壹蒸鍋

营业中

休息中

朋友話旺角兆萬中心開左間新食店，食海鮮蒸氣火鍋之餘，仲有汽水啤酒任飲，再加任食打邊爐。雖然由入座起計，只有短短兩小時，落單時間有1.5小時，見抵食，就同死黨去左。我哋想食粥，要左龍蝦蒸海鮮龍躉粥鍋，$209/位，再加任食刺身$30/位，連加一，每人約$263。海鮮蒸氣火鍋連同火鍋湯底一齊上枱，等左8分鐘左右，第一層既海鮮蒸氣火鍋就食得喇!!海鮮鍋，名副其實，只見滿滿一大盤的蜆、鱔、蒜蓉蝦、蠔、蟹腳、扇貝、鮑魚，仲有龍蝦! 海鮮款款新鮮鮮甜，而且鮮嫩肥美，yummy!侍應送上一碟日式拼盤，有三文魚同蟹籽壽司各2件，中華沙律，海蜇，魷魚和帶子裙邊。每位另加$30, 仲可以升級食埋刺身。刺身有三文魚、甜蝦、八爪魚、墨魚片、鮑魚片、油甘魚、馬刀貝、鯛魚、榮螺片、希靈魚、玉子、蟹棒等選擇，頗抵食的。跟住，係任食打邊爐。火鍋湯底款式超過十多款，如豬、牛、羊、雞、魚、蝦、丸類、餃類、蔬菜等。我食左幾碗綿滑鮮甜的海鮮粥，已飽死了。死黨，一人獨自打邊爐，食佢最愛的肥牛，一碟又一碟，好爽!8

本身都好鍾意食海鮮，之前食過出面d蒸氣石鍋，閒閒地都要三百零蚊落樓，不過呢度二百零蚊已經可以有任食刺身，蒸鍋，同埋打邊爐😍完全可以滿足我三個願望。✨餐廳唔算好大，不過座位都ok 唔算太迫，上菜速度好快，無漏單情況。今日七點前入座每位$189, 加$30有任食刺身。另外加$60多半邊龍蝦。限時兩個鐘。✨先㨂湯底，食得蒸鍋一定要叫粥底食埋佢個精華，見佢有個推介既蒸海鮮龍躉粥鍋，就試呢個啦。✨醬汁可以出去自己溝，選擇都唔少✨飲品選擇都幾多，仲有啤酒添，我就試左呢個龍井茶，清清地唔錯。✨每枱先黎一客小食，味道正常，食住等個蒸鍋先。✨魚生估唔到幾好食，全部都好鮮甜，連平時覺得好硬唔多鍾意食既八爪魚片都切到好薄好鮮味，不過我自己就最鍾意甜蝦😍✨海鮮鍋每枱一份，真係好豐富！有蠔，大蜆（兩款），聖子，鮑魚，龍躉，大蝦，扇貝。另外加左半邊龍蝦。✨👍海鮮大部份都正好鮮甜，最鍾意龍躉夠啖啖肉，蜆大大粒有咸鮮味，扇貝唔錯粉絲夠軟身入味，龍蝦亦都鮮甜，肉質彈口。✨唯一係聖子同蜆有點沙，聖子同蝦都略嫌有點韌。不過講真呢個價錢已經值回票價，水準有番咁上下。⚠️溫馨提示： 個鍋真係熱到喊，唔好貪方便用手拎海鮮，我同朋友

