山本屋 (圍方)

营业中

休息中

山本屋難得過嚟新商場，當然要睇吓有咩嘢食，見呢一間烏冬成日都排長龍，當然要試吓啦今次我哋下晝四點幾去到，客人都坐滿半間餐廳，去到五點幾就要排隊喇！因為我地勁肚餓，所以我地要左兩個烏冬，三個小食😋第一個叫左美國安格斯牛肉煮鳥冬，湯底係老店傳統味噌，另外加左豚肉。呢個適合淡口味啲既朋友，佢唔會好重味，唔會食完好渴，牛肉豚肉都好足，入面仲有腐皮吸哂湯底，好正👍🏻另一個就叫左蝦天婦羅煮烏冬，湯底係招牌咖喱再加左芝士！好邪惡好好食，咖啡唔會好杰，但好match，天婦羅亦唔會好厚炸粉，出色！小食有日式炸豆腐，炸雞皮餃子同燒地雞手羽，全部都好出色，尤其係雞皮餃子，新鮮炸起超正😍飲品就叫靜岡蜜柑梳打同埋元祖波子汽水，夠哂日本風味

圍方開咗咁耐都未得閒去行下趁假期就去朝聖一下呢間具有百年歷史嘅名古屋過江龍烏冬店「山本屋」香港店仲要係首間海外分店 十分巴閉前排開業時大排長龍 不過評價就非常兩極(ㆆ_ㆆ)本身都抱住可能中伏嘅心態去試吓點知又覺得唔錯喎可能係因為近期店家再調整咗食譜 如果唔使排隊都值得一試啊(*´∇｀*)❀ 蝦天婦羅煮烏冬 • 老店傳統味噌湯‣ $𝟙𝟘𝟠♡❀ 吉列豬扒煮烏冬 • 招牌咖喱湯‣ $𝟙𝟙𝟠♡山本屋主打嘅手打烏冬全部都係每日新鮮製造香港作為首間海外分店 仲特別邀請到第五代傳人親自黎香港製麵( *˙0˙*)保留名古屋當地最傳統嘅味道！！烏冬係用熱辣辣嘅砂煲做盛器一開蓋仲會見到個湯係ʙᴜʟᴜʙᴜʟᴜʙᴜʟᴜ咁滾緊(^O^)/烏冬質感相比起平時食開偏硬身但就好有彈性同咬口 同埋非常掛湯每碗烏冬本身已經包咗玉子同油揚湯底方面我地揀咗老店傳統味噌湯同招牌咖喱湯味噌湯係用咗釀制𝟛年嘅赤味噌製成 味道絕對夠香濃 配埋煮到入哂味嘅烏冬非常唔錯至於咖喱湯就相對無咁濃稠 但都算幾惹味咖喱味再突出啲會更好( ᵕᴗᵕ )炸物豬扒同蝦天婦羅都係薄炸粉同好香脆 就咁食或者沾埋烏冬湯都別有風味٩(๑❛ᴗ❛๑)۶❀ 日式炸豆

今天見無人排隊唔使等就直接入去食，叫左個黑豚肉烏冬，鰹魚清湯底。從來都未試過食咁難食既烏冬，湯無味，你話佢似刀削麵，我比較認同，但如果話佢係烏冬，我接受唔到。另外，出單時間慢，樓面唔算多人，平均一個烏冬都要等20分鐘先出到來，用咁多時間煮出來，煮到咁既水準，真係有咁失望得咁失望，我求奇搵一間小店煮個烏冬出來，都比佢出色，比佢好食，最主要人地真係有烏冬既煙韌口感，湯底唔會無味。另外，我都叫左個凍豆腐和雜天婦羅，不過不失，無特別驚喜。成張單咁就差唔多2舊，貴而難食，想食樣好味既野都咁難嗎？

