明閣 (香港康得思酒店)

生日黎到cordis staycation, 梗係要黎試米芝蓮明閣我地之前已經預留左個米芝蓮盛宴仲可以兩個人share 一set因為預計係lounge 食tea 同happy hr 都應該好飽，所以就諗住夜晚兩個人share 一set 都夠飽先上前菜拼盤，川汁蝦球，蝦幾爽口，配埋個汁係幾特別，但個人更鐘意下面金菇配汁既感覺乳豬好脆，而且肥瘦適中，燒得好靚佢有上xo 醬，同d 魚仔小食xo 醬都唔錯，但大部分野食其實都夠味濃湯海中寶，入面有齊鮑魚，瑤柱，海膠同海蔘，湯夠味得黎又清清地，唔錯，係瑤柱再淋多少少更好本身應該係最出名既蟹蓋黎，可惜老公唔食蟹蓋既洋蔥而我唔食得蟹。。。所以餐廳幫我地轉左依個蝦球都係爽口彈牙，但味道淡左少少，加埋xo 醬就岩岩好油爆龍蝦球，龍蝦調味夠，而且肉質實得黎又彈牙，唔錯和牛粒好香，而且外面仲有少少焦香，入面好嫩，好食！魚湯底好味！！我同老公爭住飲，時蔬就一般煎粉果會係你面前倒d 湯落去，又係d 湯好飲粉果就浸淋哂，麻麻地既口感，入面d 料都唔算出色，鴨味唔算濃最後上埋甜品～～左面兩款都係正常水準，抹茶馬豆糕抹茶味岩岩好，唔會偏苦偏甜，馬豆糕好爽口最好食係豆腐