水門雞飯 (蟾宮大廈)

营业中

休息中

離遠已經見到大大隻雞吊喺到咁梗係要嗌個招牌嘅水門雞飯每個飯都配有一碗胡椒冬瓜湯熱辣辣幾好飲水門雞，夠晒嫩滑點埋啲醬汁好惹味飯有雞油味 但又唔係好油膩 係啱啱好 好香海鮮冬陰公湯 大大碗冬陰功湯唔會話太酸太辣 容易入口海鮮嘅款式都多 有魷魚 蝦 鮮菇嗌咗金邊粉炸黃門鱔魚皮 Fried Fish Skin比較特別都係配有碗湯嘅可以將啲魚皮浸落碗湯度泰式炒通菜夠晒大碟 亦都好健康，可以叫少鹽都好夠味炒得有鑊氣芒果沙冰好順滑 冇乜冰粒甜度同埋芒果濃郁嘅味道啱啱好仲有杯龍眼水添

經常路過呢度，有日中午收工過咗嚟試，第一次嚟點左份雞胸嘅水門雞飯，淨係記得啲雞好鞋。加點嘅炸雞皮好硬，一啲都唔酥脆。今日路過諗住俾多次機會佢，特登加$10換雞腿，冇諗過都係好難食，食咗第一啖成個人呆咗，一啲都冇雞味，肉好散，忍唔住打開openrice要寫人生第一條差評。原來喺香港留差評都咁難，要寫滿200字先可以。呢度環境作為快餐係OK，地理位置好好，賣呢個價格係好便宜。不過便宜還便宜，冇理由咁樣出品！

鍾情泰國船河，香港普遍嘅泰國餐廳，都做唔到嗰種效果，但呢一間餐廳，都做到9成，仲要唔貴。二人前，叫咗「牛肉湯牛丸生牛肉河粉」同埋「水門雞飯」，再加咗個「炸黃門鳝魚皮」，嘢飲就叫咗「泰式凍檸茶」同埋「傳統Thai Tea」。首先講咗個河粉先，湯夠濃，做到泰式嗰隻黑蚊蚊嘅湯底，牛肉同牛丸都好夠味，有口感，河粉都算滑，但比起係泰國食嘅，始終都係爭少少。雞飯就唔算好特別，不過個汁都做得好好味，另外每人都有一碗雞湯，好好飲，偏辣嘅👍🏻個炸魚皮好好味，因為已經好少地方可以食到有骨魚皮，值得推介👍🏻👍🏻飲品方面就冇泰國咁甜，所以更加啱口味。

今晚想食個晚飯，選擇左呢間店，同友人係門口排第3及4位置，等左15分中倒，有個男店員就叫左我地同前面2位入內，並指示我地去其中一張枱坐下，坐底先見到枱面原來未抹既，其實都冇即時叫店員處理，只係想落單，但等左陣都未有qrcode，所以示意一位帶米色口罩既店員，但佢一行埋黎，只係抹枱，同埋講左句：下次係門口等陣丫。當時我已經即時回應佢：係你地叫我地入黎架喎！但米色口罩店員冇理會就行開左。食物就一般，冇話特別好好食。我知呢間餐廳都多人幫襯，但唔代表客人要受店員既態度，我地有講唔該，冇做任何野，點解要無故受你地氣，被店員責罵。希望餐廳可以留意下，想食個飯姐... 大家好黎好去啦

每次經過水門雞飯都系好多人，好受歡迎～我食過幾次都覺得好似去左泰國食野咁😂好地道，環境、食物味道都好似😍最近發現佢推出左d 新菜式，當中見到有款六星鮮蟹肉炒飯 ~ 當然要嗌啦，真系有已拆好嘅蟹肉，好鮮味啖啖肉👏🏻D飯都炒都好粒粒分明，呢款可以再encore😋 另外仲嗌左份秘汁泰式生蝦🦐一份有6隻，D醬汁好惹味好刺激😆斑蘭大菜糕💚造型好得意，個椰漿真系神來之筆，好濃郁好香，配埋一齊食都幾夾！

