南越南咖啡廳

营业中

休息中

今日同朋友嚟旺角行街，順便喺附近搵吓有咩嘢食，見到呢幢大廈都好多餐廳，咁啱朋友有興趣食越南菜所以就嚟一樓呢間試試。環境幾好，夠清新，坐得都好舒服。《脆米紙薄餅》$54第一次食呢種薄餅，質感類似係好薄嘅泰式炸蝦餅，然後面有好多豬肉粒，沙律醬同埋蔬菜，有啲似日式嘅大阪燒，但係食起嚟味道好好 口感都好特別！《招牌金邊粉》$88好少食湯金邊粉，有三種牛，牛腩、牛筋、牛展，配上腩汁湯，好有越南風味，仲有一條油條，配埋湯底更好味。《五香豬腩伴鍋巴》$60有三件，香脆嘅米通，配搭肥瘦均勻嘅豬腩，豬腩好入味，而且炆得夠林，口感好好。《南越法式麵包》$78法式麵包煙靭，入面包住超多配料，口感勁豐富，好滿足，餡料豬肉好好味。《Bitxxy Berries》$58呢杯係Cocktail，飲到好香嘅雜莓味，味道清新幾好飲。《南越南蛋咖啡》$35第一次飲呢種咖啡，面係一層類似焦糖燉蛋嘅layer，焦糖味好出 配埋咖啡非常特別👍🏻👍🏻未試過嘅可以一試

二訪呢間咁有特色嘅越南餐廳，價廉物美，大玩fusion菜！今次叫咗佢哋嘅炸春卷，外邊炸到香脆，裏面食到有啲香芹嘅味道，配埋醬汁一啲都唔滯，佢仲有山菜，可以包住食，完全唔會覺得油膩。另外叫咗佢哋嘅扎肉米紙卷，米子好薄，煙煙韌韌，入面嘅蘿蔔酸酸甜甜，仲有青瓜好爽口好fresh🥰跟住試咗佢哋嘅淡咖喱雞肉湯米線，佢嘅感覺有啲似喇沙，但係一啲都唔辣，咖喱味淡淡地，如果怕好濃嘅朋友可以試吓呢一個！雞肉亦都好嫩。同行朋友想試吓佢哋嘅越南法包，果然冇令人失望，法包超級香脆，平時食法包最怕食到好麻煩好lea hea，但係呢度完全冇呢個感覺，因為佢有用紙包住，可以完全唔整污糟隻手😍南越蛋咖啡上次都有飲，一直念念不忘，所以今次都係要返呢一杯，上面超級香蛋味，甜甜地，配合齋啡啱啱好！同行朋友叫左deep sea fantasy，有石榴既cocktail ，上面仲有個波波，好正

Shake Shake 雞軟骨 $52雞軟骨🐥加調味粉自己shake夠晒玩味！每一粒都好入味！好香口！溫度都係好夠熱！少少辣都食唔到既朋友仔就要留意啦…因為shake完調味粉有少少辣！🌶烤蔞葉雞配青蘋果條 半隻 $88烤雞本身都係正常發揮 🐔但加埋個秘醬簡直如虎添翼！食完肉想fresh 下個口可以食埋伴菜青蘋果條🍏青蘋果條既醬係少少酸甜🤏🏼都幾開胃😋 招牌金邊粉 $88招牌姐係有油炸鬼 牛丸 牛筋腩 牛骨同菜 湯底唔算好濃 好快索晒d湯底!不過食得快係無問題的😉脆米紙薄餅 $54賣相7/10分吸引 但食落係20/10分好食！😋可能我鍾意食千島醬 同d肉 蘿蔔絲好夾！仲有個脆米紙餅 好脆👍🏼要盡快食 如果唔係擺耐左就會冇咁脆！荔枝雲朵咖啡 *左* $32 朋友點的 我試左一啖 飲到有梳打味既齋啡咁🍹不過個賣相係幾靚 on top位置有泡泡加花瓣🌺TEARS OF MERMAID *右* $58 呢杯係cocktail drink🍸呢杯既賣相都好特別 店員拎上枱時都小心翼翼因為個泡泡位置只係stay左5分鐘左右就自爆！好彩趕得切影底佢最靚既一刻！味道都唔錯 果汁味 酒味唔算好明顯 易入口

