影片
電話號碼
+853 28823318
開飯介紹
價錢合理的葡國餐廳，其中，乳豬釀飯肯定是必試之食。
繼續閱讀
營業時間
今日營業
12:00 - 22:30
星期一至日
12:00 - 22:30
*星期五、六、日
不接受訂位
以上資料只供參考, 請與餐廳確認詳情
相關文章
閃遊澳門，行左一陣又食，想食葡國菜，趁早未係好多人去波爾圖，講起來有10年以上冇去，餐廳剛好閞門即有5位，之後好快就滿座，果然係人氣店。餐廳面積中等，裝潢有著葡國色彩，復古之感。餐牌，食物都好多選擇。葡式乳豬釀飯，$238，招牌必食，乳豬中件厚身，口感外脆肉嫩，有少少肥膏味道更香口，有入口即化之感，美味!釀飯味道酸酸甜甜好醒胃。葡式燒八瓜魚，$168，賣相不俗，八瓜魚口感太韌，味道普通。薯絲炒馬介休，$118，本物想食馬介休球，但見到薯絲又好奇試下，薯絲脆口薯味濃，味道鹹香但太油，普通。乳豬釀飯必食，服務態度幾好同坐得舒適，有機再食。氹仔舊城區地堡街泉福新村第1期第4座嘉開閣地下
繼續閱讀
次次嚟澳門經過佢，都多數見到條龍，而呢條龍往往都會令我卻步，而今次竟然無「龍」梗係要入去試吓。女友口味特別又麻煩，睇嚟睇去個餐牌，都係二人餐算。「西餐」頭盤一定係湯，好鬼熱，好濃嘅蘑菇同忌廉味。呢碟係另加嘅炸馬介休球，食落第一感都係好鬼熱，食之前查過馬介休係魚類嘅嘢，隱約聽到隔離枱話係鬼佬咸魚，咬落去又唔覺有咸魚，或者係魚嘅感覺，反而我真係學黑白廚房咁，合埋對眼去感受下佢～我感覺似食緊酒樓飲茶嘅「芋角」入面嘅芋蓉咁，但呢度啲幼滑好多，好味。跟著係芝士焗生蠔～面頭層芝士恰到厚度，又估唔到下層有啲波菜，而生豪又好新鮮果隻～好食。羊架～外面小小鬆脆外層，羊肉肉質真係好嫩同羶，呢種羶味要真係鍾意食羊嘅至攪得掂，我女友就攪唔掂，我要啪三舊。海鮮意粉～辣辣哋有啲鮮味同味道特別。面頭係木糠，下面層奶油好硬，唔係咁啱我口味，二啖收手。整體而言，雖然打正係傳統葡國菜，但係好適合『唐人』口味 ，好欣賞佢哋每樣菜都「好熱」咁上枱，呢個香港嘅食肆真係要學習下。回頭度：8/10. 真係好食
繼續閱讀
喺澳門覺得一定要食葡國菜，但係完全冇概念，所以就上OpenRice睇邊間好食😋 搜尋第一個彈出嚟嘅就係呢一間。去到之後其實都係跟住佢牆上面嘅推介食😂，整體黎講好ok！5個餸都唔伏！好食！🎊🎊 （個八爪魚🐙好正不過啲皮就靭啲）但係特飲就nono 玫瑰花糖漿 同 茉莉花糖漿🥴
繼續閱讀
食物🥘一般，服務員面無表情趕客咁，一坐低就強調兩次用餐時間75分鐘，咁好生意嗎？非洲雞唔辣似沙嗲雞囉，蟹蓋還好，忌廉有啲甜囉不過不失，乳豬飯都算脆皮，最好食係咖哩牛尾嘅咖哩汁但牛尾煮唔夠軟，最後都係服務員面口差，完
繼續閱讀
今次無時間做太多功課，就搵左最多人寫評論嘅餐廳去試，進入面裝修真係幾有葡國feel，好似外國啲餐廳咁，不過唔太新，可能開左好耐啦，不過感覺小迫，不過都可以傾到計葡國雞等你影完相店員會同你剪開，個包外脆內軟，點個汁一流個汁有啲椰香同幾濃郁，雞肉不過不失，唔算太嫩，又未去到鞋，可接受葡式烤乳豬推介，份量都幾大份，2-3個人share都得，乳豬份量都幾多，皮脆肉嫩，調味岩岩好，唔會太咸同唔算油，炒飯底炒得幾惹味
繼續閱讀
您可能會有興趣的...