蒸鍋聽得多但係今次第一次試嚟到呢間壹火鍋睇到有刺身；蒸鍋同火鍋絕對啱晒我多元化嘅要求六點半黎到都大概已經坐左一半客人，到七點鐘鬆少少基本上九成入座，之後仲見到有人龍出面排隊，所以如果要食的話最好book定枱啦一開始當然要揀個湯底先啦，但今次我哋叫咗一個限定版係龍躉大蜆粥底鍋。因為相信當蒸完啲海鮮，嗰啲鮮味流入粥裏面一定吸收晒所有精華坐低冇幾耐職員已經送上刺身拼盤同日式小食等大家等蒸海鮮嘅時候都冇咁悶。等緊既期間，大家可以揀自己想飲嘅飲品。現場仲好貼心提供凍飲同沒有說雪過既飲品，啱晒唔鍾意飲凍飲嘅朋友刺身都幾新鮮，但當然要留肚食即將落嚟嘅海鮮同火鍋啦所以我都唔夠膽食太多好拎完飲品當然要向醬料進發啦！現場提供超過10款調味醬料包括XO醬；牛肉汁；甜酸醬；辛辣醬等等總有一款醬料啱大家。枱面仲有一個計時器方便大家計時唔會將啲海鮮蒸過龍，非常貼心拎完醬料之後，職員都為我地送上蒸鍋海鮮拼盤，此圖為二人份量。海鮮鋪滿整個蒸架，未蒸已經覺得好吸引。呢盆海鮮職員提示只需蒸7分鐘，所以我哋都將計時器設定為7分鐘～開始計時～7分鐘好快過去，海鮮拼盤一共有九款海鮮，每款都非常新鮮而且帶有鮮甜味個人覺得最有驚喜

今晚雖然係平日，但都無影響我地食野既心情。放工之後約左朋友去兆萬既壹蒸鍋刷餐勁。我地order每人一客海鮮套餐，包埋基本既火鍋任食配料，任飲所有飲品。飲品位置：自助形式我地湯底選左魚湯底。一叫完餐，拎完野飲返黎，就多左兩大盤海鮮😍😍😍所有海鮮每款每人都有一隻，唔洗爭！😎有帶子，扇貝，鮑魚，蟶子，蜆，魚，仲有超超吸引既龍蝦！🍤🍤佢同九層塔既玩法一樣，先計時10分鐘。龍蝦唔係講少，估唔到啲肉好爽口，彈牙，而且好鮮甜！上面有啲蒜蓉調味。帶子都唔輸蝕，蒸十分鐘，唔腥幾鮮味。底層的粉絲索晒帶子的鮮味，點少少豉油，好正！估唔到食完啲海鮮都已飽左一半，可想而知份量認真唔少！繼續食！叫埋其他配料試下先😼以半任食粥底火鍋黎講都幾多野叫啊。個魚湯粥底火鍋吸收左海鮮既原味，極之鮮海。不過可有人會覺得有腥味，咁就可以好肉我地咁落埋蔥去煮，辟走腥味，只剩鮮味😻本身我地都飽左九成，依然清晒成煲粥，好滿足！呢間壹蒸鍋食物質素唔錯，食材唔麻虎，價錢更係性價比高，值得黎一試呀👍🏼👍🏼

今晚同朋友黎旺角搵食, 因為見天氣涼左, 就即刻好想打途爐, 上網搵下, 話兆萬有間粥底蒸海鮮+邊爐, 好似好正咁, 所以拿拿聲同朋友上去試下!好彩早左少少去(1830左右入座), 因為1900就已經見門口出面要等位。我同朋友都係海鮮迷, 同埋無魚不歡, 所以就試左佢食度既全餐, 即係有任食刺身, 粥底蒸海鮮, 之後再打埋邊爐。依度D SERVICE真心唔錯, 一坐底就介紹下佢地有咩得揀, 之後好快手仲比左個餐前日式併盤小食我地, 見佢D壽司都幾YUMMY, 所以我地都二話不說地加錢要埋個任食刺身! 依度雖然唔係主打刺身, 不過D Sashimi一D都冇揸流攤, 其中馬刀貝同希靈魚都好新鮮, 我地前後ORDER左幾ROUND!之後就到食蒸海鮮喇, 依個海鮮併盤真係唔少野, 有龍蝦、鮑魚、聖子、大蜆、龍躉同埋大蝦, 樣樣都好新鮮, 加上海鮮上面都鋪滿蒜蓉, 真係好惹味! 同朋友一路食, 一路睇住D海鮮既「精華」滴落下面個粥底鍋, 心諗陣間個邊爐湯底一定好正!依度D邊爐配料亦都唔欺埸, 一般肉類都有齊晒, 有驚喜既係竟然有牛脷、黃鱔、花膠、田雞, 依D出面既任食火鍋都好少會有, 本身都朋友

