段純貞牛肉麵 (如心廣場一期)

营业中

休息中

之前幾次經過荃灣如心廣埸都見到呢間店成日都有人龍✨今日一黎先發現佢地原來係台灣的人氣麵館呢次係平日時間，我地大約係門口等左5-10分鍾已經有得入去食店內的裝修主要係行木系風格，簡單而整潔.▪️$88 招牌三寶麵 - 手工麵因為太多野想食，就決定叫佢個三寶麵試一試餸菜有店內的招牌食物牛腱心之餘，又有牛肚牛筋咁紅燒腱心肉份量都有兩大舊，夾上黎個時仲見到係布滿濃濃的湯汁🤤腱心肉食落口感好腍，就好似係平時牛腩麵個種再腍多D最後飲埋佢個充滿牛味同多種唔同香料慢火煮成，正 !😋.▫️$80 麻辣蒜味腱心半筋半肉麵 – 細麵 (腱心、牛肚、牛筋)今次就試左個麻辣蒜味麵雖然餐牌上面寫個辣度有兩隻辣椒，但對於平時食開三少辣的B先生黎講真係小兒科😎湯底飲落有陣陣的牛味同蒜味，但麻味則略為不夠牛筋食落同牛腱心一樣都係入口即溶，唔錯唔錯.▪️$78 滷水拼盤 (牛肚/牛𦟌/滷蛋/豆干/鮮菌)滷水拼盤方面，份量真係非常豐富尢其係豆腐放左係濃濃的滷水汁上面，索曬D精華😆牛𦟌亦都相當入味，肉質一層一層咁，味道不比招牌牛腱心遜色最後仲有隻半流心狀態的滷蛋隻結尾，食完真係捧住個肚走～.▪️冬瓜薏仁檸檬特飲▫️香橙飲酸特飲飲品方面

同小朋友交收完功課（幾時可以返學呀，究竟香港人做錯啲乜？）之後老婆話試新嘢呢間嘢人齊先比入座（喂，而家限坐兩件，又唔係五六七八件，唔使呀🙄）坐低叫咗個三寶手工同紅燒牛手工加炒手首先三寶登台，一啖湯底⋯微辣，但其他湯底味唔太出，再嚟多啖⋯一樣🤔之後紅油炒手上枱，配料充足，一碟五六粒，但紅油唔太多⋯一般🙄再來一杯凍薏米🍋水，Errr...........無冰嘅🤔🤔🤔但係杯薑茶幾香味幾出，龍眼乾幾甜⋯⋯可以不過，呢餐嘢食咗半隻大🐂有多都唔平⋯⋯性價比一般，唔係特別好食亦唔見值咁嘅價位🤦

無得去台灣，只好係香港食下台灣嘢，彌補一下啦！聽講荃灣新開左一間過江龍，仲要係食牛肉麵，就同朋友去左試下啦。招牌紅燒腱心牛肉麵碗麵一嚟到，我同朋友都嚇親。令我哋嚇親嘅係啲牛肉，超級超級大舊，係三大件。比起其他店嘅，佢哋一舊抵人哋三舊。呢個肉嘅份量真係一百分。麻辣蒜味腱心半筋半肉麵呢碗嗌左幼麵，以為會無咩咬口，點知都好有筋道，非常啱我哋嘅口味。麻辣味都幾香架。配酸菜一齊食都幾夾。鹽酥雞台灣必食嘅小食。份量幾多，雞件大大舊，食落啖啖肉，香脆可口，一流！香橙乳酸飲料幾清新，唔會有個種人工嘅味道！冬瓜薏米檸檬特飲唔會好甜，仲有啲薏米咬下咁！

