影片
港鐵銅鑼灣站 F1 出口, 步行約4分鐘
繼續閱讀
電話號碼
90830805
開飯介紹
高質壽司店，由日本直運新鮮食材製作廚師發辦。日式木系裝潢氣派十足，配上金黃色的燈光，明亮舒適，坐在壽司吧檯更可近距離觀賞師傅製作菜式。
繼續閱讀
營業時間
今日營業
12:00 - 15:00
18:30 - 23:00
星期一至日
12:00 - 15:00
18:30 - 23:00
以上資料只供參考, 請與餐廳確認詳情
有關獎賞計劃
781 瀏覽
自從肥肥家族最愛嘅壽司店結業後，家人真係少咗食魚生，舊年都係應雀友吹雞先去銅鑼灣一家樓上壽司屋「鮨本」食廚師發辧晚餐。佔用面積全層嘅餐店光線充裕，大方闊落，傾斜設計嘅木造天花及枱櫈新潮中不失日系風格。用餐大堂有多個吧位圍繞住師傅嘅舞台。單憑清酒架上嘅擺設，估計店主應該係奶龍粉！最入位置原來仲有間可容納上八位客人嘅私人壽司吧房，高雅有格調。貴客如欲自攜佳釀，開瓶費為$250/樽，都好合理。每位席上擺有自用嘅筷子及餐碟。廚師發辦晚餐共有兩款可選，均包有刺身、酒餚、壽司、玉子燒、湯湯同甜品，價格分別為$1,380/位及$1,680/位，不同之處在於後者會多一款刺身或酒餚及兩件壽司。應師傅建議，大家先點咗$1,380/位，真係唔夠食的話佢可以安排加到去$1,680/位。落好單後，妹妹仔隨即送上清爽開胃嘅漬物。刺身或酒餚五品之沙甸魚磯邊卷：捲到成朵花咁艷麗嘅沙甸魚磯邊卷夾入咗清新爽嫩嘅黃蘿蔔及芽蔥，一口一件，鮮濃中散發著陣陣芬芳，極之可口！刺身或酒餚五品之帆立貝卷：輕輕燒焦咗外層嘅帆立貝紫菜卷暖手嘅外層十分香脆，帆立貝肉厚甜潤，送酒佳品也。刺身或酒餚五品之松葉蟹茶碗蒸：如相所示，舖喺燉蛋面嘅松葉蟹肉份量絕對足，且幼嫩甜美，蛋蛋綿滑夠熱，毫不溜滯，超！壽司十貫之春子鯛壽司：師傅事先講明所有壽司已預先調好味。第一件暗閃彩光嘅春子鯛壽司清香淡泊。壽司十貫之墨魚壽司：白雪雪嘅墨魚壽司粘滑厚身。壽司十貫之野生中拖羅壽司：粉嫩有光澤嘅野生中拖羅壽司半溶於舌上，鮮味迅即洋溢口腔，齒頰留香。刺身或酒餚五品之燒目光魚：席上嘅魚王魚后大讚燒魚鮮甜，最難得就係魚肉熟咗都可以咁滑。刺身或酒餚五品之櫻煮八爪魚：以茶葉櫻煮嘅八爪魚肉質感鬆潤柔軟，同伴配嘅蘿蔔一樣入哂味。壽司十貫之北寄貝壽司：北寄貝壽司雖外形不甚吸引，幸好食落都好爽脆。壽司十貫之池魚壽司：皮層銀光閃閃嘅池魚壽司鮮爽得黎魚味濃郁。刺身或酒餚五品之象拔蚌：呈橙肉色嘅象拔蚌刺身Q彈有嚼口，唯一個人覺得當中嘅青檸味重咗啲，蓋過咗象拔蚌原有嘅鮮甜。壽司十貫之赤竹海老壽司：橙白紋理鮮明嘅赤竹海老壽司肉厚潤澤，爽脆尤甚。壽司十貫之金目鯛壽司：油潤嘅金目鯛魚被師傅輕輕炙燒過並迫出油脂，直令壽司更為香口滑溜。壽司十貫之胡麻鯖魚壽司：鯖魚壽司其實都幾爽潤，無耐小肥唔係咁鍾意突出嘅魚味及魚皮散發出嘅煙燻味。壽司十貫之白海膽壽司：金亮鮮美嘅白海膽壽司綿滑幼嫩，不過當中嘅海水鹽味比起平時食開嗰啲海膽勁，咸多過鮮。壽司十貫之野生大拖羅壽司：粉嫩有光澤嘅野生大拖羅壽司大啖滑落口，甘香與鮮甜溶到入心呀！玉子焼き：用上夢王蛋蛋造出嘅玉子燒鬆軟唔甜。吸物：喺壽司屋飲嘅唔係魚骨湯就係麵豉湯，真係冇諗過會係呈奶白色嘅雞湯喎！味道較清淡嘅櫻姬雞湯十分暖胃。甘物：結尾嘅豆腐奶凍白滑清涼，微甜不溜滯，簡單灑上黑糖曲奇碎令甜品嘅口感更豐富。銅鑼灣樓上壽司店「鮨本」環境時尚雅緻，服務生友善體貼，多道菜廚師發辦料理貨真價實，海材新鮮美味，最緊要係同師傅冇隔膜，雀友們飲得夠盡興！
