波爾圖

營業中

休息中

因為想食葡國餐聽，就搵咗澳門嘅朋友推介。嚟咗呢間被譽為澳門最好味嘅葡國餐廳。氹仔呢一邊有好多唔同嘅葡國菜餐廳，呢一間都有兩間分店。都係地堡街同官也街附近所以都幾就腳。我係午餐時間嚟嘅但係冇叫到佢嘅午市套餐((Menu都冇寫我估計係因為見我哋係遊客特登收埋雖然我覺得咁樣做唔係幾好不過唔緊要因為今次都係志在食葡國菜呢一度裝修冇話特別葡國風味濃厚，但係嘢食都幾好味牛肋骨呢一道應該唔係有名嘅葡國菜但係整得都幾好味而且牛味相當濃對比起香港牛仔骨嗰啲呢一道菜都易啲咬，唔會話黐實晒條骨haha麵包雞熱辣辣食嗰陣真係好好味，但係個麵包開得太淺而且得好少雞。。。一來唔會食得晒個麵包二來咁樣睇起嚟都幾貴焗鴨飯雖然我覺得都係稍為乾咗少少，但係鴨味都幾夠而且鋪左脆卜卜喺面，香得來有啲咬口酥皮馬介休薯球呢一道菜仲加咗芝士，三樣魔鬼食材拼埋一齊真係超級好味！不過應該好肥haha如果冇買芫荽就Perfect！酥皮係食得出用勁多油去做，好鬆好香！加埋芝士成件事唔會話太乾六個人分兩大嚿，份量都足夠！乳豬釀飯以推介菜式來講我就有啲失望只係鋪咗乳豬個西炒飯，而且個飯唔係特別好味乳豬都燒得幾好但係真係太肥，食唔到肥膏嘅人應該

Fatbrown 系一個小吃貨，平時最鍾意周圍去揾野食，去到澳門當然都唔例外，繼續開住openrice 覓食今次Fatbrown 黎到澳門呢間樂出夠的葡國菜餐廳-波爾圖大快朵頤Fatbrown 系香港已經成日周圍食咖喇，不過葡國菜Fatbrown 又真系樂少食始終香港好少餐廳有得食葡國菜，記算有得食都幾貴下望望個餐牌，幾抵嗌多幾個菜都唔肉赤<麵包焗葡國雞$83>麵包肉豬仔包，好香脆，比起法包底無咁硬多大份香脆感葡國雞份量都幾多下，Fatbrown 兩個人每人都食到四、五舊，葡汁周香港食的唔一樣，無香港的餐廳寫得咁杰，味道清淡少少，用黎沾麵包食真系一枝棒<葡式乳豬釀飯$178>呢個葡式乳豬釀飯真心無得輸，唔好睇佢差唔多成二日蚊咁貴就唔嗌，Fatbrown 夠膽寫包單呢個乳豬飯真系物超所值乳豬大大舊有成十塊，每一塊都有層超級香滑的油脂夾左系乳豬皮同肉的中間，燒過的油脂的曬落乳豬肉度，令到乳豬超級juicy 雖然十舊乳豬真系好多，但系Fatbrown 同友人都一舊不留咁樣啪曬落肚

去澳門一定要試葡式，我地嗌左精選四人套餐 $518 包湯，甜品，飲品，幾抵食，而且碟碟都好大碟，份量好多，絕對飽肚。葡式白酒燴蜆蜆好鮮甜，有少少沙，份量好多，食既都唔完咁，最少有廿幾隻，冇乜酒味😍葡式豬耳仔沙律好多豬耳仔撈埋醋同埋菜，酸酸咸咸，幾開胃。澳門原條龍脷(配酸子欖油汁)好完整一大條，外脆內軟，正香草燒牛仔肉醬汁同薯仔都唔錯，但啲牛仔肉比較不入味。葡國臘腸炒雜菌幾好味，唔同既菌類，啲菌都幾彈牙，臘腸算比較淡味。葡國炒飯有少量既蝦，不過不失。蛋糕食到飽飽，好彩最尾上既蛋糕系細細件，朱古力慕思蛋糕，甜而不膩。

今晚住銀河酒店 酒店食飯價錢太貴所以選擇行過對面好近既舊城區食飯今日係Openrice搵有咩好食發現呢間葡國菜波爾圖排名幾高價錢合理，所以去試一試一去到見到好多人係門口心諗死啦 有排等位原來有一班客等12人不過餐廳職員同佢地講話12人無位但2位果啲好快入曬因為呢間餐廳地方唔大 所以建議大家唔好多過8個人食 如果唔係好難有位入到去點左三個餸馬介休炒西蘭花芝士薯容馬介休焗酥皮麵包焗葡國雞三個餸味道都偏淡如果你唔鐘意食濃味既野 就適合個人就覺得可以再重少少味道埋單$263

