段純貞牛肉麵 (如心廣場一期)

营业中

休息中

是次已經是第二次到訪段崇貞牛肉麵，食物的質素都維持水平，酸菜亦同樣好吃，雞湯面湯底出色，但可能由於個人口味，覺得牛肉面的湯底可以咸些，現時只有辣味，有啲不平衡。

知道又有紮根多年嘅台灣牛肉麵🍜來到香港🇭🇰開拓海外市場，早早看到介紹已經好想即刻試試👀。眼見裝潢設計風格很有台灣小店風格，而且人龍亦不絕，留意到告示原來是某大集團經營的，近年佢哋嘅水準有下降嘅跡象，更將會在銅鑼灣開第二間嘅分店，看看是否能夠做到高水準🧐———————————————————————————🥢三寶手工麵🍜（$88）💬很快便端上台，手工麵比起刀削麵更厚更韌，建議可以淥耐少少🤏，有點未熟透嘅感覺。湯底很濃郁亦夠滾，牛三寶包括：腱心、牛肚、牛筋，坦白講，份量實在很少很少，合共只有數件，再好食嘅話都唔太值🤔.🥢雞湯抄手🥟（$48）💬極度期望有碗超滾嘅雞湯熱辣辣嘅上台，結果不似預期，用上一個平兜浸住抄手，湯不夠滾熱成件事變得很普通🧐.🥢酥炸排骨🐖（$48）💬即叫即製，唔油膩，酥脆味道佳，一碟份量足夠，叫碗米飯🍚比起牛肉麵更為飽肚😏

#哈比四圍食 #大少呢排都係荃灣嗰邊做嘢，咁就自然多咗喺荃灣嗰邊搵好嘢食😁呢一間係台灣人氣過江龍牛肉麵，平時出面超多人排隊，今日同大少食晏時間過嚟都排咗一陣好彩都好快有位，我哋一人叫咗碗麵再加啲小食，呢度嘅麵可以揀粗麵(手工麵)或者幼麵，大少就揀咗個招牌三寶面配粗麵，湯底好香飲落好濃，但佢係濃而唔咸嘅，三寶分別係腱心、牛肚、牛筋，啱晒一啲想試晒呢度啲主打嘅朋友😁腱心勁厚切但超淋，牛筋大大條又入味，啖啖的嘅骨膠原，牛肚索晒啲湯嘅味😋燉濃湯雞麵，大大隻雞腿好滑溜嘅雞皮 嫩滑嘅雞腿肉，雖然係白湯但係都超濃味又鮮甜，我差啲飲晒成碗湯🙈

新店三日香，星期五的14:00仲要排隊，只因想食麵，所以都排隊試下，好彩都只係排左10幾分鐘，麵食每碗都80蚊或以上，我點了牛三寶加冬瓜薏米紅茶，新店裝修企理乾淨，店員服務一般但尚算有禮。麵上檯，略嫌份量偏小，女士還可以，相信男士會不夠，麵質我點了厚身的粗麵，質感算不錯的，但一碗合格的麵又豈只麵質，其實靈魂在於湯底，可惜湯底味道不足，加上湯底不夠熱，我個人就最不爽湯底不夠熱，失望‼至於冬瓜薏米紅茶，就唔明點解係用茶壺仔，於是薏米就係咁成日卡住係茶壺咀倒唔出，失敗‼

終於一試呢間台式料理。呢度嘅麵款可以揀手工麵或細麵。❇️手工麵較粗身，但維持麵嘅韌度，可以吸入更多湯汁～❇️細麵較傳統，麵體氣孔多易沾濃厚醬汁～▶️三寶麵揀咗細麵，湯底牛味濃香☺️有牛肚、牛筋、牛腩，全部麵入味。面上有蔥花，令碗麵更加香。▶️招牌牛肉麵揀咗手工麵，湯底一樣咁濃郁。牛肉大大件，麵質煙韌。▶️鹽酥雞香脆夠鹽酥味，雞件大件，抵食！▶️桂圓蜂蜜薑母茶冬天飲啱哂，暖身～▶️冬瓜薏仁檸檬特飲酸酸甜甜，幾好飲。