繼續閱讀
“廚師發板” Omakase 可謂我的最愛！在香港就能品嚐到來自日本各地的新鮮海鮮，而且每次品嚐到未曾試過的菜品，都令我眼界大開！之前食過一次鮨本覺得幾有水準 晚市有2個選擇$1380和$1680今次我點了$1380的Omakase dinner套餐🔺刺身及酒肴🔺🥢🥢🥢🥢🔸黑北寄貝搭配柚子芥末和青檸味道清新，鮮甜的口感讓人感到彈牙每一口都充滿海洋的氣息，令人驚喜🔸目光魚一夜干配松針這名字聽起來很有趣，目光魚炸得外脆內嫩肉質鮮美，油香四溢讓我對海鮮的認識又更深了一層真是意外的享受！😍🔸長崎縣的蒸蠔7-8成熟度恰到好處蠔肉鮮滑，質感極佳，搭配青檸汁更是提鮮👍🏾🔸香箱蟹：蟹籽、蟹肉和蟹膏不用動手，便可以品嚐到蟹品！師傅巧妙地把不同蟹的部位拆分，視覺和味覺的雙重享受讓我胃口大開，蟹味濃郁🔸馬友魚一夜干配青檸汁意想不到的驚喜，外皮酥脆，魚肉鮮甜簡單的調味讓魚的原汁原味完全展現🔺壽司🔺🍣 🍣 🍣 🍣🔸槍魷魚肉質爽韌，鮮味十足🔸中拖羅用海藻鹽調味，油脂豐富，魚味濃厚，簡直令人難以抗拒🔸青柳貝的口感滑順，搭配青檸後的鮮味更加突出🔸炙燒黑目魚的鮮味濃郁，肉質油脂豐富，大滿足。🔸白蝦入口即化，層次感強🔸帆立貝也帶有海水的清新味，毛茸茸的感覺讓人意猶未盡🔸備長炭炙燒的鰤魚魚腩油脂豐富，鹹香味突出，絕對是高級的享受🔸鯖魚扒卷油潤清甜，包裹在紫菜中，讓人垂涎欲滴🔸海膽鮮甜可口，巨無霸般的份量，非常滿足🥚🥚🔸玉子燒口感像是焗過的玉子蛋糕，出品精緻，甜而不膩🦐🦐🔸海老清湯熱騰騰的，暖意湧出來，味道挺清甜的🍓🍓🔸水果想不到水果會是最後一道甜品，還猜想會有奶凍之類那些的甜品💕不過幸好草莓是珍寶大小，味道也挺鮮甜的每道菜品不單只精緻又驚喜整體用餐節奏非常舒適，師傅會根據客人的需求調整壽司飯量，貼心至極食完真係飽到超級滿足，坐在香港已經吃到日本不同地區超級新鮮的海鮮，超滿意！
繼續閱讀
🥰 “美女實習生” 即將留學瑞士進修, 臨別秋波請食飯, 選址 “鮨本”, 原來係佢第一次食 “廚師發板”. 🥢 餐廳設一張正L形十六人壽司吧枱, 大路嘅木系裝修, 天花用上鈄面木板修飾, 座位闊落, 空間感十足. 今晚點咗晚餐 $1,680+10%, 包括刺身或酒肴六品, 壽司十二貫, 玉子燒, 湯, 甜品. Hugo 師傅一打八.🥰 刺身及酒肴北海道黑北寄貝鮟鱇魚肝子持香魚秋刀魚勢子蟹 焗飯肝醬炒鮑魚🍣 壽司天草縣石垣鯛黑鯥魚中拖羅半生熟花竹蝦沙甸魚三文魚籽鯖魚鰤魚魚腩鹿兒島大蜆海膽大拖羅太卷🍮 玉子燒🥣 蜆湯🍈 蜜瓜🐚 北海道黑北寄貝. “漆黑之煌星”, 呢個朵十分架勢, 產地為日本噴火灣, 鮮甜爽口.🥰 慢煮鮟鱇魚肝. 份量少就特別好食, 我鍾意配芥茉, 魚肝入口溶化, 十個讚!🐟 子持香魚, 芋泥, 銀杏. 子持香魚 即係含卵嘅 香魚, 包住芋泥, 不俗嘅一體感.📖 翻查資料: “香魚” 嘅背脊有條香脂腺, 會帶來淡淡的瓜果香氣, 所以又叫 “胡瓜魚”.