段純貞牛肉麵 (如心廣場一期)

营业中

休息中

去不到旅行不要緊來自台灣新竹市的人氣牛肉麵 「段純貞牛肉麵」登陸香港沿用台灣總店秘方製作所有麵食，包括店內主打的牛骨湯底所有麵食可選配刀切手工麵或細麵和附上一碟酸菜招牌紅燒腱心牛肉麵 - $80湯底真材實料用上大量牛大骨、23種中藥材及香料經慢火細燉八小時，口感濃郁而不膩牛鍵心是牛最常運動部位，位於後腿筋肉紋路呈現花狀，且富含膠質又帶筋，有嚼勁，口感彈牙多汁傳統製法製成的細麵，麵體的氣孔較多，更能吸收湯底精華酸菜爽脆，味道酸甜招牌牛肉麵 – $80三件慢燉牛肉軟嫩彈牙，筋肉比例適中，口味濃郁刀切手工麵經由麵糰反覆延壓維持韌性，薄厚不均的麵體，帶出彈牙有嚼勁又滑溜的口感滷水拼盤(牛肚/牛腱/滷蛋/豆干/鮮菌) - $78牛肚用金錢肚特別彈牙美味蛋白跟蛋黃超入味的滷蛋，外表軟彈，內裡綿密豆干較硬身，充滿黃豆的餘香鮮菌口感細膩，味道鮮美冬瓜薏仁檸檬特飲 - $30充滿健康感的配搭冬瓜軟綿香甜配檸檬清新的酸味底部大量營養價值高的薏仁增添顆粒感香燈乳酸飲料 - $28帶輕微天然香橙味，中間有明顯果肉乳酸口感豐厚，帶有奶油味

去完荃灣行山, 落左如心食下午茶, 估唔到呢到多左咁多餐廳!見到呢間台灣過江龍既段純貞牛肉麵好多人排隊, 香港人梗係唔會錯過排隊機會!見到呢到既招牌係腱心, 所以叫左個三寶麵, 入面有齊腱心/牛肚/牛筋!原味既湯底好濃郁, 仲帶藥材味, 叫左手工麵超掛湯, 個麵真係好粗好好咬!而腱心我估應該係牛展, 真係好淋好香肉味!仲大大舊!另一碗試左麻辣蒜香半筋半肉, 麻辣湯底好香, 唔會太麻, 愈食愈辣好上癮!呢到既牛筋牛展真係好出色, 配埋個湯好正!

其實都係佢響香港開我先知呢個品牌牛肉麵δ_δ之前已Google睇定，睇到流口水，所以好期待。。。香芋珍珠奶茶(走甜) $26： 極度難飲，d奶粉粒浮哂出面( 好耐未試過飲台式嘢中伏) 鹽酥雞$48：好難食，雞完全冇味，塊炸野好厚，面頭加大量少少辣味粉，只係食到味粉味。炒椰菜(走辣)$48: 唔錯, 主因每餐想食菜番茄燉牛腱心手工麵$80：手工麵好食，好q彈， 牛腱心有三條，份量足，肉質有d 似牛展，但未算入口即溶， 入味差少少。 個湯好濃厚，但冇乜牛味，因為有蕃茄響度咁就會好食啲。( 偷聽搭枱夫妻，一個食紅燒牛肉麵，一個食番茄牛肉麵，佢哋話番茄牛肉麵個湯好飲過紅燒牛肉，紅燒牛肉個湯係冇味)整體嚟講，食蕃茄牛肉麵同飲珍奶都係去返春水堂。空間：非常窄 , 全店滿座。(冇政府現規定嘅50%入座率) 同隔離位只係 幾cm距離， 冷氣唔夠，食到出哂汗。服務： 店員多，每個態度幾好。不過有店員衛生意識麻麻地 , 我坐正出菜口，見個店員跌咗個餐牌落地，又響垃圾桶邊，佢掛住整其他嘢 ,隻鞋又響個餐牌旁，整完野 跟住先拎起(唔知佢有冇消毒番畀客用) 跟住經理返到 負責出餐位，係咁 提佢哋分好毛巾嚟用=

話說我期待左呢一間台灣麵好耐了由佢裝修開始等左幾個月等到12月1號開鋪 第2日我就去左試都要排隊既 不過好彩早去 第一輪就入得首先啦 講佢地上菜既速度 我同2位同事同樣嗌左個招牌麵試試啦 都要80蚊既 要加一即係88蚊好啦咁等左15分鐘 嘩 終於有個麵喇咦點解得一個既? 明明3個麵一齊嗌最後等左25分鐘先到哂再黎講下個碗麵先 好期待 嘩 份量少到你3分1個胃都冇收80蚊, 諗住唔緊要啦 唔夠食都一定好味既oh ... oh... oh...D湯。。無味既？？？？ 點解無味架一食就食得出加左勁多水 . 顏色就有喇 味就冇囉 識食既人會睇得明到d麵啦 ................. 超一般 唉 已經後悔咁食d牛啦 oh... 因為d湯冇味 所以牛都唔需要多講啦掛. 根本就唔入味. 真係不值一提對於貪食既我 好食既野多多錢我都樂意但呢碗野收我30蚊我都嫌多

