山本屋 (圍方)

营业中

休息中

今日終於嚟圍方行吓喇，都真係7成都係大連鎖店，所以都好快行完😂 上到嚟5樓，就見到呢間都幾多人，本住人群心理就入去上吓，呢度主打係烏冬，我地每一都叫咗一份，再加小食及飲品親子烏冬$88入面有多、雞肉、腐皮，湯就選擇傳統味噌 +咗份牛肉，山本屋特製沙律🥗係有好幾嚿大炸雞🍗，非常香口另外我第一次試檸檬茶氣泡酒，都幾好飲又唔甜，推介👍🏻吉列豬扒煮烏冬$108選擇咗咖喱湯底，吉列豬扒係另外上，所以仲會保留脆吉列脆既口感✨最仲點係佢既烏冬都幾煙靭，如果大家喜歡淋D就焗多一陣唔好咁快開蓋就可以炸紫菜雞柳及日式炸豆腐都推介大家食，小食都係$18-$58，價錢合理❣️

自己嘅口味比較特別！本身鐘意食硬嘅烏冬，見到唔少comments都話太硬，於是乎挑起我嘅好奇心一於去試一試🤭 一去到門口已經有唔少人排隊，員工非常有禮，佢哋為咗加快成個進度會先俾剔剔紙我寫～ 我係毫無懸念地即刻揀咗味噌湯底！話晒係特色，冇理由食其他湯底㗎嘛！個樣唔係話好靚，但係勝在隻蛋夠圓咕碌！同埋佢地選用嘅伊賀燒煲都勁特別，令到烏冬夠晒熱辣辣(⁎⁍̴̛ᴗ⁍̴̛⁎)！食完味噌湯底嘅烏冬後～覺得冇留言講到咁差！其實都幾好食的😆 之後經過見無乜人排隊嘅話都會再去！

_山本屋 @大圍圍方放假同朋友仔出去行下，第一次去大圍新商場圍方上網search下睇下有咩新餐廳試，點知見到呢間山本屋好多人介紹，兼大排長龍都咁多人試。我地6pm排隊，前面巳經有10幾人排緊，好彩都算快入座。排隊時店員會提供點餐紙點餐，入座前就直接幫忙落單，都算係可節省少少落單時間。💥 美國安格斯牛肉煮烏冬 HK$108 轉招牌咖哩湯 +$10熱辣辣煲仔上👍，咖哩湯唔算重口味，反而覺得唔夠香同有少少淡味，牛肉都幾滑，烏冬麵有咬口，隨煲配料附有隻雞蛋，少許腐皮及大蔥。👍🏻 評分 : 7/ 10💥 吉烈豬扒煮烏冬 HK$108 老店傳統味噌湯呢個湯底真係要比啲食得好重口味嘅人就啱🤣食唔到味噌嘅香，反而食落嗰湯有少少苦澀味頭一兩啖可以接受，但食整碗有少少難接受吉烈豬扒都炸得好鬆脆，豬扒唔會好(鞋)口下次再試可能會試埋鏗魚湯底😀👍🏻 評分 : 6/ 10💥 燒地雞手羽(3本) HK$48雞翼即叫即炸，上枱熱辣辣外脆內軟，肉質好滑夠多汁👍好食👍🏻 評分 : 8/ 10💥 炸紫菜雞柳 HK$38都係炸物🤩炸得好香口，雞肉好嫩夾埋紫菜都幾配👍不過個人喜歡雞翼多啲😋👍🏻 評分

由於沒有預約或網上排隊功能，必須現場排隊。今次等待約45分鐘，不過服務員都親善有禮，加水點餐等都會立即回應。環境比較狹窄，和其他客人會坐得比較接近。這也是香港很多餐廳存在的問題。食物方面，主打的烏冬並非本地人常吃的質感，偏韌和帶點粉粉的。建議先在湯頭裡再浸一段時間口感會變得較為彈牙。味噌湯底熱騰騰而且濃郁，可惜層次感比較單調。不過湯內的腐皮和蔥卻令人有意外驚喜地好吃。額外下單的天婦羅蝦以及燒雞翼都算中規中矩。天婦羅蝦伴以烏冬湯一起吃會比較好吃；而燒雞翼肉汁豐富，但雞肉醃得不太入味，只有雞皮有味道就略為失望。整體而言，如果以排隊店來說算是符合預期，未有失望也未有太大驚喜。若然喜歡試特別的口味和嘗試新事物是值得等待。若然要排45分鐘的時間來衡量，而又有其他選擇之下，山本屋未必是首選。另外值得一提舖面的服務員，尤其櫃面收銀的男店員，其細心的服務態度和溝通技巧是值得一讚。**此乃個人自費真實食評**

