Yamm

營業中

休息中

都有好一段時間冇食過自助餐。之前因為我生日，家人就帶我去食呢間自助餐。我係通過其他Apps去訂位，所以享有折扣(利申，絕對唔係打手)位置就喺美麗華酒店，位處於尖沙咀嘅中心，所以交通都幾方便，無論你係揸車定坐公共交通工具都係。其實嗰日係weekday夜晚，但都超級多人，攞嘢食一開始係要排隊等五至10分鐘。食物種類就幾豐富，符合一般自助餐嘅預期，有中式(包括蛇羹、花膠鮑魚燉湯等等)、西式例如扒、羊架等、泰式、日式(例如魚生壽司中華沙律)、海鮮(有美國生蠔，但係味道我覺得相當麻麻地)及甜品包括雪糕。反而飲品選擇就唔多。我覺得味道方面除咗啲生蠔之外，其他都令人幾滿意。因為我嗰日生日，同佢哋講佢哋會送蛋糕，我覺得都幾窩心。整體嚟講我會推薦。