波爾圖

營業中

休息中

The girlfriend fancies a dinner of Portuguese cuisine as she is feeling Cha Chaan Tang fatigue. I don’t blame her since we have eaten loads of street hawkers food, dai pai dong & wonton stalls. She picked this restaurant based on the ratings and we were not disappointed. There was a wait when we got there & that is a good sign. The cab driver said this area is colloquially called restaurant row. Decent prices. Fast no nonsense service. Accepts most foreign credit cards. Not many options

好久之前來過，食物方面不是特别有印象，只記得地方擠迫，不會再選擇。 今次朋友預早book，因為出名，帶加拿大友人來，首先釀乳豬飯，皮薄脆，肉嫩香，有味飯，黃黃地色，不太油，可口，可嚼。 燒沙甸魚，一般，不特别香或也沒有肉帶汁。 本叫馬介休炒雜菜，誰知來了馬介休球，蒜茸炒時菜，侍應說可取消，無所謂照食，如果未食過其他店，這個算合格，但我認為，皮脆得來硬，餡粉多個肉，因為這是最基本菜式，做成這效果，有點兒那個 香草燒羊鞍，三大件，多薯條，但靱，有羊味，味到有羶，我都可以，友人簡值不能試。 蒜茸時蔬，爽甜椰菜，不錯。 最抵紅酒$30／杯。因枱貼枱，跟隣坐內地同胞，可吹水一番，那裏來，將會去那，點解來這裏食，葡國雞真係大！

呢間餐廳真係超級多人食，我哋無book枱，要喺門口等，有人no show先可以補位，好彩我地等到位！🍽️😄我食咗佢哋嘅麵包焗葡國雞，真係好正啊！麵包外脆內軟，每一口都帶嚟一種滿滿嘅葡國雞汁味道！好香濃，令人垂涎欲滴！麵包同汁嘅結合真係好好味！🍗🥖😋另外，佢哋嘅葡式乳豬釀飯都好出色！乳豬皮炙燒得好脆，下面嘅飯又香又美味！每一口都帶嚟一種滿滿嘅濃郁乳豬味道，真係令人回味無窮！好過癮！🐷🍚😍而且，我仲試咗佢哋嘅檸檬白酒炒蜆，味道真係好啊！蜆肉鮮美，配上檸檬白酒嘅醬汁，酸酸地同時又帶啲酒香，真係好開胃！好好味啊！🍋🍷🐚😋總括黎講，呢間餐廳嘅菜式真係好出色！🍽️😍👍

三婆孫快閃澳門首先去食個葡國餐先小店裝修都幾骨子本身以為小店人少啲點知lunch time係爆場架我地點左薯茸馬介休焗酥皮👍🏻👍🏻諗住係小食黎嘅點知原來係兩舊沙煲咁大個拳頭食完都飽左7成 酥皮鬆脆 釀左有洋蔥 波菜 煙肉 馬介仔嘅薯仔茸 佢個薯茸真係烚熟薯仔壓爛個種有食到薯仔粒 唔係大路沖水攪勻個啲雖然有煙肉又有馬介休但比我想像中淡口 都ok好食嘅 但記得釀幾個人share 焗鴨飯 👍🏻👍🏻感覺好似食緊有飯焦嘅腊味糯米飯滿口油香 面頭個幾片腊腸最好切碎再同啲飯撈食因為成塊啪入口會好咸非洲雞👍🏻👍🏻👍🏻雞肉焗得好嫩滑上面嘅調味 咸香帶椰味 偏甜味同小小辣好惹味 會想一食再食配菜嘅薯角就調哂火 硬過我條頸🤪整體都ok 三樣野埋單$370性價比唔錯啦

