波爾圖

營業中

休息中

来澳门旅行，绝对不能错过这家由葡萄牙主厨匠心打造的葡挞工坊！每一枚葡挞都是主厨的用心之作，从食材选择就彰显品质——日本生食级梦王蛋，赋予挞芯丝滑细腻的口感，浓郁蛋香在舌尖绽放；法国顶级牛油精心调配，让挞皮层层酥脆，咬一口满是醇厚奶香。除了经典葡挞，这里的创意口味更令人惊喜！我特意尝试了丸九小山园熟成抹茶千层挞和手工芋泥麻薯千层挞：抹茶味选用高品质抹茶粉，茶香浓郁却不过分苦涩，甜度拿捏得恰到好处；芋泥麻薯千层挞则是软糯控的福音，绵密芋泥搭配Q弹麻薯，口感层次丰富。难怪每次来店都大排长龙，如此美味，绝对值得专程打卡，错过可就太可惜啦！

今天試了麵包雞和芝士蟹黃，麵包雞外酥裡嫩，醬汁誘人；芝士蟹黃綿密鮮美，超級過癮。但乳豬飯雖油脂香濃，有8塊之多，卻油膩膩口，且價格兩百多，性價比不高。。。。。。

🇲🇴🍽️🐟性價比超高葡國菜✨晚市5:30開始，五點左右開始就會有人排隊，第一輪入唔到嘅話就起碼都要等多一個鐘，呢間餐廳不設訂位，想食嘅就早啲嚟排啦！🆗野菌海鮮忌廉湯 - $38睇落好多菇碎，野菌味香濃，不過冇一粒粒可以咬到嘅菇，同埋吾係幾覺有海鮮，但味道ok。✅葡式燒馬介休 -$188馬介休魚柳超大條，底下仲有原個薯仔墊底。葡式燒嘅煮法主要係用橄欖油煎，而馬介休係鹽醃嘅鱈魚，廚師煎得好好，皮脆肉嫩，魚肉鹹香十足。✅特色焗鴨飯 -$83呢個特色焗鴨飯都好經濟，飯粒有口感，三片鴨肉嘅味道都好香，煎得好好。飯裏面亦都有其他肉類。✅地道非洲辣雞 -$128呢個非洲雞非常值得一試，係隻好大嘅雞髀，鋪滿咗大量嘅醃料，包括蒜蓉、椰絲、辣椒粉，好惹味，甜甜辣辣。而雞肉亦都唔會好嚡，旁邊仲有沙律菜同埋薯角。薯角炸得香脆，而沙律菜新鮮配咗黑醋汁。✅芝麻麻糬葡撻 -$18呢款特色葡撻係佢哋自家製，個酥皮都幾鬆脆，切開會有流心嘅芝麻醬，裏面仲有麻糬增加口感，幾有特色，但係就會蓋過咗葡撻嘅蛋香味。

呢間乳豬飯一直好出名，食飯時間成日都大排長龍，但都無阻我食乳豬嘅決心！食咗幾次之後，推介比同事食，一行十個人慶生，事前膽粗粗問可唔可以要全隻乳豬！老闆仔話做比你！結果當晚捧出嚟真係全場矚目😂連隔離枱都忍唔住過嚟問，可唔可以同隻豬影張相打卡。除咗乳豬之外，樣樣餸都好有水準，我自己最鍾意馬介休球同埋蜆，係食完一啖又一啖嘅水準👍🏻另外佢哋嘅蛋糕原來都係自家製，因為同事生日，同佢哋提早訂定蛋糕，有隱藏版芝麻巴斯克，唔係講笑個芝麻係香濃到喺個口爆開，連唔食芝士嘅朋友都話芝麻夠香！佢都食到！雖然唔想推介比大家，因為佢已經成日排長龍，但今次佢哋服務同食物都係水準之上，無辦法唔留個好評🙏

閃遊澳門，行左一陣又食，想食葡國菜，趁早未係好多人去波爾圖，講起來有10年以上冇去，餐廳剛好閞門即有5位，之後好快就滿座，果然係人氣店。餐廳面積中等，裝潢有著葡國色彩，復古之感。餐牌，食物都好多選擇。葡式乳豬釀飯，$238，招牌必食，乳豬中件厚身，口感外脆肉嫩，有少少肥膏味道更香口，有入口即化之感，美味!釀飯味道酸酸甜甜好醒胃。葡式燒八瓜魚，$168，賣相不俗，八瓜魚口感太韌，味道普通。薯絲炒馬介休，$118，本物想食馬介休球，但見到薯絲又好奇試下，薯絲脆口薯味濃，味道鹹香但太油，普通。乳豬釀飯必食，服務態度幾好同坐得舒適，有機再食。氹仔舊城區地堡街泉福新村第1期第4座嘉開閣地下

