山本屋 (圍方)

营业中

休息中

山本屋！各大媒體瘋狂宣傳嘅餐廳+每日每個時段都排哂長龍嘅手作烏冬過江龍店～令我超級好奇究竟係咪真係咁有料🤔排足2個鐘終於入到去食～1. 蝦天婦羅煮烏冬（咖哩味湯底）$108推薦指數：⭐️首先一上場就比佢嚇親😮完全估唔到佢個2舊天婦羅會擺埋係湯入面，咬落口已經冧哂😵‍💫烏冬都係手打烏冬嘅感覺，好有咬口，我本人就麻麻地呢種質感，咖哩味湯底亦唔係好濃味2. 親子煮烏冬（老店傳統味噌湯底）$88推薦指數：⭐️⭐️呢個比起上面冧哂嘅蝦天婦羅冇咁驚嚇，但都唔係特別好味🤣 入面雞肉比想像中多少少～另外都想講個份量唔係真係好多，我細食就剛剛好，正常食量女仔或者男仔應該就唔係好夠！另外味噌湯底都係濃的，但唔係令人回味無窮嘅口味🤣3. 燒地雞手羽 +$38推薦指數：⭐️⭐️⭐️⭐️⭐️正當比上面2個烏冬嚇窒之際，呢個雞翼簡直就係天堂一般嘅存在🥹👍🏻超爆好食！香脆+Juicy 肉汁，加上好夠香口惹味❤️不如間店改做專賣雞翼算啦😝4. 日式炸豆腐 +$28推薦指數：⭐️⭐️⭐️我覺得呢間嘅炸物都係出色嘅😜炸得都香脆，個炸粉比較薄身，凸顯本身豆腐嘅味～總括而言，呢間名乎其實嘅烏冬過江龍店我唔會再入黎食🥹🙏🏻 大家未試過都可以一試，不過

餐廳門口圈晒蛇餅，唔知係咪因為見到有人排隊，所以人排你排我又去排😂。以為會好好食，見到窗口有個日本師傅喺度拉麵好似好架勢好正宗咁。但食完之後豪無特別。。。手工拉麵only，而家閑閑地上深圳全部都係手工拉麵，sorry。。。佢Menu都好簡單，款式唔多，以為會係食quality not quantity but no no, 滕在食完唔會趕你走但可能咁岩打T8 所以先唔限時🫠。服務員態度都好嘅，但應該真係唔會回頭。

本身住喺大圍嘅我決定去一去山本屋試下佢! 聽講已經傳承左第五代🤭! 第一次緊係試下佢嘅重口味之選［老店傳統味噌湯］~ 見到枱上sticker係自家發酵超過三年製成岡崎八丁味噌!! 作為味噌味嘅fans見到緊係覺得相當吸引❤️ 烏冬煙韌彈性有咬口，掛滿湯汁!! 食之前睇食評話鹹, 不過本人又覺得好有特色, 好濃郁, 唔知係咪因為自己係味噌味嘅fans呢~ 最尾決定試下日本人的風味!! 就係 - 食完個烏冬後係可以加飯撈埋個汁嚟食🤤～ 我個肚好治癒啊!! 勁飽!! 大家有機會真係要去~ 另外裝修方面, 雖然枱與枱之間少少迫但風情是滿滿的!! 有啲去咗日本嘅feel啊哈!

「圍方山本屋」🤩成日都見到排隊嘅長長人流🤩我點咗「親子味噌烏冬」加芝士，味道真係好特別，濃濃的芝士味、烏冬都好煙靭，味噌湯底確實係一種新嘗試，我唸唔係個個人都接受到日本發酵嘅味噌湯底😋而且食完之後都完全唔覺得口喝，我唸呢啲就天然無添加😉非常值得推薦。我仲點咗「燒地雞手羽」原來就係雞亦😂呢個雞翼係我食過嘅雞翼當中最好食嘅😋🤩外皮香脆，肉質鮮嫩多汁$48😋如果想要再去潮聖打卡，真心預起碼60分鐘排隊時間😅下次過嚟食，希望唔使排咁耐啦⋯⋯

