梓記牛什

營業中

休息中

1月1日搭朝早10點35分船, 落船過關多人到顛咗 有好幾百人等候入境, 但香港居民櫃台, 又得幾個, 所以迫到飛起, 過咗關都成12點幾, 正是午餐時間, 第一時間, 當然係去大獲好評, 肥滔同蔡SAN 都勁讚既梓記牛什朝拜. 出閘搭3號巴士, 係議事廳附近落, 行過去5分鐘左右. 可能係1月1日既關係, 樓下幾層既魚檔, 菜檔同肉檔, 全部都無開門, 當時都擔心緊今日有無開, 好彩搭到4樓, 見到人頭湧湧, 地方唔係好大, 轉個圈就見到我地想揾既梓記牛什 ~~ 因為想留肚食其他嘢, 所以4個人, 叫咗2樣試試味道 :全餐麵 $ 22 : 即係大什麵,(豬紅, 牛肚, 牛根, 生菜, 鳳爪...每樣一舊)咩都有啲, 但味道, 我就覺得麻麻, 每樣都好淋, 但無特出邊樣好食, 你問我, 最好食係咩 ???? SORRY, 我答唔出, 但唔係難食, 只係一碗車仔麵囉淨牛什 $25 : 好似貴咗啲喎, $25得一小碟, 食落唔差, 味道較清, 食得出係新鮮, 但又唔係話好正果啲, 我自己認為, OK LA, 但不致於話吹得咁勁囉. 全部都算淋, 但唔係好入味, 腸最好食甘香, 脆骨有咬口

26-12-2009其實上次過嚟已想試試呢度的牛什, 奈何胃納有限, 今次終於有位食喇! 朋友唔食內臟, 結果戇居居坐喺度等我一個人食晒一碟淨牛什 (好似 $25), 今次想唔爆血管都幾難 鹵水汁/湯底: 鹵水味唔算好濃, 但都夠香, 清甜又帶牛味, 好食. 雖然, 鹵水-wise 香港的十三座 (http://www.openrice.com/restaurant/commentdetail.htm?commentid=1894107) 好食 d 牛根: 幾索汁, 有件腍得入口即化, 不過又有兩件咬落似「橡皮糖」, 印象一般而已.牛肚 (普通牛肚 / 金錢肚都有): 我的至愛, 呢度的軟熟得來有咬口, 索滿鮮美湯汁, 鮮上加鮮, 帶點甜味, 正 比起街邊嗰檔 (http://www.openrice.com/restaurant/commentdetail.htm?commentid=1977287), 呢度的好食得多, 值得試試.牛腸: 得一條 , 腸內無肥膏啱晒我 , 食落就煙韌有咬口, 亦夠索汁, 好食.牛肺: 無異味係意料中事, 呢度的爽口得來又唔會硬實,

我唔係特別鍾意食牛雜,但絕不抗拒,我都好耐無食過牛雜,見大家咁推崇,一於試啦.起初以為好多人,唔知點解我到時有好多位任坐,4:00pm應該係下午茶好時候喎牛雜$25,細細碟,唔係平架,不過就樣樣有d啦,仲有d唔知係咩添.除左牛根之外,其餘都炆得好稔好入味,又其是個汁,好香濃,但食完又唔會太口渴

9月5日, 同樣係營地街市, 買完勝記豬扒包, 兜去後面就見到呀蘇滔滔蔡生各大食家都激讚嘅牛雜梓記牛雜! 雖然唔洗排隊, 但由於多人食, 買完返埋枱等佢遞比你就得喇!::: 牛雜麵 ::: $13其實就唔係話好大碗, 牛雜亦唔係太多粒~ 牛心? 牛肺? 牛腸?牛肚? 唔知係咩亦無特別要求要邊部份, 不過粒粒都好好食!!! 內臟洗得乾淨, 煮得入味, 咬落勁爽兼有濃濃牛味~ 湯底清甜連帶麵都好好味~ 因為夠彈性又吸收晒d牛湯精華~ 果然值得推介!!食完早餐~ 下一站, 福隆新街!

