影片
更多
2021-12-13
29 浏览
呢間越南菜餐廳我都係睇OpenRice先認識，試過果然有驚喜。首先餐廳位置佳而且氣氛不俗，裝修型格，一睇就知走潮流路線。枱面上嘅墊枱紙側邊都有兩個類似文件嘅打孔洞，甚有特色。食物選擇不算多，好似金邊粉話有三款其實係一款🤪，只係招牌、辣與否、多少餸嘅分別，明顯走精緻路線。食評方面報告如下：嫲嫲南越湯招牌金邊粉湯底甜甜地，裏面有唔同部位嘅牛肉，包括牛筋、牛骨、牛尾之類。個人覺得湯底即使見到有香葉，層次唔算好豐富，加左檸檬汁都係差唔多。不過配上嘅油炸鬼吸左啲湯就幾好味。整體感覺正面但未算驚喜。南越蟹肉醬配脆球餅呢個真係幾特別，脆球餅放左陣都保持極脆。放入清新的蟹肉醬和青瓜後，咬落去先有香脆口感，混入裡面嘅蟹肉同蔬菜後，口感好清新。呢個有啲驚喜😋越式時蔬（芥蘭）由於朋友想食蔬菜，冇咩選擇之下揀咗呢碟芥蘭，點知非常驚喜。芥蘭好甜，個sauce 似乎係蝦醬同蠔油汁混合，甜甜地，好惹味。南越蛋咖啡🤩❤️😍之前已經睇過好多人話正，點知試咗之後果然名不虛傳。我未試過咖啡上邊有類似cream brûlée 嘅蛋衣。由於可能係加咗啲酒再用火燒蛋面，但上面留有好香嘅酒味，所以飲咖啡☕️時，卻會聞到一陣陣酒香味！😍
首先餐廳位置佳而且氣氛不俗，裝修型格，一睇就知走潮流路線。枱面上嘅墊枱紙側邊都有兩個類似文件嘅打孔洞，甚有特色。食物選擇不算多，好似金邊粉話有三款其實係一款🤪，只係招牌、辣與否、多少餸嘅分別，明顯走精緻路線。
食評方面報告如下：
嫲嫲南越湯招牌金邊粉
湯底甜甜地，裏面有唔同部位嘅牛肉，包括牛筋、牛骨、牛尾之類。個人覺得湯底即使見到有香葉，層次唔算好豐富，加左檸檬汁都係差唔多。不過配上嘅油炸鬼吸左啲湯就幾好味。整體感覺正面但未算驚喜。
南越蟹肉醬配脆球餅
呢個真係幾特別，脆球餅放左陣都保持極脆。放入清新的蟹肉醬和青瓜後，咬落去先有香脆口感，混入裡面嘅蟹肉同蔬菜後，口感好清新。呢個有啲驚喜😋
越式時蔬（芥蘭）
由於朋友想食蔬菜，冇咩選擇之下揀咗呢碟芥蘭，點知非常驚喜。芥蘭好甜，個sauce 似乎係蝦醬同蠔油汁混合，甜甜地，好惹味。
南越蛋咖啡🤩❤️😍
之前已經睇過好多人話正，點知試咗之後果然名不虛傳。我未試過咖啡上邊有類似cream brûlée 嘅蛋衣。由於可能係加咗啲酒再用火燒蛋面，但上面留有好香嘅酒味，所以飲咖啡☕️時，卻會聞到一陣陣酒香味！😍 唔使好大杯，已經感覺好精緻，回味無窮。
回頭機會：80%
张贴
