段純貞牛肉麵 (如心廣場一期)

营业中

休息中

#跟住我食唔中伏.段純貞牛肉麵是來自台灣新竹市是當地最人氣的牛肉麵餐廳現於香港荃灣如心廣場都可以吃到了🤩.主打木系古風裝潢，風味又大方沿用台灣總店秘方✨包括牛肉麵的牛骨湯底😌🤤湯底用上牛大骨及23種中藥材及香料慢火細燉8小時，夠油香又不會膩👍🏻麵食可選配搭刀切手工麵或細麵，另會配一碟酸菜.招牌麵食［三寶麵］可以同時試勻牛腱心、牛肚及牛筋招牌［紅燒腱心牛肉麵］紅燒腱心肉質非常軟腍，十分入味😍超好吃！.［滷水拼盤］有牛肚、牛腱、滷蛋、豆乾及鮮菌這個感覺有點偏油，味道沒有驚喜🤭.招牌［秘製酸梅湯］沿用台灣總店秘方炮製✨酸酸甜甜的，跟牛肉麵十分搭🥳....#ca師奶餐廳_荃灣#超多人排隊#超人氣 #台灣

逛如心廣塲見段純貞門外有人排隊，是食台灣牛肉麵，我估應該好吃😋所以我都排隊。我們點左麻辣蒜味腱心半筋半肉手工麵，牛筋夠腍滑夠入味，牛肉夠腍牛肉味香濃，手工麵口感彈牙，索左濃香湯底，超美味可口，滷水拼盤，有牛肚、牛𦟌、滷蛋、豆干、鮮菌。牛𦟌好腍滑，牛肚很腍，全部都夠晒入味，真不錯👍👍三寶手工麵，有牛腱心、牛肚、牛筋，湯底味香又濃，很好味我飲晒湯，碗底見到「獨門二十三香以香傳鄉」真有趣很特別。秘製酸梅湯，酸酸甜甜，味道濃香。香橙乳酸飲料，橙汁和益力多味道，真不錯👍地址：荃灣楊屋道8號如心廣場1期1樓105-107號舖

人氣過江龍段純貞終於開到嚟香港啦，新店坐落荃灣，當然就要約朋友一齊去食喇，除左有牛肉麵外，仲有各款小食，選擇非常多，想當吸引_經典紅燒牛肉麵 $80食牛肉麵最緊要就係湯底，所以上枱時就飲一口湯底先，味道非常濃郁，再加上麵質彈牙，同有嚼勁既牛肉，係絕配呀麻辣蒜味腱心半筋半肉麵$84牛肉麵我哋都叫咗手工麵，湯底有麻辣香，亦有配上酸菜，牛肉嘅份量都足夠，半筋半肉就較為軟淋，容易入口_柚子蜂蜜綠茶 $26味道唔會太甜，仲有淡淡柚子香冬瓜薏仁檸檬特飲 $30留意番飲品係需要單點，今次就叫左其中兩款嚟試吓，冬瓜薏仁檸檬飲落清新，仲好潤喉_香麻醬涼拌豆腐 $48小食方面有多款選擇包括鹽酥雞、紅油抄手等，今次叫嘅呢款涼拌香麻豆腐，食落口十分惹味，小食黎講，十分之開胃

去荃灣諗住行Donki，去到附近12點鐘左右，就係如心廣場到覓食，食飽飽再慢慢行。好耐冇食台灣菜，咁啱見到呢間段純貞牛肉麵，12點門口已經有4,5個人等緊，心諗啱啱開午市都有隊排，就試試佢有幾勁。等左10分鐘左右，就可以入座。睇完嗰menu，心血來潮想點D次熱門選擇，就點左 燉蕃茄腱心半筋半肉麵、酥炸排骨同冷泡凍頂烏龍茶3樣嘢。趁嘢食上嚟前就望下環境，設計都有D中式庭園風，枱同枱中間仲有塊有膠板嘅木屏風仔隔一隔，感覺都做足防疫措施。坐左一陣，嗰麵好快就嚟左先，上面有一整嚿蕃茄，仲有牛腱同牛筋各兩大嚿，賣相唔錯，隨麵仲跟一細碟酸菜。先飲啖湯底，一開始以為係純茄湯，估唔到佢嗰湯底都係紅燒湯底為主，一落口係濃郁嘅紅燒湯頭，再飲蕃茄味亦開始浮出嚟，微微茄酸同微微紅燒嘅辣融合埋一齊，不但令濃郁湯頭加一D清新嘅感覺，仲多一層次。再嚟試下肉，牛腱同牛筋都燉得好腍，一咬即化，亦都好入味，正。嗰麵底有得揀細麵同手工麵，我揀左手工麵，食落感覺有D似厚少少嘅刀削麵，有咬口又掛到湯。食左幾啖再試試嗰酸菜，味道幾濃，好開胃。食緊途中嗰冷泡烏龍都上左，佢係一個樽仔咁上，店員會倒一D落杯再上枱。一樽可以倒到2杯左右

