段純貞牛肉麵 (如心廣場一期)

营业中

休息中

由於疫情嚴重，我又咁啱見到有得外賣自，而且又有咁多人排隊，咁就決定入去買個外賣番屋企食。就算好多人排隊，我都只係等咗15分鐘個外賣就整好咗。而且仲包得好穩陣，返到屋企都冇出現滴漏嘅情況招牌紅燒腱心牛肉麵$80麵底可以揀手工麵或者細麵因為手工麵比較特別，唔係間間都有所以我就叫咗手工麵試吓😍😍個麵望落去幾靚仔，個湯都好香先飲咗啖湯，個味道真係好香好濃郁再試下啲麵，非常有質感最後再試吓個主角，腱心牛肉個牛肉肉質非常嫩，非常推薦🤩🤩🤩

聽聞荃灣如心廣場新開間台灣牛肉麵，身為台灣牛肉麵嘅fans緊係要即刻嚟試一試。佢係要排隊等位同齊人先比入座。我12:00去到排左10分鐘。我落單叫嘢食嘅時候門口條龍已經勁長。1. 紅燒腱心半筋半肉牛肉麵 （手工麵）- 手工麵口感好似刀削麵。湯入口好大浸藥材味，食得出好似有花椒八角果類。湯頭都算濃郁，牛肉同牛筋都好林好入味。佢附送一碟酸菜，係有啲台灣嘅感覺。2. 燉濃湯雞麵 - 呢個估唔到有驚喜。我諗住佢會好似普通嫩雞煨麵咁。湯頭係好濃郁嘅雞湯，飲落同聞落都好香味。雞髀好滑。3. 珍珠奶茶 - 呢杯珍珠奶茶普通到我都唔知講乜好。荃灣實在太多好飲嘅珍珠奶茶舖頭，可以揀都唔好飲呢間。埋單盛惠HKD207。呢間台灣牛肉麵都值得再黎，因為佢都真係有八分台灣嘅味道。

冇得去旅行，好掛住台灣既美食，呢日就同屋企人去左荃灣呢間餐廳到食正宗既台灣牛肉麵！打開餐牌，見到有好多好吸引既台灣菜啊！我地一人點左一碗麵，我點左招牌紅燒腱心牛肉麵，麵底揀左手工麵。牛肉麵既湯底好香濃，手工麵口感好好。牛肉煮到好腍，又入味，正！屋企人點左麻辣蒜味腱心半筋半牛肉麵，牛筋腍到勁腍，入口即溶，真係超級好食！湯底係麻辣味勁惹味！另外仲點左鹽酥雞，鹽酥雞唔會太油，仲有啲炸紫蘇葉，正！飲品方面，我地點左桂圓杞子薑母茶，冬天飲真係養生又暖胃！

之前去台灣都已經試過甘出名既段純貞牛肉麵，所以一聽到開左黎香港就即刻去試試佢，絕對冇令人失望，同台灣一樣甘好味雖然我個日叫既系外賣，但係一d都冇因為咁而失準，而且用既餐具系木做既，非常環保牛肉麵d牛肉超級嫩，完全有入口即化既感覺，一d都五會起渣同咬好耐，手工麵十分有特色，同牛肉麵非常夾個湯睇上去好紅本來以為好辣但原來一d都五辣，個味調較得剛剛好，五食辣既朋友都可以五洗擔心甘叫紅燒牛肉麵la下次都想去試吓佢個燉番茄系列同嫩五花牛肉麵紅油抄手辣得黎過癮，一個接住一個好快就食完，建議食得辣既朋友一定要試吓而且鋪頭系如心廣場入面好方便，想幾時去食都得

有驚喜！今日去到排左半個鐘隊，三個fd去食，叫左三款湯底，叫咗三個湯底有蒜容辣湯同蒜容辣湯，跟住紅燒牛肉味面，叫咗大條嘅類似刀削麵，冇記錯好似係叫手工麵哦，牛肉炆得超冧，三個朋友都好認同。小食叫咗麻婆豆腐、紅油抄手同滷水拼盤，都好入味，不過份量少咗少少，都可接受。野食就似台式飲品，叫咗芋頭珍珠奶茶，杯嘅size類似茶餐廳嗰啲杯，差唔多$30性價比一般，味道都唔差，但想大杯d，今次用餐overall唔錯，幾有台灣風味，有少少似去咗台灣食麵湯底嘅感覺。