次次嚟澳門經過佢，都多數見到條龍，而呢條龍往往都會令我卻步，而今次竟然無「龍」梗係要入去試吓。女友口味特別又麻煩，睇嚟睇去個餐牌，都係二人餐算。「西餐」頭盤一定係湯，好鬼熱，好濃嘅蘑菇同忌廉味。呢碟係另加嘅炸馬介休球，食落第一感都係好鬼熱，食之前查過馬介休係魚類嘅嘢，隱約聽到隔離枱話係鬼佬咸魚，咬落去又唔覺有咸魚，或者係魚嘅感覺，反而我真係學黑白廚房咁，合埋對眼去感受下佢～我感覺似食緊酒樓飲茶嘅「芋角」入面嘅芋蓉咁，但呢度啲幼滑好多，好味。跟著係芝士焗生蠔～面頭層芝士恰到厚度，又估唔到下層有啲波菜，而生豪又好新鮮果隻～好食。羊架～外面小小鬆脆外層，羊肉肉質真係好嫩同羶，呢種羶味要真係鍾意食羊嘅至攪得掂，我女友就攪唔掂，我要啪三舊。海鮮意粉～辣辣哋有啲鮮味同味道特別。面頭係木糠，下面層奶油好硬，唔係咁啱我口味，二啖收手。整體而言，雖然打正係傳統葡國菜，但係好適合『唐人』口味 ，好欣賞佢哋每樣菜都「好熱」咁上枱，呢個香港嘅食肆真係要學習下。回頭度：8/10. 真係好食

喺澳門覺得一定要食葡國菜，但係完全冇概念，所以就上OpenRice睇邊間好食😋 搜尋第一個彈出嚟嘅就係呢一間。去到之後其實都係跟住佢牆上面嘅推介食😂，整體黎講好ok！5個餸都唔伏！好食！🎊🎊 （個八爪魚🐙好正不過啲皮就靭啲）但係特飲就nono 玫瑰花糖漿 同 茉莉花糖漿🥴

食物🥘一般，服務員面無表情趕客咁，一坐低就強調兩次用餐時間75分鐘，咁好生意嗎？非洲雞唔辣似沙嗲雞囉，蟹蓋還好，忌廉有啲甜囉不過不失，乳豬飯都算脆皮，最好食係咖哩牛尾嘅咖哩汁但牛尾煮唔夠軟，最後都係服務員面口差，完

今次無時間做太多功課，就搵左最多人寫評論嘅餐廳去試，進入面裝修真係幾有葡國feel，好似外國啲餐廳咁，不過唔太新，可能開左好耐啦，不過感覺小迫，不過都可以傾到計葡國雞等你影完相店員會同你剪開，個包外脆內軟，點個汁一流個汁有啲椰香同幾濃郁，雞肉不過不失，唔算太嫩，又未去到鞋，可接受葡式烤乳豬推介，份量都幾大份，2-3個人share都得，乳豬份量都幾多，皮脆肉嫩，調味岩岩好，唔會太咸同唔算油，炒飯底炒得幾惹味

波爾圖 (氹仔舊城區)📍氹仔舊城區地堡街泉福新村第1期第4座嘉開閣地下馬介休球炸鹹魚薯蓉波波粒粒都好飽滿淡淡鹹魚味好香口配啤酒一流5-6粒岩2個人share🤣7.7/10非洲雞巨量辣椒蒜蓉👍🏻重口味但同雞肉好夾肉質嫩滑沙律菜配黑醋油味道吾錯🤤炸薯角好香脆啖啖薯仔🥔7.9/10海鮮蟹肉燴飯燴飯超多配料：蝦、火腿、橄欖、蟹肉燴飯偏濕潤味道普通乳豬焗飯好食過呢個7.0/10✏️環境比較逼陝，勝在價錢抵食

今次午餐時間過來避開繁忙時間，所以一入就有位了，餐廳其實唔大，午餐都限時75分鐘，奇怪得很🙄⭐️🍽脆炸馬介休球：新鮮炸、熱辣辣、鹹香鹹香好嘢味😋⭐️⭐️🍽檸檬白酒炒蜆：蜆飽滿大大隻、無沙，檸檬🍋加白酒吃起來清新，一點也不油膩，好吃到連湯都飲埋😅⭐️⭐️⭐️⭐️🍽葡式乳豬飯🐷：乳豬好大件，乳豬皮香脆，肉還有很嫩，必吃的👍🏻👍🏻⭐️⭐️⭐️葡國海鮮燴飯🥘：配料很豐富，有青口、蝦、蜆、八爪魚🐙、黑橄欖，很有葡國味道⭐️⭐️⭐️🍽葡式炭燒豬頸肉：厚厚兩大塊豬頸肉，有炭香味；薯仔連皮一齊炸，很香、很配豬頸肉👍🏻這餐廳價錢合理，雖然不是太正宗但味道絕不錯，交足功課，值得回頭😁

