影片
更多
2017-10-24
2822 浏览
壹蒸鍋秋風起，成班周事已經話要去打邊爐，所以今晚放工我地4個同事就去左兆萬搵食。兆萬出名有好多放題、火鍋揀，但當然好多都真係認真麻麻，不過今晚揀呢間同事試過話性價比高，所以就揀左呢間壹蒸鍋試下。呢間壹蒸鍋有另一間姊妹店叫壹火鍋，兩間都有海鮮拼盤，不過我地想試近期好hit既粥底火鍋，所以就揀左壹蒸wor既粥底蒸氣鍋，又加左刺身同龍蝦。好彩早放工即刻去唔洗點等位，我地食到7點30左右已經開始full哂要等。一坐低侍應就開始教我地點食，首先將粥底既材料放入去（有豬肉、海鮮同米），之後個漏斗開始倒數，完就可以食個粥。但由於煲個粥需時，所以同時上面會有個蒸盤蒸海鮮。海鮮有勁多款，有鮑魚、蝦、蠔、龍蝦、聖子、蜆等等，蒸完漏出黎既汁仲會滴番落煲粥到，勁期待！D海鮮唔算最新鮮，不過不失，但鐘意食海鮮既同事唔洗10分鐘就清哂！除左熟既海鮮仲有刺生可以嗌，都多款揀，例如三文魚、油甘魚、甜蝦、希靈魚等等都有，刺生都唔算最鮮，都係不過不失，但勝在多款，一次過滿唔同慾望，都幾正。食完蒸盤到打邊爐，食哂海鮮仲有好多精品配料，同一般配料可以揀，例如手切肥牛、牛展肉、牛利、脆鯇片、生蝦等等，真係多選擇到食唔哂，好適合
秋風起，成班周事已經話要去打邊爐，所以今晚放工我地4個同事就去左兆萬搵食。兆萬出名有好多放題、火鍋揀，但當然好多都真係認真麻麻，不過今晚揀呢間同事試過話性價比高，所以就揀左呢間壹蒸鍋試下。
呢間壹蒸鍋有另一間姊妹店叫壹火鍋，兩間都有海鮮拼盤，不過我地想試近期好hit既粥底火鍋，所以就揀左壹蒸wor既粥底蒸氣鍋，又加左刺身同龍蝦。
好彩早放工即刻去唔洗點等位，我地食到7點30左右已經開始full哂要等。一坐低侍應就開始教我地點食，首先將粥底既材料放入去（有豬肉、海鮮同米），之後個漏斗開始倒數，完就可以食個粥。但由於煲個粥需時，所以同時上面會有個蒸盤蒸海鮮。
海鮮有勁多款，有鮑魚、蝦、蠔、龍蝦、聖子、蜆等等，蒸完漏出黎既汁仲會滴番落煲粥到，勁期待！
D海鮮唔算最新鮮，不過不失，但鐘意食海鮮既同事唔洗10分鐘就清哂！除左熟既海鮮仲有刺生可以嗌，都多款揀，例如三文魚、油甘魚、甜蝦、希靈魚等等都有，刺生都唔算最鮮，都係不過不失，但勝在多款，一次過滿唔同慾望，都幾正。
食完蒸盤到打邊爐，食哂海鮮仲有好多精品配料，同一般配料可以揀，例如手切肥牛、牛展肉、牛利、脆鯇片、生蝦等等，真係多選擇到食唔哂，好適合d咩都想試既朋友。
除左好多食物可以揀之外，飲品都勁多款，例如韓式氣水、啤酒等等都係任飲，仲有4款雪糕，所以今晚大家都食到勁飽，好滿足，整體黎講，二百幾蚊可以坐咁耐試咁多野，真係好抵！
张贴
