278
3
0
| 餐厅: | 大滾友火鍋 (美新大廈) |
|---|---|
| 优惠: | 国泰会员凭「国泰 - 亚洲万里通」应用程式內会员二维码，赚高达HKD4 = 2里。受有关条款约束。 |
|
条款及细则:
|
|
|
|
影片
电话号码
37058134
开饭介绍
装修风格古色古香的火锅店，香浓鸡汤底选用三黄鸡并加入花胶熬制。款款汤底都份量十足，并有多款海鲜、手打丸等配料提供。
继续阅读
营业时间
今日营业
15:00 - 01:00
星期一至日
15:00 - 01:00
以上资料只供参考，请与餐厅确认详情
有关奖赏计划
优惠
| 餐厅: | 大滚友火锅 |
|---|---|
| 优惠: | 国泰会员凭「国泰 - 亚洲万里通」应用程式内会员二维码，赚高达HKD4 = 2里。受有关条款约束。 |
|
条款及细则:
|
|
|
|
相关文章
呢间大滚友好正！一家人有老有嫩，打边炉最适合不过！装修靓得来，仲有好多特别嘢，特别系有儿童影院同夹公仔！仲搞咗个比武龙虎榜！同埋呢度环境够晒阔落，每张枱侧边都有会有茶几俾你放食物！花胶鸡汤，有半只鸡食台式宫廷火锅，必定系饮咗鲜鸡汤先然后才打边炉！鸡汤未放鸡已经非常鲜浓！放埋新鲜鸡真系不得了！呢个汤底打边炉真系食乜𩠌都升华百倍！手打鹅肝墨汁墨鱼丸粒粒墨鱼你丸里面都藏了一个鹅肝😍羊肉片厚切羊肉片，羊肉味浓郁，加埋鸡汤特别鲜味！爽脆猪膶都几新鲜，而且份量够多，食落好脆滑！蟹黄饺好少地方可以打边炉有蟹黄饺食，蟹黄味好香浓！酥炸小姑姑是非常可口的小食，椒盐味味令到香菇的鲜味都迫了出来牛肉拼盘由七种上等靓肉组成1.手切吊龙, 2.本地手切牛颈脊 3.澳洲和牛金钱展 4.美国顶级雪花肥牛 5.牛黄喉 6.牛肉粒 7.牛舌花打边炉，必定要点的牛肉拼盘，牛肉红卜卜就知道非常新鲜！当中手切牛颈脊最有牛肉味，而且脂肪分布平均，入口即溶！竹蔗茅根自家制竹蔗茅根清热润肺，打边炉最佳伙伴！焦糖布甸又食得多，但系焦糖豆腐花真系第一次，睇住佢啲火慢慢烧非常过瘾，焦糖脆卜卜配上嫩滑豆腐花！老人家和小朋友都对呢餐打边炉好满意😀
继续阅读
今次同朋友去咗大埔「大滚友」打边炉，，环境阔落仲有好多包厢，最特别系有个儿童影院播紧卡通片，啱晒一家大细嚟聚餐！我哋四个人叫咗个超丰富嘅火锅餐，人均$363（连加一），食到捧住个肚走～ 🍲 汤底：卜卜蚬（$288）一上枱就闻到超香蒜蓉味，啲蚬大只到似乒乓波咁，而且完全冇沙！滚熟之后个汤鲜甜到不得了，最重要系喺开始之前职员会帮你加汤，因为底下摆咗干冰，所以仙气满满，啱晒钟意打卡嘅我。🥩 牛肉拼盘（$428）｜牛魔王必试！个拼盘真系超级丰富，有齐7个部位，每款都各有特色： - 牛展：全场最正！切到厚薄适中，腍得嚟带少少爽口，牛味浓到不得了，渌8秒就食得 - 牛胸爽：白色一片片，咬落满满嘅牛油香- 骰仔牛柳粒：方粒形状，煮耐啲都唔会老，肉汁锁得好实 - 黄喉：其实系牛嘅血管部位，口感爽脆，好似食紧脆骨 - 牛舌：薄切滚10秒就卷起，嫩滑冇渣 - 牛小排：油脂花纹好靓，入口即溶 - 牛肋肉：肉味最浓厚，适合钟意原始牛味嘅人 🌶️ 香辣牛肉饺（$78）｜辣到喷火！一咬开个饺，辣汁即刻涌出嚟，辣度够晒刺激！