平日晚上6時多已經排長龍，排了45分鐘，落單後也要再等20分鐘才有得吃，叫了吉列豬扒味噌味烏冬，個人不太喜歡手打烏冬的質感，不夠滑，湯底不算太咸，味道一般。加一後約$110。不值得排長龍去試，試過便算了。

首先我同老公2個人去，佢叫左個吉列豬（味噌湯底），我就叫左個牛肉（咖喱湯底）,之後加左3個小食，（唔太記得餐牌入面個名）一個係炸豆腐,一個係雞皮餃子，一個係芝麻雞翼。。。小食其實都還可以雞翼都好多汁，豆腐都好滑。。食完小食烏冬就到，個咖哩湯不得了（淡而無味）又稀又唔掛汁，因為我本人覺得食烏冬係食滑同彈牙，我覺得佢偏向麵粉既（鞋口），但係佢都有一定既煙韌到（太煙韌直頭硬）....到老公果個味噌湯一飲落去第一啖係有酸味。。。之後就開始覺得咸，點解佢間鋪主打既烏冬可以咁難食，反而佢果湯個稀稠度係可以既，個豬扒都鬆軟既（唔錯）...最後我唔會再去食。。伏一次就夠！！！結賬成為$422..

難食，失望，唔會有第二次。哩間舖長期排長龍，夜晚難得見到條隊唔算長，就入去一試。叫咗安格斯牛肉烏冬（鰹魚湯）同埋吉列豬扒烏冬（味增湯），另加三品菇、天婦羅拼盤、冷豆腐。烏冬—比「有咬口」仲要硬啲味增湯底—鹹但係冇味增味鰹魚湯底—非常一般，冇鮮味吉列豬扒—偏乾，肉質一般，炸衣一般安格斯牛肉—一般，冇驚喜天婦羅拼盤—味道偏淡，一般三品菇類盛—雞髀菇難咬、鴻禧菇一大舊攞去炸好奇怪、冬菇不過不失整體而言性價比極低，唔會有第二次。

上次路過山本屋，門外有長長的人龍。今日午飯時間再到山本屋碰碰運氣，結果等了30分鐘。店舖外有玻璃窗展示日本師傅即場製造烏冬的過程，不過師傅很高大，經常要彎著腰，看似有點辛苦。2 人午餐，除卻烏冬外也點了一些小食。三品菇為冬菇、本菇及雞髀菇。炸漿很薄，三種菇也十分新鮮，簡單烹制便可以，是不錯的小食。雞翼是炸而不是燒的，賣相一般，然而雞皮很薄咬開即嚐到鮮嫩多汁的雞肉，調味恰好。豆腐也是即點即炸，口感嫩滑，只是芡汁的味道不及其顏色，可以稍作改善。門外排隊時，店員便派點菜單給客人選擇，因此入座之時，已然點好所有食品。然而入座後才發覺枱面上有清楚說明老店傳統味噌湯底是重口味之選，而黃金鰹魚湯底反而是經典之選，登時有點愕然。如果早知味噌湯較適合重口味食客，應該不會點選，實際味噌湯也極為濃稠，不是大路選擇。麫鍋上枱之時仍然滾燙，烏冬麵身有點硬，像是未煮透，但只要稍等片刻，熱力便會令烏冬變軟，接近平常熟悉的口感。黃金鰹魚湯底是經典之選，湯底味道不錯，不會太濃。兩款烏冬均附有雞蛋、大蔥、腐皮等配料，而且份量不錯，不需要額外附費再加。

之前一直都好想試呢間過江龍手打烏冬店，所以今日下晝6:30專登搭車黎食。排隊等左一個鐘入場、都預左要等。整體感覺都還ok，但由於等既過程太無聊（要人肉排隊）所以係度睇人地OpenRice 評論、見到勁多負評都驚驚地、但最終都係試一次伏既心態去試下佢入座前有店員會同你複單，同問你要唔要走蔥等要求、然後就入座啦。店面係比較迫，出入都要比較小心。店員事前講左烏冬要等15分鐘，所以預左入黎之後仲要坐多陣先有得食先上既係雞翼，食得出係即整既雞翼、熱辣辣，好味道就好似其他人咁講、個雞翼係好味。到戲肉既烏冬上場啦，的確係大家講既一樣、個味噌係偏咸既、不過我想幫佢平反一樣野係、佢本身都寫左味噌係重口味、如果平時唔係食開重口味既朋友我覺得係唔應該食佢味噌個湯底既 而佢個鰹魚湯底都係偏濃味既，好似濃縮鰹魚湯底咁，食到底個時都係會略為覺得咸。我只可以話、佢可能係local 名古屋既口味既話、有可能唔適合廣大香港人既口味都唔出奇但有樣野比較失望既係佢個烏冬冇我想像中咁煙靭！佢主打手打烏冬，但出黎既效果同我食既普通烏冬差唔多。我有懷疑過可能之前太多投訴話佢唔熟所以佢切幼左dd黎煮？今次兩碗都冇唔熟呀、但冇左煙靱