始創於1925年，至今接近一個世紀，這家來自日本名古屋的「山本屋」烏冬專門店最近在大圍的新地標「圍方」開設其首家海外分店。山本屋以手打烏冬聞名，現在由第五代傳人青木晃佑接棒，把百年的手藝和味道傳承下去。青木師傅每天以傳統手打技法製作出新鮮的烏冬麵條，每條生烏冬尺寸約4mm, 彈牙兼有嚼勁；並採用自家醃製超過三年的岡崎「八丁味噌」配合家傳秘方調製出獨一無二的味噌湯底，最後放入一個伊賀燒窯爐特製砂鍋內烹調，從烹製至上桌都是使用同一個鍋，這樣不但能夠保持食物的溫度，並且可以吃到原汁原味的原鍋烏冬。美國安格斯牛肉煮烏冬（$108）湯底有三款選擇，分別是老店傅統味噌，招牌咖喱和黃金鰹魚清湯。我選擇了美國安格斯牛肉烏冬配老店傳統味噌，當砂鍋端至我面前，揭開鍋蓋，看見熱氣騰騰的滾滾蒸氣，並聽到沸騰的湯底不斷卜卜發響。味噌湯底經過師傅反覆調配，調製至適合香港人的口味，味道醇厚馥香亦不過鹹；每一條烏冬麵條都是人手每天新鮮製造，口感既爽彈又煙靭，如果喜歡吃比較腍身的烏冬，可以蓋上鍋蓋兩分鐘，就可以吃到軟滑的口感。吉列豬扒煮烏冬（$108）另一款吉列豬扒烏冬配招牌咖喱（+$10），每一款烏冬鍋已配有雞蛋、蔥

今日大約揀咗3:00冇咩人嘅時間嚟到！門口有簡單介紹山本屋嘅餐廳內容！一入到去就見到人潮湧湧～雖然唔使排隊，不過入面都係好多人本身想揀冇咁熱嘅天氣嚟食費事食到成身汗吖嘛！入咗之後，先嚟到嘅係小食！叫咗個日式炸豆腐，食落去熱辣辣入面滑到呢！另外仲叫咗一個炸紫菜雞柳，味道方面都唔錯，紫菜再加埋雞柳脆上加脆！不過烏冬方面我就叫咗黃金鰹魚清湯配美國安格斯牛肉煮烏冬！初頭以為鰹魚清湯湯底會好淡，不過原來都幾濃味(｡ì _ í｡)！不過都幾好食～上枱嗰陣熱辣辣，我諗如果冬天嚟食嘅話一定會仲滋味 另外埋單俾錢嘅時候仲見到一張名古屋城嘅poster，都幾特別㗎！

圍方開業幾個月頂層呢間拉麵店正正就是由日本名古屋嘅百年老店每晚總是企滿排隊等入座嘅食客專登早啲出嚟未到晚飯時段唔洗等位梗係試下門口隔住玻璃仲可以見到師傅製作烏東每條麵都由人手製作✨蝦天婦羅煮烏冬三款湯底選擇．揀咗老店傳統味噌湯底味道唔會太鹹麵質比一般烏東更有嚼勁食到最後仲可以加米飯淋上湯汁更惹味．更滿足天婦羅分開上．原隻蝦肉新鮮✨蟹棒天婦羅天婦羅夠乾身．裡面蟹棒啖啖肉充滿蟹肉香味✨燒地雞手羽燒得金黃香脆帶有芝麻加倍香口✨日式炸豆腐滑溜溜嘅日本豆腐外層炸粉唔會太厚加添醬汁令味道不單調✨山本屋特製沙律加上麻醬嘅沙律菜．新鮮爽脆脆卜卜嘅炸雞唔油膩✨炸雞皮餃子雞皮取代了餃子皮更香更有咬口．肉汁豐富唔洗搭飛機，以後隨時都享受到日本老店嘅味道難怪長期都多人排隊

呢間係我食過咁多間貼心同細心度最高的烏冬店❤️!由排隊個刻餐廳已經有派人比茶我地, 令到等候嘅時間無咁長!~ 入座後雖然環境較為迫, 不過每個座位都有一個籃比客人放低自己物件, 所以都接受度的😙! 另外食烏冬最怕彈到成身都係, 職員有提供埋圍裙比我地, 個日著白色衫都唔怕啦😆 佢地枱角仲有介紹名古屋嘅地道食法添, 見到話食完可以免費追加飯, 不過當日我食完有啲飽所以就無試!!! 等咗一段時間, 食物到達了! 餐廳職員好有禮, 講左唔好意思要我地等咁耐~ 🤭 小食叫了「日式炸豆腐」, 上枱時熱辣辣! 食得出係即叫既炸! 一個字正! 「雞皮餃子」都相當唔錯, 好有日本嘅風味~ 所有小食都係$18-$58，價錢合理❣️ 主角緊係要隆重出場~ 選擇咗「親子烏冬」味噌湯底! 本身比較鐘意食淋身嘅面質, 所以聽左佢地話用蓋焗一陣先再食! 一打開, 粒蛋簡直係完美!!! 撈埋一齊食落去啲烏冬仲滑身啊~ 湯入面嘅嘅腐皮同蔥令人有意外驚喜地好吃!!