今時今日，餐廳出品好難做到多年不變，又或者變嘅係客人嘅口味。雖然澳門由細到大去過N次，不過每次都係食番嗰幾間餐廳。有時都想試吓新嘢、不過仲掛念從前⋯⋯ 嚟澳門玩兩日先食得嗰三餐、廢時中伏🙈哩間波爾圖葡國餐廳就越做越旺、任何時段都要排隊、不過可能因為只此一家別無分店、所以水準仲keep到、仲係咁好味😋😋😋豬耳絲沙津 $98哩到菜重慶有、葡萄牙都有、不過口味完全唔同、其實我兩個都喜歡😘 葡式風味調味簡單、酸酸地口感清爽、身體零負擔感覺好健康🤗葡式烤乳豬🐽 $218皮脆肉嫩好好味、配埋炒飯底、如果兩個人食已經飽左－半🙊 仲要賣$218 算好抵！事關出面好多都做緊$298、仲要細份啲！重點係未必好食！燒沙甸魚 $58又係葡菜必食、燒得好靚、好好味又唔講得、唔係話餐廳整得唔好，而係視乎你喜唔喜歡食沙甸魚😅炸馬介休球🦈 $55去澳門唔係唔食呀？賣相有少少落差、不過味道都ok 嘅🍋白酒煑蜆 $128都係必食！價錢唔貴又唔飽肚、可以滿足😌貪心嘅胃口😋 蜆洗得好乾淨唔會成口沙、嗰汁好好味要配埋蒜蓉包食仲正♥️♥️葡式焗雞 $188原個麵包上、趁熱食麵包非常鬆脆、配埋個葡汁真係 very good 👍🏻 反而

難得人齊到澳門，一定要滿載而歸，盡興而回。旅程第二天，大家為咗必買既手信，錯過了熟食中心開餐既時間😅，唯有改變行程。經過大家商量之後，決定再戰波爾圖。下午5點左右到門口排隊，餐廳大約5點15分開始安排入座，好彩順利第一輪入座，立即點菜。今晚點咗三款食物：八爪魚沙律～八爪魚薄片放在沙律菜上，沙律汁酸酸哋，好開胃，沙律菜好新鮮，正😋血鴨～鴨肉好冧，未試過既可以一試香煎龍利魚～原條上，好正，表面好脆，魚肉好滑點咗菠蘿汽水，幾好味🤗。這餐回味無窮😋😋I will be back😎

獅子座一期一會之約落實：2日1夜澳門之旅，上次澳門即日來回已經是N年前中午係酒店寄存行李之後，浩浩蕩蕩出發到氹仔官也街覓食。行咗半條街選擇了波爾圖，由於星期六無得book位，直接walk-in排隊，下午兩點半全場滿座，要等半個鐘，等待期間服務員建議我們可以先落單，入座一會即刻有得食。我們選了葡式乳豬釀飯～好香、好惹味、有少少飯底，飯有焦香，好正；檸檬白酒蜆～新鮮又好味；焗青口～朋友至愛；馬介休球～表面好脆、咸魚同薯蓉好夾，有淡淡既咸香。

去左澳門旅遊直通巴士係銀河落車擺低行李第一站就去左地堡街再行落一兩個街口就黎到個未婚妻話以前食過好想再食既波爾圖明明澳門仲有好多間米芝蓮葡國餐但佢死都要話要再黎呢一間食 星期六一點鐘黎到本身以為門口咁多人都唔洗排但原來佢地都係9既總之有個職員出黎就比左個名佢然之後竟然唔洗十分鐘就入得餐廳唔算大座位都迫迫地不過好似有間新店係官也街果邊本身諗住食唔到呢度就去果邊既二人檯小窄好在openrice都叫做有澳門版雖然就無乜人寫既叫做黎之前可以睇下有咩食牆上面仲有廚師推介上google map都有得睇見到有人話平日先有得book檯周末假期就要walkin同埋平日好似有個商務餐假期就只有呢d精選套餐算係正常價位不過就無特別想食果幾樣所以都係單點番之後好似想用我地張檯轉四人檯就問我地可唔可以調位後面呢張檯仲大張上菜都幾快焗軟殼蟹呢個好一般純芝士味又細份可以唔洗叫炸馬介休球到食完我都仲未知馬介休到底係乜就只係薯蓉波波咁既feel麵包焗葡國雞賣相就幾好又唔貴都係一舊水左右諗起旺角街市果間都要六七十上左檯仲會剪埋有脾有翼但雞肉係鞋既麻麻地汁又唔特別惹味感覺好似仲未食到有好食既葡國雞成餐唯一好食乳豬飯皮勁脆索

