影片
更多
2024-10-31
640 瀏覽
次次嚟澳門經過佢，都多數見到條龍，而呢條龍往往都會令我卻步，而今次竟然無「龍」梗係要入去試吓。女友口味特別又麻煩，睇嚟睇去個餐牌，都係二人餐算。「西餐」頭盤一定係湯，好鬼熱，好濃嘅蘑菇同忌廉味。呢碟係另加嘅炸馬介休球，食落第一感都係好鬼熱，食之前查過馬介休係魚類嘅嘢，隱約聽到隔離枱話係鬼佬咸魚，咬落去又唔覺有咸魚，或者係魚嘅感覺，反而我真係學黑白廚房咁，合埋對眼去感受下佢～我感覺似食緊酒樓飲茶嘅「芋角」入面嘅芋蓉咁，但呢度啲幼滑好多，好味。跟著係芝士焗生蠔～面頭層芝士恰到厚度，又估唔到下層有啲波菜，而生豪又好新鮮果隻～好食。羊架～外面小小鬆脆外層，羊肉肉質真係好嫩同羶，呢種羶味要真係鍾意食羊嘅至攪得掂，我女友就攪唔掂，我要啪三舊。海鮮意粉～辣辣哋有啲鮮味同味道特別。面頭係木糠，下面層奶油好硬，唔係咁啱我口味，二啖收手。整體而言，雖然打正係傳統葡國菜，但係好適合『唐人』口味 ，好欣賞佢哋每樣菜都「好熱」咁上枱，呢個香港嘅食肆真係要學習下。回頭度：8/10. 真係好食
梗係要入去試吓。
女友口味特別又麻煩，睇嚟睇去個餐牌，都係二人餐算。
「西餐」頭盤一定係湯，好鬼熱，好濃嘅蘑菇同忌廉味。
呢碟係另加嘅炸馬介休球，食落第一感都係好鬼熱，食之前查過馬介休係魚類嘅嘢，隱約聽到隔離枱話係鬼佬咸魚，咬落去又唔覺有咸魚，或者係魚嘅感覺，反而我真係學黑白廚房咁，合埋對眼去感受下佢～我感覺似食緊酒樓飲茶嘅「芋角」入面嘅芋蓉咁，但呢度啲幼滑好多，好味。
跟著係芝士焗生蠔～面頭層芝士恰到厚度，又估唔到下層有啲波菜，而生豪又好新鮮果隻～好食。
羊架～外面小小鬆脆外層，羊肉肉質真係好嫩同羶，呢種羶味要真係鍾意食羊嘅至攪得掂，我女友就攪唔掂，我要啪三舊。
海鮮意粉～辣辣哋有啲鮮味同味道特別。
面頭係木糠，下面層奶油好硬，唔係咁啱我口味，二啖收手。整體而言，雖然打正係傳統葡國菜，但係好適合『唐人』口味 ，好欣賞佢哋每樣菜都「好熱」咁上枱，呢個香港嘅食肆真係要學習下。
回頭度：8/10. 真係好食
張貼
