明閣 (香港康得思酒店)

喜歡吃中菜，特別喜歡去酒店的中菜廳。少了酒樓的嘈吵，也沒有fine dining的拘謹。更喜歡食物質素的穩定(中菜很多時分別在於油,鹽,糖,火候的控制)。今次去咗旺角-明閣:位置一流，就喺旺角地鐵站，朗豪坊有天橋直結。。。真係落雨也不怕😂裝修奢華貴氣(廢話😂😂間間酒店都係咁形容)，金碧輝煌(因為真係用金色裝修😂)。今日去都有八九成滿，格與枱之間有充足空間，不會感覺嘈吵壓迫。服務方面衹能說中規中矩: 員工態度是有禮貌的，但人手感覺稍為不足，見他們也相當忙碌，間有遺忘。。。食物質素方面，三個字:色、香、味俱全首先必食之選:當歸脆鱔冇睇錯--真係當歸😝，從來冇諗過有呢一個組合配搭，出嚟效果竟然相當出色。出色在於當歸味道相當濃郁，但你不會覺得自己食緊藥，反而提昇咗脆鱔嘅味道，鱔的鮮甜仍在。當歸脆鱔亦不負脆鱔個脆字，真係很脆。另一重點推介--蟹蓋:焗釀蟹蓋很多店也有，但今次特別欣賞。欣賞她的蟹肉充足，味道鮮甜。(很多時，很多地方，喜歡加入其他配料一齊製作，令佢層次更豐富，但反而削弱咗當中最重要嘅--蟹肉嘅鮮甜，喧賓奪主)。明閣嘅餐牌選擇亦算多樣化，選擇困難之下，我今晚點選了套餐。燉湯味道濃郁。龍

少見如斯多客，主廳偏廳皆坐滿。也許是抑壓多時對聚餐的渴求，又或者是這食肆推行的半價優惠，吸引不常來的客人。米芝連級，水準有期望。因為要等齊人，不知不覺清了一碟xo瑤柱醬，叫再來一碟，很快到，不加額外費。四個人點了瑤柱鮮蝦燒賣、上素炸春卷、上素粉果、炸芋角、xo炒醬腸粉、上湯浸牛肉球、蝦餃、义燒飽、流沙飽、咸水角、鮑魚淮山雞扎、燒腩仔肉⋯⋯炸春卷皮薄很脆口，不同一般上素卷，內容很豐富、上湯牛肉球的湯很清甜，牛肉很柔滑、燒腩仔皮脆肉嫩，不嗜肥肉者也滿足地品嚐、黃芽白包著的淮山雞扎，內夾一條小鲍條，整件雞札連汁很新鮮清甜。當日整體每樣點心均有水準。縱然滿座，但上菜時間沒有遲延，服務仍保持應有的態度，未見因客滿而不及招呼。雖然是米芝連價，也是物有所值，再加上今次半價優惠，更是超值。

身邊幾位朋友及同事，都如自己一樣，喜歡一盅兩件，近月的點心大戰，正好給大家一個藉口，走訪不同的中菜廳。在這兩三個月間，由九龍酒店龍逸軒、逸東酒店逸東軒、荃灣如心酒店如粵滬、帝苑酒店東來順、天際萬豪中菜廳，加上唐人館及一月時的明閣、陸羽、香宮及蓮香居，計畫中的尚有天龍軒、夏宮、海景軒、欣圖軒、帝京軒及唐閣，想來真是有種欲罷不能的感覺。打從三歲便跟老爸在茶樓打轉，數十年下來，見證著飲茶文化的轉變。光顧「明閣」的時候是一月初的中午，疫情仍未降臨的日子。雖然是午間，又沒有預先訂位，客人不多，大概只有五成左右。其實作為米芝蓮餐廳，服務當然是重要一環，而事實上，只能用一塌糊塗來形容。要沖水，侍應行開行埋都無理會，每次都要出聲提點；點心食完，蒸籠腸粉碟已經堆放一角，依然無人清理，攪乜呀？雖然點心的賣相平平無奇，毫不顯眼，但味道是預期的水準。筍尖藍天使蝦餃餃皮擀得平均，透明的餃皮透出內裡的蝦肉色，柔韌富彈性，賣相亦飽滿漲卜卜，蝦肉清爽甜美，唯一要挑剔是摺紋未夠多及太淺。流沙包只要是熱辣辣蒸起，餡料呈流沙狀，沒有不好吃的道理。蝦腸腸粉拉得夠薄，但香未不足，見到蝦肉色，合格有餘，豉油有點偏鹹，自己落得太重

