大滾友火鍋 (美新大廈)

营业中

休息中

><打邊爐d料重要 個湯底一樣係重點呢度d湯底選擇多而新穎 出場有煙霧營造氣氛 即刻打卡排骨山濃湯鍋(318)火山排骨本身已經係一道菜式骨頭山氣勢磅礴 湯頭酸辣惹味未正式開打可以吮骨拆肉食住先大滾友牛肉拼盤(418/細)頂級安格斯牛小排 /本地手切牛頸脊 / 澳洲和牛金錢𦟌 /美國頂級雪花肥牛 /牛黃喉 /牛肉粒 /牛舌花 一共7款唔同部位嘅牛 肉味香濃 最鍾意係爽脆牛黃喉 口感特別伊比利亞橡果豬(168)柔軟且肉味清澈 跟湯底很配搭手打鵝肝墨汁墨魚丸(72/4粒)墨魚丸富海鮮香氣 咬開中間會有鵝肝粒澳洲帶子片(98)雪白有厚度頗鮮美雜菜拼盤(98)生菜/ 娃娃菜/ 油麥菜/ 蒿筍/ 金菇/蓮藕/ 紫准山/ 木耳/ 蕃茄/ 粟米 有襯過色自家製足料竹蔗茅根(78)少甜滋潤 打邊爐熱氣🤣🤣最後有火焰焦糖豆腐花原桶上加酒點火 睇得有食得><><><><><><><><><><大滾友火鍋大埔舊墟直街4-20號美新大廈地

今次真係好好好滿意嘅一餐🥰❤️ 環境闊落坐得好舒服、服務態度好、食材高質，一句講曬，推介！🌟玲瓏浮凸•花膠雞湯鍋（半隻） $318呢個湯底我推薦必叫！必叫！必叫！睇相都知花膠有幾大嚿啦🥹店員更會好貼心咁樣幫手剪細佢～首先落咗花膠落湯底，湯滾咗就可以飲咗湯先之後先開始打邊爐。呢個湯底暫時係我打邊爐以來飲過最好飲嘅湯底，我同男朋友都覺得超好飲！🥺真係好想好似食神咁講返句「以後飲唔番點算aarrrrr」 ，而且呢個湯底攞嚟淥金菇真係超超超好好食🥹🌟牛肉拼盤(細) $418牛肉拼盤表現出色，牛肉新鮮且肉質鮮美細膩，仲有我最鍾意嘅牛胸爽！🌟手打蟹籽鮮蝦丸 $72蝦味濃郁且充滿鮮甜，手打非常彈牙，配上蟹籽，層次豐富🌟伊比利亞橡果豬 $168伊比利亞橡果豬係豬肉界嘅和牛🤍無論口感還是色澤，都引人入勝，絕對是對味覺的一場享受🌟大滾友雜菜拼盤 $98包括多種蔬菜，不但新鮮、營養豐富，更外帶引人入勝的擺盤風格🌟澳洲帶子片 $98帶子肉質鮮嫩，有著淡淡的海鮮美味，口感特別正🔥火焰焦糖豆腐花 估唔到最後仲送個甜品俾我哋，所以唔知價錢😆超特別嘅豆腐花，一開始火焰會點着面頭嘅黃糖，形成一層焦糖～而豆腐花就係凍嘅，幾

大埔地方大😍很多餐廳也算寬敞🌸今日行經一條幽靜的食街，望落這間火鍋店幾有氣派🌟門口又有得比人影相打卡扮皇帝🫅就入去試試有無驚喜先🩷𥚃面原來係中西合璧，有邊很大的Bar枱飲酒之餘🍻其他位置就係中式既廳或房，每枱坐得很舒服🌟💖一坐低就叫了個新推出的龍躉木瓜湯鍋💯上碟既生龍躉片🐟伴隨煙霧既鍋盤很有氣勢❤️就連木瓜也非常鮮甜🥘聽過伊比利亞橡果豬特色所以試吓，但又未至於食到傳聞的橡果鮮甜味🌟至於碟廣島蠔就色澤光鮮飽滿，非常吸引🦪而牛肉拼盤則很豐富，每款牛肉也至少6至8件算大碟✨️還有墨汁墨魚丸內藏了大大粒鵝肝🌟而雜菜拼盤亦很大盤🥬每款餸菜也是份量滿滿的，再飲埋渣竹蔗茅根精後✨️都飽到連湯底都飲唔落了💖