壹蒸鍋秋風起，成班周事已經話要去打邊爐，所以今晚放工我地4個同事就去左兆萬搵食。兆萬出名有好多放題、火鍋揀，但當然好多都真係認真麻麻，不過今晚揀呢間同事試過話性價比高，所以就揀左呢間壹蒸鍋試下。呢間壹蒸鍋有另一間姊妹店叫壹火鍋，兩間都有海鮮拼盤，不過我地想試近期好hit既粥底火鍋，所以就揀左壹蒸wor既粥底蒸氣鍋，又加左刺身同龍蝦。好彩早放工即刻去唔洗點等位，我地食到7點30左右已經開始full哂要等。一坐低侍應就開始教我地點食，首先將粥底既材料放入去（有豬肉、海鮮同米），之後個漏斗開始倒數，完就可以食個粥。但由於煲個粥需時，所以同時上面會有個蒸盤蒸海鮮。海鮮有勁多款，有鮑魚、蝦、蠔、龍蝦、聖子、蜆等等，蒸完漏出黎既汁仲會滴番落煲粥到，勁期待！D海鮮唔算最新鮮，不過不失，但鐘意食海鮮既同事唔洗10分鐘就清哂！除左熟既海鮮仲有刺生可以嗌，都多款揀，例如三文魚、油甘魚、甜蝦、希靈魚等等都有，刺生都唔算最鮮，都係不過不失，但勝在多款，一次過滿唔同慾望，都幾正。食完蒸盤到打邊爐，食哂海鮮仲有好多精品配料，同一般配料可以揀，例如手切肥牛、牛展肉、牛利、脆鯇片、生蝦等等，真係多選擇到食唔哂，好適合

想食海鮮又唔想太貴，依到真係岩哂心水，最緊要連火鍋同刺身都有，仲要有唔錯既水準，同三五知己一齊黎食，真係好合適既選擇。因為大家都好肚餓既關係，二話不說就先點刺身醫肚，刺身好新鮮，份量好足，好快就清哂。之後就到蒸海鮮環節，各式各樣既海鮮，包你食到滿足，龍蝦甘香，蜆大大隻，生蠔鮮甜，最重要係有入哂味既粉絲。蒸海鮮精華就流落最底層既火鍋入面，兩者互補長短。仲有唔同種類既火鍋配料可以選擇，仲有平時其他火鍋好少見既牛脷食，雪花肥牛有驚喜，岩哂鍾意食牛既我。食完好飽滿，啤酒汽水任飲，好適合飲食量大既朋友，CP值真係好高！

去旺角揀食乜，唔一定要打邊爐嘅。今日介紹你呢一間「壹蒸鍋」，顧名思義係食蒸鍋嘅，但店內亦都有提供打邊爐、刺身任食，同蒸龍蝦等等。 未開始食之前，首先當然係攪攪醬油啦！順便打個白鴿轉，呢到提供任飲任食雪糕（哈又有得飯後甜品喇）。如皇帝般享受，每枱蒸鍋都有店員負責你個鍋咖！首先店員分別會將龍蝦層、海鮮貝類層、魚蝦層放到蒸位處，慢慢蒸。其間同朋友暢談下近況又食下刺身慢慢等。提番各位，只需加三十元正就有任食刺身，都幾抵玩，所以我地都柯打咗！賣相幾好，份量都幾回本，我地呢班大食怪，前後都叫咗幾轉，值得一試。嘻嘻哈哈一輪，龍蝦都熟透哂。我地四個人，一齊加錢叫咗一隻，雖然我唔太好龍蝦，不過都試咗隻鉗，食得出新鮮肉嫩，朋友搶住食龍蝦頭，都幾多蝦膏同汁。唔好比佢停，個店員火速搬走龍蝦層，換咗帶子蜆肉鮑魚蠔上泥。唔好講笑原來咁樣食食下都幾飽。睇清楚原來呢一層啲粉絲真係多到，絕對係食得飽人咖！接住食完第三層嘅魚同蝦之後，你以為差不多食齊哂？其實仲可以換一個鴛鴦火鍋煲，繼續打邊爐！火鍋紙配菜任叫，當然食得哂先好叫啦。最後一回合，食些些肉、魚滑同蔬菜作結。總結，呢個價錢但這個份量，十分滿足。由於太飽，甜品小隊