唔知大家琴日母親節係屋企食飯定帶媽咪食好西呢？⁣⁣我娘親就揀左飲茶😂🥢⁣⁣之前都試過一次係呢間係朗豪坊隔離Cordis hotel嘅明閣飲茶, 感覺唔錯靜靜地環境都好舒服😌⁣⁣我地叫左幾款點心同一個飯share😙無影哂所有相, 揀左少少介紹返😂⁣⁣. XO醬炒腸粉 . $88⁣炒腸粉其實就一般唔算油都幾香, 但XO醬黎講就無乜啦一d都唔辣😂不過每枱都已經有d XO醬同豆瓣醬俾你任加😌⁣⁣. 金鈎咸水角 . $62/3pcs⁣炸得外脆內軟, 個皮唔算厚同唔油👍🏻⁣⁣. 蜜汁叉燒腸粉 . $88⁣叉腸有三大條包住d叉燒唔韌幾有口感, 個皮都幾薄點埋豉油幾好😙⁣⁣. 生煎野菌包 . $62/3pcs⁣個人認為呢個最好食, 個樣整得好靚呀入面啖啖菌類我食唔出係咩菌😂但整體幾好食😚⁣⁣. 極品海龍王 . $78/3pcs⁣三款分別係蝦餃, 帶子賽螃蟹餃, 星斑菜苗餃 食完覺得無乜特別正常但唔驚喜😂呢個價錢可以慳返唔洗叫😂😂⁣⁣. 蝦醬薑米蔥花蟹肉炒飯 . $268⁣一碟望左一眼就幫我地分左四碗啦😂炒得幾香粒粒飯分明, 有好多蟹肉幾正😚但蝦醬味唔算好重⁣⁣. 上素羊肚菌春卷 . $62/3pcs⁣

聽講呢間米芝連餐廳食物既水準幾高，最近呢間酒店有做醫護人員優惠，毫不猶豫即刻試吓！一坐低我哋點左鐵觀音茶，呢度啲茶好香，好好飲！點心叫左春風腸同，極品三色餃，腸粉係紅米漿整既，包住脆脆蜂巢春卷，𥚃面有蝦，豬肉等，好味！春卷擺左一陣都唔會腍，抵讚本身三色餸係蝦餃，帶子賽螃蟹同菜苗蝦三種。落左單唔夠2分鐘先知蝦餃已經賣晒。細心既服務員提議自己配搭做二色餃，我哋就揀左帶子賽螃蟹同菜苗蝦餃啦！點心賣相唔錯，食得出食物用料都新鮮，而且無乜味精，唔會似傳統酒店食完點心要馬上飲水！和牛炒飯啲飯炒得好靚，粒粒分明，顯得廚師功架好，但和牛太少，太細粒，一般極品叉燒叉燒一上枱，我地3個叉燒控15分鐘全部食晒，唔記得影相叉燒應該係用左梅頭部分所以肉質夠腍，推介！埋單用左醫護半價優惠後每人盛惠300，下次如果有折，可以考慮再黎