經過了上回的心臟攻擊後，滿口還是牛雜的餘韻，但又再度為我的胃添入更多的牛雜，又是在營地街市內的一個小食檔，雖然這檔蔡生的推介，但這檔是最人頭湧湧的一檔，一定是不錯的吧。此檔賣的跟池記沒多大分別，也其實是一檔麵檔，只不過今次多一點選擇，至少有菜吃，所以也為自己的胃加一點纖維，而為了留肚吃別的東西，最後點了牛筋牛腸牛肚拼通菜，先吃那條菜，是非常之爽口的，而且丁點渣也沒有，是非常新鮮的水蕹。之後又來吃牛內臟了，今次吃的是牛腸及牛肚，在池記是沒有的，所以真的是幾乎像儲閃咭般儲齊的，談回食物，牛肚是軟腍而有咬口，煙煙韌韌又不會像吃橡皮擦，但稍嫌是鹵水味不夠強，強一點吃得更愉快，幸好也有辣油相伴，既香且辣的，對版！至於那牛腸，是肥美得可怕，大家看看其橫切面吧，腸衣內的脂肪真的是很多，一口咬下，腸衣軟腍又煙韌，而在內的肥膏在口腔內爆發得不可收拾，是極棒！而最後的牛筋也是非常上乘，軟腍黏口，有充份的膠質，沒有一分硬幫幫的感覺。吃過了這餐後，究竟心臟會否遭受重擊呢？至少我還在寫這篇食評，而在之後的一個月，也不再吃內臟就成了。

三月初一‧有雨 在索菲特出來，行不到10分鐘已經去到楊六記，吃了一轉，朋友問我還有什麼推介，我說澳門的牛雜是特別好吃的，而出色的地方也不少，大伙兒就來了營地街市找梓記。 其實是三時的下場時間，四樓的熟食中心大部份食肆也烏燈黑火，只剩這裡是燈光火著的，還有那「摺摺」聲，平時多做虧心事的，聽了此聲多會恐懼，掩頭而逃，我們當然若無其事。跟阿姐打個招呼，問有什麼好吃的，她說有牛心頂，還有天梯，牛肺及牛膀也很不錯，而爽腩也比平日好，牛腸就一般。咁點話點好，就剪一碟淨牛雜來吃一吃。 牛心頂很爽口，吃起來有點煙韌的口感，也新鮮非常，果然沒介紹錯；牛肺爽口，沾上鹵水，香味更濃；牛膀甘美豐腴，很美味；爽腩是連筋帶膜的部位，也很好吃。總括而言，這裡的牛雜沒有楊六般的多樣化，但味道方面，一點不輸蝕。 鹵水沾上牛雜很香，單喝就太鹹了，以此推算，來最好吃碟淨雜，吃湯粉麵未必是最好的味道。 將碟子拿回給阿姐，她問「牛雜得唔得？」身邊的朋友已經搶住答，不用我出聲。 埋單25蚊，便宜經濟又美味，加上這裡地點方便易找，值得來一吃。比起楊六，這裡的種類有所不及，但味道也一樣的好。 來營地街市，不吃牛雜，吃咖哩也很不錯的，

去到營地街街市 3 樓, 大排長龍, 排了 30 分鐘才買到牛什 $25點解電視上見到蹈蹈吃的牛什咁大碗咁多種類, 但我個碗就咁細咁普通可能太有期望......才會變成失望 普通的鹵水牛什, 不差但也不算特別好食,真係唔值排咁耐隊廟街的隱世牛什好味過梓記啦還試了另外其它檔口的即拉腸粉和炒麵,沙煲奶茶等等..... 全部可以用 2 個字形容 " 唔掂 " 澳門吃了咁多餐除了威尼斯人渡假村入面的沈家花園的滬菜我覺得好味外, 其他的真係叫我好失望居多 點解電視飲食節目咁吹噓

蹈蹈介紹完之後...即刻好多人去試他的牛什!唔食牛的我...屋企人試左之後都話正..係好清同爽..食完唔會話好漏~~ 牛什撈面$13... 咖哩雞翼河 $13營地街市的熟食檔食物比較平..我見佢其他檔口的炒野都係二十元多一碟..大大碟!!