/段純貞🇭🇰/➖➖➖<台灣過江龍牛肉麵🍜> ➖➖➖不嬲都好鍾意食台灣牛肉麵荃灣如心廣場最近開咗間新店係台灣過江龍喺台灣應該都幾出名 引來唔少人排隊就算大約下晝2:00一樣要排 等咗大概15分鐘店舖主打台灣牛肉麵但係都有其他選擇麵份量十足 都幾飽肚！➖➖➖🔹主食🔹1️⃣三寶麵 (腱心、牛肚、牛筋) $88 (𝟟.𝟜𝟝/𝟙𝟘)呢個係店舖嘅招牌 可以揀幼麵或者手工麵呢款我就揀咗幼麵 都幾掛湯 但較易浸腍牛筋炆得幾軟腍 幾張口😍 有兩至三件牛肚就較為細件 而腱心肉質鮮嫩 肉嘅部份會佔多 邊位嘅筋都夠腍湯底濃郁 屬於麻辣湯底 但都接受到～喜歡更辣➖➖➖2️⃣麻辣蒜味腱心半筋半肉牛肉麵 $84 (𝟟.𝟠/𝟙𝟘) 本身呢個都係辣 叫左少辣 感覺上會比三寶麵辣啲🤭🤭呢款冇咗牛肚 其實同1️⃣差唔多不過餸嘅份量就較多！雖然佢話有蒜味但係唔算好突出轉左手工麵 口感煙煙韌韌 賣相有少少似刀削麵更喜歡呢款口感 感覺上啦啲會更惹味➖➖➖3️⃣滷水拼盤 $78 (𝟟.𝟛𝟝/𝟙𝟘) 有牛肚、牛𦟌、滷蛋、豆干同鮮菌 牛肚同1️⃣麵差唔多 呢款牛展會比較薄切同埋多根 但頗軟腍滷蛋有糖心嘅效果 滷水味唔算好出豆干就係平時嘅豆

行街路經，見有人排隊，好奇心試吓外買等候時間: 跟告知的差不多，約12分鐘包裝: 結實安全，没有滴漏。湯和麵分開包裝。三寶手工麵: 足料，湯有少少辣，牛筋煮得好冧，惹味招牌红燒腱心牛肉麵: 足料，牛肉及麵都好冧，適合老人家食盬酥雞: 略賺不够脆身，邊邊面粉多的地方有些硬口

早幾日睇到新開咗台灣過江龍「段純貞」牛肉麵，我好鍾意食台灣牛肉麵，每次去親台灣差唔多每一日都要食一次，而家疫情飛唔到去台灣🥺 呢間仲要喺荃灣咁近，即刻約朋友去食。呢日專登過咗午飯繁忙時間三點鐘，但都要排長龍，都已經要排第二組時間，不過人流都算快，一路排隊一路諗定要食乜嘢，等咗一陣就可以入座啦～▪️秘制酸梅湯▪️新鮮製作，唔算好酸，啱啱好👍🏻▪️冬瓜薏仁檸檬特飲▪️個人推介酸酸甜甜仲可以解油膩感❤️▪️三寶麵（細麵）▪️紅燒湯底，有牛肚+牛筋+牛肉，份量十足，好足料，值得一讚好淋好入味，入口即溶，我鍾意細麵掛滿湯汁，吸收哂濃濃湯底～▪️麻辣蒜味腱心半筋半肉麵（手工麵）▪️鍾意辣味刺激感可以揀麻辣蒜味，唔會辣到搶咗個蒜頭味，食辣唔好錯過！手工麵即係粗麵，好有煙韌口感，牛筋牛肉都好淋。▪️滷水拼盤▪️（牛肚+牛展+滷蛋+豆乾+鮮菌）好多時食牛展同其他滷味都滷得唔夠淋，但係幾鍾意呢滷得好入味同好淋，食開牛肉麵就會明我講咩。豆乾係蜂巢豆腐，滷蛋仲係流心蛋添😍～本身我自己好鍾意食台灣紅燒牛肉麵，成日周圍食牛肉麵，喺香港真係唔係好多間可以做得好味，食開台灣牛肉麵都會知道由台灣買返嚟可能都要好貴，$8x呢個價錢絕對唔貴，而