同成班朋友十幾個人澳門兩日遊，夜晚睇不能說的秘密嘅音樂劇，下晝到咗澳門，有朋友介紹呢間葡國菜話幾好食，我哋下晝又無乜特別嘢做，就五點幾去食，未有好多人，輕鬆有位坐。咁多人當然嗌好多嘢share啦，我哋叫咗脆炸馬介休球、茨絲炒馬介休、麵包焗葡國雞、焗鴨飯、葡式乳豬釀飯、葡式燒銀雪魚、香草燒羊鞍、咖喱雜菜煲。基本上太多碟都食得好忙馬介休球係葡國菜經典，外脆內軟，食到薯蓉之餘亦食到馬介休。茨絲炒馬介休雖然係簡單嘅馬介休炒蛋薯仔絲，但食落好香口。乳豬釀飯嘅皮都做得好脆，肥肥嘅豬油好滿足，但都有瘦嘅部份，唔會成舊都係肥膏。葡國菜主要味道都會比較鹹，但食完呢餐都唔算話好口渴，食完去睇音樂劇，好滿足。

食過5，6次架啦～放便就腳呢個炒中蝦每次都必食既，又香又辣，好惹味食到停唔到口，呢到係2份黎架~白酒煮蜆，我覺得今次差左少少，白酒味太濃，有點苦味~血鴨，酸酸地好開胃，鴨味濃唔韌，好味，葡式乳豬飯，好味，豬好香好冧，皮脆肉嫩，飯吸收左乳豬油既香，正羊架，又係必食既有羊騷味，啱啱好,麵包糠包住芥辣黎焗，香香脆脆，好有層次，好食焗鴨飯，好一般，飯係乾身既，但係會實的的黐埋一舊，鴨肉係飯入面，焗到又乾又鞋，唔好食榴槤同芒果千層，榴槤迷必試，好好味，又香又軟，好好味，芒果正常唔太香芒果味焦糖燉蛋布甸，啱我口味，香濃滑 呢～每次又係必食既滿足

久仰呢間OpenRice 長期頭幾位嘅萄國餐廳， 趁今次平日黎澳門應該無咁多人就walk in 試下， 果然無令我失望，點了個萄式乳豬釀飯， 乳豬皮好脆， 肉質鮮美又夠哂入味， 值得番食😋另外， 呢個馬介休薯蓉撻係我心水item, 值得推介👍

昨天澳門一日遊， 與朋友下午睇狂電派和 吃自助餐， 晚上到官也街逛一逛，順路買手信。 之後經過波爾圖，即興入去吃葡國菜。 我們點了麵包焗葡國雞$83， 馬介休炒西蘭花$58， 脆炸馬介休球$48， 葡式乳豬釀飯$178。葡式乳豬釀飯～ 外皮脆卜卜，肉質嫩滑， 份量都幾多，四個人食唔曬， 可能因為我們不是太肚餓吧！麵包焗葡國雞～ 包皮鬆脆， 點葡國汁吃好好味。 雞肉大概有四件， 剛剛好四個人每人一件。脆炸馬介休球～ 食不到馬介休的鹹香味， 反而好重薯仔味，比較像炸薯仔球。馬介休炒西蘭花～ 馬介休鹹鹹地炒西蘭花幾好味。一場到澳門一定要食下葡國餐， 看見波爾圖的好評也不少， 所以來試一試。

同妹妹帶兩老來澳門遊玩當然要帶佢哋嚟試下葡國菜平時食開另一間 今次都係聽成日嚟澳門嘅朋友介紹 決定試吓呢一間波爾圖好彩我哋訂咗11點半嘅位 因為12點左右已經好多人要等位😌-見到好多都好想食 最後嗌咗炸芝士 麵包焗葡國雞 焗鴨飯 葡式乳豬釀飯 同埋馬介休炒椰菜-必食麵包焗葡國雞外脆內軟啊真啊！好食到我地全家清晒！炸芝士本身以為係芝士波波點知真係成個薯餅型嘅芝士 好香濃葡式乳豬釀飯乳豬皮好脆 但略嫌厚味道好香口 我個人口味就覺得有啲太油只能夠一個起兩個止🤔不過其實都值得一試既比較一般既焗鴨飯可能始終焗飯既關係 個口感偏硬同乾加上味道較淡 只靠入面既鴨絲調味奈個個鴨絲又實係原味道所以其實成個飯都冇乜味馬介休炒椰菜食完油既野冇碟菜中和下真係好馬介休落得好足 仲見到有啲魚片添

夜晚過到氹仔 好多都山晒門見到佢未收就入去試下啦叫左2樣野 一個牛扒一個pizza個牛扒完全吾得好難咬 好鞋Pizza一般佢仲送左2個馬介休撻難食到食唔落口好奇怪既味不過價錢好平 服務好好就真既

