轉雞髀+$10) 雞飯大大碟，送上時還附有例湯一碗。例湯係冬瓜湯，以碗盛載，湯內有冬瓜一件，入口胡椒味很強烈，飲完成身暖笠笠。雞髀已起骨，肉質好滑溜，皮薄肉嫩，入口脂肪不多，啖啖肉，點埋個醬汁食，好滋味。油飯水準亦唔錯，雞油滲透飯內，食起嚟特別香口。另外呢度嘅串燒都幾抵食，價錢唔貴，只係 $14 串，不過就要 3 串起，可合併。本來想點豬肉同雞肉各 2 串，可惜雞肉已售罄，幸好豬肉串燒 ($42) 味道亦不俗，食落肉厚多汁，配上沙嗲醬，超惹味。至於客烤麵包 ($16) 味道亦一流，用上衛星包炮製，而且燒得幾靚仔，入口外脆內軟，沾上微甜的沙嗲汁，令人吃不停口！馬拉盞肉醬芥蘭苗 ($46)，芥蘭
嚟銅鑼灣 Shopping，行到攰攰哋又有少少肚餓，想搵間餐廳坐低食啲嘢。行經希慎道，見路口位新開左間「水門雞飯」，反正未諗到食乜嘢，就一於入去試吓。
餐牌選項好豐富，除左招牌水門雞外，仲有沙律、泰式生蝦、炒粉、撈麵、船河、串燒、小食、甜品等，花款多不勝數，令人目不暇給。
餐廳主打泰式雞飯，一場嚟到，當然要試下。我哋點左水門雞飯，一客串燒，烤麵包，另外再加左碟芥蘭苗同甜品。
水門雞飯 ($54) (轉雞髀+$10) 雞飯大大碟，送上時還附有例湯一碗。例湯係冬瓜湯，以碗盛載，湯內有冬瓜一件，入口胡椒味很強烈，飲完成身暖笠笠。
雞髀已起骨，肉質好滑溜，皮薄肉嫩，入口脂肪不多，啖啖肉，點埋個醬汁食，好滋味。油飯水準亦唔錯，雞油滲透飯內，食起嚟特別香口。
另外呢度嘅串燒都幾抵食，價錢唔貴，只係 $14 串，不過就要 3 串起，可合併。
本來想點豬肉同雞肉各 2 串，可惜雞肉已售罄，幸好豬肉串燒 ($42) 味道亦不俗，食落肉厚多汁，配上沙嗲醬，超惹味。
至於客烤麵包 ($16) 味道亦一流，用上衛星包炮製，而且燒得幾靚仔，入口外脆內軟，沾上微甜的沙嗲汁，令人吃不停口！
馬拉盞肉醬芥蘭苗 ($46)，芥蘭苗挺嫩口，清甜爽脆，面頭嘅肉醬鹹香微辣，同翠綠嘅芥蘭好夾，用嚟撈飯更係一流！
至於甜品就點左客班蘭大菜糕 ($32)，好耐無食過大菜糕，呢款口感唔錯，班蘭味清香而突出，入口冰涼爽滑，絕對值得一試。
张贴
