南越南咖啡廳

营业中

休息中

十二月份天氣越嚟越涼，充滿節日氣氛，週末約咗朋友喺旺角，問佢想食乜嘢節日大餐😆，佢話呢排食咗好多西餐，想試吓食東南亞菜慶祝 Christmas + New Year，我即刻喺人肉電腦裏邊搜尋一下😆，記起呢間越南🇻🇳餐廳，就嗱嗱聲帶咗朋友上去開餐😆$52嘅「Shake Shake雞軟骨」用個紙袋裝住，裏面有炸咗嘅雞軟骨同埋香茅絲，Shake Shake 完之後食，非常香口😋；仲可以落埋 紅椒粉落去 再 Shake 過😆。$60嘅「五香豬腩伴鍋巴」有半肥瘦豬腩肉，好有油香😋，配埋脆卜卜又厚厚哋嘅鍋巴一齊食，幾有趣😋。$72嘅「苗族椰汁淡咖喱 雞肉湯米線🍜」嘅湯有咖喱味，但係唔會好厚身，感覺幾清新又唔會滯😋；雞肉就好滑😋。$78嘅「NVN 南越法式麵包」裏邊有好多材料，包括 肝醬、燻蹄、扎肉、豬耳、醃酸蘿蔔、青瓜、辣蛋黃醬、蔥油、香葉，非常豐富😋仲叫咗$ 35嘅「南越蛋咖啡（熱）」同埋 $28嘅「熱微藻檸檬薑茶」，兩杯都熱辣辣好暖胃😋

第二次嚟食～～呢度嘅感覺好modern ～同我平時食開Vietnamese 好唔同～～先嚟杯cocktails~~個泡泡好IG able ~~係荔枝味嘅rum~~唔會太甜唔會太烈怡下情唔錯Viet蛋咖啡～～好特別～～好滑又有少少似食緊dessert淡咖喱雞湯米線～～食落清清地唔錯有少少草菇、筍、芽菜脹卜卜NVN 法包～～勁多餡，我食到有牛脷、豬耳、紮肉～仲有個醬真係好rich!!紮肉米圈，個紮肉好厚勁濃胡椒味～～春卷炸到好香口但唔會好油膩

今晚落雨天☔️，不想回家煮飯，同事想食越南野，所以就黎左呢間全港首間南越FUSION菜主題餐廳！臨近聖誕，都已經有很多客人，已經佈置左聖誕既裝飾品，仲有隻大Bear bear! 安排左卡位比我地，睇完menu就叫左：扎肉沙律$48: 有青瓜絲、紅蘿蔔絲、洋蔥絲等，扎肉口感類似火腿，但裡面有夾雜的香料，食時有微微香氣，味道酸酸甜甜，有一點點微辣，非常清爽可口的前菜！脆米紙薄餅$54: 越南式既pizza 底部是香脆米紙，鋪滿越南臘腸及切碎既醃製紅蘿蔔絲，配埋自家製醬汁帶點fusion風格，味道較濃郁不帶點油膩。NVN 南越法式麵包 $78:有肝醬、燻蹄、扎肉、豬耳、醃酸蘿蔔、青瓜、辣蛋白醬、蔥油、香葉；餡料十分豐富，味道帶點微辣，法包鬆軟夾埋一齊食口感層次分明！《嫲嫲南越湯》招牌金邊粉 $88 ：有牛肉片、牛面珠、牛筋、牛尾、牛肉丸、油條；金邊粉十分煙韌，牛肉片、牛面珠、牛筋很軟嫩，牛味濃厚，湯底濃香而不膩，食得出來自嫲嫲煮既風味！微藻檸檬薑茶（熱）$28: 寒冷天氣下飲番杯薑茶格外溫暖，味道帶點酸辣，十分清新！Tears of Mermaid $58: 藍柑橘🍊、荔枝再加上rum sod