自認見識少，沒聽過「段純貞」的大名。知道這個名字，就是它的海外店落戶荃灣開始。以香港的慣例，新店尤其是有名氣過江龍，開店初期人龍必不會少。今晚等候約半小時才可入座。三寶麵 （腱心、牛肚、牛筋），尚可但不見獨特。手工麵，粗厚有嚼勁。湯頭很淡。冬瓜薏仁檸檬特飲，只是一杯普通檸檬特飲，收$30再加一，貴！需加一，結帳$130。我未去過台灣店，無法作出比較。 香港有不少出色的台式牛肉麵，段純貞待熱潮過後要靠實力，以現在這個價錢，如果食物質素沒有提升，相信危機會很快出現。

在香港少食正宗台式牛肉麵，難得今朝可以試吓屋企附近新開的「過江龍」。時間較早，所以唔使等位。我和老公叫左個招牌三寶麵（幼麵）、鹽酥豬排、滷水拼盤，同埋兩杯飲品（珍珠奶茶、柚子綠茶）。三寶麵湯底濃郁，牛腱心肉嫩滑，牛筋都ok 好食。但敗筆係個麵底，冇彈牙口感，亦冇麵香。老公話應該order 手功麵，但我見隔離枱個女士都係叫手功麵但食剩好多，可見都應該係一般。最好食竟然係酸菜。鹽酥豬扒都夠味，不太乾，ok juicy, 幾好食。滷水拼盤就一般般啦, 我諗唔到有乜形容詞形容好食。最想像唔到嘅係兩杯飲品，我以為應該最易做，唔會失手。但結果十分失望。珍珠奶茶完全冇茶味，柚子綠茶亦冇柑甜味。坦白講，街上的珍珠奶茶舖頭好飲幾倍。我唔知台灣本店味道如何，有機會去台灣都可以試吓，但香港這間「過江龍」就真係一般般，而價錢不是特別平。他日除非唔使等位，應該唔會再特登過嚟。

無啦啦過呢便行山同過一晚，原本想食壽司，但見五點，呢啲過江龍應該冇人排隊，算啦，試下，反正壽司幾時都食得。我臨入去前仲記得L佛話啲麵好滑，總之口氣唔太中伏我就即入，之前應該睇晒成條片（但唔記得，如果伏到好似條自助餐咁嘅片，就會記得一定唔入去個種）係臨入去之前睇返七八秒睇下呢碗麵會唔會好差😅。我喺門口睇餐牌，隔住個玻璃，淨係展示餐牌成本既其中一頁，佢嘅職員都有主動拎出嚟俾我睇。但係問題係佢貼晒上玻璃唔係方便啲咩？或者整個餐牌架，俾人翻閱，感覺仲會好啲。唔係下下職員都得閒拎出嚟俾你睇，同埋啲人唔會個個咁......冒犯？冇禮貌？就咁入去舖頭拎佢餐牌。就係個種未必幫襯又費事度體溫；走入舖頭拎你嘅餐牌睇個種（我自己會覺得少少尷尬，我想是但望一望嗰種，唔搞到任何人，我又未必幫襯）碗麵係我一下就影完照（三秒內），我係每一餐出去食都會影相嘅人，就算係一碗雲吞麵相我都會影，自己好鍾意食嘢同埋會鍾意睇返自己食過咩嘅嘢，係嗰個時刻嘅經歷回憶。但係我咁快影完一張兩張，一伸筷子入去拎起成團野拎起左，但都算快散開，因為真係放好耐嘅話，你要攪拌下先散得開。同埋我見枱枱都有杯水，我係追問先有，同埋我個位冇牙籤，我

半根半肉幼面幼面超淋 好似食緊台灣麵線咁 湯底偏鹹鹽酥雞超級多調味粉好鹹本身叫咗杯仙草奶凍 等咗好耐啲嘢食晒都未嚟所以cut咗單 出咗門口排隊嘅時候見到個水吧超級唔熟手唔怪得等咁耐都未有嘢飲成間餐廳最好食應該就係碗面個酸菜價錢偏貴店員服務態度幾好

本人身為台灣人在香港吃的這嚇死人價格的牛肉麵。真的很不值得小碗就算了，湯頭也很少，滷味拼盤78，點杯紅茶很小杯還要HKD28重點是牛肉麵重點除了湯頭，麵條也很重要一上來麵條整個軟點，一吃完就急著收碗，一直要趕我走。台灣人的店，要有台灣人的人情味請做好員工教育訓練，不要只想急著數鈔票～台灣牛肉麵是台灣人的驕傲不是來香港趁著香港人對台灣印象很好，就趁機機撈一筆。希望能改進～讓香港人體會到台灣的人情味段純貞、一點都不純真

