影片
更多
2020-10-19
444 浏览
第二次黎，今次整體食物都好食，但服務就怪左啲，同上次嘅體驗完全唔同，所以想再講講。上左第一個點心無上XO醬之類既野，問先話：呀！我拎俾你。上次係每一隻醬都介紹下。上完茶，橙汁就就上埋個醬。點心好快黎晒，一次過上三種蒸點，只講句：呢個係蝦餃。😅😅😅滴汗。上次係好好，好正常地逐樣講下名。職員既手勢行為都似係算貴既中餐咁。但今次明點解唔少評論都話明閣服務差。啲職員做野跑來跑去好大聲，係勁大腳步聲個種，同埋大力碰撞餐具，砰砰鵬鵬咁。咁既價錢有咁既行為好怪。我坐個便成場感覺係唔忙既，客人無係咁舉手要求呢樣又個樣，係佢地忙出餐係度跑。今次杯橙汁無飲管，但十分鐘後望到好遠出餐飲，十幾杯都插住飲管，好無言。點心炸一聲就出晒，個餐每樣就好慢。頭盤一點零六分上，雞絲湯一點二十八分先上。仲開聲叫佢跟，先即刻出左。好味，但今次個皮有啲太軟，上次煙韌啲。呢個再黎會再叫。都好味，但下次會試其他野。呢個好唔掂，厚皮包住所謂養生野，唔係好食得出有咩，三隻餃嘅味道好似。一定唔再叫，又貴又普通。味道好淡（果好養生😂）好味，同行人都過暫時成世人食過既蝦餃可以排第二（佢同我一樣覺得香宮係第一）鮮，皮又整得好。帶子上邊放啲姜蓉
第二次黎，今次整體食物都好食，但服務就怪左啲，同上次嘅體驗完全唔同，所以想再講講。
上左第一個點心無上XO醬之類既野，問先話：呀！我拎俾你。
上次係每一隻醬都介紹下。上完茶，橙汁就就上埋個醬。
點心好快黎晒，一次過上三種蒸點，只講句：呢個係蝦餃。😅😅😅滴汗。
上次係好好，好正常地逐樣講下名。職員既手勢行為都似係算貴既中餐咁。但今次明點解唔少評論都話明閣服務差。
啲職員做野跑來跑去好大聲，係勁大腳步聲個種，同埋大力碰撞餐具，砰砰鵬鵬咁。咁既價錢有咁既行為好怪。我坐個便成場感覺係唔忙既，客人無係咁舉手要求呢樣又個樣，係佢地忙出餐係度跑。
今次杯橙汁無飲管，但十分鐘後望到好遠出餐飲，十幾杯都插住飲管，好無言。
點心炸一聲就出晒，個餐每樣就好慢。頭盤一點零六分上，雞絲湯一點二十八分先上。仲開聲叫佢跟，先即刻出左。
好味，但今次個皮有啲太軟，上次煙韌啲。
呢個再黎會再叫。
都好味，但下次會試其他野。
呢個好唔掂，厚皮包住所謂養生野，唔係好食得出有咩，三隻餃嘅味道好似。一定唔再叫，又貴又普通。味道好淡（果好養生😂）
好味，同行人都過暫時成世人食過既蝦餃可以排第二（佢同我一樣覺得香宮係第一）
鮮，皮又整得好。
帶子上邊放啲姜蓉好怪，好搶帶子既味，種感覺好似食緊切雞但係佢明明係帶子。
鮑魚彈牙，但無咩感覺。
叉燒嘅質素都唔錯
好普通，同埋啲脆片唔脆。
有鑊氣，好味。
諗起上次龍景軒食嘅炒腩片就嬲，連小炒基本要有既鑊氣都無。
好普通，豆漿應該完全無落鹽😂
又係有鑊氣又夠乾身，但係欖角嘅份量太少食唔出。
我無食，但得兩舊糕。平餐既蛋白杏仁茶好似仲吸引
张贴