臨近聖誕，同囡囡去旺角shopping 醒起朋友介紹這間越南cafe ，剛巧就係附近，就即刻上去醫肚，好在啱啱剩番一張細枱，唔駛等位。五香豬腩伴鍋巴（$60）底部是香脆的鍋巴，上面的豬腩肉肥瘦適中，肥的部份入口即溶，所以兩者要一齊食，就可以得到平衡，不會覺得太油膩。SHAKESHAKE  雞軟骨（$52）話明shakeshake鷄軟骨，梗係要shake 下先倒出來食，好香脆，跟碟上還有辣椒粉，要幾辣就適隨尊便！扎肉心內美米紙卷（$58）剛剛食完較濃味的食物，相對這個米紙卷就較為清新，扎肉都幾好味，一個頗健康的小食！苗族椰汁淡咖喱雞肉湯米線($72) 非常足料的米線，裡面有很多鷄肉，仲有溫室豆苗，囡囡很喜歡這個香濃椰汁又帶小小辣的湯底！班蘭龍眼茶（冷）（$23）自家製的龍眼茶，冰涼清甜，真的不錯！DEEP SEA FANTASY (石榴）（$68）外貌好吸晴，就因為這個原因，未來得及影相，那個在杯上的波波就破滅了！😫😫這杯酒精飲品非常容易入口，好適合女士飲用。整體上價錢親民，仲不收加一添！

🌮脆米紙薄餅好味指數：👍🏻👍🏻👍🏻👍🏻👍🏻 呢一款菜式啱晒大人同細路食，米紙底非常之香脆，而且絕對唔油膩，食落完全唔會有負擔感。面頭有青瓜同紅蘿蔔絲，最重要係有香甜嘅豬肉乾粒配上千島醬，係一款相當惹味嘅小食。🫔扎肉心內美米紙卷好味指數：👍🏻👍🏻👍🏻👍🏻👍🏻 呢個卷物唔似平時識嘅越南米卷，佢並唔係用炸嘅方式烹調，所以完全唔會熱氣。米紙卷嘅口感相當軟熟，而且簿身。餡料包括扎肉青瓜同紅蘿蔔，醬汁係用花生醬作主體再作調味，口味偏酸甜，整體食落口非常清新。🍜招牌金邊粉好味指數：👍🏻👍🏻👍🏻👍🏻👍🏻 佢嘅湯底非常香濃，牛肉片有好香嘅牛味，絕對唔係廉價牛肉。而且牛肉炆到好林，唔會鞋口，再配有肥仔芽菜、肉丸同埋類似油炸鬼嘅炸物。如果唔食得辣又想食越南菜嘅朋友仔，就可以試吓呢款主食啦～🥖NYN南越法式麵包好味指數：👍🏻👍🏻👍🏻👍🏻佢嘅餡料主要有擲肉、青瓜和紅蘿蔔，配有類似互麻將嘅醬汁。佢嘅法包咬落去有煙銀口感之餘，外皮香脆，整體配合清新，唔會飽濟。🍹斑斕龍眼茶（冷）好味指數：👍🏻👍🏻👍🏻👍🏻👍🏻 店家另外用精緻嘅玻璃樽裝住，在配上裝有冰嘅杯，打卡都靚仔。飲落去會有好香嘅斑斕味道再加上龍眼嘅清甜，非常生津

平時坐車經過呢幢大廈，都見幾多人排隊於是就決定是那呢度嘅餐廳，最後揀咗間新派越南餐廳。一入去間餐廳裝修有花心思，中間霓虹光管幾靚，好岩女士打卡，餐廳播嘅越南流行曲其實都幾好聽，成個環境係幾chill 舒服。我哋點左脆米紙薄餅，雞串燒，南超越蟹肉醬配脆球餅和斑蘭椰香飯。呢度既小食真係好出色，喺其他餐廳係唔會見到，係好少見所以十分有創意和高質素，食完一定會記得呢間餐廳，反而主菜就好正路。首先蟹肉醬配脆球餅賣相好吸引，食落幾清新和香脆口感，有驚喜。而脆米子薄餅就冇諗過上面會加咗臘肉，芥末醬，青瓜絲，蘿蔔絲竟會係夾到。食落鹹鹹甜甜嘅感覺，同埋有少少似痴牙。呢啲小前菜配啤酒🍻應該係幾正。斑蘭葉椰香飯好熱辣辣，充滿味椰香味，每粒米粒粒分明，好食。