最近荃灣最紅的新餐廳，相信非段純貞莫屬這家台灣過江龍在香港開設的首家分店，每次經過如心廣場，必定看到排隊的人龍，所以又怎能不嘗一嘗呢位置：如心廣場中央位置，正好在Pacific Coffee的對面環境：裝修古式古香，有傳統的感覺服務：店員下單快、上菜收拾同樣很有效率食物：味道偏重，用料十足麻辣蒜味腱心半筋半肉麵 $84這款麵讓人第一感覺的肯定是其辣勁，湯頭香辣且蒜香味濃，喜歡重口味及辣的朋友一定會喜歡牛肉選用了較稀有的腱心部分，非常軟腍，而牛筋亦煮得很軟滑易入口太太選了像刀削麵的手工麵，易吸入湯頭且口感很不錯三寶麵 $88三寶麵同樣有牛腱心及牛筋，再加入同樣軟腍的牛肚，相當豐富最有特色是可以喝充滿藥材味的湯頭，十分養身本人選配了細麵，幼滑順口鹽酥雞 $48加點了台灣傳統的鹽酥雞，炸的酥脆，細細粒很易入口香橙乳酸飲料 $28乳酸飲料一直是太太最愛，這款飲料加入了香橙及橙汁，增添了一點香氣，亦有乳酸的開胃感覺冬瓜薏仁檸檬特飲 $30主要是冬瓜茶的味道，既有冬瓜薏仁的清熱氣，亦有檸檬的清新開胃，是很潤喉養生特飲這次光顧過後明白為什麼餐廳一直都需要排隊，不是因為店員效率低，反之全因食物水準比較

由於疫情嚴重，我冇得去去台灣旅行，十分想念台灣的味道，沒想到在香港也能吃到如此地道的台灣牛肉麵。三寶麵 （$88）呢碗係我食過最道地既牛肉麵佢既湯低十分濃郁麵質彈牙，十分推薦

今日都ok多人排隊，不過又唔係排左好耐，10分鐘左右就有得入講下啲嘢食鹽酥雞 - 入口熱辣辣，食得出係即炸，但無咩雞味，而且肉好乾，似炸雞多過鹽酥雞三寶麵 - 全部牛件都好入味，湯夠厚身，幼麵都掛到湯，係略嫌鹹左少少冷泡烏龍茶 - 好好飲，唔係平時樽裝茶嘅貨色，有茶香，水準之上埋單$183，以質素黎講，主要係個鹽酥雞真係麻麻，麵同茶都唔差，但呢個價錢，可以有其他選擇

唸起食臺灣耶，正宗少少的台灣麵，就真係要搵下。第一次嚟到荃灣的段純貞，真係另有一番風味。首先這裡裝潢佈置都有一種清新舒服的感覺，坐的位置也很寬闊，吃飯聊天是一個不錯選擇。我跟朋友二人點了一份燉濃湯雞麵，一份麻辣蒜味腱心半筋半肉麵，兩份都是手工麵做麵底，口感格外彈牙。首先喝一口燉濃湯雞湯，令人為之一震，好鮮甜的雞湯，感覺很補，再吃一口雞肉，皮嫩肉滑淡淡肉。半筋半肉麵口感也是超級棒的，最喜歡吃有筋的牛肉，吃起來特別好嚼勁。另外小吃我們點了香麻醬涼拌豆腐，大大份的豆腐伴著醬吃，不油膩，吃起來還感到解膩呢。吃了這麼多好吃的，當然少不了喝點好喝的，餐飲可以點這裡特色飲品，我們點了香橙乳酸飲料和柚子蜂蜜綠茶，兩份賣相都不錯👍段純貞有好幾家分店，下次食臺灣嘢有新去處啦。

難得放早有時間食個下午茶，梗係要去食返個好西😄 話說荃灣如心廣場開左台灣新竹過江龍牛肉麵店，為食既我梗係要去試下🤤下午茶時間都排哂長龍，等左半個鐘⏱先有位，好誇張！·🐮 三寶麵 HKD$$88哩款啱哂貪心又選擇困難既人(即係我😂😆) 一碗有齊腱心、牛肚、牛筋🤩腱心超大塊，肉質又軟又腍😋·超喜歡佢既牛筋❤煮到超級延綿，入口即溶咁，好正麵條可以選擇細麵/手工麵，個人覺得細麵掛湯力更高👍湯底好濃郁，顏色已經說明左，而且較為稠身，重口味既我好喜歡😋😋·🐂 滷水拼盤 HKD$78拼盤好豐富，包括 牛肚、牛腱、滷蛋🥚、豆乾及鮮菌🍄，滷蛋係半熟流心👍豆乾吸收左滷汁精華，好食😻·🍵 冷泡凍頂烏龍茶 HKD$30玻璃樽身感覺即時文青左😄 烏龍茶幾香醇，飲佢可以沖淡下重口味都唔錯呢~