星期日行過見好多人排隊，星期二收舖前未夠六點就試吓，點咗招牌三寶麵，初初都唔知咩係腱心，比其他牛肉麵啲牛𦟌更soft又有膠質，牛筋炆到好淋好好味，反而牛肚就麻麻哋，湯係有少少辣好啱口味。仲有order 小食煎餃，但應該唔似即叫即煎，只係少少暖，又無乜汁。紅油炒手同上海紅油炒手唔一樣，有牙菜同炸脆黃豆，但都幾辣。還有叫咗杯香芋珍珠奶茶。

雜誌介紹， 被台灣美食教父評為『五顆星牛肉麵』的段純貞，在荃灣如心廣場一期，開設了首間海外分店，令人引頸以待，最近終於正式開業， 吸引我和先生中午時分過去品嚐台灣味道。段純貞，源自店主已故祖母的名字。來自四川的段純貞，為了幫補生計， 在台灣，以單車售賣豆瓣醬，獨創出川式牛肉麵， 在異鄉打響名堂。麵條，可以選擇手工麵或細面，我和先生也選擇了平日少見的粗身手工麵，口感煙韌得來， 掛汁力強。麻辣蒜味腱心半筋半肉麵$84切得厚身的牛肉份量十足，一半是腱心肉，一半是牛筋，腱心肉妏的時間剛好，肉質軟淋而不爛，油脂分佈均勻，肉香醇厚， 口感有點像牛展， 啖啖肉， 湯底花椒味突出， 濃郁不太辣，配上滑滑手工麵同食，令人十分滿足。三寶麵（腱心，牛肚，牛筋）$88先生說用上23種藥材慢火熬製8小時而成的牛骨湯很美味，湯底帶點藥材味，香甜而不苦， 說罷便一飲而盡，很識補。每天用新鮮牛脂，提鍊出天然牛油來煮湯底；選一頭牛只得2塊的牛腱心來做主打牛肉麵， 餐廳對食材的堅持，令人動容，著實是食得安心又放心。

本身都鍾意台式既食店🥢喺香港試過好多間牛肉麵🍜如心廣場呢間算係比較高質，有台灣風味😋星期六大約1點鐘黎到，食飯時間加上開張無耐，自然會人多。我地排第二組，加埋第一組大約30-40人。見到有人離座之後，好快就安排新客入座，我地等左大半個鐘終於可以入座。服務員都好有耐心同禮貌咁安排客人入座。店內裝修有懷舊既感覺，亦都乾乾淨淨，舒適闊落。（滿分10隻手指公）🔷麻辣蒜味腱心牛肉面（手工面）$80湯底濃郁，但蒜味可以再重啲，辣度就剛好！手工麵有啲似山西刀削麵，好有口感，煙煙韌韌，好掛汁，值得一試！牛腱心，好多同好大舊，燉到好軟嫩入味，易咬，有小小入口即溶既感覺！牛肉麵隨附一小碟酸菜，可隨意加落牛肉麵一齊食，加添香口。🔷三寶麵（幼麵）$88店舖推介必點！因為第一次食，所以叫左一碗手工麵，一碗幼麵。三寶包括腱心、牛肚、牛筋湯底辣度好適中，味道其實同麻蒜差唔多，只係小左蒜味😆幼麵都好掛湯，不過就較稔，無手工麵咁有口感。如果下次再食都係揀手工麵😋腱心：上面講左，唔重覆牛肚：稔得黎都爽口，好易咬，唔怕韌牛筋：好稔好大舊，好有骨膠原🔷鹽酥雞 $48呢個價錢黎講，真係大件又抵食。外脆內軟，好香口，但炸粉略為厚