南越南咖啡廳 旺角星期日當然要陪下媽子食午餐，佢仲好懷念兩年前去越南食嘅越南河粉，因為疫情好耐已經冇得去旅行，我就揀咗間越南餐廳同佢食飯🥰❣️招牌金邊粉 呢個犀利！入邊勁足料，包括牛肉片、牛面珠、牛筋、牛尾、牛丸，配上勁濃郁嘅牛骨湯，成碗清曬😋南越蟹肉醬配脆球餅蟹肉醬配上酸酸地嘅蘿蔔絲同埋青瓜，加上脆球餅，咬落去口感好豐富，係一個不錯嘅小食！扎肉心內美米紙卷呢個好好食！煙煙韌韌嘅米紙卷皮包上各類嘅蔬菜、酸瓜、同埋一大嚿扎肉，配上花生醬，簡直一試難忘！南越蛋咖啡店員話上面層係用糖漿同煉奶打成，加上下面嘅齋啡，撈埋一齊超好飲！阿媽都話飲到越南嘅感覺🤣Deep sea fantacy cocktail我自己就嗌咗杯cocktail飲，飲落去有石榴嘅味道，清清地，幾啱我😋如果想搵返越南嘅味道，可以試下呢一間！平日下午茶好似仲有七折！幾抵食😋

幾個月前去過呢間越南fusion菜，覺得好好食，一直都想搵時間回頭再食多次，今日終於有時間去，今次都係令我回味無窮！招牌金邊粉$88個湯好濃滑，忍唔住飲左幾啖先開始食個麵今次食終於記得擠少少青檸汁落金邊粉，連帶咁好飲嘅湯，濃郁又refreshing!! 如果唔係呢排要減肥 一早encore左一碗啦NVN南越法式麵包$78雖然我本身唔係咁鍾意食法包 但見到有網友推薦就試下叫 今次叫呢個法包真係俾到驚喜我包入面有扎肉 甜蘿蔔同埋酸青瓜 感覺好清新上菜時候見到有用紙包住個包 等我地食嘅時候唔會跌曬餡料出黎 呢方面都好貼心！五香豬腩伴鍋巴$60好食嘅嘢梗係要再encore 今次再次叫左呢個鍋巴腩肉香腍軟熟 搭配酸菜同酸醬 mix埋一齊依然咁夾！！脆米紙薄餅 $54米紙爽脆 食落索索聲 勁過癮另外臘腸粒都好入味 好食過好多出面食到既臘腸 值得一讚最後叫左一杯cocktail: tears of mermaid ($58) 同埋 柑桔檸檬綠茶 $23cocktail 水準比得上高級酒吧 真心推薦！

要去買聖誕禮物，之後去左食越南菜，呢間上次食完老公成日都話要食多次佢個招牌金邊粉招牌金邊粉個湯底超濃郁，有牛丸，牛筋牛尾，牛肉，牛面珠，每款有2件，2個人食可以一人一半法包有燻蹄扎肉豬耳酸蘿蔔青瓜，夠豐富脆米紙薄餅，有青瓜蘿蔔越南香腸沙律醬，睇落好似好簡單但我覺得好好食米紙薄餅好脆最有驚喜係Shake shake 雞軟骨，又香口又脆，有香茅辣椒香葉，美味可口微藻檸檬薑茶，清清地，好少甜石榴cocktail 酒味比較重，帶有石榴香