今日朋友介紹我呢間越南餐廳上星期朋友食過話好好味，仲話一定要Order 法式麵包，水準一流👍班蘭龍眼茶$23先😆開始天氣炎熱非常解渴BERRIES $58，適合女士少甜南越法式麵包$88，材料豐盛配埋再加個豬肝醬，外脆內軟，加埋豬耳有點豬騷味👍👍真係超正脆米紙薄餅$54，越南街邊小吃👍配上新穎既招牌菜，紙米烤得香脆五香豬腩伴鍋巴$60，窩夫配肥美五花腩肉，滿嘴油香嫲嫲南越湯招牌金邊粉$88👍牛丸牛骨加埋個鮮湯底清甜好味新穎裝修，同朋友來食野可以影多幾張靚相🤩🤩

特色感滿滿南越菜 軟腍豬腩入口即化～～～越南嘢食得多，特別嘅越南嘢就唔算好常見。今日去旺角睇書枱之前，就嚟咗呢間喺地鐵站附近嘅南越餐廳食午餐。～～～餐廳裝修幾有玩味，中午時分都幾爆滿，場內嘅天花一角仲有一隻大大隻嘅熊仔公仔，打卡感滿滿。～～～苗族椰汁淡咖哩雞肉湯米線：呢個咖喱雞肉湯食落去有少少似冬陰功嘅感覺，雞肉幾滑，米線嘅份量亦都多，（$72）算係價錢合理，兩個人share都夠食。🥥～～～南越炸豬肉春卷（6條-$42）香脆非常嘅春卷裏面有香濃嘅豬肉餡，整得好惹味，同平時越式嗰種米紙卷唔同，好香口，包生菜食就更添清爽感，很不錯，無論配搭佢地自家製嘅柑桔檸檬綠茶（$23）或斑蘭龍眼茶（$23）都幾夾。🍴～～～五香豬腩伴鍋巴（3件-$60）脆卜卜嘅鍋巴配搭香軟入味嘅半肥半瘦豬腩，好邪惡但係真心好食，值得一試。🐷～～～NVN 南越法式麵包（$78）：爆餡嘅貌相令人一見傾心，脆口法包中間夾住大量越式扎肉、豬肝醬、青瓜、紅蘿蔔絲、豬耳等等，入口味道豐富，感覺滿足。🥖～～～南越南咖啡廳 (旺角)旺角彌敦道726號1樓

旺角彌敦道726號呢棟大廈，全棟都勁多美食，今日想食越南野，就揀左呢間餐廳，餐廳座位闊落，有好多小燈泡裝飾，望上去角落位，重有隻大熊啤啤❤️好可愛五香豬腩伴鍋巴～豬腩肉整得超好味夠淋，唔會入口成口油，配埋千島醬同酸瓜粒，脆鍋巴底～食2舊都唔覺膩飲品叫左BITCBERRIES 同 荔枝雲朵咖啡，呢度啲飲品出得好靚好精緻，好岩我呢啲港女打咭用～脆米紙薄餅～呢個菜式好特別，米紙超薄好脆口，竟然係配臘腸粒，再加埋蘿蔔絲同千島醬，非常之新穎嘅配搭，超好味有驚喜Shake Shake 雞軟骨～上碟時係成袋紙袋入住雞軟骨比你，另外有一碟紅辣椒碎同青檸比你，比你自己倒落袋到Shake,超過癮，即叫即炸，熱辣辣，好香口惹味嫲嫲南越湯招牌金邊粉～呢個一定要食，湯底濃郁清甜夠味，金邊粉再比平時食到嘅更加幼身更加滑，好有口感，牛肉同牛筋都好腍，比較特別有條小油條跟埋，另外有碟甜辣醬點牛肉用，影相呃like一流