🇲🇴🥢🥣澳門人氣葡國菜☑️葡國海鮮燴飯 - $138個飯用鐵鍋上，都幾大份，絕對夠兩個人食，好足料，有好多海鮮包括蜆、八爪魚、蝦仁、火腿，一隻大蝦，一隻青口，仲有大量蔬菜，包括蕃茄、青椒、洋蔥、芫荽。調味都唔錯，酸甜開胃，令人食到停吾到口。☑️葡式炭燒豬頸肉 -$83豬頸肉冇切成薄片，反而係成塊上，而且仲有兩塊，每塊都好厚身，燒得好靚，有孜然粉嘅味，個汁酸酸地幾好味，仲配左薯角同沙律菜☑️西西里忌廉煮蜆 -$138蜆嘅份量吾少，都冇沙，而且索汁。個汁幾creamy, 有大量嘅芫荽同埋洋蔥，調味吾錯。

復活清明，全家又坐艇去馬交。酒店check in後，坐輕軌來到官也街，大家開始安排晚餐了!   茂利想食牛肉，小米想食葡菜。看到店門牛柳套餐有特價，再細看餐牌，價格合理，直接拎飛等位了。在角落的小圓枱就座，就要快快下單。葡國鹹豬手沙律  大大碟的蔬菜，鹹酸的透明沙律dressing幫助消化。 細細塊豬手不太鹹。脆炸馬介休球 剛炸起熱辣辣，外脆內軟，絲絲魚肉混在薯蓉裡，鹹度適中。懷舊鑊仔牛柳套餐   Pan fired Beef Tenderloin 有湯有肉有薯菜有甜品，可以解決選擇困難症。 Tenderloin牛仔柳中芯位仍是粉紅色，肉質嫩滑有牛味，單食已經很美味，沾上伴碟的黑椒汁更正。波爾圖污糟雞 Baked Chicken "Porto Style"看到店內黑板的廚師推介，還有手指公，所以試試。這個菜是最後上枱，熱辣辣剛焗起。除了半隻雞，瓜蕃茄葱頭原粒蒜菇，還有鷹咀豆紅腰豆八角桂皮黑水欖辣椒。清爽湯底鹹酸香辣，透著淡淡的孜然香。原隻燉煮的半邊雞肉嫩滑，鷹咀豆和紅腰豆軟綿綿容易咬，伴著鹹香湯底一起享用更美味。   充斥香料的雞湯底十分惹味，真的想把湯底喝光。來到最後，細看鍋底，真的

幾特別，十分之香。馬介休球綿滑好食，海鮮焗飯十分香濃，海鮮十分新鮮，蝦肉彈牙。加哩雞包一大分，cp值高。辣汁牛尾浸滿辣汁，牛肉味濃，一口辣汁、牛尾，一口飯絕配。

有個小假期去澳門玩，去完水上樂園，夜晚散步出官也街搵嘢食。呢間葡國菜好多人推薦，今晚黎到，門口都有條小人龍。店員出黎話如果之前拎咗籌嘅人唔返黎，就俾我入去。結果五分鐘後我地就入到去食嘢了👏🏻🔸脆炸馬介休球(💰55)(9/10)正宗馬介休球，食到一絲絲魚肉，仲有魚肉鹹香，脆熱到位😋🔸檸檬白酒炒蜆(💰118)(9/10)佢嘅檸檬白酒汁實在係出色，酸得好正，令人好開胃，不停咁食！雖然佢唔係用大粒嘅蜆，但份量十足，食極唔完。如果蜆大粒飽滿的話，我就會俾10分😅🔸麵包焗葡國雞(💰108)(7.5/10)我覺得個麵包焗得太脆啦，完全無軟嘅麵包😞店員無等我影相，一上枱就剪開我個包，真係無眼睇😖佢嘅葡國雞幾入味，雞肉亦唔鞋口。🔸特色焗鴨飯(💰83)(7.5/10)呢個焗鴨飯非常之香，盛入碗中，有一絲絲鴨肉喺飯入面，食到我津津有味。點知老公話佢嗰啲無鴨肉，我再食多一碗都無鴨肉😑咁佢的鴨肉都分佈得好唔均勻😵‍💫🔸Sangria (💰38)(7/10)好易入口嘅生果酒👍🏻食物味道真係唔錯，性價比高。到澳門真係要試試👍🏻Overall評分: 8.5/10👏🏻