之前bookmark左呢間餐廳，食南越菜同創意fusion菜。餐廳樓底高，坐得幾舒服，仲有霓虹燈裝飾。最得意搞笑嘅係天花板竟然有隻巨型聖誕熊🧸！🐷南越炸豬肉春卷(6條) $42炸得香脆，豬肉餡多，配上酸辣汁食更開胃，仲有好多生菜，減低油膩感。🫓脆米紙薄餅 $54推薦，擺盤靚。脆米紙上有蘿蔔絲、青瓜絲、煙肉同醬汁。煙肉香得黎有嚼勁，蔬菜絲清新，配上酸香嘅醬汁，減低炸物嘅油膩感。🍜苗族椰汁淡咖喱雞肉湯米線 $72呢個好推薦！有雞肉、蘑菇、芽菜、生菜等，好豐富。雞肉處理得好好，食落好嫩滑，仲吸收左湯底香甜椰香帶微辣嘅味道，甜辣開胃好好味。其他配菜令成個麵更豐富。🌯NVN南越法式麵包 $78推薦，法包香脆，入面有肝醬、燻蹄、扎肉、豬耳、酸醃蘿蔔、青瓜、辣蛋黃醬、蔥油同香葉。肉好多，而且口感都唔同，好豐富。肝醬令成份包更鹹香，配上酸香清新嘅蔬菜切條，食落好fresh唔膩！☕️南越蛋咖啡 $35呢度嘅咖啡都好吸引，要左杯經典嘅雞蛋咖啡。面頭雞蛋香滑，微燒過嘅焦糖香脆，撈埋下面嘅咖啡飲，有微香蛋味同咖啡嘅fruity酸香。🍵斑蘭龍眼茶 $23香甜，龍眼味突出，玻璃樽包裝靚。餐廳窗邊位陽光幾好，同朋友、

親民嘅越南菜，🤤dinner menu價錢好適宜，而且味道都做得好正宗，今晚同friend過嚟食，🤓叫咗幾款，我哋都覺得好好味。五香豬腩拌鍋巴，🥳豬腩油脂甘香，鍋巴脆口，😙食起身，一啲都唔會覺得豬腩油膩。南越蟹肉醬配脆球餅，🦀蟹肉醬非常足料。脆球餅，🥠好薄好香口。香脆，鮮味，口感豐富。嫲嫲南越湯，🥰招牌金邊粉。金邊粉有齊牛肉片，🥢牛面珠好滑，牛筋煙韌濃郁，🐮牛尾軟淋，牛肉丸也夠彈牙。

不同於以往吃越南菜的口味，這家的生牛肉金邊粉湯底像是日式醬油拉麵+ 越式海鮮清甘的 mix 版，口味偏重；另外獨特的脆米紙 pizza ，吃起來感覺像少了生菜但多了脆米紙包底的凱撒沙拉，建議 2 人以上再點，一個人吃多會膩…或許是上班日的關係， 下午時段人少，待在這空間用餐，感受不到時間的追趕，有的只是輕快的越南流行音樂及旁桌偶爾傳來的交談聲…細細品嚐美食，相當舒服！服務人員也總是及時地在需要時出現，或是提示餐點如何品嚐或是幫忙收盤，讓我有個愉快的用餐經驗。

又黎到彌敦道726美食集中點搵食😆上次來見到電梯入面嘅海報已經比佢吸引，佢就係以南越 Fusion 菜主題的南越南咖啡廳，以傳統的越南菜加埋越南南南嘅多國混合菜款，擦撞出新滋味，賦予專屬NAM VIỆT NAM Café的獨家味道。一出電梯被霓虹燈元素裝修吸引，座位滿寬敞舒適，紫粉色燈光影射多一份情調，檯凳以自然木系顏色為主調亦梳化式卡座。招牌金邊粉 $88推介:⭐️⭐️⭐️⭐️⭐️講得上係招牌係一定會揀選嘅主食，上檯店員提示可以先喝一口湯，金邊粉內的材料十分豐富，五種牛集於一身，牛肉片、牛面珠、牛根、牛尾、牛肉丸、油條和生菜齊全，牛筋嫩滑軟稔油條吸湯一齊食好美味，每款牛都入味非常，芽菜蔬菜又新鮮爽脆，選用空運到港的金邊粉的質地爽滑，搭配了甜醬及辣醬調味，不過醬汁唔好落左湯底到影響原味，夾起配料沾上醬汁又多一份香口濃厚的味道，整體的確稱得上是招牌菜，是基本上要點的一款。五香豬腩伴鍋巴 $60推介:⭐️⭐️⭐️⭐️一客三件，是香口的一款推介小食，賣相滿特別，底部口感脆卜卜的鍋巴，鍋巴上是肥瘦適中的五香豬腩，入口讓人齒頰留香，有咬口又又一份邪惡油膩感，豬腩肉之上放了酸瓜蓉、蛋黃醬及辣椒絲，口感豐富。南越蟹肉