朋友好鍾意食東南亞菜，無論係泰國🇹🇭、馬來西亞🇲🇾、越南🇻🇳菜 等等全部都鍾意，其實我都係😆，週末佢約我一齊食晏，我仲估佢會帶我去試新嘢，點知佢今次要我介紹😅，咁我腦袋急轉一下，就決定帶佢嚟呢間新派越南餐廳🇻🇳😆- $42嘅「南越炸豬肉春卷(6條)」：春卷炸得好香口，仲可以用生菜🥬包住嚟食😋，感覺唔會咁熱氣😆- $58嘅「扎肉心內美米紙卷(2條)」：扎肉份量都幾多🤩；沾花生芝麻醬，幾好食😋- $72嘅「苗族椰汁淡咖哩雞肉湯米線」：加咗大量草菇，所以咖喱湯底好惹味😋，兼帶微辣，仲有少少creamy😋- $78嘅「NVN 南越法式麵包」：材料包括扎肉、肝醬、豬耳、燻蹄、酸蘿蔔、青瓜、香葉、辣蛋黃醬、蔥油，真係幾豐富😋；仲有法式麵包🥖外皮竟然脆卜卜，食落輕身又好味😋- $30嘅「南越滴漏咖啡(熱)」：熱辣辣味道濃郁，加埋煉奶，非常有越南🇻🇳風味😋- $23嘅「柑桔檸檬綠茶(冷)」：清新幾好飲😋

好耐冇食Vietnamese cuisine~之前食過呢間南越南咖啡廳，menu選擇多，餐廳環境又夠modern，啱晒三五知己聚一聚☺️南越炸豬肉春卷 ($42)- 春卷炸到金黃色，未食已經流晒口水，同埋$42就食到六條非常抵食- 豬肉內餡都超級豐富，咬口紮實，外皮又夠香脆👍🏻扎肉心內美米紙卷 ($58)- 米紙卷超級爽口，勁refreshing ，勁鍾意佢配料、菜同扎肉嘅比例，扎肉勁好味，米紙皮薄身煙韌😊苗族椰汁淡咖喱雞肉湯米線 ($72)- 湯汁好濃郁，香味撲鼻，雞肉結實，米線掛汁，好上癮，一啖接一啖😆NVN南越法式麵包 ($78)- 法式麵包脆香硬身，配搭豐富惹味嘅配料，有扎肉、豬耳、蔬菜等等，啖啖都好豐富，好飽肚😜南越南滴漏咖啡 ($30)- 滴漏咖啡香氣撲鼻，呢隻越南咖啡入口甘香，相對平時飲嘅滴漏咖啡冇咁苦，相對易入口😍Deep Sea Fantasy ($68)- 呢杯cocktail好靚，色彩配搭和諧，會變沾滿鹽粒，飲落口感層次更豐富， cocktail base係較酸，但唔會太過，非常醒胃😙

<新派Fusion 越南菜>😋位於旺角這間上樓的越南菜, 裝修特別, 菜色走新派Fusion , 有別於傳統的越南餐廳. 而且菜色款式選擇多, 除了一般平時你會飲到的越式飲品外, 更有Cocktail 可以order 黎Chill 1 Chill😎<招牌金邊粉>😋 真材實料用了煮24小時既湯底, 沒有味精, 牛肉牛腩亦爽口入味, 值得一試.<Shake Shake雞軟骨>😋 完全好似Shake Shake 薯條咁自己落入調味粉入紙袋, 再搖一搖, 份量超多, 仲有淡淡香茅辣味. <五香豬腩伴鍋巴>😋 肥美既豬腩肉, 再配埋脆卜卜又香口既鍋巴, 口感一流.<烤蔞葉春雞配青蘋果條>😋 好特別的一道菜, 睇落你以為係熱氣既薯條, 實際係健康既青蘋果條. 另外用蔞葉醃過既春雞, 有種好特別香味, 雞肉香口入味啖啖肉.🤩推介大家一定要order 呢度既飲品, 每一杯都好吸晴. 上面有個泡泡bubble, 絕對係IGable.整體菜色新穎特別而且好味, 絕對係一間值得回頭再試既越南菜👍🍜餐廳 : Nam Viet Na