段純貞是台灣牛肉麵過江龍， 招牌紅燒牛肉麵作招徠，牛肉湯底以新鮮牛大骨熬煮，經過慢火燉數小時，匯聚牛肉汁精華。三寶麵 $88配料豐富，有腱心、牛肚、牛筋，適合貪心的我。 牛腱心厚身軟嫩，入口細滑無筋，再呷一口溫熱湯底，帶藥材香氣，香氣十足。牛肚口感Q彈，牛香醇厚；如啫喱狀的牛筋，充滿豐富膠質，煙韌滋味。跟配手工麵，粗身、厚薄不均勻，每條麵掛上肉湯精華，濃郁鮮味。燉濃湯雞麵 $78雞腿肉嫩滑，黃油雞皮滑溜、緊緻，加上香蔥提升，令人胃口大開！配上濃白湯底，嫩雞炮製出彈牙口感，手工麵吸收了鮮甜雞湯，十分窩心。滷水拼盤$78鹵水拼盤有牛肚、牛展、鹵蛋及豆乾及鮮菌，牛肚和牛展質感軟嫩，肉味濃郁。流心滑蛋，金黃色的蛋黃流出，配上滑溜鮮菌，和充滿滷水味的豆乾，十分吸引。冷泡凍頂烏龍茶$30烏龍茶入口清香，冰震的茶香，清爽解渴。柚子蜂蜜綠茶 $26蜂蜜的香甜，配上幽幽的柚子，調配出清爽快感。

呢間段纯貞店舖位於荃灣愉心廣場!係一間台灣手工麵嘅舖頭!主打食牛肉麵!這間店舖雖然唔係好大!坐落都算幾舒適!人流非常之多!睇到D客人一枱走!好快就有一枱客人入座!非常之旺!.麻辣蒜味腱心半筋半肉麵燉濃湯雞麵(手工麵)鹽酥雞冬瓜薏仁檸檬特飲桂圓蜂蜜薑母茶.麻辣蒜味腱心半筋半肉麵呢碗半筋半肉麵!賣相都好吸引😮😮😮!睇見都好想食🤔🤔🤔!去嘅牛筋十分之腍身!咬落都好彈牙!同時D牛肉食入口好有口感!又夠哂腍身!牛肉入哂味味道好好味😋😋😋!去嘅麵咬落都算好烟韌!咬落都有口感!湯底味道好濃郁😙😙😙!湯底真係唔錯👍👍👍!.燉濃湯雞麵(手工麵)去嘅濃湯好香雞味!味道十分之香濃😙😙😙!飲到入口感覺好好味!去嘅雞肉都好嫰滑!咬落去感覺雞味都好鮮!都算唔錯😋😋😋!尤其是去嘅手工麵!食落好特別比起其他嘅麵類!好食好多好有咬口!.鹽酥雞賣相都好吸引!外酥脆內嫰滑!咬落去夠哂酥脆!雞肉味道恰恰好!.冬瓜薏仁檸檬特飲!飲入口味道都唔錯!味道好特別🤔🤔🤔!清香檸檬嘅味道😙😙😙!又飲到冬瓜同埋薏仁嘅味道!兩者加埋味道唔同哂!我覺得好好飲😋😋😋!.*價錢一般!食物都好有水準!值得試吓*

我與女友都是台灣特色食品愛好者，聽聞朋友介紹位於如心廣場的段純貞牛肉麵，故在百忙之中抽空前往光顧! 因不是繁忙時段，無需等候便能進入店內。店內半復古的裝修風格可被輕易察覺，段純貞牛肉麵的歷史更被刻在牆上，為店舖增加了不少氣派!餐牌上的食品均附有精美圖片介紹，讓食客增添幾分食慾及期待。餐牌食品款式十足，除了牛肉麵外，更設有飯類食品，小食及飲品種類亦多不勝數，再附上幾款特色甜品，可見餐店食品種類樣樣皆全!最為深刻的食品實屬麻辣蒜味腱心半筋半肉牛肉麵，麻辣湯底首先俘虜了食客的舌尖，濃湯中的牛腩更是口感軟滑，一試難忘。最讓我意外的必定是店員的服務態度，店員細心為顧客解答餐點問題，以禮待人的態度應為之仿效!!!