傳聞營地街街市入面梓記牛什最好食。加上肥滔的宣傳效應，目光所及的確生意一支獨秀；購買牛什麵的同時，發覺身旁有二三線女星光顧!由於得一個阿姐清潔檯面，貴客要小心污漬。老世屬於耷低頭係咁做嘅人，都幾好笑容咖。講返食牛什麵，呢個麵身有點發泡；好在主菜係牛什，仲有個牛湯底幫碗麵搶返高個分數。建議：如果諗住澳門掃街淨點牛什可以了...因為要留肚去其他名店食雲吞蝦子撈麵。

見到阿滔滔張相; 一碗"馳名牛什麵"十三元,就叫碗試試.起初我以為牛什會好鹹(另見上次澳門遊III之牛什食評),但食落味道又幾好喎,可能因為有湯和麵關係. 其中有塊我都不知是牛甚麼咬落好爽口,至於其他牛什都煮到好腍.有點激氣的是我付港紙但他們找葡幣,理由是無港紙喎...

一月上旬．澳門之旅熟食檔中除了池記外，由街檔搬入街市的梓記牛什，也必要一吃。吃完池記，對方已急不及待要試牛雜，轉陣來到這裡，甫坐下見她吃著紅、黃醬伴牛雜，牛腩炆得鬆腍，愈吃愈覺得不夠喉，走去追加。牛雜款式老老實實，牛根、牛腩、牛黃喉等浸在牛湯中，比較特別的有牛脆骨，牛眼早年開始沒賣了有點可惜，爐邊放著粉、麵，兼賣牛雜麵。想賣十元牛脆骨，奈何售罄，跟老闆打個招呼，問牛腩為什麼做得那麼好吃、湯為什麼做得那裡鮮美，他沒說什麼，隨手由湯底夾起大條連著肉的脆骨，用上大碗盛著，湯又浸得滿滿的。另外又不知從那裡拿出大件牛腩，說這是好點子，炆得夠腍入味，兩大碗他堅持只收十元，偶不服氣，兩大碗小說也要卅元吧，你怎麼只收十元，他為人夠老實說十元就十元，是一開始自己開的價，拿他沒辦法，澳門人也真好客。這裡的牛雜不玩花巧，純粹用上街市新鮮牛雜加牛湯來炆，牛腩是坑腩位置鬆腍肉濃，不著多餘香料味道，牛脆骨爽脆，是連著肉的位置，起起來口感自然豐富多一點。難得是牛雜湯帶著濃濃的鹹鮮，是牛骨再加上牛雜大鍋炆出來的效果，比起柱喉、滷水牛雜，這裡的牛雜是可連湯喝個碗底朝天，八時開始至六點收工，下回來吃個牛雜早餐也不錯。

～★同老公第2次遊澳門之 01篇☺第2次黎澳門 同男朋友決定再去試下D未食過既食店"..第一站就黎左呢到.. 當食早餐 呢間店係就係起街市綜合大樓既3樓…不過印象中就好似係咁上呀上呀上呀咁上左好多層先到咁..上到3樓..有一邊係賣肉賣菜的.. 另外個邊先係熟食..硬係感覺麻麻..好似有點唔衛生咁"不過都見幾多人食..男朋友唔係好食牛什.所以叫左碗牛腩麵..整得幾好食 個麵都唔錯我叫左碗牛什河..牛什就真係幾香..食落口又真係幾好味喎..不過呢河粉真係好麻麻囉..浸左落D湯/腩汁都唔多吸味..食落口淡淡的-3-" 不太喜歡..>口< 早知我都叫麵啦!!不過OVERALL都不錯既*同埋真係幾平, 13蚊食到碗麵牛什真係幾正*難怪間店叫…梓記「牛什 」

梓記, 較少人提及的牛什舖，舊址在營地街市側的冰廠檔口，已有五十年歷史．現位於營地街市熟食層(三樓)，當年在街口檔時曾名極一時，但其搬遷上"樓"後，漸漸被人遺忘．．．．．．為什麼今次會介紹這檔牛什，原因就是他的牛雜選用比較多各有嚼頭的部位，不會像其他的牛什店般，來來去去都是豬肚豬肺豬腸牛根牛蒡等等．．．梓記有時會有喉軟骨，甚至俗稱豬天梯(少量供應)亦會選在他的牛什"內容"，其他的牛什店是很少很少機會食到的．而且清湯底但不乏香郁，最後記得拌一碟中式芥辣沾牛什來吃，更特出惹味 !!