波爾圖呢間葡國菜餐廳喺澳門好出名，門口長期都好多人排隊，今次我哋都嚟咗試一試。我哋嗌咗芝士薯蓉馬介休焗酥皮、檸檬白酒炒蜆同埋芝士忌廉焗蠔。芝士薯蓉同馬介休撈埋一齊味道好濃郁，入面有啲芫荽絲平衡返個芝士嘅重味，底下個酥皮覺得好香，切開嚟食一啖酥皮一啖薯蓉口感好豐富。檸檬白酒炒蜆個份量適中，全部都炒到開晒殼，唔會有啲未熟未開殼，蜆肉唔算太大隻但係都算鮮甜，白酒炒完之後被蒸發晒，白酒汁配埋檸檬汁嘅sauce加埋蜆肉一齊食好好味。芝士忌廉焗蠔有三隻，每隻都充滿焗融咗嘅芝士同忌廉，味道濃郁，配埋大大隻嘅焗蠔，食落真係好爽好滿足！整體嚟講食物質素唔錯，價錢合理，大家嚟澳門可以試一試！📍氹仔舊城區地堡街泉福新村第1期第4座嘉開閣地下位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊

🚌去澳門🇲🇴必食‼️但經過社交媒體網站推介，變左依家要排隊⏰🥢 葡式乳豬釀飯 💰MOP$218必食！隻乳豬偏肥，多膏，肉嫰，皮係脆！有樣野大家要知道，葡式乳豬既皮係唔容易咬，比較煙靭，所以做到皮脆係出色！乳豬底有炒飯墊底，索左乳豬既味，其實兩個人食依個飯已經飽，因為啲豬都食到好漏🤣🥢 馬介休炒椰菜 💰MOP$63依個菜就正常味道，有唔少馬介休既碎碎，因為食乳豬好漏，所以叫返個菜平衡下不過餐廳因為多咗人排隊，所以感覺上好似好想趕客人走，啲枱又坐得好迫，所以預咗坐就坐得唔係好舒服㗎啦😓未試過可以一試

（過咗就嚟兩個月先post🤣）澳門最出名就係食乳豬，而呢間餐廳都係喺澳門好出名，所以就去咗試試佢，味道都真係唔錯而且餐廳中餐有葡萄牙嘅感覺，呢間係一定要book位先可以去因為長期排隊，而且好早就閉店

今日與友人到氹仔食葡國菜，友人通知我哋地點時，我發覺原來係12年前曾經同老婆澳遊時食飯嘅波爾圖(有出食評架)，我們到達前友人已點齊滿枱美食～有乳豬釀飯，污糟雞，葡國雞，脆炸馬介休球，芝士薯蓉馬介休焗酥皮，白酒煮蜆，原條龍脷，葡國海鮮燴飯，塔維拉海鮮酸辣意粉，焗鴨肉飯，葡國鹹豬手沙律，芝士肉醬焗意粉，忌廉芝士焗西蘭花，等等～乳豬釀飯 乳豬依然皮脆肉嫩，飯粒乾身粒粒分明，豬油香氣撲鼻。勁正，必食👍🏻👍🏻👍🏻～焗鴨肉飯～勁正飯粒分明，飯內藏鴨肉，面頭有臘腸，個飯上枱嗰陣時鴨氣撲鼻，依個都係推介必食👍🏻👍🏻👍🏻～污糟雞 估計係先烤，再放上一個有蔬菜橄欖等嘅湯汁上邊，因有辣椒乾所以有少許辣，味道唔錯。👍🏻👍🏻～葡國雞 OK味道正常。～脆炸馬介休球雖然寫係脆炸，但仍是覺得皮硬了少許，但味道沒有問題。～芝士薯蓉馬介休焗酥皮 依個芝士配埋馬介休嘅香味，再配上薯蓉及酥皮，酥皮嘅脆，再加埋芝士薯蓉馬介休，幾層口感及味道，唔錯唔錯👍🏻～白酒煮蜆 無沙，肉飽滿，上枱時仍然有白酒香味，水準之作👍🏻～葡國海鮮焗飯 普通正常。～塔維拉海鮮酸辣意粉 嗯普通正常。～原條龍脷 Ok嘅正常其他的都 正常味道冇乜特別污