咁啱去大圍探朋友，去之前剛好是中午時間，所以同另一位同行朋友係附近搵食~想食日本野，就揀左呢間試。親子煮烏冬(傳統味噌)呢度主打烏冬，所以烏冬就一定要試架呢~ 呢個烏冬料很足，腐皮、雞肉、加大大隻太陽蛋黃，選左傳統味噌口味，肉質嫩滑，烏冬偏淋，但好入味，正!吉列豬扒烏冬朋友話豬扒炸到好酥脆，唔柴，外面脆裏面豬肉仍然係有肉汁，同樣都覺得好正!如果經過大圍，想食烏冬，但又希望唔太貴而有質素的話，呢間值得考慮!

我係味噌超級粉絲✨! 見到開始無咩人排隊於是乎立即揾日去山本屋試試~ 眼見好多人喺openrice話好咸🥲? 但其實本身味噌就係重口味, 我估可能大部分嘅香港人都未必食得習慣先咁! 😆 排完入到去 毫無疑問我一定即揀味噌湯底 🫶🏻 另外朋友揀了咖喱 , 相入面無左隻蛋 🫠 但事後同返店員講就立即加返了, 抵讚!!! 😙 咖喱味道不過不失, 如果之後嚟都會再叫的! 而我嘅味噌湯底真係一!百!分!! 不過個人意見覺得可以再濃啲就好了~ 不枉為整左三年嘅味噌而成嘅烏冬! ❤️ 另外再點了三樣小食, 雞皮餃子都比較少見!

其實我今次已經係二訪了~ 上次食左覺得值得再嚟! 因為係晚市入座前排左一陣隊🤭! 排嘅期間山本屋員工都好細心, 會派茶比排緊隊嘅客人, 等候嘅時間即刻無咁燥底! 入座後雖然要等二十分鐘 🥲 但餐廳入面有放一啲小知識嘅sticker係枱面, 所以個人嚟講覺得唔錯! 起碼有野睇下先嘛~ 小食個到我同同行朋友叫得比較多🤣 分別有雞翼、豆腐、同炸蟹柳 ! 仲加多左支葡萄梳打, 好有日本的感覺! 重頭戲我叫左味噌味~ 無叫炸蝦係因為上次嚟我唔係好鐘意浸住湯底, 但見隔離枱係另上, 睇嚟山本屋真係有重視客人意見!! 🥹🙏🏻睇嚟下次又要再訪了!

100分的名古屋烏冬❤️門面相當有特色，好似喺日本咁樣啊本身門口仲有寫埋少少有關山本屋的簡介～雖然今日四點幾去到門口冇咩人，但係入到去都差唔多full house 烏冬方面，我叫咗親子咖喱味烏冬‼️有濃厚嘅咖喱香味，唔怪之得要加錢啦😏原本烏冬已經有雞肉同埋雞蛋，不過另外再加左年糕同埋芝士！食落去原來都有另一番風味，只是加強左本身咖喱嘅鹹香味！😋年糕仲要係炸過添😍😍一食落去勁煙靭，不過就溫馨提示各位如果要加年糕就要快啲食，因為我另外一粒去到最尾先食已經林晒😂

🇯🇵🏯來自日本名古屋百年歷史的老店—山本屋✨主打手打烏冬, 每日新鮮製造👨🏻‍🍳🐉自開業以來門外經常都有長長的人龍🫨🕐每次至少等1-2小時😣😎今日5點幾到, 趁人流少啲, 終於入去試試😙🪟門外右邊有個玻璃窗, 展示師傅即場整烏冬的過程🔪😽餐廳好貼心, 每張櫈下都有個置物籃俾客人放取身物🧺🤵🏻‍♀️店員態度有禮, ✔️仲有圍裙提供, 著白色衫都唔怕了😆🧷枱角貼上名古屋地道食法食畢烏冬➡️追加白飯🍚同湯頭拌勻食用🥄🙌🏻較大食的朋友可以嘗試挑戰🤣🔸黑豚肉煮烏冬🐷🥢 $98 7/10味噌湯底｜+$20 牛肉🔍上網做過 research, 不少食客都話味噌湯好鹹🙈😲原來餐廳依家改良咗味噌湯底, ⬇️減咗10%鹹度, 貼近返香港人口味🇭🇰「2.0改良版味噌湯底」味噌味淡薄些🤏🏻✅基本餸菜: 蛋, 蔥, 腐皮➕追加的牛肉份量約有5-6片✋🏻手製烏冬呈粗扁身, 口感厚實食落有啲似日版刀削麵🤣上菜時, 🤵🏻‍♀️店員會問客人對烏冬口感的喜好：軟身(焗多幾分鐘)｜有咬口(即刻開蓋)因為用砂鍋盛上, 全程都熱辣辣🔥, 🌬️天氣涼涼地食好正🥳🔸美國安格斯牛肉煮烏冬🐮🥢 $108 7/10+$10招牌咖哩湯底🥘🥘咖哩湯