食日式放題食得多，蒸汽鍋加火鍋放題加粥底火鍋真係第一次試。我地一行四人order左刺身海鮮蒸鍋。每人一客海鮮拼盤，刺身就任叫任食。首先黎一盤刺身熱個身先！有我最愛既甜蝦，夠大條，唔係行貨喎。三文魚薄薄地不過都夠新鮮。呢個價錢仲有刺身任食真係幾抵。重點既海鮮拼盤，用層層疊蒸盤去蒸，底下係預先叫左既魚湯粥底。蒸十分鐘就可以喇。有專人幫你效好時間，計時器一響就食得喇！海鮮比我地預想既有誠意，有龍蝦、蟶子、帶子、扇貝、蠔、鮮魚同鮑魚。每一款都淡淡肉，算係幾新鮮架。龍蝦鉗拆出黎大大舊肉，好滿足。食晒成個海鮮盤唔好講笑，已經飽左七成。繼續叫佢啲任食火鍋食下先！重點出擊，叫左最愛既芝士腸、墨魚滑、牛柏葉、同好多唔同款既菜。將佢地放晒落粥底度煮。煮完之後最後衝剌喇，個湯底好鮮味！有晒頭先蒸海鮮既精華。如果大家覺得有腥味，建議放餐廳提供既蔥一齊落去煮，即刻無晒腥味。每人二百幾蚊有任食海鮮火鍋放題，仲有刺身任叫，野飲任飲，都咪話唔抵喇掛。

今日去左旺角行街，見到兆萬有蒸海鮮，就上左去食。入到去就見到都多人係到等緊。呢到主打蒸海鮮，但都有刺身食，甘我地就叫左蒸蟹鮑魚海鮮拼盤，外叫左個龍躉粥鍋底，仲叫埋刺身試下。未上主菜前，上左前菜先，有幾款唔同嘅前菜，款式多，份量岩岩好，味道不過不失。到左主菜蒸海鮮，海鮮都有五六款，選擇多，仲好細心甘加左蒜頭同粉絲，味道好鮮甜，較好鬧鐘，一響就開鍋食，就算唔沾醬油都好夠味，唔洗驚會腥或蒸過熟。蜆肉大大粒，唔會起沙😋隻隻蟹腳都好大，入面塞滿哂啲肉😍刺身嘅種類都多，蝦都有甜蝦同老虎蝦，两款都好章口，鮮甜。另外仲有海節同鮑魚刺身，海節好爽口，鮑魚好彈口，唔會切到好厚身。果然同蒸海鮮啲料一樣甘新鮮。蒸完海鮮仲可以打埋邊爐，呢到同出面打邊爐啲料一樣好多野簡。黎到呢到就叫左啲海蝦同青口黎食。😋😋😋

每次去兆萬食飯都咁熱鬧，之前都係食日本菜，今晚去食中式蒸海鮮。任飲選擇。日式前菜拼盤，品種繁多，有海帶、帶子裙邊、八瓜魚、螺肉、加州卷和三文魚壽司。刺身拼盤有蟹柳、蝦、希靈魚、鲍片、魷魚、三文魚和螺肉，都幾新鮮。龍蝦海鮮窩($219晚市6:30-9pm)海鮮生猛有龍蝦、鮑魚、蟶子、蜆、魚、開邊蝦、扇貝，蒸一陣就有得食。免收醬油費，唔錯。首推龍蝦、魚和蜆，幾好味。食完蒸海鮮就食蟲草花蒸滑雞、日本紫薯拼鮮淮山和醬蒸黑豚肉，紫薯好甜。終於食粥，粥底有大蜆、魚頭一齊敖，鮮味十足。另外再加食物打邊爐，加左菜心、油麥菜、南瓜和菇，非常健康。