一場嚟到澳門就必定係要食下葡國菜😝上網見到呢間好出名就去咗試，去到個陣好多人，要拎飛再排大概一個鐘左右先入到去。餐廳環境似family restaurant。同隔籬枱坐得好近☹️ 兩個人叫左兩個主菜share1. 葡式乳豬釀飯乳豬同中式乳豬有少少唔同。相比之下好重香料味，有少少偏咸。 炒飯似茄汁炒飯， 冇咩驚喜同太酒。2. 法國芥辣籽焗安格斯西冷牛扒見到隔離好多枱都有叫白酒煮蜆。 但因為男朋友唔食蜆所以冇叫到。反而叫左個牛排食。雖然呢個唔係大家推介既菜式，佢反而俾到驚喜我。 係面既芥辣籽唔會好攻鼻，配牛肉同薯條食都好出色。叫左兩個主菜埋單差唔多要五百蚊。有少少偏貴。下次去澳門可能都係掃街開心啲🤪

波爾圖真係好多人排隊，未夠下午6點，我地5點半已經見人龍，即排隊，但第一輪無得入，要留名等下一輪，我地就行一陣官也街，幸好6點30分可以入座。葡式乳豬釀飯，必點菜式，乳豬皮薄又脆，不油膩，豬肉入味又腍，用肉腿炒飯，且有調味，好食，份量睇落少，但食完2個人都覺得飽。炸馬介休球，最抵食，香脆又咸香，薯味重。檸檬白酒煮蜆，清新鮮甜，蜆肉飽滿，份量都幾多，檸檬令蜆肉又鮮，白酒令蜆肉去腥，蜆肉亦無沙，好味。

🇲🇴好耐冇去澳門 今次去咗澳門2日1夜 夜晚食返4年前食過嘅波爾圖！今次再去都依然覺得佢係間真心高質抵食嘅葡式餐廳👅 好想推薦俾大家～• 葡式乳豬釀飯 $218 🐖 4.5/5必食之一！即叫即做嘅juicy乳豬 釀咗蕃茄汁底炒飯 熱辣辣上到枱 淨係賣相都好吸引 乳豬皮超薄脆 睇相都見到乳豬好厚肉 平時去飲食乳豬好怕過咸 但佢地嘅乳豬夠油香之餘調味岩岩好 唔會有豬羶味 因為佢係釀飯 炒飯完美吸收曬油香 男朋友仲話個飯好食過個乳豬添LOL• 檸檬白酒炒蜆 $118 🍋 4.4/5第二樣必食嘅菜！爆多牛油落去炒嘅蜆 好難唔好食 蜆嘅份量好好好多 個碗好似黑洞咁食極都仲有 蜆夠肥冇沙 冇得輸👅• 脆炒馬介休球 $55 🐟 3/5味道正常 印象中以前嘅馬介休球分量比較多同足料啲 可以見到一絲絲魚肉 建議多人啲share 2個人食極飽總結：澳門遊客區抵食葡國菜之選～ 2個人可以叫乳豬飯同炒蜆試下 $3xx已經可以飽到捧住個肚走！ 😜❤️P.S. 記得提早book枱！walkin得好少位 不過勝在係正氹仔 就算要等位都可以係附近行下