今日返工放半昼,所以就想揾个地方坐下休息吓~上网见到呢间楼上越南咖啡厅一于就一时究竟!!.咖啡厅大部份座位以梳化为主,坐落好舒服,而且有大玻璃射入阳光,冷气充足,感觉舒服适合一个人休息,或者约埋三五知己一齐食个饭。.叫咗佢哋嘅招牌金边粉,金边粉滑溜而且挂汤,饮到汤底浓郁~而且非常足料,有两大旧牛骨连肉,仲有牛筋、牛丸、生牛肉片,牛尾浓郁,而且食到唔同嘅口感!牛魔王必选🐮🐮我就比较钟意食佢哋嘅生牛肉片,生熟程度啱啱好,而且好嫩滑~另外仲有油炸鬼、生菜、辣椒、青柠等不同配料,绝对可以调配出个人化嘅口味!.另外试咗佢哋两款小食,分别系烤鸡翼同脆米纸薄饼。脆米子薄饼绝对系开胃菜,而且层次口感都好丰富,有米纸嘅脆口、腊肉嘅咸香、萝卜丝同青瓜丝嘅清新,配搭有趣,味道融和!两个人share食就啱啱好啦~小编食唔晒打包咗,米纸就多咗一份烟靭感,同样惹味~秘制炸萋叶鸡翼调味特别,一食落又好香嘅香草味,㗳真啲又会有啲咸香,加上煎得香口保持到鸡翼嫩滑,绝对系鸡翼控必须要encore嘅选择😂😂😂😂.饮品方面就拣咗柑桔柠檬绿茶,一上枱竟然系用玻璃樽装,即刻有一个去咗越南嘅感觉,感觉好高尚😂🫣亦都系因为咁就算唔用冰杯饮其实都好够冻,就咁饮会饮到好香浓嘅柠檬香,后尾慢慢就会渗出柑橘味,加咗冰饮反而令到入口多咗份冰凉感~啱晒而家热辣辣嘅天气🥹.餐厅仲推出左印花卡,储够印花仲可以减钱,真系抵到烂,下次可以叫埋朋友一齐黎食lu~…查看更多