南越南咖啡廳NAM VIET NAM CAFÉ我好喜愛呢愛呢間南越Fusion 菜主題餐廳, 因為越南菜食親都係牛肉河, 牛油妥雞翼同紙米卷, 有時就係好悶想有D新意, 轉下花款口味。呢度絕對另人耳目一新有驚喜的。炸豬肉春卷，用米紙包炸到有蜂巢外層甚是香脆$42 有6條,點個魚露酸甜汁食，$58 紮肉米紙卷，個米紙層qq 的煙韌,多蔬菜顏色都好靚，個花生醬好味！$72 苗族椰汁淡咖哩雞肉湯米線，椰汁咖哩湯好飲呀似laksa，椰香中有薑黃粉，米線爽身，加埋香菜，一大碗滿足。$78；南越法包，個baguette 中間夾了酸甜醃蘿蔔，仲有紮肉豬耳等，抹上厚雞肝醬yummy $58 好過癮呀，有個bubble ，杯野叫tears of mermaid 有藍柑橘，荔枝，蘭娒酒同soda ,個bubble 拮爆後會有煙飄出，打於一流。女朋友就點無酒精架香茅青蘋果茶$28

當日同男朋友放咗工經過旺角,經過這間越南餐廳, 覺得唔錯。是一個美好回憶。留意到這款特飲😊Tears of mermaid 是必飲的調酒，一向唔太喜歡飲酒精飲品的我，也喜歡，飲完想再飲！ 除咗係藍顏調得靚，加埋泡之外，亦因呢杯cocktail 只有非常淡的酒精味，相反個荔枝味道很足夠而不是純假甜，非常入口。適合食住嘢嚟飲，又適合第一次飲cocktail嘅人，包你從此愛上飲cocktail。雞軟骨用紙袋裝起來上，青檸花椒調料另上，頗為有神秘感，而又很貼心，皆因朋友食辣，本人不食得辣，倒出我嗰份再落調料shake就有2種口味。原味雞軟骨又脆亦夠味，我太喜歡烤蔞葉雞的叻沙醬汁，所以就和雞軟骨一起配合，也很好食。shake shake 雞軟骨絕對係我一生之中食過最好味的小食非常可口送啤酒一流。sweet memory😊

一試難忘😋蛋咖啡好好飲·🥖NVN南越法式麵包（$78）唔掛住越南但好掛住法包😍配料豐富，肝醬、扎肉、豬耳、燻蹄、醃酸蘿蔔、青瓜、辣蛋黃醬、蔥油、香葉！不過食落麻麻地，食唔出扎肉，反而好多我唔愛既豬皮定豬耳😶‍🌫️·🍕脆米紙薄餅（$54）呢個又係有驚喜！勁脆，加埋臘腸味道微甜，微辣千島醬，清新青瓜蘿蔔絲. 食落有少少痴牙，鍾意❣️·🍜招牌金邊粉（$88）大食仔食親越南野都會叫pho! 湯底濃郁，配料足😋·☕️南越蛋咖啡（$35）去越南果時無飲到～因為想像唔到係咩味同覺得口感會好怪. 但係錯架！好！好！味😋微甜焦糖蛋漿原來同咖啡咁夾😋口感順滑·🍺 南越蛋啤酒（$42）大食仔真係癲😂又咖啡又啤酒….口感滑滑的，但我唔太鍾意😂•📍 南越南咖啡廳旺角彌敦道726號1樓