今日放工，去CWB處理私務，約咗家姐去呢度食飯。食咗水門雞飯(加雞雜)及炒金邊粉。雞肉唔肥及嫩滑。個湯超勁白胡椒味。金邊粉叫咗走辣但都有少少辣，酸甜味道平衡，唔錯，4大隻蝦靚仔爽口。其中有位戴眼鏡的女侍應，收碗碟後，行去舖最入嘅位置時，唔小心跌咗碟汁落地，啲汁彈到一地都係，但好快就抹返乾淨。我哋就食完嘅時候，出面排緊隊，嗰個女侍應指住最入嗰張4人枱話：「加多張櫈喺度囉？！」當時嗰張4人枱已經坐咗2個男仕，另一邊只係坐到2個，仲想喺無人嗰邊條罅度攝張櫈入去？嗰個位係行入後舖嘅通道旁邊，俾佢都唔想咁坐啦！！另一個男侍應阻止咗。我哋食完即刻走⋯。我家姐話，香港人咪就係因為咁嘅服務，走晒去北上消費！！簡直係趕客！！之後先發現，原來啲汁彈到去我家姐件衫嘅背面，當時佢係背住通道坐。奉勸各位，坐低食嘢時都要留意附近發生乜事。

趁著有幾日假期, 約左朋友係銅鑼灣行街, 夜晚係附近搵左間泰國菜餐廳食飯。我哋叫左幾款食物, 水門雞飯加錢轉左雞脾肉, 肉質嫩滑, 配上秘製醬汁和油飯, 味道幾好。另外, 叫左胡椒豬什粉, 胡椒味好濃, 豬什洗得好乾淨食落沒有腥味, 河粉吸收晒胡椒湯精華。麻辣鳳爪食落好惹味開胃。飲品方面, 叫左芒果沙冰, 味道香甜, 入面有芒果粒, 沙冰打得好滑。最後叫左甜品斑斕大菜糕, 斑斕味突出, 食落好清涼爽滑, 值得一試。餐廳環境坐得幾舒服, 價錢亦唔貴, 可以下次再黎食。

公司搬了去銅鑼灣後, 開始發掘一下附近的餐廳。水門雞飯是我和同事每個星期都會去的飯堂之一。以其爽滑無骨雞肉和特製醬汁為招牌菜!!水門雞飯:他們的雞肉非常爽滑，每一口都充滿了鮮嫩的口感。這裡的雞肉是無骨的，讓你能夠輕鬆品嚐美味而不用擔心骨頭。無論是外皮還是內部肉質都經過精心處理。配上他們的秘製醬汁, 搭配雞肉時味道絕佳。它具有豐富的口味，帶有些許的甜、酸和微辣的風味。這個特製醬汁可以提升雞肉的味道，讓整個雞飯更加美味。小總結❤️❤️❤️❤️📌爽滑無骨的雞肉📌特製秘製醬汁更顯美味

今天放工叫了一盒海南雞飯，轉雞髀外賣自取, 返到屋企食咗一啖，即刻嘔出嚟成盒雞都係惡臭……..因為係外送平台外賣自取, 同佢哋講返, 佢哋話餐廳冇遇到相同問題嘅客人, 唔肯退款, 同佢哋辯論咗5分鐘先至好唔情願咁退款……..一定冇下次, 以後都唔會幫襯, 之前都經常喺度食飯, 可能餐廳覺得外賣可以俾啲隔夜雞人哋食而家諗返起, 有一次九點幾差唔多閂門去食飯都見到10幾隻雞掛咗喺度而家夏天咁鬼熱，真係唔敢再食呢啲海南雞, 諗返起都想嘔, 嗰浸臭味

水門雞飯 (銅鑼灣)呢間水門雞飯真心係平價之選，分店又好多，今次就黎到銅鑼灣呢間分店試下。 無論咩時間間野都門口一堆人等外賣，入面都絕對唔會空場，就知佢幾抵食。水門雞飯 （$68）雞肉質爽滑，仲唔會有骨，岩曬得呢啲懶惰星人。油飯又香唔會亂加色素，配埋秘制醬汁，再連埋個碗胡椒雞湯，真心食得好暢快。串燒 （$14/串）分別點左雞一串同豬兩串，每串啲肉都好大粒，又唔會鞋，而且係即叫即燒，好香口，再配埋啲醬，再加香！凍泰式奶茶 （$22） 奶滑茶香，正！