上網見到以砂煲形式上菜🤘🏻覺得好特別去試吓同埋見到個湯底好濃郁咁——我同朋友仔六點半左右去到都已經排緊隊不過排隊時間算快我諗15分鐘左右排隊期間佢會比紙你填寫食咩——-我哋叫咗兩個烏冬美國安格斯牛肉煮烏冬 $108*轉咖喱湯底+$10一上菜有一浸中藥味😂但依然好期待手打烏冬好煙韌不過湯底同我幻想中有啲出入佢似係比較日本傳統既咖喱同我哋日常食到既咖喱好唔一樣偏苦澀少少———-另一碗吉列豬扒烏冬 $108*湯底係老店傳統味噌吉列豬扒係新鮮熱辣出爐👍🏻但係湯底又係令我有啲失望都係苦澀味偏重兩個湯底相比我覺得咖喱味比較易接受——-另外加左雞翼 $48/3隻正常芝麻雞翼炸紫菜雞柳 $38幾特別雞肉好滑值得一試另外唔少得食日本嘢必備嘅波子汽水 $25

今日落左波同同事衝去圍方心諗應該無咁多人啦呱點知都係要排隊……排緊期間已經填定食乜排隊期間見到店員好細心好有愛前面有個大肚媽媽店員拎張凳比佢坐係度等選擇唔算多～大家都係一路排一路睇食評推介d咩等左20分鐘終於坐低～要人齊先入得我叫左五目煮烏冬$78招牌咖哩湯底$10~幾惹味五目係雜菌腐皮另外加左芝士$15~夾住d菇食好正年糕$15兩件～一件即刻食仲係外脆內軟，一件等到最後食，浸晒湯好軟糯好彩無加生雞蛋原來有埋蛋黃好香濃烏冬唔算好煙un同事要左美國安格斯牛肉煮烏冬$108一樣咖哩湯底$10一樣都係有生雞蛋佢話砂窩烏冬溫度keep住熱辣辣

岩岩開店時候太多人排隊，今日見人少少就去Try Try。排隊等時間都唔係好耐，等咗陣就入去，上餐速度正常，鋪裡面坐位唔太多，坐係位果度都唔係好迫，櫈下面有籃可以放袋。我地叫一份炸雞翼，正常既味，雞肉嫩滑，炸得唔會太乾柴。黑豚肉烏冬（咖哩湯底，加咗芝士)似日式咖哩汁開稀咗咁，唔係好濃郁。另一個天婦羅蝦烏冬(鰹魚湯)簡稱係清湯底，湯底個味都唔太濃郁，有d淡。裝烏冬既碗係用瓦煲仔，keep住碗烏冬既溫度，上烏冬既時候員工會問想淋d定硬d，淋d就焗多陣，不過發現唔係個個客都有問😓總結：驚喜不大😑

利申：之前八月嘅時候到訪，當時仲係新開門，要排好耐隊。最近心心念念想再食，上 OpenRice 睇睇嘅時候發現有好多差評，所以想寫過食評幫佢平反 💛首先我唔明點解好多評論會話味噌湯底鹹。味噌從來都係重味嘅食物，既然嗌得味噌湯底就應該預咗係偏濃味(?) 我自己食嘅時候反而覺得佢個味噌湯並非死鹹，而係好濃郁好好食，下面會有詳細小小嘅食評。排咗好耐隊，落單嘅時候店員都提我要等20分鐘，問我要唔要加啲小食，所以加咗佢個《特製沙律》🥗。沙律菜夠新鮮爽脆，炸雞都好脆口，微暖而且非常Juice。$48 有六件炸雞又有沙律，性價比極高 👍🏻💰💰《山本屋特製沙律》$48 ⭐️：4.5/5——————————————————再等多10分鐘左右就上烏冬。上枱嘅時候滾到起晒泡，香味跟住啲煙撲入鼻，已經好有食慾。一飲個味增湯底好正👍🏻好厚身，想像下你好似飲好厚嘅花膠湯一樣。😍🤩味道正如我上面所講，佢並非死鹹而且你飲得出佢味噌嘅層次。加上個烏冬非常有咬口，亦都吸左湯嘅味道。如果好似啲人咁講，個湯底要淡啲嘅話，成碗烏冬食落去嘅效果就會差咗好多。食到咁上下，有店員行過嚟問我要唔要免費加飯🍚不過本身唔太鐘意食泡飯，加上食

手打烏冬過江龍，都算好滿足既一餐上網睇，話係於1925年喺名古屋開店，喺日本有近百年歷史，主打每天新鮮製造嘅烏冬，今次第一次喺香港開分店。不過本身烏冬比較硬身, 未必適合食烏冬鍾意食軟身嘅人。我叫咗【蝦天婦羅味噌醬煮烏冬】,勁香濃嘅味噌味👍🏻👍🏻本身入面塊腐皮就勁吸汁，好好味，鐘意陣味噌味道。不過件日本傳統蝦天婦羅係會浸左入去, 所以大家如果介意就你一定要叫另上，而味道係好食嘅👍🏻仲叫左啲小食，有名古屋雞翼同另一個忘記左名既雞肉紫菜卷炸物，好食，好香口👌🏼👌🏼👌🏼Btw 餐廳服務員好有禮貌同友善, 總括來說會再到訪🤝🏻

