段純貞牛肉麵 (如心廣場一期)

营业中

休息中

最近荃灣如心廣場一期，開了間台式牛肉麵店,由於在附近番工,平時見到好多人排隊,今日在2點後少人點先去,最終可品嚐台灣味道----段純貞此鋪的特色除了牛肉外便是手工麵，口感煙韌得來，吸汁力強，非常入味牛肉湯底以新鮮牛大骨熬煮，用慢火燉數小時，牛肉濃郁, 是有少許辣的。我們點了兩款麵及一小食三寶麵 $88有腱心、牛肚、牛筋。 牛腱心非常軟嫩，入口細滑，口感十足。牛肚味道香厚,牛筋也非常大條,可以分兩份食,膠質感重,好Q軟,再配手工麵,非常味美。招牌牛肉麵 $84牛腱心肉很厚身，肉質軟腍,份量也不少,挺飽肚的,湯底也非常入味,可飲幾口.鹽酥雞 $ 48雞件大份,炸粉適中,可配醋汁,感覺不會油膩.冬瓜薏仁檸檬特飲$ 30薏仁是整碎了的,味道更出,可消解肥膩及清熱,配以少冰更合女性飲用金橘蜂蜜綠 $28 熱飲-配以茶壺飲用,蜂蜜香甜，金橘味出眾,值得一試

當我知道位於「荃灣」「如心廣場」裡面的台灣菜餐廳「段純貞牛肉麵」，餐牌裡面有提供「蕃茄牛肉麵」食品的時候，我二話不說立刻決定點餐，點了一碗「燉蕃茄腱心半筋半肉麵」。在光顧「段純貞牛肉麵」之前，我知道食客需要先站在店外排隊，結果我排在食店店外等候接近一小時，才得到進入食店裡面用餐的機會。「燉蕃茄腱心半筋半肉麵」裡面的「蕃茄」湯底實際濃度非常濃厚，湯底裡面給我的「蕃茄」酸味感覺也都是非常鮮明，「蕃茄」裡面的酸味，也間接令「牛肉」實際味道充滿了「蕃茄」酸味。至於「燉蕃茄腱心半筋半肉麵」裡面的「牛肉」實際口感感覺，由於「燉蕃茄腱心半筋半肉麵」裡面還夾雜了「牛筋」，所以「燉蕃茄腱心半筋半肉麵」實際口感重點，落了「牛筋」身上。我本來期望「燉蕃茄腱心半筋半肉麵」的「牛筋」實際口感，感覺跟「燉蕃茄」都幾乎一模一樣，同樣被燉煮至到非常軟腍，不過實際上「燉蕃茄」實際上口感卻反而比「牛筋」腍得多。至於「燉蕃茄」裡面的實際味道感覺非常之酸，跟「燉蕃茄腱心半筋半肉麵」湯底裡面的「蕃茄」酸味感覺幾乎接近，所以「牛筋」吸收「蕃茄」酸味，其實也都算是意料之內的事。至於「段純貞牛肉麵」餐牌裡面的「牛肉麵」食品，餐廳分別

荃灣好多新商場，又靚又新仲有好多特別的餐廳，如心廣場呢到見到一家好靚仔嘅台灣麵店，見到食物餐牌都幾吸引，而且入邊有好多客人於是就入去試吓。餐廳裝修非常中式，有字畫、中式嘅擺設，成間餐廳都好有feel。環境乾淨企理，坐得好舒服。招牌紅燒腱心牛肉麵$88 湯底好濃又甜味，牛的份量都多，麵可以選手工麵或幼麵，麵質都彈牙。牛腱心好稔又入味，麻辣蒜味腱心半筋半肉面$84麻辣味夠濃，配搭上香蒜嘅味道，令成個面嘅調味剛剛好，味道好有層次感。配料有牛筋也有牛肉，啱晒我呢啲樣樣都想試吓嘅人，配上店家嘅右面，成碗面份量夠，湯底味濃，整體非常高質素。滷水拼盤$78拼盤有豆腐、蛋、牛展、牛肚，款式多而且每樣嘅份量夠，可以毫不擔心咁食，滷水味都好入味，唔錯嘅一個拼盤。 荔枝乳酸飲料$28酸酸美味嘅遊戲飲料，開胃清新，配上濃味嘅麻辣湯麵，真係絕配。金橘蜂蜜綠茶$28令人驚喜嘅綠茶飲品，有花茶咁靚嘅茶壺話杯，成件事升級左，味道當然都唔錯。