南越南咖啡廳｜旺角招牌金邊粉 配炸豬肉春卷 $88Lunch set星期六日都有，而且價錢都算合理，有主食+小食+飲品🤓黎食越南嘢就梗係要試吓佢嘅招牌金邊粉，配料十分豐富，有油炸鬼、牛丸、牛筋、牛肉片、牛面頰同牛展🐮仲有一兜是拉差醬同海鮮醬，湯底係沿用嫲嫲嘅配方，非常濃郁，飲完唔怕口渴😋不過就油咗少少，第一次見到越南菜會配油炸鬼，用嚟索下啲湯又幾得意，雖然呢碗粉有好多種唔同嘅配料，但有啲配料都係得一件，就有啲唔夠喉😆牛面頰同牛筋都煮得非常軟腍，可惜牛筋有啲唔夠味，要點佢跟埋嘅醬汁，牛展就幾入味，而牛肉片就係肥牛，食落都有牛味，牛丸就比較普通（個人鍾意入口爆汁嗰隻牛筋丸🤤），呢隻就比較似貢丸，佢嘅金邊粉呈半透明，比平時食到嘅幼身，更加掛湯🍲跟餐嘅豬肉春卷雖然細細條，但係入面嘅餡料都幾豐富，有豬肉碎、粉絲、木耳絲同埋紅蘿蔔絲🐷點埋佢個酸酸哋嘅醬汁都幾開胃。南越蛋咖啡 +$25呢度嘅嘢飲都非常有特色，跟餐嘅嘢飲係冬瓜茶，加錢就可以轉其他特色飲品，第一次見到呢種蛋咖啡就決定試試☕️咖啡細細杯，上面係一層好似焦糖燉蛋嘅蛋奶蓋🍮面頭有一層焦香嘅皮（有啲似葡撻嗰層皮），蛋奶蓋嘅口感頗為輕盈，傾向奶泡嘅

令人眼前一亮的南越 Fusion 菜五香豬腩伴鍋巴肥美的豬腩肉先以滷水汁醃製，入口滿嘴油香，配上酸瓜粒及千島醬，大大減低了油膩感。配合脆鍋巴，又香又脆。南越蟹肉醬配脆球餅脆球餅炸得金黃，賣相可愛，加入蟹肉沙律醬、青瓜及蘿蔔絲一起吃，清新開胃，很醒胃的一道前菜。烤蔞葉春雞配青蘋果條烤雞皮薄肉質滑嫩多汁，採用蔞葉醃製春雞，有特殊的香氣，令味道分佈更均勻。伴以酸酸甜甜的青蘋果條，可以平衡烤雞的油膩感。順化豬肉串、烤牛肉串外層烤得金黃焦香，配以特製花生醬，非常惹味。

呢間位於旺角嘅樓上越南餐廳裝潢型格休閑，以霓虹燈牌為裝飾，環境乾淨舒服食物選擇方面都幾多樣化，除左斑蘭椰香飯、金邊粉等嘅主食外，仲有其他特色小食同飲品，好似米紙、春卷等，如果平時鍾意食越南野嘅話可以一試_➤河內咖喱雞絲配斑蘭椰香飯$68 / 香茅豬扒配斑蘭椰香飯$75🍛 因為太肚餓嘅關係，叫左兩個飯類嘅主食。份量正常，一個人食都夠晒飽，肉同配菜多到有少少似食緊韓國拌飯咁。味道正路，個飯食落有少少椰香味，整體冇咩特別。咖喱雞絲幾嫩，唔太辣。反而香茅豬扒椰香飯有少少失望，個飯冇咩汁比較乾，食落好dry，要撈勻晒先叫做有啲味，如果唔係就似單純食緊豬排配飯咁，唔太推薦➤脆米紙薄餅🫓$54呢一款薄餅比較特別唔係咁常見，米紙底香脆，面頭鋪滿食落似豬肉乾嘅臘腸粒，咸咸香香咁，再配上類似千島醬嘅酸甜醬汁同清新嘅蔬菜(青瓜同蘿蔔絲)，有層次感，比較唔容易膩同有負擔感，值得一試，但記住唔好擺太耐要趁熱食，因為米紙會變淋➤南越蛋咖啡☕️$35本身唔太好咖啡，但見到呢杯咖啡個名覺得幾特別，加咗蛋喺裏面，所以出於好奇想試吓。雖然細細杯但勁好飲，有驚喜！上邊嗰層有甜甜嘅蛋忌廉配埋香濃嘅咖啡，撈埋一齊出奇地夾，超推薦