段純貞牛肉麵 (如心廣場一期)

营业中

休息中

網上睇到介紹依間野，好似唔錯，牛肉麵湯底以藥膳製成，好好奇所以一直都想黎試下，但疫情限聚付禁堂食情況下，無乜機會食到，今次終於可以放假抽時間出到黎荃灣食啦。叫左一個招牌必食牛三寶麵（牛腱、牛肚、牛筋），可以揀手工麵同細麵，我比較鍾意食手工闊麵，所以揀左手工麵。牛三寶無失望，牛腱同牛筋麵好淋，牛肚好爽，湯底唔錯，但藥味太濃，濃到飲唔到咩味，只知飲緊熱湯，可能我食唔慣，麵仲跟隨一碟咸酸菜，伴麵一流，飲品叫左一杯香橙乳酸特飲，橙本身已經甜酸，加左乳酸沖其實同橙汁無分別。整體不過不失。