又一過江龍台灣牛肉麵係疫情下止一止台灣旅行癮,食左當去左一次台灣.三寶麵(腱心、牛肚、牛筋)麵條有2款可以選擇,分別係手工麵同細麵.煙韌控既我就揀左手工闊麵,厚薄不一既麵條質感正正係手工麵既特色,令麵條可以吸入更多湯汁.麵條被香濃既牛肉湯底染成深棕色而且食既時候又充分掛上湯汁.唯獨麵條再煙韌多少少會更正.牛肉湯底入口帶出一陣牛香,唔會過鹹,配上少量酸菜令牛味更突出.腱心肉入口嫩腍又不失肉既嚼勁,入口富牛香.牛肚彈牙不過韌.牛筋充滿膠原感.招牌牛肉麵麵條同樣揀左手工麵條,帶點煙韌感.牛𦟌入口同樣香嫩彈牙,中間帶煙韌既筋膜.牛肉湯底同樣香濃,飲完牛肉湯又唔會覺得好渴值得一讚.滷水拼盤拼盤內既種類都幾多元化,內裏有牛肚、牛𦟌、滷蛋、豆干同鮮菌.滷水拼盤同平時食既有少少唔同,內裏加左少少醋所以入口帶點醋酸香.加左醋中和左滷水偏濃既鹹味,入口無咁膩.滷蛋呈半流心,蛋黃香濃但略嫌蛋白未夠入味.豆干吸滿滷水汁,入口富豆香.冬瓜薏仁檸檬特飲加左檸檬後清爽解膩,以冬瓜糖做底香甜不過甜膩.荔枝乳酪特飲荔枝味夠香而且同樣唔過甜,加左乳酸後帶點酸酸甜甜同樣化解左口腔內既肉膩感.

今次再與我的好友再臨段純貞牛肉麵!雖然這次遇著午飯時間，但幸好等候時間也不是很長!我的好友一進店舖便大讚店內裝橫意外清新簡樸，卻又令人難以忘懷!我把上次印象深刻的麻辣蒜味湯底介紹給同為「遇辣愈辣」的友人，他急不及待地嘗了一口熱湯，突然面色一轉，再夾起一口店鋪特製的手工麵放進剛被麻辣湯所佔領的大口,認真地用著柔軟的舌尖和粗糙的大牙細心品嚐一番，再用面帶由內心發出的真摯微笑對著我說了一聲:「好食!」。而我今次便故意選擇了店舖最為自信的招牌紅燒腱心牛肉麵，果然再一次不失所望，牛肉依舊軟滑而不失彈性，麵條硬度剛好，再配上濃厚湯底加持，又再一次達到無人之境，不失過江龍之稱!份量十足的兩碗湯麵仍不能滿足兩位口中充滿慾望的男子，霎時看見餐牌上出現了一張精美的圖片，原來是紅油炒手的插圖!我們馬上叫了一盤，好吃!

過江龍『段純貞』2020年12月正式進駐香港，好快就拿到openrice一月好評餐廳十強，真係犀利。今日同朋友來到，嗌咗招牌紅燒腱心牛肉麵，招牌喎，點可以唔試，由牛大骨加23種香料熬成湯底寧舍濃郁及有陣陣香氣扑鼻而來，腱心牛肉又係少有的，矜貴得來又充满牛的滋味；燉濃湯雞麵估計為不食牛朋友而設，我食牛，但亦想試吓，濃湯雞叫得冇錯，真係好『濃』，再加埋2大件雞脾肉，同埋吸盡精華的幼麵，絕對係另一個唔錯的選擇。而有埋牛肚，牛𦟌，滷蛋，豆干，鮮菌五樣嘢嘅滷水拼盤亦食到lam lam 脷吖