今日有親人約食飯,更係一定出啦！對親人好啲,所以要食好西今次晚飯我點選一些比較招牌的款式：1.粉葛煲鯪魚- 我係鍾意食湯渣嘅, 佢嘅粉葛好食, 至於個湯夠味冇味精。2.酥炸蟹蓋- 蟹蓋裏面好的蟹肉、好足料、好豐富。3.鮮魚湯淮山浸時蔬- 用咗新鮮嘅淮山好食。4.鳳梨咕嚕肉- 咕嚕肉整得鬆脆內軟唔黐牙。5.脆皮乳豬炒飯- 6.明閣八小碟- 八小碟內叉燒特別好食用咗黑毛豬去製造。7.甜夢仙境- 杞子糕夠清甜。至於店內環境比較寬敞, 但燈光有少許暗。

最近在明閣吃過一次點心。安排入坐時發現餐椅坐位上有血跡（仍未乾透）服務員也見到還説會更換。可惜到整個午餐完成後，有血跡那張餐椅仍是原封不動。昨晚再到明閣吃飯，食物水準不錯。可惜餐具🍴上仍緊緊地黐住食物殘渣，根本沒有清洗乾淨便供客人使用。晚飯吃了兩個多小時，服務員全程沒有主動上前幫忙加熱水，需要提示才過來愛理不理，很勉強加了一次便算。經過兩次親身體驗，原來這些就是星級餐廳的服務質素和態度，簡直讓我大開眼界。

近排不少酒店餐廳都推出優惠，係個好機會試吓米芝蓮得獎嘅餐廳。今次就試吓朗豪坊隔離嘅康得思酒店中菜「明閣」。第一印象真係麻麻哋。因為喺餐廳櫃檯確認訂位時，職員竟然話冇我嘅訂位資料，真係O晒嘴。幸好職員都即時安排到枱俾我......環境寧靜，枱與枱之間都唔會好迫。至尊蜜汁叉燒我覺得叉燒嘅品質係分別中菜餐廳級數嘅指標，所以第一時間叫碟叉燒。一碟叉燒都有十幾舊，幾抵食。舊舊都係半肥瘦，口感鬆軟，蜜汁味足夠。係高級嘅叉燒呀！如果再燒得香口啲就仲好食啦！鮑魚雞粒酥皮撻，必食之選！鮑魚炆得夠林，撻入面有小雞粒同埋蠔油醬。酥皮好香好鬆化。成個撻食口感好豐富，一啲都唔乾。超好食！瑤柱鮮蝦燒賣真材實料有原隻大蝦，質地紮實。但味道沒有太大驚喜。鮑魚淮山雞扎清新之選，用黃芽白包住鮑魚條、雞肉、淮山片。材料新鮮，唔油膩，但味道較淡。總括而言，合適價錢、寧靜環境、真材實料的食物。唔係最最最高級嘅酒店式享受，但想舒舒服服同屋企人食餐飯，明閣都係唔錯嘅選擇。

雖然知道可能係無心之失，但同一晚同一枱發生如此多錯誤，都幾無奈。1. 一坐低成壼茶倒瀉左，係有淋咗落我媽條褲度。換了椅子茶壺後，冇幫我地斟茶。全晚（兩小時用餐）茶壺都係自己加熱水斟茶，同級餐廳來說都幾罕見。2. 近期外出較少，但同級餐廳之中沒有提供餐巾或信封給予客人暫放口罩的餐廳，真係少之又少。3. 點了兩份炸蟹蓋四位分，居然只上一隻茶匙，佢諗住我哋輪流食？4. 埋單時弄丟了我們的信用卡，搵咗大概15分鐘搵返。居然隨便將客人信用卡攝咗係一本Menu入邊。有米芝蓮星嘅餐廳這樣的待遇還是首次。印象中以前都唔係咁，雖然我哋唔係常客。食物其實係好食嘅，但係請客的話真係唔敢嚟。