我唔知係手打麵特色定係點？好多都係黐埋一夠有啲又好似未煮熟，中間仲係好硬反正個面真係唔推介係紫菜包雞柳，好食少少仲有杯茶幾好飲我都真係搵唔到其他嘢讚一句到尾就係名氣大於實

烏冬愛好者可一試嘅新名古屋過江龍烏冬店🍜佢係大圍新開商場園方入面🌎，平時都好多人排隊慕名而來。而到週末，條隊係會越來越長。星期日夜晚6點去排隊，都要至少等90-120分鐘先入到去。到8點30分左右，烏冬已經會賣曬，所以如果想食一定要早的去排隊😮‍💨！價錢正常合理水平，唯獨小食價錢偏貴。主食招牌烏冬嘅質感係好彈牙、有咬口，而且基本上每個烏冬如果唔加配料都可以有生雞蛋一隻、腐皮、蔥。口味鍾意濃的嘅朋友可以試咖喱湯底或者味噌，如果鍾意清的就極力推薦鰹魚湯底。整體黎講烏冬係真係不錯👍🏻。如果食曬烏冬仲未飽係仲可以免費加飯架！！！小食比起烏冬就相對比較遜色：用雞皮包嘅炸餃子、紫菜配炸雞柳正常發揮。

•親子煮烏冬(+年糕) Oyako Nikomi udon(+rice cake)我叫咗味噌湯底，個人覺得沒網上所聲稱鹹到”腎虧”。但烏冬份量真係偏小，大部分烏冬都煮到碎濕濕好難夾，腐皮都多過>烏冬🤦🏻‍♀️。我另外加咗防間好小見嘅年糕，無諗過$15得2小粒，真係食一啖就無lol🥹，但佢好吸湯同軟軟糯糯。Anyway，呢間真係無下次🙇🏻‍♀️I opted for the miso broth, personally didn’t reckon that it was that salty. However, the portion of udon was pretty small, most udon was “fragments” and quite difficult to eat. The portion of bean curd was more than > udon🤦🏻‍♀️. I added rice cake that was rarely found outside, but I was so disappointed that the 2 tiny pi

到訪最近熱門食店，位於大圍新開商場😊門口好多人排隊🥹為左試下我哋排左一個鐘😅上菜時職員細心講解，手切烏冬口感同平時烏冬不同，煱中生雞蛋靈魂所在加分不少🤩希望下次再食不用排隊🤣🤣

圍方商場山本屋，昨天和朋友去了山本屋試－試手打烏冬，因為見到好多人排隊，我和朋友都有時間，所以去試一試，大概排咗45分鐘。雖然餐廳好細間，但係環境都幾好，裝修都好有日本文化。烏冬口感好彈牙，加隻蛋好好食.個湯底都接受，如果味道濃啲就更加好。

路過圍方商場5樓，見到排隊好長龍，於是同老婆去排隊食烏冬，結果排咗一個鐘頭，入到去裝修感覺好有日式風情，不過舖仔細細真係好迫，兩個人坐埋一個角位，冷氣就比較凍，柯打一個手打烏冬，等咗差唔多15分鐘，烏冬就上嚟，味噌烏冬，顏色非常深，上邊有一隻生雞蛋，食落味道都幾濃郁，口味依家嘢就見仁見智啦，本人覺得味道還可以接受，有員工教我哋叫一個日本白飯，將啲汁撈埋一齊食，食完真係飽晒，並非好咸，重口味之人，必食之選，名古屋雞翼幾好味😋，招呼就中規中矩，下次可以繼續嚟試吓。