呢間越南菜餐廳我都係睇OpenRice先認識，試過果然有驚喜。首先餐廳位置佳而且氣氛不俗，裝修型格，一睇就知走潮流路線。枱面上嘅墊枱紙側邊都有兩個類似文件嘅打孔洞，甚有特色。食物選擇不算多，好似金邊粉話有三款其實係一款🤪，只係招牌、辣與否、多少餸嘅分別，明顯走精緻路線。食評方面報告如下：嫲嫲南越湯招牌金邊粉湯底甜甜地，裏面有唔同部位嘅牛肉，包括牛筋、牛骨、牛尾之類。個人覺得湯底即使見到有香葉，層次唔算好豐富，加左檸檬汁都係差唔多。不過配上嘅油炸鬼吸左啲湯就幾好味。整體感覺正面但未算驚喜。南越蟹肉醬配脆球餅呢個真係幾特別，脆球餅放左陣都保持極脆。放入清新的蟹肉醬和青瓜後，咬落去先有香脆口感，混入裡面嘅蟹肉同蔬菜後，口感好清新。呢個有啲驚喜😋越式時蔬（芥蘭）由於朋友想食蔬菜，冇咩選擇之下揀咗呢碟芥蘭，點知非常驚喜。芥蘭好甜，個sauce 似乎係蝦醬同蠔油汁混合，甜甜地，好惹味。南越蛋咖啡🤩❤️😍之前已經睇過好多人話正，點知試咗之後果然名不虛傳。我未試過咖啡上邊有類似cream brûlée 嘅蛋衣。由於可能係加咗啲酒再用火燒蛋面，但上面留有好香嘅酒味，所以飲咖啡☕️時，卻會聞到一陣陣酒香味！😍

鬧市中的異國風情🌯以往食越南嘢，食嚟食去都係食Pho🍜食到都有啲悶今次就一於試吓南越FUSION菜啦😋呢間位於旺角嘅NAM VIỆT NAM CAFÉ~又係一間令我意想不到容易影到靚相嘅餐廳📸𨋢旁已經係一大幅值得打卡嘅背景而餐廳主色調係綠色，真係好有異國風情feel所以我都特登襯返套稍為有民族風嘅連身褲~按照慣例，喺分享攝影小心得前，睇吓我哋食咗啲咩好嘢先啦：1️⃣五香豬腩伴窩巴（$60）豬腩畀人嘅感覺一向都好又肥又滯，所以呢度配咗酸酸哋嘅醬汁（味道有啲似丘比醬），令到嚿豬腩食落冇咁油膩，鍋巴非常脆口，微彈牙嘅豬腩肉形成對比，一啖咬落去可以享受雙重口感😆係一道幾別緻嘅小食2️⃣南越蟹肉醬配脆球餅（$68）呢個脆球餅係平時食印度菜會見到嘅Pani Puri，不過有別於印度風嘅薯仔同埋豆類餡料，呢度轉咗做南越蟹肉醬去做配搭，蟹肉醬好鮮甜，當中仲混合咗甘筍小粒，令到個甜味更多元化，仲會有爽脆口感，相比起印度風比較「滯」嘅薯仔同豆類餡料，呢道創新版嘅脆球餅更加容易令人愛上😋就算冒住可能會出紅點嘅危險，我都忍唔住想食多件3️⃣招牌金邊粉（$88）呢度嘅招牌金邊粉用咗牛尾、牛筋同埋牛肉片去煮，湯底唔算超濃，比