上次食過牛肉麵，都好滿意，今日下午再經過，諗唔到要買乜嘢外買，再试吓段純真其他食物，選擇咗燉濃湯雞麵,店員介紹配細麵，酥炸排骨麵配手工麵及紅油抄手，半小時返到屋企享用，雞麵中雞髀肉質香滑，啖啖肉，湯底味道鮮甜👍👍，酥炸排骨麵就比較失色，排骨較為乾身，粉過厚😓，紅油抄手香辣惹味，值得一試👍

香港有好多台式嘅餐廳，而我最鍾意嘅都係牛肉麵，最鍾意嘅就係佢湯底夠龍然後牛肉又煮得非常之軟淋😋 今日喺公司附近食呢一間喺台灣好多分店嘅段純貞餐牌上面寫着佢地既牛肉湯底係以牛大骨熬煮經過數小時慢火細燉，靜置一晚凝聚風味如此成就一碗招牌紅燒腱心牛肉麵一頭牛只能取出約五碗份量的牛腱心肉花紋狀的油脂分布均勻豊富膠質及黃金比例的半筋半肉，口感軟Q，肉香醇厚睇到呢一度咁當然要試吓佢哋嘅牛肉麵啦😋招牌紅燒腱心牛肉麵配手工麵$80湯底真係非常之濃郁食得出係用心製作嘅🥰 牛肉每舊都好大件😍 而且口感非常之軟淋，食完一啲都唔會癡牙🥸 燉湯雞麵配細麵$78我自己都好鍾意食雞湯面，所以就是埋佢呢個燉湯雞麵，而佢有兩種麵可以選擇，因為牛肉湯比較濃所以就選擇左比較粗身嘅手工麵，依家啲湯通常相對地都比較清淡所以就選擇左佢嘅細麵呢一個雞湯麵🍜非常之有驚喜，湯底比較清但係亦都非常之夠味，配埋細麵真係好match😍滷水拼盤（牛肚 牛展 滷蛋 豆乾 鮮菌）$78滷水拼盤嘅份量好多，其實我哋食咗兩個麵之後都已經好飽🙈🙈 牛肚牛展煮得非常之軟淋， 少少美中不足嘅就係可能因為食完濃味嘅牛肉麵所以覺得豆乾略嫌唔夠入味冷泡凍頂烏龍茶

餓底👭出發去食野la~這一站去荃灣😚位於如心廣場一期最近開咗間過江龍 主打牛肉麵台灣美食餐廳以木為主要設計坐位闊落、感覺舒適👍今日食啲乜？🐮🐮🐮🐮🐮🐮三寶麵麻辣蒜味腱心半筋半肉麵 兩款湯底同樣濃郁順喉麻辣湯底較為香辣惹味腱心肉入味軟嫩牛筋軟Q彈牙一半筋半肉軟嫩之中QQ牛肚也好好味呀😚粗、幼手工麵🍲 煙靭可口，掛滿湯汁食🤤份量也唔少呀👍滷水拼盤有齊牛肚、 牛、 滷蛋、豆干、鮮菌😚最喜歡滷蛋~ 流心，蛋味濃😋飲品方面正常口味珍珠奶茶香橙乳酸特飲

網上睇到介紹依間野，好似唔錯，牛肉麵湯底以藥膳製成，好好奇所以一直都想黎試下，但疫情限聚付禁堂食情況下，無乜機會食到，今次終於可以放假抽時間出到黎荃灣食啦。叫左一個招牌必食牛三寶麵（牛腱、牛肚、牛筋），可以揀手工麵同細麵，我比較鍾意食手工闊麵，所以揀左手工麵。牛三寶無失望，牛腱同牛筋麵好淋，牛肚好爽，湯底唔錯，但藥味太濃，濃到飲唔到咩味，只知飲緊熱湯，可能我食唔慣，麵仲跟隨一碟咸酸菜，伴麵一流，飲品叫左一杯香橙乳酸特飲，橙本身已經甜酸，加左乳酸沖其實同橙汁無分別。整體不過不失。