網上睇到壹蒸鍋甘多中評，忍唔住卜左呢個蒸海鮮餐廳，黎到已經好多人排緊隊等入去，好彩有卜左位，唔係有排等。入到去就經過一排自助調味吧同個飲品雪櫃，仲有雪糕糯米糍，調味料選擇較多，有生，熟蒜，辣椒等基本材料，另外仲有醋，豆瓣醬，比較特別。黎得呢到當然食蒸海鮮，我地叫左呢個蒸松葉蟹鮑魚海鮮拼盆，另加左錢轉左食龍蝦。個龍蝦好大個，啖啖都係肉，好多貝殼類海鮮有加左熟蒜😋😋，好野味，粉絲都吸左海鮮嘅甜加上熟蒜嘅香味，係會食唔停口。睇相都見到海鮮份量多，仲要大大件，新鮮，睇見都想再encore.呢到服務員會過黎幫客人搞定鬧鐘，等你唔會蒸到過左龍，老哂。另外，我地仲叫左個刺身，款式雖然唔多，但勝左同海鮮一樣甘鮮。黎得食蒸海鮮點少食最后食上一碗吸左海鮮汁鮮甜嘅綿綿海鮮粥，如果覺得鮮得滯，可以加啲蔥去辟下過鮮味，甘就完美。

服務態度差。。話明是入坐計2小時。我張單是6:55至8:55才夠鐘。但還差半小時才到限時。但已伙計不斷吹趕你夠鐘要走。。真無癮。。。各位入坐要問清楚時間。留意寫的時段。不明白為什麼無得訂7點鐘。

已經有一段頗長嘅時間冇嚟兆萬中心開餐，原來而家開咗好多食肆，樓上餐廳嘅熱鬧程度絕對唔會比樓下嘅鬧市弱。呢間鋪頭可以話係一鍋打天下，一個鍋可以用嚟蒸海鮮，蒸完海鮮之後，鍋裏面嘅湯底又可以用嚟打邊爐，另外仲有刺身食tim!我哋叫咗一個蒸松葉蟹鮑魚海鮮盆嚟食，呢個蒸海鮮拼盤係我覺得成餐飯裏面最值得推介嘅海鮮盆嘅款式並唔係揸流攤，甚至乎有名貴嘅龍蝦，鮑魚，扇貝，聖子，等等...海鮮拼盤裏面我自己覺得最好味嘅係龍蝦龍蝦佢唔係淨係俾啲殻你睇，裏面係真係有唔少嘅龍蝦肉，而且味道非常鮮甜；而扇貝我亦都好鍾意，雖然唔係非常巨型嗰種，但係好新鮮，有鮮甜同埋彈牙嘅感覺，再配上同佢最夾嘅蒜蓉粉絲去蒸，真係好正。嘆完海鮮之後我哋就開始打邊爐啦，火鍋方面我哋就揀咗豬骨湯底&埋蕃茄湯底。我自己個人就比較鍾意番茄湯底，肉眼睇到大概裏面有最少有一個新鮮蕃茄，呢個湯底比我嘅感覺比較天然，而且健康d。而係火鍋嘅配料方面，我自己係比較鍾意蟹子墨魚滑，滋補花膠，同埋酥炸魚皮蟹子墨魚滑入口綿滑；花膠唔使煮好耐已經食得，膠質感重，食完真係有一種滋補嘅感覺；而酥炸魚皮脆卜卜，真係食到停唔到口。

談到任食火鍋，我腦海中最先想到的必定是壹蒸鍋，除了有眾多的火鍋配料可以選擇之外，最特別之處，可以說是兩層海鮮鍋和刺身任食了。今天比較早下班，所以和先生一同前來享用 美食。由於時間尚早及平日時間，所以等候的人不算太多， 我們點選了 海鮮蒸鍋及加錢升級龍蝦， 並再點算刺身任食， 這樣所有食物大包圍，all you can eat!值得一讚的是這裏雖然是任食火鍋放題,但刺身的選擇卻是非常之多,而且全部都很新鮮,魚生沒有太冰凍 入口剛剛好而為了迎接海鮮鍋 我們特意點了粥底，因為粥底會吸收所有海鮮鍋滴下來的精華， 令到粥底更加鮮甜海鮮鍋送到，並且用蒸氣把它蒸熟，而所有海鮮的精華都留到最底裏!我們倆人把所有海鮮鍋的海鮮通通吃光後， 隨意地點了幾款火鍋配料， 而這時候粥底已經非常足料!最後餘下的海鮮汁最抵可以說是全晚的精華所在， 鮮甜味美而且充滿海鮮香味，一點都沒有腥味!以這個價錢來說可以品嚐這麼多種鮮味享受可以說是十分值得!