曾經係好多地方都見過喱間水門雞飯，但係就從來都冇入去試過，咁岩上次落大雨屋企又冇飯食就叫左幾個菜返屋企加餸。係門口位置都見到唔少人排隊，即刻對食物質素有多D信心~~見到門口痴左幾張菜單，選擇算多。馬拉盞西蘭花炒魷魚鬚其實都有少少預左外賣份量少，但喱間水門雞飯既外賣份量都OK~魷魚鬚都唔係淨係得三幾條，魷魚鬚本身都好彈牙，而驚喜既係用西蘭花黎配搭馬拉盞原來比起通菜更夾更入味，喱個菜式要試!水門雞係喱到一定都要試下佢既水門雞，話哂都係店名，本人唔算好鐘意食雞，但外賣回家試左幾舊都覺得雞肉質地好滑好重雞味，半隻雞份量夠同埋已經起左骨，方便老人家同小朋友食。雞肉/豬肉串燒串燒方面餐廳跟左咖喱汁，同日式串燒唔一樣既係泰式串燒既味道會比較濃，喱到都一樣，味道好入味，師傅對火候控制得都幾好，就算我返屋企再做氣炸鍋翻熱都冇過熟既情況出現。整體黎講喱間餐廳既食物質素都OK，而價錢我認為係平既，如果唔係淨係係叫餸既話都有其他碟頭飯/面既選擇，不失為外賣既好選擇。

今日陪呀媽嚟銅鑼灣拎完檢查報告，行經附近決定今日都係買外賣返去食唔煮餸揀咗泰式腩仔，半隻海南雞同埋6串串燒半隻海南雞份量都好多，而且食落去好滑嫩，啖啖肉好滋味。佢嘅雞皮同雞肉有種椰子甜香，同港式燒味嘅雞肉好唔同，係會令你忍唔住連雞皮都食埋，超級好餸飯！泰式燒腩仔亦都係非常之推介，同港式燒味嘅口感同味道都好唔同。港式燒肉會只係燒最上嗰層熱佢呢個燒腩仔就唔同，而係成個燒腩仔食起嚟都好酥脆，食起嚟更有口感。而且佢嘅味道係帶甜，唔似中式嗰種咁鹹，個人就鐘意泰式燒腩仔多d，好食！至於串燒同樣好味道，我揀左豬肉同雞肉各3串，燒得岩岩好，唔會鞋口， 特別加埋佢哋嘅沙嗲醬汁就更加惹味香濃。價錢亦都唔貴，又幾大串，讚！

去了水門雞的門市點了幾份外賣，拿回家慢慢品嘗。水門雞的雞肉質軟，泰式串燒很香，味道很好，我的兩個小孩都搶著要吃泰式串燒，吃完之後還問我還有沒有更多的泰式串燒，他們叫我下次一定要多買幾串給他們吃，說不夠吃，因為太好味了。

餐廳係香港有6間分店 今次係銅鑼灣買外賣反公司食 價錢親民 味道不錯 性價比高🥰-▫️泰式乾炒辣牛河 ($80)炒得好有鑊氣 香口而不油 添加左辣椒炒 令牛河味道更惹味😍牛好嫩滑 一啲都吾會鞋！▪️水門雙併炸雞飯 ($58)店舖主打雞 點可以吾試🤤簡左雙拼雞 有水門雞同炸雞 2者食落都有驚喜 水門雞雖係雞胸位置 但一啲都吾會鞋 食落口感紮實得嚟又帶點軟綿🤩炸雞炸得鬆脆 雞肉嫩滑 炸粉吾厚▫️ 泰式腩仔 ($54)腩仔外脆內嫩 肥瘦適中 充滿油香感▪️ 馬拉盞西蘭花炒魷魚鬚 ($70)西蘭花同魷魚鬚索哂馬拉盞醬汁 超惹味😍食落辣辣地 魷魚鬚份量都幾足 好彈牙！▫️芒果冰 ($26)芒果味好濃郁 略甜左少許 如果少甜一點便更好😳

曼谷水門雞飯應該人人都食過,而香港出名嘅海南雞必定係多達六間分店嘅「水門雞飯」餐廳是也.每間餐廳都充滿泰國街舖風味,而且喜愛佢選擇性多,閒時又新出不同限定款式.當日座位幾乎滿座,外賣打包亦相當靚仔🔸雞肉·牛肉串燒($14串)串燒要兩串起計,每吋都有一定厚度,即叫即燒熱辣辣,嫩口不乾身,配上沙嗲醬🔸辣肉碎旦飯($64)🔸泰式乾炒辣牛河($80)兩款炒粉飯同樣是惹味之選,河粉炒得乾身,唔會過分油膩.而肉碎惹味香口,份量也很多.假若當中加多一點香葉,就像完美🔸水門雞飯($56)必叫水門雞,雞肉質嫩口,雞皮下沒有太多脂肪,無骨啖啖肉.加上醬汁好送飯,完全還原泰國風味