人氣過江龍段純貞終於開到嚟香港啦，新店坐落荃灣，最近趁得閒少少同朋友嚟咗食午餐，估唔到牛肉麵都幾多選擇仲有多款小食同飲品，同朋友都食到飽一飽先走😊_經典紅燒牛肉麵 $80麻辣蒜味腱心半筋半肉麵$84牛肉麵我哋都叫咗手工麵，一上枱已經聞到湯底非常香，亦有配上酸菜，牛肉嘅份量都足夠，小編就比較鍾意半筋半肉，牛筋非常入味，佢個面底其實都幾多下🤔_柚子蜂蜜綠茶 $26冬瓜薏仁檸檬特飲 $30留意番飲品係需要單點，今次就叫左其中兩款嚟試吓，柚子蜂蜜較為清新，配埋牛肉麵一齊食能夠解膩💜_香麻醬涼拌豆腐 $48小食方面有多款選擇包括鹽酥雞、紅油抄手等，今次叫嘅呢款涼拌豆腐醬汁非常惹味，作為輕食啱啱好

這間餐廳的牛肉麵很好吃牛肉很軟綿綿，麵也很爽口另外，炸排骨麵也很好味炸排骨很脆，很香口裏面的餐廳環境也很整潔和乾淨餐聽的座位也很寬躺侍應的服務態度也很好上菜速度也很快

好掛住台灣嘅牛肉麵牙😢。*段純貞*黎自台灣。香港係台灣以外嘅第一間店。麵🈶️兩款。手工麵/細麵自己揀。招牌紅燒腱心牛肉麵～湯底係用大量牛骨熬煮。味道濃濃的。喝一口。滿滿台灣嘅味道🥰。腱心牛肉有豐富膠質。口感黏黏好鬼正😋。手工麵口感彈牙。浸耐咗食都唔會淋bear bear 👍🏻。份量仲好多。食極都有。超滿足😝。滷水拼盤～有五款食物。包括牛肚。牛𦟌。滷蛋。豆干同鮮菌。牛𦟌好淋牙。又夠入味🤩。冷泡凍頂烏龍茶～烏龍茶香而不澀口。解膩一流😆。

聽同事講如心廣塲開咗間台灣過江龍，牛肉麵好好食，今日中午終於可以去試我最鍾意食嘅牛肉麵，大約五分鐘就入到，之後見到門外已經有大約6、7人排隊等位，即刻order佢哋招聘紅燒腱心牛肉麵(粗麵)同滷水拼盤先，大約等十分鐘就有得食，牛肉麵放在桌上熱辣辣，非常吸引，湯底濃郁而麵非常有質感，因為粗麵可以浸更多汁，腱心牛肉好淋，再試埋滷水拼盤(份量可以2個人share)，成碗湯差不多飲晒，好好味，最後order 埋冷泡凍頂烏龍茶，茶味淡淡好清新，好滿足的一個下午！🥰😆.員工服務非常貼心，值得一讚！

星期日1點幾去到 排隊排到2邊都有人等下就4點幾再去 點知都係勁多人等位所以放棄左 等6點後外賣食想外賣嘅時候 企左一陣都無staff理 明明類似水吧位有兩個人到order嘅時候 應該係經理收錢解釋得好清楚手工麵同細麵嘅分別 咁就各樣叫一碗試下拎完外賣再行去食嘅地方都要10分鐘好surprise食嘅時候仲係好熱 外賣盒都係高質Keep到溫度 同埋拎上手唔會覺得好熱兩款牛肉都係食過嘅台灣餐廳中最好食有咬口 又唔會過肥過瘦對得住個價錢而麵方面 細麵就正正常常手工麵就有d似刀削麵 係有d厚最後食唔晒d手工麵另外仲嗌左雞湯抄手 湯好飲😋抄手都唔錯 皮同餡料都好平均野飲方面就有少少失望香芋珍珠奶茶個味好似人工味道 芋頭純正嘅味無乜香橙乳酸飲料就唔似成日飲到個隻乳酸 但有果粒橙 好似橙汁咁都好飲嘅總括黎講 都值得排隊一試嘅牛肉麵 只係自己唔係好鍾意排隊 飲料就可以下次試下其他