台灣名麵 - 段純貞之前仲可以飛黎久去時, 係台中食過,一試難忘, 無得飛都有得食真係好彩, 好彩係香港都有分店!!!終於都黎到啦~ 隔左年幾無食啦~ 無得飛, 都頂住先啦~地方闊落又乾淨~招牌紅燒腱心牛肉麵功夫麵 個湯底濃郁唔在講, 個肉既軟林度岩岩好,好 juicy 麻辣蒜味腱半筋半肉麵細麵 小麻小辣岩晒,因為唔會遮左牛肉麵本身湯底味, 而半筋半肉係2重享受~ 有筋既咬口彈牙, 又有肉既濃厚軟林~ 紅油炒手 叫一個唔夠,想叫多個, 無數幾多粒, 不過我唔食芽菜既, 所以有D浪費😂😂荔枝乳酸特飲 呢個甜左小小, 岩我朋友仔,有2粒荔枝肉,正冬瓜薏仁檸檬特飲 甜度岩岩好,薏仁有咬口又去水腫,岩晒我2人份~ 真係岩岩好~

最近工作好忙，記得上次試咗佢哋牛肉麵好好食，臨走佢哋話有外賣服務，即刻試下D外賣水準先，放lunch 早半小時打去落order，今次我想試下台式香腸蝦肉炒飯+鹽酥雞，再加我至愛冷泡凍頂烏龍茶，取外賣到我公司，食物仍然保持冷、熱水準。首先炒飯熱辣辣又乾身，飯粒分明加埋台式香腸同蝦肉，正！鹽酥雞好翠，冇林咗，同我去台灣食差不多。當然重有我至愛凍頂烏龍茶，茶味清香，成個lunch 好滿足，重有時間做埋份report。

一段時間無得去旅行，好掛住台灣既味道，所以今次就同朋友嚟到台灣過江龍段純貞！回味下台灣既牛肉麵！餐廳設有卡位，環境整潔舒適。三寶麵 (腱心、牛肚、牛筋) $92湯底柔和，帶淡淡藥材香，毫無苦澀味。腱心肉質非常軟腍，牛肚唔韌入味，牛筋帶點入口即化。麵底分別有手工麵同細麵兩款。今次就揀左較為粗身既手工麵。厚薄不平均既手工麵有助掛湯之餘，亦帶咬口。麻辣蒜味腱心半筋半肉麵 $88湯底超香蒜味！飲落唔太辣，帶微麻。牛腱心肉質軟嫩，完全唔柴唔韌。牛筋呈啫喱狀，口感軟Q。滷水拼盆 $78熱既滷水拼盆分別有牛肚、牛𦟌、滷蛋、豆干、鮮菌。滷蛋流心程度一流，略嫌唔夠入味。個人就最鍾意入味唔韌既牛肚同爽彈juicy既菇。冬瓜薏仁檸檬特飲 $30入口淡淡冬瓜香，檸檬可按個人喜好而選擇篤幾多。薏仁唔會太硬，增添左唔少口感。整杯甜度恰到好處。冷泡凍頂烏龍茶 $30個樽好靚！打卡一流！冷泡茶清新解膩，完全唔甜，好適合食完比較重口味既麻辣麵飲返一啖。

一碗湯麵 湯頭是靈魂 這個過江龍 似乎來得太急 忘記了帶上靈魂 落單至上菜比一般快餐店更快 巳感不妙 再看只限45分鐘堂食時間 如果早一點看到 我是不會來試的 現在明白為什麼湯頭只有室溫的溫度 一放下所拍的照片也沒有任何熱騰騰的氣 像早早煮起來等待客人下單似的 味道麵質牛肉也可以的 但麵的份量過少 但如果為了客人盡快離場而特意安排室溫湯頭 不如讓有心人去台灣吃 才不至做壞招牌！

今日經開荃灣，又想回味一下上次的雞湯麵，本來想試埋其他炒飯等菜式，可惜今天幾個都沒有提供，外賣買咗雞湯幼麵和排骨手工麵加多個豚肉鍋貼，雞湯幼麵麵質幼滑，燉湯味濃厚，味道十分之可口，又冇味精，連所有湯都要飲清，酥炸排骨抵食夾大件，手工麵彈牙，在熱辣辣的濃湯下10分飽肚，豚肉鍋貼餡料十足，一份有五隻，可謂皮薄餡靚