雖然無o係台灣食過段純貞，佢黎到香港之後先第一次認識呢個名，所以無對比就無傷害見佢open rice寫住收8點，7:15p.m.果陣已經打定電話去問仲有冇得叫外賣店員好似覺得我呢個問題好ODD咁..停頓o左一陣之後答我仲有點解我會咁問呢...因為而家疫情期間，晚市外賣都好多變數，好多店舖營業時間同open rice講既唔一樣，打定去問無蝕既最後差唔多7:30p.m.先去到，門口都有幾個人等緊外賣，但落單後唔洗10分鐘就有得攞啦，都算快同埋買既時候我有要求分湯，佢就話本身佢o地都係分湯既，男朋友話佢o地用紙碗紙盒，感覺比較環保！我o地叫o左三寶麵配手工麵，經典紅燒牛肉麵配細麵同埋鹽酥雞手工麵因為係粗而扁果隻麵，浸耐o左都唔會話好淋，而且好滑身，比細麵更勝一籌 (細麵浸耐o左就變得太淋啦，無哂口感)而且三寶麵入面既腱心超級淋同滑，有入口即融既感覺，完勝經典紅燒牛肉麵既牛肉切片兩個麵都係用同一款湯底，有藥材味之餘仲有少少辣味，我覺得惹味得黎又夠特別，同其他地方既牛肉麵湯底唔同小食鹽酥雞就算凍o左食都依然夠香脆熱食就唔洗講咁JUICY啦！！如果之後有番晚市堂食，絕對值得返去encore ar！

台灣新竹既超人氣牛肉麵專門店係12月初於如心廣場正式開業頭一個月都好爆場,可惜係之後禁堂食慢慢就唔洗再點排隊喇,下午茶時間唔洗排隊咁我大約1月中去既時候商場人流也不多我地兩個人一人食一碗麵加小吃超飽招牌三寶麵,滷味拼盤,燉濃湯雞麵麵條要即時煮,等10-20分鐘左右上菜先飲住冷泡茶先,雖然堂食寫限時45分鐘但無客既時候都唔會趕你既冷泡凍頂烏龍茶$30/杯，茶味香醇。麵條可選手工麵或細麵三寶麵,腱心,牛肚,牛筋 $88一碗,價錢合理可以係香港食到呢個水準,超值牛腱心肉滷得入味,帶少少油花,肉厚而有彈性牛肚嫩得黎仍有彈性,牛肚個人最喜歡牛筋好大條,原條無剪碎,食起上黎好有膠質先飲一啖湯,飲到淡淡既中藥材香氣,辣味不搶香而不辛,味道特別,食時再加酸菜吃,更添風味手工麵,細麵都有唔同既口感每日新鮮製作,手工麵煙韌且掛湯,幼麵嫩滑燉濃湯雞麵$78,唔食牛既另外一種選擇用上雞骨煮製既鮮甜濃湯,雞脾肉嫩滑湯鮮清香,早排天氣凍既時候飲完全身都暖!雞脾食得出應該係慢煮,表面平平無奇一咬驚為天人,雞肉好滑!皮好嫩!滷水拼盤$78配以牛肚、牛腱、滷蛋及豆乾等滷味滷得剛好唔會太重味,食到食材既原味#段純貞 #段

今次已經是第2次黎，適逢今日凍凍地，所以想食D暖暖地的野，湯麵就是最好的選擇。台灣麵是一個唔錯的選擇，尤其是牛肉🍬底可以暖暖胃。兩個人叫左兩個麵同埋一杯熱頭漿。首先經典紅燒牛肉手エ麵，牛肉太腍，手エ麵份量足夠，但不太彈牙，湯底有少少麻辣味，不夠熱。薑糖有機豆漿不夠熱，只是暖。薑味淡，冇豆味，太淡。唔知係唔係有機都係咁呢？而燉蕃茄腱心半筋斗肉細面，餸及湯底可以但細麵份量少咗些，兩個女仔可以叫一個正常一個小麵。