見大圍圍方都開咗一段時間，好多食肆林立。競爭非常激烈，眼見頂層嘅日式烏冬店經常排滿隊，緊係想試吓係咪真係咁受歡迎 咁好味。而今日晚上20:00去到都不例外，當然都係要排隊。前面都有20個人左右排隊。20:45左右入到去, 兩個人叫咗黑豚肉烏冬 （味噌湯）、親子烏冬 （鰹魚湯）和 三隻手羽。廢話唔講，討論返啲食物質素。真係差到冇人有❗️❗️。黑豚肉烏冬 （味噌湯）竟然一反常態 淡到好似水咁❌❌❌。😥吉野家嘅即沖麵豉湯都濃味過佢。心諗係咪得罪咗個廚師😵‍💫飲極啲湯都係都冇味。我以為自己味蕾有問題，咁我比老婆試吓，都試唔出個湯係究竟落咗啲咩，食到懷疑人生😵‍💫😵‍💫究竟有冇落味噌呢？直到我食完，都飲唔出係咩味。 🤢🤢🤢🤢🤢🤢🤢🤢🤢真相已經揭開，估唔到食個烏冬都要扮柯南。根據我嘅邏輯推理，原來我食緊嘅真係味噌。因為我老婆係食鰹魚湯烏冬(無咖喱味的)，我試咗幾啖，竟然鰹魚湯仲有味道過我個重口味味噌湯😦😦😦究竟發生過什麼事❓❓❓事後返屋企上OpenRice睇返食評嘅相。啲湯底濃到好似沙嗲牛咁杰撻撻撻🙄反差好大。係咪有隱藏餐單 味噌湯 走味噌？😓仲話乜嘢濃稠 重口味之選，描述與產品不乎，雖非虛假但卻具

星期六難得條龍唔算長，姑且一戰🫡🔸美國安格斯牛肉煮烏冬配老店傳統味噌（ $108 ）🔸牛肉普通料，無煮得太老但食落無味，味噌湯比想像中濃郁厚身，掛湯度💯，唔會太咸，只係麵豉味好強烈，唔算好啱我口味。🔸吉列豬扒煮烏冬配黃金鰹魚清湯（ $108 ）🔸話清湯其實唔清，一樣濃到深不見底，但入口幾鮮味清爽，無前者咁膩。吉列豬扒又係普通料，香脆唔算好熱，無乜調味，似港式日本餐廳🍴貨色。主角烏冬偏硬身有嚼勁，如果想淋啲可以用鍋蓋焗一陣或者等一陣先至再食，口感食得出手打嘅感覺，都幾特別。但俾我揀我鍾意好軟滑嘅麵條。個小食日式炸豆腐（ $28 ）夠熱，調味係最充足嘅一樣嘢，外脆內軟，比主菜更驚喜。有樣嘢值得讚係佢原煲上，夠滾熱辣，凍凍哋食好舒服😀（商場冷氣有時真係Cls咁凍)。如果唔使排隊，都可以再嚟嘅。最後，其實佢翻枱速度十分之快，排隊無想像中耐，我等嗰陣前面十幾人，最後15-20分鐘內入座。

烏冬在口感彈牙，有驚喜，個人非常喜歡，湯底揀咗老店傅統味噌，飲完唔會口渴，腐皮夠吸咗湯汁，好味，整體滿意；吉列豬扒、雞翼、雞皮餃子：肉質嫩滑，多汁，表面酥脆，同時保持內部的多汁；雞皮餃子以雞皮作為包裹材料，內部可能有其他的餡料，通常也會經過炸製，以獲得脆脆的外殼和豐富的口感；總的來說，食物評價正面。烏冬的口感彈牙，加上炸物夠熱和多汁，都讓人食慾大開；但店舖以小店經營，大概只有40個位，同埋烏冬需時處理，需要等候入座，但值得再Encore。