每次到台灣玩總會尋找美味牛肉麵，惜疫情影響，惟有在香港尋覓，找到這間逢午間必現人龍的段純貞，果然有驚喜。常覺得台灣牛肉麵就像日本义燒拉麵，雖然間間店賣的牛肉麫都是有幾塊牛，都係深色的湯底，都係粗麫幼麫，但事實上，間間風味不同，牛的口感，麫的質感都各有特色，就像去日本的拉麵店，必有地方特色、獨門配方。段純貞給我感覺是很有性格有個性，無論是麫、冷豆腐至醬花生等各道菜式，均以獨門秘方處理，別處難吃得到相同的滋味。還有值得一提的是這店服務一流，因疫情關係，店員不斷為不同人數之客人移動桌椅，能做到先到先入座的規矩，而且無論經理還是侍應姐姐都是超級溫柔，好久未試過食餐飯有賓至如歸的感覺，是5星酒店級服務

來自台灣嘅段純貞牛肉麵進駐荃灣如心廣場，當然要去試試。去到門口已經好多人排隊，疫情下排隊都等咗30分鐘。下單後大概等5分鐘就上菜，速度非常快，今次選了紅燒牛肉原味牛肉手工麵及麻辣蒜味腱心半筋半肉細麵。兩款牛肉湯底帶有極濃嘅牛骨和淡淡藥材味，牛肉及牛筋都非常入味及肉質嫩滑，個人極推薦原味牛肉手工麵，厚薄不均嘅麵條掛住所有湯汁，煙韌有咬口，反而細麵嘅口感比較漿糊，不推薦！香芋珍珠奶茶顏色好像朱古力，外相有點不討好，但芋頭味道香濃，值得一試。

平日經過如心廣場一期一樓的段纯貞牛肉麵，都有長長的人龍。這源自台灣新竹市的麵店在當地享負盛名，很受歡迎。今天放假便慕名去試試。我們下午四時去，很幸運不用等候太久便有位。我叫了一碗招牌紅燒腱心牛肉麵。我選了細麵。麵大大碗有好多塊牛肉。牛腱心又香軟又有肉味，果然不同凡響。用23種藥材和香料熬製的牛骨湯香濃惹味，細麵沾滿濃湯好味道，濃而不腻，麵口感好，軟硬適中合味道。媽媽不吃牛，她選了燉濃湯雞麵。她讚慢煑的雞脾嫩滑有雞味，燉湯清香，幼麵吸滿湯汁又滑又美味，有營易消化。我們還叫了個鹵水拼盆，整體有水準。牛和牛肚都很入味。媽媽喜歡吃鹵蛋，豆干和鮮菌。鹵蛋糖心美味，豆干有豆味，鮮菌甜。飲品選擇多。我選的冬瓜薏仁檸檬特飲酸甜清新幾好味。媽選的香橙乳酸飲料也不錯。我們很享受這一餐。疫症不能去台灣，有空來吃這台灣的味道是生活的小確幸。感恩!

同男朋友去荃灣行街睇傢俬，咁岩去到如心廣場，見好多食店都無乜人，係段崇貞牛肉麵有好多人排隊，見啲裝修都幾靚，就一於試下啦！😆排左大概15分鐘就有位，等嘅期間見到店員清潔枱面會用清潔劑，對呢間食店嘅衞生信心大增。特別依家疫情，對食店衞生要求高左好多。我地order左2個麵同一份紅油抄手，份量都幾適中，岩岩好食得哂。招牌紅燒腱心牛肉麵 $80揀左粗麵，口感幾好，牛肉勁足料😋😋美中不足係個湯有啲咸，遮左啲牛肉湯味。燉濃湯雞麵 $78個湯好清有雞味，男朋友平時食野清淡，所以好中意😂無諗過隻雞髀咁大隻，超抵食，推薦👍🏿紅油抄手 $48有成7-8粒，唔算太辣，但香口，食完好滿足🤤肧芽珍珠奶茶 同 仙草奶茶本身淨係叫左一杯肧芽珍珠奶茶，估唔到茶味咁香👍🏿，同男朋友瞬間飲哂，最後要加單🤣埋單$284，台灣野黎講唔算平，但食物質素唔錯，環境又舒服，男朋友話可以encore😆