台灣享負盛名的段純貞登陸荃灣，新開張當然有心理準備係需要排隊，但好好彩今次只需排十五分鐘便可入店進餐。首先有招牌紅燒鍵心牛肉麵，一上抬立刻呷一口湯頭先，湯頭帶有藥材味但不太濃烈，熱度亦足夠，麵底選擇了手工麵，麵質煙韌且掛湯，最後不得不提牛鍵心，碗上有三件，每件都非常軟淋及入味， 難怪會是這店的招牌另一碗點了三寶麵， 碗內有牛筋牛肚及鍵心肉，配上幼麵非常一般，牛筋及牛肚看上去很上色，心想一定非常入味，怎知道毫無味道， 好像只是食緊一些物體般…… 若不是搭上兩件牛鍵心， 老實說比較一般筋肚麵都較為失色……最後亦點了一款小食紅油抄手， 雲吞包得皮薄紮實，但略嫌味道不夠辣，稍微不夠惹味。疫情期間無得去旅行可以食下過江龍感覺都幾好嘅，但只能抱住期望不大的心態，否則都會有點失望……

最近好多人推介呢間過江龍牛肉麵, 所以就去試一試佢。夜晚去食都預左要等位，但係呢間鋪頭就冇得拎飛嘅，一定要係鋪頭出面慢慢排隊。7點3去到大約有十幾人喺到排緊隊，等到8點鐘左右終於有得入去食，如果唔係有防疫限制應該可以快啲入到去食。入到去望一望餐牌啲價錢，係比出面其他同類型嘅餐廳貴小小，平均90蚊一個麵、小食就50一份、飲品就30蚊一杯，所有野都係散嗌冇套餐。諗好食啲咩想落單果陣，舉左手好耐都冇侍應過黎幫手落單，再等多左幾分鐘終於有侍應過黎，果個侍應淨係寫低左啲order落張紙到，冇用佢個電話apps落單，之後再等左半個鐘見到隔離幾枱遲入座嘅客人都有野食到，於是再叫第二個侍應過黎跟一跟單。🙁: 啲野食仲有幾耐會到？💁‍♂️: (黑人問號)你落左啲咩？🙁: 半個鐘之前已經落左單，乜你地原來冇落單㗎？💁‍♂️: 係...係呀..你落左啲咩，我再幫你落返。前前後後由排隊開始等左成個半鐘先有野食。啲野質素中規中矩，但係啲侍應服務就真係嘛嘛，漏單要個客人等咁耐一句道歉都冇，值唔值得用咁多時間去食碗牛肉麵，真係冇下次。

之前有朋友看完報導想一齊去試，但時間就唔到而咁啱今日亞妹搵我去荃灣行街，咁我順利其章就不如去試吓啦⋯⋯😋😋可能今日係星期六啦，排隊排左半個多啲先入到去吃個牛肉刀削麵😆看上很精緻的一碗麵，牛肉牛筋的確很冧有味，手工麵有特色，但有點硬😅而個湯實在比不上，沒有牛肉麵的濃香😖淡茂茂😯反而最突出係個酸菜，好好味⋯⋯為淡茂茂嘅湯加點色彩。鹽酥雞同平時係台灣店食差唔多，冇特別但價錢都貴$78只有5舊😏

其實是看完報導才去試，看上很精緻的一碗麵，但有點言過其實。牛肉的確很冧，有味，但只是台灣麵應有的品質。手工麵有特色，但有些部分是未煮透，有點硬。但係個湯實在比不上，沒有牛肉麵的濃香，可能已經是晚上，湯已被溝希。另外兩碗麵應有兩碟酸菜，但侍應好似唔想俾咁。塩蘇雞都係賣相好，味度不值48大圓。兩杯飲品直頭難飲。另外唔明而家限聚令可以4人搭枱，我地已經坐底左，當侍應表明要幫我地換枱，個黑衫店長居然鬧個侍應，要换枱就要叫我地出去排過，態度之惡劣! 俾錢仲要受氣!我一定冇下次，咁嘅價錢，咁嘅質數，咁嘅態度。其他店員好好，不過應該揾定另一份工。

讚1.牛肉麵既牛係好味既，煮得到家，鬆軟入味得黎又有咬口；抄手既醬都開胃，調得幾有功夫2.坐得都算闊落既彈1.牛肉湯望落濃，食落淡，係淡到得番少少甜味果種，係咪因爲就閂門呢？（我係最後一位客），最大問題係面頭又有層油係面，想點呢？湯可以理解可能係健康，所以煮淡啲，但麵真係唔得，層層疊咁黏埋一堆，一兩條都算，成碗有超過一半都係咁，果舊麵橫切面厚到好似牛角酥咁，要逐條慢慢撕番開，食唔到呢；抄手既皮都係硬身既；排半粒鐘再加百四銀既消費，要做得更好嘛

過江龍，其實從來未聽過。試下牛肉面，湯底淡而冇味，粗面條口感一般，幼面比較好，豚肉餃子比較好。。。紅油炒手比其他上海店的不同。。。沒有辣的感覺。。但始終食不出好味之感。份量又少。。。價錢不平。。。2碗面加小食。。。已經400.....沒有飽肚之感。。。純粹個人口味和觀感。。。如果要排隊食。。。不會再嘗試。。。就算不用排。。。會選擇其他。。