入面嘅牛肉馅好扎实，仲食到粒粒辣椒籽，钟意食辣嘅朋友一定爱上～ 🦑 手打鹅肝墨鱼丸（$72）虽然鹅肝粒比较细，但个墨鱼丸弹牙到可以打乒乓球！仲食到粒粒墨鱼肉，鲜味十足～ 🐚 贵妃蚌（$158）蚌肉肥美鲜甜，渌10秒就食得，配卜卜蚬汤底简直鲜上加鲜！ 🥬 蔬菜类｜新鲜到不得了- 水莲：超长一条条，爽脆清新，渌5秒就够，索晒汤汁好正 - 莴笋：切成一条条手指咁粗，煮耐少少都仲保持到爽脆，清甜冇渣 - 山水滑豆腐：豆香浓郁，用筷子一夹就散，入口即化 🍹 饮品：竹蔗茅根（$78）清甜解渴，打边炉饮最啱！ 🍮 甜品：火焰豆腐花侍应会即场淋酒点火，烧过嘅黄糖变成焦糖，配冻豆腐花冰火交融！视觉效果满分之余，味道仲好正～ 💡 小总结▪️ 环境：座位阔落，有包厢同儿童影院 ▪️ 服务：侍应会主动加汤换碟 ▪️ 食物：材料新鲜，特别推荐牛肉拼盘同卜卜蚬汤底 ▪️ 价钱：人均$363食到咁多好嘢，合理 如果想同朋友或者一家人打边炉，「大滚友」绝对系唔错选择！我哋已经约定下次再嚟encore～
继续阅读
今日男朋友嚟大埔揾我 即兴想打边炉拣咗呢间未食过嘅试吓 比佢装修震惊装修感觉好似古代皇帝出巡去嘅高级客栈系以金同红色为主 红色灯笼好喜庆感连打边炉个炉都系龙纹金锅 系几有气派嘅门口个张龙椅+圣旨好啱比小朋友打卡XD呢度仲有比小朋友睇嘅影院同夹公仔机- - - - - - - - - - - - - - - - - - - - - - - - 1. 酱介一坐低后 店员就将九格酱料拎到面前 九格酱料包括醋、芝麻、香油、辣椒、酱油、炸蒜、蒜蓉、芫茜、香葱好系好在可以坐住咁任调酱料嘅份量2. 凉拌拼盘(秘制凉拌爽口鱼皮/香辣无骨凤爪)每次去餐厅叫凉拌鱼皮都系一种赌注因为有啲未必真系爽口 好在佢冇令我失望鱼皮爽滑弹牙 浸晒秘制麻辣酱汁系好香口无骨凤爪都好够香辣味 食完两样觉得开胃3. 樱唇半开 · 特色卜卜蚬锅上锅个阵见到底下用咗好多芽菜舖垫面头就有好多食极都仲有嘅大沙白蚬跟住会系我哋面前加汤 等到滚起食得想讲蚬嘅份量真系好多 食完都有半饱同埋都好欣赏食晒全部都冇食到有沙汤底滚到最后 愈嚟愈有海鲜鲜味4. 大滚友牛肉拼盘(细)唔知系咪因为食咗好多蚬已半饱XD虽然话系细份 但我都系觉得大份有成7款牛嘅唔同部位 每款4-6件拼盘包括牛胸尖、澳洲和牛金钱展本地手切牛颈脊、牛舌花、牛黄喉牛肉粒同埋美国顶级雪花肥牛最钟意系牛颈脊同金钱展 好有牛味5. 手打蟹子鲜虾丸(四粒)/芝士狮子狗/大滚友响铃拼盘 · 各三件手打丸真系唔同啲 比较有鲜味同弹牙加咗蟹子 会食到卜卜脆嘅感觉好得意本人超钟意食芝士狮子狗 每次火锅必食浓郁芝士喺脆皮度涌出嚟嘅口感好正响铃拼盘包括原味同咸蛋黄味各三件即炸够正 咸蛋黄味虽邪恶但超级好食6. 大滚友杂菜拼盘/竹笙拼盘包括油麦菜、生菜、娃娃菜、金菇蕃茄、莲藕、莴笋、黑木耳同粟米年纪大咗 打边炉必须叫少少蔬菜XD样样都食少少 觉得可以吸收唔同营养同埋钟意蔬菜经过海鲜汤底烚完收汁好正不过呢盘蔬菜份量真系好多 有剩少少另外叫咗本人钟意食嘅竹笙 正常发挥7. 自家制足料竹蔗茅根估唔到系用咗古代陶土茶壶装住大约倒到三杯左右 都几清甜打边炉饮呢个系好滋润 舒缓热气
继续阅读