呢間餐廳好有宮廷FEEL,入到去就見到一張龍椅響門口位置附近俾人打卡,我地叫左一份牛肉細份既手切牛肉拚盤,牛肉分別有唔同既部分好似牛胸腹比較爽口彈牙,頂級安格斯牛小排油花分佈好平均好淋,手切牛頸脊好有膠質,美國頂級雪花肥牛,牛柳粒份量都幾多,牛舌,牛舌砌到好似一朵花咁,仲要一黎到個拚盤係用左乾冰既噴煙效果,感受埋視覺享受,牛肉拼盤切到好靚用古式古香既茶壺盤裝住,仲有我地叫左一款花膠雞肉湯底,職員仲會幫我地剪好D花膠落煲度煮,花膠超入味連埋雞湯既品道好濃郁,雞肉有半隻咁多,仲要肉質好軟熟,仲有叫左一碟魚肚,魚肚配埋花膠雞湯煮完勁入味同好食,飲品竹蔗茅根係自家制既好清甜。

行過見到古代建築風 今晚就試試佢，一入門口就見到張龍椅🐲 全店都好乾淨細緻 冇油煙味排骨山濃湯 $318 充滿氣勢地上枱 好似武俠小說啲仙泉咁，用咗好多排骨 好足料，入口微微酸辣 感覺似越式湯河嘅骨湯底，飲咗一碗🤭牛肉拼盤(細) $418共有7個不同牛部位 每件都雪花分明 牛味濃郁，而且擺盤好有心思🌹伊比利亞橡果豬 $168爽口嫩滑 不用任何醬汁 用湯底灼熟已經足夠好食大滾友雜菜拼盤 $98集合咗好多唔同種類蔬菜 份量足 堆滿一個盆，食咗咁多肉 可以食返唔同嘅菜 平衡口感手打鵝肝墨汁墨魚丸(4粒) $72爽口彈牙 超濃墨魚香味，中心包住一粒小小鵝肝澳洲帶子片 $98新鮮鮮甜 一口一片自家製竹蔗茅根 $78原本想飲啤酒開心開心 不過第二日要返工，所以揀左竹蔗茅根下下火，清甜refresh火焰焦糖豆腐花打卡一流 店員姐姐放黃糖後 加入一小杯酒 點火，黃糖變得微焦 冰冰的豆腐花入口時帶有少少酒香

走進去呢間食堂，先係被呢個懷舊嘅氣氛吸引，隨處可見嗰啲香港老字號嘅招牌，令人有種穿梭時空嘅感覺。嗌咗幾樣招牌菜，每一樣都令我嗌好彩！酥脆嘅炸魚蛋外層炸到金黃，但內裏嘅魚肉還是鮮嫩多汁💦；啖啖肉嘅豬扒都做到外焦內嫩，同埋嗰啖肉蓉湯丸，湯頭鮮甜，丸子入口即溶，滿口肉香，啖啖正！最正嘅就係啲手撕雞，啖啖鮮嫩，蘸嗰個秘製醬汁，簡直係好過癮！雖然話係街坊食堂，但質素一啲都唔馬虎，真係深得我心❤️。大家嚟到呢個社區，一定要試下呢度嘅地道小吃，保證你食過都會掛住再嚟！🍢🍲🍗

傾盆大雨都擋唔住我嘅美食探險。今日腳步喺這家人氣灣仔美食，氛圍頗有家庭溫馨味🏠。一入門，口味繽紛的炸物拼盤就打響頭炮，脆皮炸雞流啲啲汁，入口即化，真係掂過雞蛋妹。炸魚件呢，外層酥脆無比，但係魚肉又唔會乾身，保持海洋嘅鮮美。再講返那啲炒物啦，疑？豆腐擺明軟綿嘅，點解食落去居然外脆內嫩，咁細膩嘅口感真係頂。時菜嗰啲炒得夠火候，爽口得黎保持咗原汁原味。不過，話說重點，真係要狠狠夸一下佢哋嘅招牌菜，炭燒干貝😋。每一啖，係攞足火候嘅干貝，香噴噴、鮮滑得滯！好似海洋嘅禮物，瞬間俘虜咗味蕾。最後，夜晚落嚟，我都未忍心離開。舌頭上依然記得嗰啲風味，感覺，真係正喇！下次應該叫多幾個小食同朋友分享下啦，忍唔住要再嚟！🍤🥢🍚

