水門雞飯 (蟾宮大廈)

营业中

休息中

喺香港要食東南亞菜式，成日都會諗起泰國菜。好多人以為要食泰國菜就一定要去九龍城食，其實未必，今日就為大家介紹一間平靚正嘅泰國菜。咁其實我都係第一次食呢間，今日先知原來水門雞飯係有好多分店。我同女朋友嚟到就點咗個鳳爪沙律，再嗌個海鮮冬陰功，加個蝦炒金邊粉，最緊要一定要嚟返幾串串燒（雞同豬）。另外一人一杯嘢飲。啲食物都好快嚟到，個冬陰功唔會太辣，仲食到好幾款海鮮。炒金邊粉更加係入味，好推薦，一樣份量好夠。串燒都唔錯，仲有醃咗嘅青瓜紅椒洋蔥開胃。食完飽晒滿足，價錢都好親民