Taiwanese Beef Noodles🐮🍜 Your Cup of Noodles❓..台灣滋味❤️，亦係港人最愛口味之一。吃在嘴裡平凡的味道，卻滿載著台灣的人情味，平凡簡單而幸福。今次黎到荃灣，吃吃充滿人氣既台灣牛肉麵🍜，下午來吃都超多人，排隊既人龍不絕。.ll $88ll $84ll $78ll $30ll $28.每款湯麵都可以揀選：細麵 or 手工麵🍜。幼麵口感較滑身；手工麵煙韌帶咬勁，而我偏好煙煙韌韌既麵條，而且較吸收湯汁呢。.三寶麵有齊：腱心、牛肚、牛筋，一次過試晒3款岩晒貪心的我👻。另一款麻辣湯麵🌶，腱心半筋半肉，不是全肉 帶筋既腱心較深得我心呢。.滷水拼盤亦很豐富：牛肚`牛腱`滷蛋`豆干`鮮菌，素葷類更入味好好吃。而飲品方面：一冷一熱，2款都好濃郁足料，都是推薦喔。..×××××ש荃灣楊屋道8號如心廣場1期1樓105-107號舖..

香港人心態，見到好多人排隊，又心郁郁想試吓。佢嘅麵類選擇都幾多，所以對於有選擇困難嘅人來講，揀招牌紅燒腱心牛肉麵應該就冇死。揀完碗麵，要揀埋麵底要手工麵定細麵，我地兩款都有試。我食牛肉麵第一樣野會先試湯底，湯底夠濃味，少少辣，就算唔食得辣都容易接受倒。手工粗麵有少少煙韌，偏軟身，口感不錯；牛肉軟硬度適中，唔黐牙，好香。另一碗我哋試咗麻辣蒜味腱心半筋半肉牛肉麵，牛筋非常軟滑，麻辣夠晒辣，好食。另外要提佢呢一個酸菜，夠開胃，夠爽脆！今日最欣賞嘅係佢嘅小食 - 鹽酥雞！$48黎講份量好足，抵食，夠香脆但又唔肥膩！嘢飲來講，我覺得佢杯秘製酸梅湯都幾正，唔會太甜，有啲梅渣，有趙口。

由於知道一定好多人排隊，所以一家人開鋪就去食，四大一細，店員都好快安排到相鄰位置。有位店員好有耐性，因為長輩級問長問短，都好耐心解答問題!上菜時間都好快，三寶麵嘅牛肉好新鮮，肉嫩，都係手工麵有d厚，影響左整體感覺，下次都係嗌番幼麵！而濃湯雞麵，湯底好濃，雞肉都好嫩滑，同行bb都不斷食！蕃茄腱心牛肉麵略嫌多左d油，但同樣地蕃茄湯底好濃，各樣都配合得好味！至於炒飯，好似係餐牌上唯一嘅飯類，整體黎講都係都好味，飯粒炒到乾爽分明，加埋台灣腸同蝦肉，食落甜甜地，但唔知係咪真係落左砂糖，有幾啖咬到一粒粒硬嘅野。另外仲嗌左鹽酥雞同涼拌豆腐，鹽酥雞比我想像中好食，唔似出面一味得個咸字，食多幾舊都得，酥嘅程度我覺得岩岩好。而涼拌豆腐係辣嘅，仲有其他酸菜配料，不過不失，豆腐都好滑，小食配搭唔錯。飲品就嗌左桂圓杞子薑母茶，好養生嘅飲品，薑味唔會話好濃或太淡，但用茶壺上，杞子成日kick住左係壺嘴到，一路飲一路撩，有d麻煩，但so far係好飲嘅！

見佢好似幾出名咁，就破下界食小小牛，因為人大左，真係食小左肉👆🏻嫩五花牛肉麵😻嫩五花牛真係好滑口，咬落完全冇筋，但唔係出生粉那過個個feel, 而真係牛如其名，嫩個種feel，湯底好飲，飲完係唔口渴，真係好香，我擇左配手工麵，索曬d汁連埋湯同牛一齊食，係正既👆🏻麻辣蒜味臉腱心牛肉麵😻佢牛肉同上而個碗唔同，牛肉係大大舊，炆得好冧個種，都一樣冇筋，牛味比上面濃，反而個湯底驚喜到我，蒜味勁香，仲有時咬到炸蒜，麻辣唔算好辣，而係有層次，係口度痹痹地咁，今次加埋幼麵食，索索聲，口感都唔錯，不過麵就比較普通👆🏻胚芽珍珠奶茶😼奶茶茶味唔濃，普通野，珍珠都係街既垃圾珍珠，過下口癮就算👆🏻紅油炒手😼炒手唔算好辣，面頭加上大量芽菜，佢個花生烤過好食，夾埋一齊都感覺不錯