酒家環境寬敞，溫度光線適宜，唯獨有個別客人聲線較大，影響氣氛。點心方面很出色，燒賣似乎是刀切肉絲，很有𡁻頭。腸粉皮薄也很滑。炸蛋散十分鬆脆。原隻壽包蛋黃漏油👍🏻

到了旺角，想吃吃點心，就走進明閣。先來一客叉燒腸粉，粉皮幼滑，叉燒入囗有肉味，加入韮黃，增添味蕾的享受。流沙包，外皮鬆軟，流沙甘香，不太甜。蝦餃外型平凡，但入口不得了，蝦肉的鲜味難以形容，要來吃過才知道。雞扎用紹菜包着鮑魚、雞、魚肚，味道新鮮。如意三弄:左邊是蝦卷配旦黃，入口甘香；中間是帶子配話梅凍，特别口感；左邊是魚卷配露荀賣相吸引。養生三色餃以羊肚菌賣點，菌香樸鼻，一試難忘。上湯牛肉球，牛肉質地軟滑，肉味濃，上湯更是精髓。灌湯餃內的瑤柱和花膠用料上盛，湯汁濃濃，一試便愛上它。香芒卷，外脆皮，內熱芒果蓉，口感一流。雪梨清潤，燕窩吃到一絲，分量不少，還加了少見的葛仙米，真驚喜。價錢與食物質素成正比，而且服務一流，下次會再來。

自從政府開始立例吃飯尺寸只限四人後，我更加願意出去吃飯了。我剛好在旺角這邊有要做的事，就到返了好久沒有去過的明閣。午飯飲茶，叉燒還算可以，但兩個人食份量就太大了，點了其他的點心也不錯👍🏻

不愧是米芝蓮，各方面都做得很好米芝蓮盛宴： 精選拼盤：蝦球不錯，乳豬有一點肥。濃湯海中寶：鮑魚、海參煮得腍；湯味道很好。酥炸釀鮮蟹蓋：蟹味不錯，份量好多。即使是油炸，也不會太油膩。香蔥油爆本地龍蝦球：肉有一點鬆，但是味道不錯。蒜片和牛粒：很好，和牛味重。淮山雲耳時蔬：清淡好吃的上菜。日本松茸鴨肉清湯伴松茸竹笙鴨肉煎粉果：湯好喝，鴨肉味濃。把湯放進煎粉果吃，吃法也很特別。甜夢仙境：四款甜品，芝麻布甸我覺得最好。

趁今日仲放長假中，知道爸媽最愛歎唐茶，一於帶兩個寶貝去明閣試下點心先!   到達明閣已經下午兩點，被安排到類似偏廳的地方，由於偏廳只有少部分地方有窗比較”光猛” ，其餘地方採光度非常低，光線較暗淡，比起大廳的感覺略差!  普梨是我家最常飲的茶，這裡供應的普梨有茶味，不苦，入口有順滑，不錯!帶子賽磅蟹餃 ($78 三件) 餃子賣相精美，燈燈的餃子上面有煜帶子，薄薄餃子皮加上分別得出帶子味道及蟹的味道，很好!上素蒸粉果 ($62 三件) 皮薄而唔油膩, 清新的味道藍天使蝦脆腸粉 ($98)  腸粉內天婦羅蝦仍很脆，唔”淋”, 非常不錯!蜜汁叉燒包 ($68 三件) 一般鮑魚淮山雞札  ($88 二件) 比較一般，鮑魚只得一小條，跟名稱有點不符合期望明閤點心比一般酒家好吃，以這個價格而言，只是合符理想，但沒有驚喜可言! 

平時食 Tea 食甜野太多🧁今次揀左飲茶食中式點心🥟佢有落場時間，下午3:00 就要完環景可以，但沒有驚喜😌服務真係好一般，要有待改善😜諗住呢間係有米芝蓮👨🏻‍🍳 所以對食物有點期望，但變左失望🤣稍為有驚喜係個 "極品海龍皇" 一籠裏面有三個不同款式的餃，係幾有創意，可以一籠食到三款點心，另一款覺得味道有驚喜係 "杏汁素菜包" 呢款係真心好味，其餘order 左嘅點心有腸粉、鮑魚雞粒酥、春卷等等...都係好一般酒樓食到嘅味道。🍭 明閣📍 朗豪坊 Cordis Hotel 6/F💰人均 $350