之前同屋企人庆祝生日黎食过一直心心念念佢地个花胶鸡汤锅今晚同朋友突然间想打个边炉就黎到旧墟呢边揾食喇一坐底先有杯Welcome drink-百香果梳打酸酸甜甜相当开胃调味料都好精致必须要叫的花胶鸡汤锅今次叫左半只份量咁就可以留肚食多啲野喇店员会先加花胶后再落汤滚起后就可以品尝啖靓汤喇汤底一如既往既浓！每啖都系骨胶原花胶每块都好厚实滑嫩鸡用上三黄鸡,肥瘦适中大滚友牛肉拼盘 叫左个细既,有7款唔同既部位包括吊龙,牛颈脊,澳洲和牛金钱展 雪花肥牛 ,牛黄喉,牛肉粒 同牛舌花 最钟意系食牛黄喉,唔系度度都有烚完好爽脆！珊瑚、桂花蚌双拼平时成日纠结叫边只打边炉好彩呢度有得叫双拼两款都鲜甜爽脆, 渌熟后好弹牙沙白蚬粒粒都好大只饱满就算滚耐左都冇缩水手打鹅肝墨汁墨鱼丸手打丸好足料,成粒好爽弹入面好多墨鱼粒,中间包住粒鹅肝咬落去好香菜苗带子饺开头以为系猪肉加带子但食落原来系类似墨鱼滑中间包住粒带子食落带有浓浓菜苗味之后就再叫左炸支竹同金菇菜索哂呢个花胶汤底既精华唔使点豉油已经好好食自家制足料竹蔗茅根打边炉唔小得既竹蔗茅根,饮落清甜解渴!连个壶都好打卡最后埋单$1483, 超级满足的一天
继续阅读
已经又食多次呢间咁有特色既边炉，够晒方便又多食物选择😎（10分为满分：🌕）味道：🌕🌕🌕🌕🌕🌕🌕🌖🌑🌑龙趸片木瓜鱼汤锅🐋($308)一上枱就见到好澎湃，原个木瓜中间有少少干冰出烟🌫️，然后睇住侍应姐姐倒D汤落去，慢慢出烟成个仙景咁。汤底本身有好多龙趸片，两个人都起码食左8-9块，同埋D鱼片好滑同唔算好腥，夹埋D鱼汤食真系一流。煮到中段Ｄ木瓜都融入埋汤底，够晒清甜😋大滚友牛肉拼盘🐂($428)打边炉又点少得叫牛肉，见款款牛肉都好吸引但又选择困难症唔知拣边款好，所以就叫个牛肉拼盘就实无死。基本上都齐晒款，牛小排，牛舌，金钱展应有尽有，牛肉肥瘦分明，岩晒牛魔王啊🐃伊比利亚橡果猪🐷($228)见呢个猪肉个名几过瘾就叫黎试下，听店员介绍系D猪仔食橡果长大既。食落我地当然唔觉得有橡果味喇，因为我地都无食过橡果😂但系个猪肉食落无雪味同无肉既骚味，可以一战！🧐大滚友杂菜拼盘🥬🍅🌽($118)食左咁多肉当然要叫番D菜balance下喇，主要有油麦菜，莴苣，淮山，云耳，蕃茄，莲藕同粟米，呢个拼盘既份量其实够３个人食都仲得🤫澳洲带子片🌊($98)手打鹅肝墨汁墨鱼丸($72)另外仲叫左呢两个海鲜同手打丸，带子新鲜厚肉，渌一渌就食得同够晒鲜甜。手打墨丸就食到有墨鱼粒系入面，够晒咬口，同埋入边有个鹅肝粒，够晒特别自家制竹蔗茅根🥃($78)打边炉咁热气就叫番枝竹蔗茅根下下火，饮落唔甜同够晒清凉，喉咙舒服又解渴！🤤火焰焦糖豆腐花食到最后叫埋个甜品豆腐花喇，店员本身会系豆腐花面倒D酒再加焦糖用火枪烧，但系我地最近唔饮得酒🥲所以就咁食左原汁原味既豆腐花，够滑同有豆味，无令人失望既价钱：🌕🌕🌕🌕🌕🌕🌕🌗🌑🌑打边炉人均消费大约600蚊左右，其实都算ok，因为我地叫左好多野食，同埋最后都差Ｄ食唔晒🤣🤣交通：🌕🌕🌕🌕🌕🌕🌗🌑🌑🌑店铺位置同太和火车站大概5-10分钟路程，附近有屋苑停车场(平日HKD18/hr)🅿️，交通都算ok环境：🌕🌕🌕🌕🌕🌕🌕🌕🌕🌑店舖铺面算大，位置间够晒阔落，同埋见到有Ｄ卡位有埋电视，如果咁岩撞正有波睇就更有气氛喇⚽🏈性价比：🌕🌕🌕🌕🌕🌕🌕🌗🌑🌑而家出去打边炉好少食放题任食个D，反而去多左散叫既铺头，始终食物质素都会系好D，如果大家经过大埔呢头又想打边炉，呢间边炉绝对值得一试喇😜
继续阅读