影片
更多
2017-11-03
6414 浏览
本身都好鍾意食海鮮，之前食過出面d蒸氣石鍋，閒閒地都要三百零蚊落樓，不過呢度二百零蚊已經可以有任食刺身，蒸鍋，同埋打邊爐😍完全可以滿足我三個願望。✨餐廳唔算好大，不過座位都ok 唔算太迫，上菜速度好快，無漏單情況。今日七點前入座每位$189, 加$30有任食刺身。另外加$60多半邊龍蝦。限時兩個鐘。✨先㨂湯底，食得蒸鍋一定要叫粥底食埋佢個精華，見佢有個推介既蒸海鮮龍躉粥鍋，就試呢個啦。✨醬汁可以出去自己溝，選擇都唔少✨飲品選擇都幾多，仲有啤酒添，我就試左呢個龍井茶，清清地唔錯。✨每枱先黎一客小食，味道正常，食住等個蒸鍋先。✨魚生估唔到幾好食，全部都好鮮甜，連平時覺得好硬唔多鍾意食既八爪魚片都切到好薄好鮮味，不過我自己就最鍾意甜蝦😍✨海鮮鍋每枱一份，真係好豐富！有蠔，大蜆（兩款），聖子，鮑魚，龍躉，大蝦，扇貝。另外加左半邊龍蝦。✨👍海鮮大部份都正好鮮甜，最鍾意龍躉夠啖啖肉，蜆大大粒有咸鮮味，扇貝唔錯粉絲夠軟身入味，龍蝦亦都鮮甜，肉質彈口。✨唯一係聖子同蜆有點沙，聖子同蝦都略嫌有點韌。不過講真呢個價錢已經值回票價，水準有番咁上下。⚠️溫馨提示： 個鍋真係熱到喊，唔好貪方便用手拎海鮮，我同朋友
✨餐廳唔算好大，不過座位都ok 唔算太迫，上菜速度好快，無漏單情況。
今日七點前入座每位$189, 加$30有任食刺身。另外加$60多半邊龍蝦。限時兩個鐘。✨先㨂湯底，食得蒸鍋一定要叫粥底食埋佢個精華，見佢有個推介既蒸海鮮龍躉粥鍋，就試呢個啦。
✨醬汁可以出去自己溝，選擇都唔少
✨飲品選擇都幾多，仲有啤酒添，我就試左呢個龍井茶，清清地唔錯。
✨每枱先黎一客小食，味道正常，食住等個蒸鍋先。
✨魚生估唔到幾好食，全部都好鮮甜，連平時覺得好硬唔多鍾意食既八爪魚片都切到好薄好鮮味，不過我自己就最鍾意甜蝦😍
✨海鮮鍋每枱一份，真係好豐富！有蠔，大蜆（兩款），聖子，鮑魚，龍躉，大蝦，扇貝。另外加左半邊龍蝦。
✨👍海鮮大部份都正好鮮甜，最鍾意龍躉夠啖啖肉，蜆大大粒有咸鮮味，扇貝唔錯粉絲夠軟身入味，龍蝦亦都鮮甜，肉質彈口。
✨唯一係聖子同蜆有點沙，聖子同蝦都略嫌有點韌。不過講真呢個價錢已經值回票價，水準有番咁上下。
⚠️溫馨提示： 個鍋真係熱到喊，唔好貪方便用手拎海鮮，我同朋友都辣親😫
✨之後再round2, 睇下有咩蒸，不過都唔敢食咁多肉怕好快飽晒，所以只係點左紫薯同龍躉。
✨推介👍日本紫薯拼淮山：紫薯好甜，my favor! 淮山亦非常爽口。
✨龍躉頭腩，骨就比較多，但d 肉係幾鮮甜。去到呢個moment,其實都飽飽地，要開始食粥喇！
✨推介👍🏻粥底：個粥咁大煲都係淺嚐一下就好喇，原來入邊除左龍躉仲有大蜆，個粥真係好好味，咸鮮味好強。食一碗已經好飽，加完湯就開始打邊爐。
✨好彩係食物份量唔會太多，兩個人食啱啱好，唔會浪費。
✨墨魚+蝦滑👍🏻推介：兩款都好好味，墨魚滑入邊仲有d 墨魚肉，兩款都非常彈口。
✨海中蝦👍🏻推介： 肉質結實鮮甜，好食過蒸鍋果款蝦。
✨田雞👍🏻推介：味道鮮甜有肉地
✨雪花肥牛：肉質超薄，味道唔錯，牛味再濃d 更加好。
✨花膠： 幾薄幾大塊，軟得黎幾彈口，煲耐d 膠質更加勁。
✨另外試左脆鯇片同脆腩骨腩都唔錯，係多d 碎骨，但魚味好鮮，蟹棒都好好食。
✨臨到尾升都要食下d 菜消消化，另外炸魚皮比較厚身要淥番耐d, 不過真心已經好好好好好飽
✨最後朋友想試韓國麵。wo~係原個裝的，不過佢個麵質都幾有咬口，煙煙韌韌唔容易淋，我幾鍾意，推介👍🏻
✨臨走chur 埋粒雪糕糯米糍，真係飽到上頸😂！
雖然今日係平日，仲要係星期四，但都全場爆滿。8點幾仲有人等緊，不過講真二百零蚊有咁多野食，真心抵，唔怪得咁多人。今時今日食個高質放題都要三百蚊。想平平地試晒刺身蒸鍋打邊爐，壹蒸鍋係一個唔錯既選擇👍🏻
张贴