食完好耐都對呢餐意猶未盡，係值得去食的葡餐～攜媽咪過大海搵食，喺官也街附近睇咗唔少同類型葡國菜館，最終選擇行入呢間位於地堡街嘅小店😜第一眼吸引我嘅係道門啊🤣兩個人嗌咗三道菜，沙律、葡式乳豬釀飯及白酒蛤蜊意粉。沙律不過不失，但廣東人食飯一定要有菜~葡式乳豬釀飯 上檯個賣相已經好吸引，令人食指大動雖名為釀飯但只係乳豬鋪於飯面，米飯粒粒金黃香氣撲鼻，食落亦十分香口😋乳豬皮薄且脆，皮肉間未見脂肪因而不覺肥膩；肉質嫩滑有少許乳香，甚是喜愛！白酒蛤蜊意粉 蛤蜊十分清甜亦唔會有沙，白酒汁清香之餘完全吸收咗蛤蜊之甜味，大讚美中不足係意粉未能很好地吸收醬汁，有些許寡淡甚至格格不入。

澳門值得一試既葡國菜餐廳同老婆💏慶祝13週年拍拖紀念👫澳門🇲🇴吃喝玩樂之旅來到最後一站，就返香港🇭🇰我地大約7點來到餐廳但冇book位， 碰碰運氣睇有冇得食，冇就回港先搵食。佢講8點鐘來睇睇後補位，有位就比我地入去啦，咁我地為有行下等8點到試下後補啦。8點前我地再到睇睇，有位比我地，可以食埋先返香港一場來到當然一定叫乳豬釀飯🐖，再叫左焗蟹蓋🦀，同麵包焗葡國雞🐔加多果菜。 乳豬釀飯好好食，但食吾曬，因為食兩件乳豬會覺得有D溜同可能我地食曬成個麵包焗葡國雞先，D釀飯都好香口，令人回味麵包葡國雞都好食個麵包好脆，同葡汁一齊食，一流個焗蟹蓋都整得吾錯🦀個菜就相對地一般啦作為澳門🇲🇴葡國菜，揀佢黎食係不錯

1月黎左個澳門2日1夜短trip👻除左入賭場做賭神之外，就緊係密密食啦😋第一日我地就即試葡國菜！我地前2日book左枱食lunch，去到1點都要等10分鐘先入得👀不過食物質素都值得等下！1.葡式乳豬釀飯🐷$178呢個真係完美推介呀！乳豬皮同肉比例適中，食落啖啖肉，好嫩口，皮就好鬆脆😋葡國飯唔吸油，所以食到葡式香料同飯質，應該用左少少茄汁炒，好開胃😝每人食2件就岩岩好，唔會太油膩👍🏻2. 麵包焗葡國雞 $88 呢個勁抵食呀！個包係實心有饀，切開唔會好易爛哂碎哂，入面d雞大約有6件左右，包又可以點咖喱汁😋不過略嫌汁太少呀😖3.芝士馬介休球🧀岩岩炸起，但炸得唔油，仲好爽口，薯蓉好軟熟好香，一切開馬介休味好出，唔會比薯蓉遮蔽哂😛

中午來到澳門，因搭錯車來到這區，反正想吃葡菜，就選了這間最多人收藏的餐廳，來試試吧。菜都上得很快，可能不少材料都是事先煮好的吧。🔸檸檬白酒炒蜆$98: 蜆新鮮, 煮得剛熟, 火喉控制得好👍🏻, 檸檬味🍋突出, 湯直接喝就較咸, 拌蜆吃還可😛, 算幾惹味, 偶爾有少少沙🙊。.🔸葡式乳豬釀飯$178: 餐廳的推介菜, 但卻令人失望😐, 乳豬🐖皮脆, 肉嫩但偏鹹😣, 所謂的釀飯只是將飯放在底😱, 飯頗乾且沒什麼味道, 像隔夜飯, 食之無味😵。.⭐️值得讚是有免費水🥛供應，葡菜餐廳比較少有。.

今日（17/12）跟家父與太座試行港珠澳大橋，以澳門為終站，趁機品嚐一下葡國菜。之前在OpenRice 找到這間波爾圖，已在一星期前訂了位。準時十二時半到達，餐廳已九成入座（幸好訂了位），點了乳豬釀飯，檸檬白洒煮蜆，炸馬介休球，血鴨及馬介休炒椰菜。煮蜆冇沙有鮮味，大小適中；乳豬酥脆，炒飯底略嫌太乾，飯粒有點硬；馬介休球外脆內軟，血鴨出色，好香及入味，炒椰菜有驚喜，咸香清甜兼備。之後再點葡撻及焦糖布丁，前者賣相並不吸引，但香滑流心，布丁焦糖面略厚，不過很香滑及有雲厘拿香味。是一間值得推薦，價廉物美的餐廳。