大埔直街好多食肆，今日試吓呢間火鍋店金柒招牌，餐廳裝修到好似古代宮廷咁樣，入門口仲有張大龍椅。我們一貫作風，做到早享受，趁早人少少，打咗一輪卡先湯底頗多選擇，叫了個新品推介，龍躉木瓜魚湯鍋 $298嚟到非常吸引，煙霧迷漫，木瓜插在鍋中間，木瓜上面捲起好多龍躉片。店員很識做等我哋打完卡先落手把龍躉片一片一片放回鍋中，然後就用刀切開木瓜。識食嘅梗係先飲咗兩碗湯，食埋龍躉先打邊爐，啖湯好清甜，龍躉片也鮮嫩大滾友牛肉拼盤 $418包括安格斯牛小排，手切牛頸肩， 和牛金錢展，肥牛，牛黃喉，牛肉粒，牛舌。擺盤已經花過心思， 牛肉雪花分明，味道濃郁伊比利亞橡果豬 $168肉質肥美，味道可口手打鵝肝墨汁墨魚丸 $72烏卒卒的墨魚丸，裏面藏咗一粒鵝肝，彈牙，香濃墨魚味蟹黃餃 $78蟹黃餃淥熟之後表面層黃色，非常吸引雜菜拼盤 $98非常多品種有油麥菜，生菜，窩筍 ，粟米，金菇，木耳，還有成條薯條嘅紫薯，食完咁多肉都要食菜平衡吓叫咗一瓶竹蔗茅根，清涼解喝，紫砂壺仲好靚臨尾附送個火燄豆腐花，成桶豆腐花上枱，加啲糖同洒後點起火，有焦糖嘅效果。以為食到好飽，點知 又食得落成桶豆腐花吃飽後，要走出宮廷，返回現代了。

🍲入大埔去滾🍲-香港人打邊爐無分季節 我鍾意喺秋冬時節「滾滾吓」 趁呢排氣温漸降食 氣氛特別好-🐔半隻花膠雞湯底 $318巨型花膠剪起有好多件 滾完之後軟綿綿 果然係靚料😍 即席飲番碗滾燙花膠雞湯 好鬼鮮味-🐂牛肉拼盤 $418🥠牛骨髓 $78細拼盤嘅肉量充足 更難得嘅 係牛嘅多種部位都有 肥牛唔會太多肥膏 入口即溶 牛味濃郁兼有油脂豐腴 蘸辣椒豉油食更正👍-🍡和牛墨魚丸 $72部長推介呢款用和牛粒做餡而外圍爽彈嘅墨丸 混合版本幾得意😌-🐖伊比利亞橡果豬 $168食豬肉當然要煮熟啲 我通常會over-cook 豬肉鮮味仍然喺度 肉質唔柴口 very good!!-🥗雜菜拼盤 $98最like爽脆藕片同埋萵荀-🎋竹蔗茅根水 $78自家製下火涼茶 清清哋涼涼哋-🥣火焰焦糖豆腐花無論食得幾飽 都唔可以冷落甜品呢個胃😜 巨型木桶豆腐花 三個人食都夠😬 即席加黃糖再用火槍燒至面層焦糖卜卜脆 有啲似crème brûlée -📍大滾友火鍋大埔舊墟直街4-20號美新大廈地下B2號舖