身邊有個朋友好鍾意試新餐廳，呢間咁出名既過江龍牛肉麵嚟香港開分店佢當然唔會放過😅😅約左個幾月終於約到weekday黎食個lunch，等左大約十分鐘～兩個人叫左個三寶牛肉細麵，燉濃湯雞手工麵，紅油抄手，冬瓜薏仁檸檬特飲同埋桂圓蜂蜜薑母茶😁三寶牛肉麵湯底非常濃郁！香濃既牛肉味配搭藥材加埋好輕微既辣，令到啲細麵掛左好多湯汁，完全唔需要連湯一齊食都好夠味好好食🤤🤤 重點係濃郁得黎但食完完全唔口渴！！👍👍牛腱心好厚身但係非常軟稔，肉質一絲絲，濃而不膩，牛筋稔而不爛😍😍燉濃湯雞麵都有好濃郁既雞湯味但完全唔油膩，係一個補身清淡既好選擇😋 雞肉嫰滑到不得了！！手工麵就比較煙韌有咬口～呢度嘅紅油抄手同平時食開上海既版本有啲唔同，呢度醬汁係用左比較濃稠既豆瓣醬，蒜味較重，抄手口感比較紮實，似係包左粒非常彈牙既豬肉丸係裡面咁，幾特別👍冬瓜薏仁檸檬特飲好清新，飲落帶有少少冰糖嘅清甜，同濃味既牛肉麵幾夾～桂圓蜂蜜薑母茶入口相對比較強烈，我覺得配搭返清淡既雞湯麵又幾有衝擊😁雖然限時四十五分鐘用餐，不過野食上得好快，絕對夠時間，店員服務好殷勤又有禮貌，坐得舒服，非常推薦👏👏

星期日突然想食台灣野，諗諗下，醒起如心有一間台灣麵。上次食過過尋味，今次同老婆一人叫一個外賣返屋企食。一個叫五花牛肉麵，一個叫半筋半肉！外賣返屋企個湯仲係好濃郁！個半筋半肉仲係非常之腍架，自己好難整到咁腍囉！好值得叫e個！五花牛肉就有小小似肥牛，屬於正常水平，個紅燒湯底仍然有果種台灣味，一食落去就係完完全全台灣味，真係好耐無去台灣啦，好想去台灣食台灣野同台灣小食，只好食住台灣麵思住故鄉先，值得一推薦！

朋友說台灣段純貞進駐荃灣如心廣場一期，記得之前在台中吃過，超懷念🤤今日大約三點到，仍然都要排隊🙈但幸好也不用等太久🤗招牌紅燒腱心牛肉麵（手工麵），賣相一流，上枱時未入口已經聞到濃郁的湯味🤤牛腱心又大件又厚，非常軟淋！手工麵有咬口，而且索晒湯味👍🏻麻辣蒜味腱心半筋半肉麵（細麵），麻辣香濃但不會太辣，牛筋煮得剛剛好，不會過軟淋！滷水併盤，有牛展，牛肚，豆干，雞蛋，鮮菌！滷水汁調味剛剛，牛展，牛肚，豆干等很入味！份量也不少！冬瓜薏仁檸檬特飲冷泡烏龍茶

上次食完之後一直想食多次，本來今次想試下堂食，但系可惜今次趕時間同五想食甘多野所以就都系叫左外賣自取，只不過今次既外賣自取就全部都系小食。而且因為甘我亦發現左原來段純貞既鹽酥雞系甘高質甘好味，外脆內軟，雞肉五會太老，做得非常好。下次再幫襯一定要試下堂食先得