以往一年總會出遊幾次，奈何疫情限制，復飛無期… 這天到荃灣想看看聖誕燈飾，走著走著，去了如心廣場見到大大個的 Brown and Cony, 影完相發現已經晚上7點了，肚子也在打鼓了… 想要找點什麽吃的，但限制令下晚市禁堂食，唯有快脆買個外賣回家祭五臟廟… 盤算著晚餐吃什麽好，見到一間裝修古典的台灣麵店，搜了一下食評，原來本店在台灣很有名氣耶～好！今晩就試一下！今晩決定“飛一轉”台灣, 懷念一下台灣的味道！望住餐牌，所有東西都想試，一不小心就點了一枱滿的晚餐，再配一杯仙草奶茶，幻想自己去了台彎

呢日早放工，去咗如心廣場食呢一間人氣嘅台灣過江龍牛肉麵😎 平時經過都見到好長人龍，估唔到晏晝兩點幾都仲要排隊，不過好快入到，大約等咗15分鐘。我哋叫咗一人一碗麵再加一個小食，麵食可以選擇粗麵或者幼麵。🔸招牌紅燒腱心牛肉麵 - 粗麵一場來到就試吓個招牌牛肉麵啦，牛肉嘅份量超多，仲要厚切，估唔到咁大件都炆到好淋！我比較鍾意食粗麵，掛湯能力超強，好入味。湯底由多種材料熬煮，都幾濃郁，一上菜都聞到好香牛味。🔸三寶麵 - 幼麵 媽媽食三寶麵，三寶分別係腱心、牛肚、牛筋。如果想試多幾款嘅話可以揀三寶麵。腱心同我個碗一樣既，牛筋好大條，唔會過淋，咬落口有口感！特別一提係，每碗麵都跟一小碟酸菜，酸菜十分惹味，食完好開胃😍真係好好食，有啲想問佢有冇得額外買😂🔸滷水拼盤 有牛肚、牛𦟌、豆乾、滷蛋，都幾大碟，流心蛋最好食🤤牛𦟌好腍👍🏻👍🏻🔸秘製酸梅湯🍷鍾意酸味味嘅朋友就啱晒，覺得比起坊間嘅酸梅湯酸，冇加糖既感覺～🔸冬瓜薏仁檸檬特飲 🍹好好飲！唔太甜，有一粒粒嘅薏仁，加咗幾片新鮮檸檬🍋好清新好健康嘅感覺👍🏻食到三點幾條人龍仲長過頭先😆牛肉麵真係幾好食，份量又多，唔怪得咁多人嚟食啦😎真係值得一試！

本人非常鍾意去旅行，以前一有孖day off就會飛轉台灣食碗牛肉面食返籠小籠包………但而家唔好話搭飛機周圍去，就連夜晚坐低享受美食咁低既要求都做唔到，有見及此，兩口子多左去周圍搵啲好食既外賣自取…無意之間俾我地搵左間新開左無耐既台灣面鋪頭，重拾去台灣既感覺。我叫左個燉濃湯雞面，當我一打開蓋，不禁嘩一聲，大大隻雞上脾就在眼前我立即嘗一嘗湯頭配以店長推介既手工面，再嘩多一聲，香醇濃口且沒有肥膩口感，暖暖的一啖湯直達肚子，為依餐打響了頭炮……我再試一試雞肉，嗰個口感就好似食海南雞既感覺，鮮嫰有肉汁，食至師傅既功夫！係我食緊面既同時，我又俾眼前既叧一樣野吸引………登登登…登，滷水併盤！！！依個併盤不比湯面遜色，滷蛋仲係糖心架，而牛展牛肚豆干滷得非常入味，食完一夠要追食另一夠…一個人絕對可以食哂，如果配埋啤酒，正！！大家應該會好出奇我點解會介紹涼拌青瓜，留意下…外賣自取既涼拌仲有擺盤，咁細微既事都做到，值得加分啦！！！ 小插曲：本來我諗住食招牌牛肉面架，但張外賣自取單最底有行細字：湯底含蠶豆食份。我問過店員，他二話不説飛奔入廚房查詢，原來牛肉面湯底秘方有蠶豆的，我非常欣賞店員既反應，加分！