【大埔•大滾友火鍋】🐝————————————————————————❤️推介的火鍋店，無論晏就定夜晚都可打邊爐的火鍋控😋😋店鋪佈置古色古香，宮廷角感覺，裝修獨特。🍯｜龍躉片木瓜魚湯鍋｜HKD 298養身之餘湯底勁鮮甜，龍躉片份量多，厚肉嫩滑。湯底飲了不少呢🍯｜伊比利亞橡果豬｜HKD 168豬肉中的和牛級數，肉質肥美濃郁，油脂甘香可口。🍯｜大滾友牛肉拼盤（細）｜HKD 4182人夠食，頂級牛小排/本地手切牛頸脊/和牛金錢展/美國頂級雪花肥牛/牛黃喉/牛肉粒/牛舌花咁多部位選擇，總會有款喜歡的。🍯｜大滾友雜菜拼盤｜HKD 98唔好講笑，呢個拼盤大到3-4個人食都得，食極都仲咁多，當然，打邊爐一定食菜，各款齊全。🍯｜櫻花蝦豬肉丸四粒｜HKD 72愛吃手打丸，陣陣櫻花蝦味係口徘徊，令人諗起日式拉麵。🍯｜極品棉花魚肚｜HKD 98魚肚索哂湯底所有精華，夠juicy🍯｜自家製足料竹蔗茅根｜HKD 78清熱解毒，最啱打邊爐飲。

大滾友火鍋 (美新大廈) (大埔)今次去開大埔搵食, 見到呢間火鍋店個名大滾友幾盞鬼🤣 而且裝修方面都幾吸引，有嗰種中式宮廷風嘅感覺，門口嗰邊有一張龍椅同聖旨捲軸睇落非常有特色✨牛肉拼盤（細）（$398）呢一個拼盤有晒好多唔同牛嘅部位，牛腱x牛頸脊x安格斯和牛x牛舌x牛柳粒,其中最鐘意新鮮牛胸爽同安格斯和牛，牛胸口感爽清而且帶有少少嘅牛油脂香味，安格斯和牛算幾大塊，而且肉質嫩身雪花嘅油脂食落去入口即化蟹黃餃($78)真正嘅皮薄餡多，食落去啖啖蟹黃而且蟹黃味非常濃郁👍🏻櫻花蝦豬肉丸($72)食落去口感爽口彈牙，丸鋪左櫻花蝦令到鮮味更上另一個層次伊比利亞橡果豬($168)同樣有着雪花嘅油脂紋而且食落一啲都唔會騷🤤大滾友雜菜拼盤($98)呢個集材拼盤有好多唔同嘅生菜x油麥菜x娃娃菜x蕃茄x木耳x粟米自家製竹蔗茅根($78)個壺好靚好有特色，用嚟打卡絕對冇問題。竹蔗茅根好清甜，配黎打邊爐一流，又吾會怕好熱氣☺️火焰豆腐花食到幾飽都好都一定要叫埋個豆腐花食啊！超中意🤤店員會先將豆腐花淋上糖漿，之後就會用火燒熱表層，等啲火熄咗就可以食得啦😳表面會熱熱地，啲糖漿會變到脆卜卜，好似焦糖咁，配合埋豆腐花一

最近朋友知道大滾友喺大埔開咗分店，所以就即刻約咗我一齊嚟開餐。餐廳裝橫以中式宮廷風格，門口位置重有張龍椅俾大家影相打卡。花膠雞湯鍋 (半隻 / $318) : 雖然只係半隻雞，但係份量多得驚人，而且花膠又勁大片。湯底味道非常濃郁，而雞肉係半熟狀態，淥多幾分鐘就已經食得。大滾友牛肉拼盤 (細 / $418) : 有唔同嘅牛部位，每款都各有特色，而且牛味濃郁，而大滾友雜菜拼盤有非常多種類嘅蔬菜，有粟米、蕃茄、淮山、金菇、冬菇、生菜、油麥菜等等，蔬菜吸收晒濃郁嘅湯汁，超級無敵鮮甜。伊比利亞橡果豬 ($168) : 豚片厚薄適中，而且份量都多，味道亦相當唔錯。手打鵝肝墨汁墨魚丸 (四粒 / $72) : 墨魚丸中間有鵝肝粒做餡，鍾意食鵝肝同墨丸嘅朋友咪錯過。黑松露蟹肉餃 (六粒 / $108) : 餃子幾飽滿，入口時散發出微微嘅黑松露味同蟹肉嘅鮮甜，自己超鍾意食呢個餃。打邊爐熱辣辣當然要飲返啲清甜冰涼嘅自家製竹蔗茅根，最後食埋火焰豆腐花非常滿足咁離開。