八號風球見少啲人排隊咪試下，裡面坐滿人，位都算窄，出入側身先出到。落單等咗半個鐘先有，好肚餓，但算啦～唸住慢煮好食咪得，我點既係黑豚肉煮烏冬，湯底點了鰹魚湯，上桌第一時間飲啖湯底，嘩⋯味道是我地平時打邊爐打到尾既精華嗰隻味同埋大蔥味，完全無鰹魚味，邊唸到$98食咗個港式打邊爐湯底烏冬，望下我隻匙羹流出嚟嘅餸同我打邊爐嘅料一樣...好啦，唔講湯底，講佢王牌烏冬，又係難食到爆燈，唔知係咪太多單，趕時間，啲烏冬疑似未煮熟，一陣咪麵粉味，所謂嘅煙靭，我覺得似係未煮熟，總之就係一個難食既體驗No next time!

✨難得重視客人意見值得支持‼️本身見到唔少差評個心都坊坊地~ 不過本身有follow佢地社交平台, 發現佢地有根據客人comments以作出改善實在難得啊! 所以即刻去支持下~ 老店傳統味噌味當然是必試! 話晒都要排隊hahahha! 仲要係百年老店喎! 以下係我小小comment: 老店傳統味噌味帶有好香嘅豆味而不會過咸, 烏冬仲做到小小掛湯效果，幾配合的😆! 不過上菜時間少慢, 可能因為每日手製烏冬，即叫即煮! 所以趕時間嘅話就未必適合了! 今次我遇到好好的店員~ 會細心講解每樣食材, 仲溫馨提示咗客人佢地嘅烏冬唔似市面上烏冬咁, 會較為煙軔! 啊~ 每碗烏冬入邊都有腐皮，吸晒所有湯汁，好正😻

諗住可以一試百年烏冬店，滿心期待去食好西，但結果失望至極。點了一個安格斯牛肉味噌湯烏冬，秘製味噌湯，味道唔見突出，烏冬只食得出嚼口，食唔出麵香。牛肉薄切，像食緊牛肉碎片，沒有特別。另一個點了天婦羅炸蝦咖喱烏冬，天婦羅蝦一般貨色，正常炸蝦，咖哩湯簡直是難食，味道不見特別，但價錢仲要特別加錢。唯一一讚係小食，雞翼，都係叫貨菜式，味道穩陣，炸得都不會太乾、太油。服務員態度都好好，有禮，會解答菜式分別，主動派圍裙給有需要客人，門外排隊亦有派茶給顧客。環境迫陝，沒空間放物品，亦要自己主動問有冇籃子放物品，店員才識拿籃子。

初嚐山本屋之烏冬！～聽聞之前唔係咁好，佢哋自己內部已經作出調整 (睇ig🤭 ）。睇嚟真係一個好重視客人意見嘅一個品牌🫡烏冬方面，我自己幾鍾意！見好多人話條烏冬好硬唔熟，不過我自己個人喜好就係鍾意食硬冬😂所以我覺得相當不錯喔！因為始終坊間都比較少呢一種烏冬嘅質地🥹 難得揾到間，仲要係人手！又點會錯過！🤤湯底方面十分濃郁！！話晒都係經三年醃製嘅味噌～ 咖喱味就無試了，不過小食真係一級捧💯 一定下次會再來的！

朋友好鐘意食烏冬一見到係日本百年老店就話要去試一試原先見到網上評價都係好壞參半所以都不大期望平日下午1點左右都仲要排隊等左30-45分鐘左右就入得叫左一個味噌湯底配炸豬扒一個親子煮咖喱湯底烏冬係整個砂鍋咁上都好夠熱 但飲第一啖湯就發現好似有啲燶咗既味 苦苦地咁 同埋好快會痴底烏冬係手打既 唔知係我地食唔慣定咩好似未煮夠咁 咬開仲見到白色一點粉狀咁咬口都比較實 整體來講覺得咖喱味好食啲，不過就偏鹹炸豬扒都炸得唔錯, 粉唔會太厚份量就好足夠 一人一個岩岩好

Finally managed to try out Yamamotoya! This hundred-year old Udon restaurant from Nagoya sets foot in Hong Kong for the first time! They’re most well-known for their miso udon made with their traditional handmade noodles made with Japanese wheat flour and water and their signature miso blend. 🍜🍲 ❗️Get here earlier to avoid the long lines! We got here at 18:20 and had to wait almost 1.5 hours already! ✨ Here’s what we ordered:1️⃣: 𝗦𝗹𝗶𝗰𝗲𝗱 𝗨.𝗦 𝗔𝗻𝗴𝘂𝘀 𝗕𝗲𝗲𝗳 𝗡𝗶𝗸𝗼𝗺𝗶 𝗨𝗱𝗼𝗻 / 美國安格斯牛肉煮烏冬 - $108 hkd 🥩 — Had to