🐟 秋刀魚, 磯邊卷. 初試 磯邊卷, 哈哈, 秋刀魚 當造, 超級肥美.🍣 天草縣石垣鯛. 穩陣過關.🍣 黑鯥魚. 嘩, 咁快出備長炭燒, 又唔算爆哂油喎, 唔錯!🍣 中拖羅. 肥美!🦐 半生熟花竹蝦. 係咪過熟? 扣分.🍣 沙甸魚. 不得了, 魚味濃郁, 絕配薑蔥蓉.🤗 三文魚籽. 唔係我杯茶.🍣 鯖魚. 我鍾意.🍣 鰤魚魚腩. 第二次食, 油份豐富, 出色!🍣 鹿兒島大蜆. 略帶海水味, 點解唔早少少出大蜆呢? 味道追唔上.🍣 海膽. 少少苦, 還好.🍣 大拖羅. 肥美!!!🍣 太卷. 魚料豐富, 抵讚!🦀 勢子蟹 焗飯. 聽講個飯其實係意粉?! 蟹肉味道滲透焗飯.📖 翻查資料: 勢子蟹 又名 香箱蟹, 即係 松葉蟹乸, 主要食內子同埋外子, 內子即係蟹膏, 外子即係蟹籽. 傳統懷石料理中, 師傅先取下內子外子, 再連同蟹腳蟹身嘅肉一併釀回蟹殻供客人享用. 由於貌似寶石箱, 取名 香箱蟹.🐚 肝醬炒鮑魚. 肝醬味道濃郁, 撈 素麵 或者 鮑魚都咁出色.🍮 玉子燒. 少似焗過嘅蛋糕, 出品優質.🥣 蜆湯. 太淡了, 失望.🍈 蜜瓜. 清甜.🤗 總結: 裝修座位等細節非常到位, 服務帶溫度, 十個讚! 傳統江戶前壽司, 唔多花巧嘢, 用餐節奏非常舒服. 我哋飲到醉醺醺, 師傅對食材嘅介紹唔算多, “美女實習生” 講笑話: 件件壽司味道差唔多 😂.
繼續閱讀
On a Sunday night一個師傅serve 11個人!?我以為去咗食迴轉壽司依家講緊$1700一位嘅omakase喎但咁嘅情況下師傅仲可以成晚non-stop同最左邊嗰家人吹水同飲酒有冇尊重吓其餘嘅人？咁如果談話內容真係好引人入勝都算啦師傅話青森位於北海道？佢哋一直r師傅切大舊啲鮑魚，but多啲海膽比佢。。。「你返番去食雙餸飯啦不如」我抑制住內心嘅感受，啦啦聲食完走算啦另外quality 亦不值一提啦，完全 justify唔到呢個價錢
繼續閱讀
今次揀左$580 嘅Omakase 套餐，可以話係價廉物美🤩，師傅嘅刀工細膩之餘介紹都好清晰，上嘢次序啱啱好！成個體驗都超難忘❤️。 螢光魷魚茶碗蒸🦑不得不提呢個無人能敵嘅開胃前菜，茶碗蒸個質感好順滑，蛋味又夠，螢光魷魚同蛋夾得非常好，唔會喧賓奪主。半熟帆立貝🔥對帆立貝嘅處理方法非常了解，半熟嘅狀態令到個甜味岀晒黎，完全抗拒唔到😚。 小肌魚🐟熟成好講求技術，而佢就啱啱好，魚肉有齊晒酸度同甜味，成件事超平衡🥹。 半生熟青竹海蝦🦐蝦肉嘅肉質新鮮彈牙，半生熟keep到蝦嘅甜味，放入口嗰陣啲鮮味喺口入面湧岀黎。 寒獅🐳呢種魚比較少見啲，但作都不得不提下佢，佢個肉質唔肥得黎甜味又足，口感勁特別。 海膽❣️海膽品質唔使講啦，入口即化，成個口都係佢嘅甜味，絕對係成場 omakase 嘅其中一個重點。 江戶時代玉子燒🥚玉子燒有經典嘅江戶風味，甜度啱啱好，口感濕潤得黎唔會覺得浮誇，用嚟做成個set嘅收尾冇得挑剔🤤🤤🤤一句講晒無論係食材嘅新鮮度，定係壽司熟成，定係切割嘅技術，都將師傅嘅功力露晒岀黎😆。每一道料理都感受到師傅對食材的尊重同追求，尤其係海膽，一定一定要有❣️真心值得推薦比身邊嘅朋友仔食！
繼續閱讀
您可能會有興趣的...