大埔高質邊爐🍲舊墟直街多好嘢食，身為大埔人一定知。平時不嬲食開平價邊爐任食，今日決定豪返一次～果然真係好大分別，意想不到的高質😋環境-中華風一入到去已經見到大紅燈籠🏮高高掛，另外每張枱都有好充足位置放食材，旁邊仲有餐車，多多都擺得晒。九宮格配料自己慢慢配搭，唔使好似平時咁同人逼。裝豉油個樽係古代酒杯「觴」，好特別😂湯底-花膠雞湯鍋個鍋有兩個龍🐲頭加上金色，勁有宮廷feel。打邊爐最緊要就係個湯底，職員會先幫手將花膠剪成細塊，滾一陣之後就可以飲頭啖湯，一入口非常濃郁，又唔會死鹹。雞肉🐔本身已經煮到半熟，飲完湯之後再落雞肉滾多3分鐘就食得，非常嫩滑👍🏻食材-🐮牛肉拼盤(細) - 寫住係細，但都有七種咁多！每種份量都有4片以上，而且都好新鮮，個人最鍾意安格斯牛小排，牛香濃郁之餘肉質非常軟諗；手打鮮牛丸 - 新鮮牛肉，無多餘調味，唔似出面牛肉丸比胡椒蓋過牛味；伊比利亞橡果豬🐷 - 豬仔橡果飼養，有種非常獨特的甘香味道，肉嫩多汁；雜菜🥬拼盤 - 真係要大讚職員夠哂心機，將金菇、幾種菜、木耳、粟米、蕃茄等插花咁擺盤，真係靚到唔捨得夾🤣 加入湯底之後再飲湯，就會充滿蔬菜的清甜，加分～龍蝦餃 - 手

約朋友傾計之選🙌🙌坐位闊落 環境又舒服，食物高質👍🏻👍🏻我哋點左花膠雞湯鍋，個湯一試難忘，特級濃郁鮮雞湯，未放雞件同花膠個湯底濃郁程度已經係有厚度㗎🤭🤭再附上超新鮮雞件，肉質結實，雞味濃郁，花膠厚身，唔會好腥👍🏻👍🏻火鍋料全部都新鮮高質其中推介大滾友牛肉拼盤首先，拼盤分量好大，種類好多，有頂級安格斯牛小排、本地手切牛頸脊、澳洲和牛金錢展、美國頂級雪花肥牛、牛黃喉、牛肉粒、牛舌花🤭一次過可以食哂咁多唔同嘅牛真係滿足十分🙌🙌每一款都好新鮮好正好高質，必點推介日本廣島蠔新鮮大大隻漲卜卜，鮮甜👍🏻👍🏻除咗火鍋，仲有其他小食提供，例如手拍青瓜瓜，風味鴨腎片，甜辣鴨脖😇

大埔嘅《大滾友》打邊爐真係一流😋 坐得舒服，而且冷氣好夠，就算打邊爐都唔會熱辣辣！我哋叫咗花膠雞湯鍋（半隻），裡面有好多花膠同雞。滾起嚟嘅金黃色雞湯真係好香濃，一碗就足以令你回味無窮😍另外我哋仲叫咗大滾友牛肉拼盤（細），牛肉種類有好多，兩個人食可試到多款唔同肉款🥩🥢仲有伊比利亞橡果豬，豬肉質地鮮美，搭配火鍋湯底真係唔錯！海鮮叫咗鮑魚，兩隻一份。鮑魚鮮嫩，口感彈牙！另外和牛墨魚丸，四粒一份。墨魚丸彈牙入邊有和牛，真係一口咬落去好有滿足感！而家又係時候食啲蔬菜🥬🤣我哋叫咗大滾友雜菜拼盤。蔬菜新鮮靚色，勁多菜款，份量4人食都夠！最後仲有火焰焦糖豆腐花，店員會喺你面前點火，火炙後焦糖脆卜卜，豆腐花有豆香又夠滑。一桶兩個人食都唔會嫌多😋打完邊爐食埋個甜品真係滿足晒！