以前每年都去一兩次台灣，而家因為疫情關係，唯有搵間台灣過江龍嘅牛肉麵食下。據我所知此店係曾經被台灣美食教父評為嘅牛肉麵。今次叫咗個招牌紅燒腱心牛肉麵，麵有得選擇手工麵或細麵。今次當自己去咗旅行，胃口大增，所以再叫多碟滷水拼盤，同加一杯秘製酸梅湯。碗麵一嚟到就已經聞到一陣藥材味，立即試吓個湯底，感覺十分濃郁，帶一點微辣，應該熬製咗好耐。牛腱心份量幾多，雖然厚切，但食落又軟又腍，而且好入味。還附上一碟酸菜，加埋囉加埋落去啲湯度十分匹配。跟住嚟個滷水拼盤，裏面有牛肚，牛𦟌，滷水蛋，豆乾，鮮菌。個滷水蛋居然仲係溜心蛋，好好味。最後試埋杯酸梅湯，聽講係沿用返台灣嘅秘製配方，開胃又解渴，食多啲都唔怕。食完今餐，去台灣嘅感覺返晒黎。

明知道台灣開咗間餐廳嚟香港，而家冇得去旅行，所以就去朝下聖，特別係食佢嘅手工麵。手工麵本身比較闊同厚身，比較有口感，放咗落啲湯汁嗰度嘅話就更加可以有「麵湯」融合嘅感覺。我自己本身叫咗一個三寶麵，裏面有齊晒牛展、牛肚、牛筋，材料本身都高質，因為一啲都唔軔，而且都幾彈口。個面仲非常香。朋友叫咗另外一款：嫩五花牛肉麵，牛肉食落去嘅感覺，真係有幾分似和牛，肉質肥美，幾可亂真。食麵仲會送埋配菜，呢個配菜真係一絕。小食方面，我哋特登叫咗一個麻醬涼拌豆腐，有非常香嘅四川口水雞嘅味道，再加埋花生🥜，作為涼菜，真係非常濃味👍呢度嘅面個湯底本身冇咩點落味精，所以食落去有少少淡，但就反而令我更安心。飲品最後我哋叫咗呢度嘅特製酸梅湯，甜甜地唔太酸；另外亦都叫咗令到嘅花茶，花茶少少熱亦都有好香果味，不錯。

無得去旅行，就黎試下呢間台灣名店段純貞，周圍都見到佢嘅廣告，所以平日兩點半黎到依然排晒長龍，睇黎好多人嘅思鄉病了。排緊隊已經睇定餐牌決定食咩，一坐低即刻落單，店員用手機下單，落完30秒內已經拎張單過黎，仲禮貌地叫我地睇下有無錯，高效率呀！自己點左麻辣蒜味腱心半筋半肉手工麵，賣相不錯喎。牛肉同牛筋都炆得軟腍入味，大大件有咬口，正喎。濃頭極濃郁，鮮甜的牛味呀，雖然係麻辣湯，但只係微微辣，飲晒碗湯無難度。手工麵有咬口，好掛湯呢。朋友點的燉濃湯雞細麵，制作需時都等左好一陣。雞脾大大隻，好滑呀～湯頭清甜，好有雞味。麵條要了細麵，都幾有咬口，吸飽湯好味喎。仲有鹹菜送上，正，有佢可以送到幾碗。仲點一個小食滷水拼盤，雖然話係小食，但一點都不少。牛展牛肚好軟腍，蛋勁流心，仲有滷水豆腐同杏鮑菇，吸了滷水汁真係幾正。食台灣野點可以唔點飲野，要左冬瓜薏仁檸檬特飲＆香橙乳酸飲料。前者係冬瓜茶加入薏仁同檸檬片，甜甜地有少少酸咁，幾得意呀。後者係橙汁加入乳酸，但乳酸味不濃，似飲緊橙汁，都唔錯㗎。麵食真係好好味，黎一解鄉愁吧。