影片
更多
2022-03-25
43 浏览
南越南咖啡廳｜旺角招牌金邊粉 配炸豬肉春卷 $88Lunch set星期六日都有，而且價錢都算合理，有主食+小食+飲品🤓黎食越南嘢就梗係要試吓佢嘅招牌金邊粉，配料十分豐富，有油炸鬼、牛丸、牛筋、牛肉片、牛面頰同牛展🐮仲有一兜是拉差醬同海鮮醬，湯底係沿用嫲嫲嘅配方，非常濃郁，飲完唔怕口渴😋不過就油咗少少，第一次見到越南菜會配油炸鬼，用嚟索下啲湯又幾得意，雖然呢碗粉有好多種唔同嘅配料，但有啲配料都係得一件，就有啲唔夠喉😆牛面頰同牛筋都煮得非常軟腍，可惜牛筋有啲唔夠味，要點佢跟埋嘅醬汁，牛展就幾入味，而牛肉片就係肥牛，食落都有牛味，牛丸就比較普通（個人鍾意入口爆汁嗰隻牛筋丸🤤），呢隻就比較似貢丸，佢嘅金邊粉呈半透明，比平時食到嘅幼身，更加掛湯🍲跟餐嘅豬肉春卷雖然細細條，但係入面嘅餡料都幾豐富，有豬肉碎、粉絲、木耳絲同埋紅蘿蔔絲🐷點埋佢個酸酸哋嘅醬汁都幾開胃。南越蛋咖啡 +$25呢度嘅嘢飲都非常有特色，跟餐嘅嘢飲係冬瓜茶，加錢就可以轉其他特色飲品，第一次見到呢種蛋咖啡就決定試試☕️咖啡細細杯，上面係一層好似焦糖燉蛋嘅蛋奶蓋🍮面頭有一層焦香嘅皮（有啲似葡撻嗰層皮），蛋奶蓋嘅口感頗為輕盈，傾向奶泡嘅
招牌金邊粉 配炸豬肉春卷 $88
Lunch set星期六日都有，而且價錢都算合理，有主食+小食+飲品🤓黎食越南嘢就梗係要試吓佢嘅招牌金邊粉，配料十分豐富，有油炸鬼、牛丸、牛筋、牛肉片、牛面頰同牛展🐮仲有一兜是拉差醬同海鮮醬，湯底係沿用嫲嫲嘅配方，非常濃郁，飲完唔怕口渴😋不過就油咗少少，第一次見到越南菜會配油炸鬼，用嚟索下啲湯又幾得意，雖然呢碗粉有好多種唔同嘅配料，但有啲配料都係得一件，就有啲唔夠喉😆牛面頰同牛筋都煮得非常軟腍，可惜牛筋有啲唔夠味，要點佢跟埋嘅醬汁，牛展就幾入味，而牛肉片就係肥牛，食落都有牛味，牛丸就比較普通（個人鍾意入口爆汁嗰隻牛筋丸🤤），呢隻就比較似貢丸，佢嘅金邊粉呈半透明，比平時食到嘅幼身，更加掛湯🍲跟餐嘅豬肉春卷雖然細細條，但係入面嘅餡料都幾豐富，有豬肉碎、粉絲、木耳絲同埋紅蘿蔔絲🐷點埋佢個酸酸哋嘅醬汁都幾開胃。
南越蛋咖啡 +$25
呢度嘅嘢飲都非常有特色，跟餐嘅嘢飲係冬瓜茶，加錢就可以轉其他特色飲品，第一次見到呢種蛋咖啡就決定試試☕️咖啡細細杯，上面係一層好似焦糖燉蛋嘅蛋奶蓋🍮面頭有一層焦香嘅皮（有啲似葡撻嗰層皮），蛋奶蓋嘅口感頗為輕盈，傾向奶泡嘅質感，就咁食幾有蛋香，好似食緊甜品咁🤤但係加埋咖啡一齊飲就唔係太食得出佢嘅味道，同埋下面嘅咖啡本身落咗糖，個人覺得就有少少偏甜🤔旁邊仲有一細件越南綠豆糕，無論味道定質感都好似好多年前食過嘅北京綠豆糕手信咁😂係一舊粉狀嘅糕但係其實冇綠豆味，就咁食就好乾，但係加入啲咖啡度又好似冇咩存在感，我到而家都懷疑緊究竟係就咁食，定係加入啲咖啡一齊飲🤣
0 浏览
0 赞好
0 留言
2 浏览
0 赞好
0 留言
张贴