今日跟朋友一齊去熱門餐廳排行榜no.1既台灣店舖黎朝聖下，下午茶時份黎排晒人龍，外面都聞到很香既牛肉湯味道！排左30分鐘左右終於有位啦，我地點左店舖既招牌菜式：三寶手工麵（腱心、牛肚、牛筋）$88:湯底係用左牛大骨熬煮幾小時慢煮而成，手工麵厚薄不一用黎吸晒湯汁，令麵更加煙韌，三寶麵一次話滿足晒牛魔王既3個願望：腱心肉肉質紮實且紋路漂亮，含豐富膠質，脂肪少、蛋白質多；牛肚味道鮮美，嚼勁十足又腍身；牛筋口感淡嫩不膩，富有韌勁！招牌紅燒腱心牛肉手工麵$80:牛腱心肉細筋滿佈呈現花狀紋路，含有豐富膠質，半筋半肉的口感，牛肉風味香醇且口感極佳，還配有酸菜一齊食更富台灣風味！滷水拼盤有牛肚、牛𦟌、滷蛋、豆干、鮮菌$78: 滷水流心蛋蛋味香濃，含豐富蛋白質；牛𦟌、牛肚炆得很唸身，肉質唔好太韌、微暖既豆干同鮮菌吸晒滷水香味！易入口！冬瓜薏仁檸檬特飲$30: 味道微甜，清新好飲，健脾清熱、生津解渴，仲可以袪濕氣，飲完都會好訓d!桂圓蜂蜜薑母茶$28: 最岩女性養生飲既飲品，薑味很濃厚，桂圓味道甘美，薑茶飲起黎的口感很豐富，且又補氣安神！+++++++++++++++如果大家喜歡💕我寫既食評，麻煩比個❤️鼓

首先整個環境格局非常古色古香，座位寬敞 零壓迫感。職員上餐速度非常快，大概下單約5分鐘左右，便會上餐。員工親切友善，讓顧客有一種賓至如歸的感覺。值得一提的是鹵水拼盤很入味，鹵蛋是溏心、入口即化，鮮菌比較爽且彈牙，至於牛肚牛展不用說同樣美味。原味牛肉面和紅燒牛筋面其實是一樣的，只是牛肉變牛筋，如果不太喜歡膩的姐妹們我建議吃牛肉面，牛筋骨膠原雖然多，但其實吃一塊就覺得很膩，因為它很大塊，至於手工面我覺得這一間細面比手工面好吃，因為手工面口感方面還是差一點點。飲料方面千萬不要叫桂圓杞子姜母茶，因為喝下去像只有少許微辣姜味的溫水，反而姜糖豆漿可以試一下，你會發現有驚喜,濃濃豆味充斥著薑的辣味，冬天喝一流。

台灣人氣牛肉麵段純貞海外分店開左啦!位於荃灣如心廣場1期1樓，今日中午特登同好友黎試試。餐廳環境寬敞潔淨，裝潢簡約，坐得舒適。招牌紅燒腱心牛肉麵湯底以牛大骨熬煮，濃郁醇厚，香氣十足。牛腱心肉油脂分佈均勻，蘊含豐富膠質，口感軟嫩，食落牛味濃郁，Q彈又多汁。麵條揀左手工麵，口感煙煙韌韌，嚼勁十足，厚薄不均提升掛湯力。三寶麵(腱心、牛肚、牛筋)深啡色湯底落足料熬煮，味道濃香。牛腱心肉質軟嫩，牛肉風味香醇；牛肚爽脆有嚼勁；牛筋滑嫩綿軟。麵條揀左細麵，口感彈韌有勁。滷水拼盤有齊牛肚、牛𦟌、滷蛋、豆乾、鮮菌，大大碟好吸引，推薦濃厚牛肉味既牛𦟌，香甜流心既滷蛋，同埋爽甜鮮菌!桂圓杞子薑母茶凍冰冰，女士們最岩飲滋補薑母茶!香橙乳酸飲料酸甜適中，解膩一流~