Yamm

營業中

休息中

𓄗 𓄗 𓄗尖沙咀美麗華酒店的Yamm全新推出以頂級和牛入饌的自助主題晩宴 ($788/pp)。主打期間限定菜式有：A4和牛柳薄燒、慢燒澳洲安格斯和牛肉眼、甲羅燒和牛棋子、火焰雪花和牛蠔仔蛋他他鍋、A3和牛中拖羅箱押壽司等。當然亦包括招牌新鮮海鮮、刺身、生蠔和其他美食佳餚。今次和友人慶生，食物品種之多元化實在是物超所值！以下是幾款令人印象深刻的推薦美食：𓆠 慢燒澳洲安格斯和牛肉眼非常柔嫩，牛味香濃，但比起日本和牛少了點油膩感，所以吃飽不會有飽膩之感。𓆠 甲羅燒和牛棋子精緻小點，體驗到鮮上加鮮的滋味！𓆠 砂鍋海螺鮑魚扣鴨掌熱烈推介！每個砂鍋都是即點即加熱，熱騰騰的！其味之鮮，份量又剛好，忍不住吃了兩鍋。（笑𓆠 火焰雪花和牛蠔仔蛋他他鍋這個也是必點推薦，同樣是即點即制的鍋物。蠔仔蛋上面覆蓋着火炙的雪花和牛，入口即化。再加上一點唐辛子絲，惹味絕倫。𓆠 冬瓜瑤柱雲腿鮑魚盅一盅盅燉湯本已經非常吸引，湯頭順口，非常足料，入味濃郁。𓆠 Eutrope No4法國生蠔法國新鮮空運到港，非常鮮甜。而且開蠔殼和沖洗都非常細心乾淨，一絲不苟。𓆠 北京片皮鴨這裏的北京片皮鴨可不是一般自助餐只是做個樣子。餅皮是溫

今日外婆牛一,我,太太,外父和外母相約往尖沙咀美麗華酒店yamm食自助晚餐,謝謝太太提早一個月前訂位,自助餐食品豐富,這裡有冷盤,凍海鮮,刺身,熱食和甜品,冷盤有煙三文魚,巴馬火腿和沙樂美腸,食落咸度剛剛好 ,生蠔食落鮮甜,和濃濃海水味,凍海鮮有龍蝦和蟹腳,食落味道新鮮鮮甜,刺身有吞拿魚,帶子和三文魚,帶子食落彈牙,吞拿魚和三文魚食落新鮮,魚肉質鮮甜味美,熱食有叉燒,片皮鴨,海南雞飯作主打,花膠田螺鮑魚面,花膠和鮑魚味道彈牙,田螺鮮甜,面味道爽口,叉燒食落惹味,片皮鴨食落有油花,海南雞飯雞肉肉質,油飯食落軟綿,烤牛肉肉味香濃,另外蒸魚和羊架,蒸寶魚肉質鮮嫩,羊架比較生,如熟一點口感更佳,石鍋鮑魚粥,鮑魚彈牙粥底軟綿,火炙和牛壽司食落有油花,雲吞面湯底有大地魚湯,面有用冰過冷河,雲告皮薄餡靚,口感滿足,甜品提拉米蘇口感香滑,甜品款式多有班蘭蛋糕,朱古力蛋糕和haagen dazs雪糕,班蘭蛋糕甜度適中,口感順滑,朱古力蛋糕味道香濃,haagen dazs雪糕我選了咖啡味道香濃,食落口感滿足,酒店有橙汁提供,飲落甜度適中,酒店座位闊落舒適,食物美味,冷盤, 凍海鮮和熱食高質我和家人十分滿意

好耐好耐無食自助餐！超級期待，香港咁多自助餐，揀咗之前玩過Staycation嘅Mira，之前係Yamm食自助早餐，今次見佢Openrice 有折，就試下佢嘅自助晚餐！ YAMM 極尚和牛自助晚宴 $788起適逢主題係我最鍾意嘅和牛任食🐂🤣，係Openrice買有78折，主題做到4月尾。有即燒火焰雪花和牛肉眼 、A3和牛中拖羅箱押壽司、A4和牛柳薄燒、慢燒澳洲安格斯和牛肉眼等等，仲有即有生蠔🦪、波士頓龍蝦🦞、即燒海虎蝦🦐、鰻魚等等，超易回本！ 冷盤 先講凍盤，海鮮有即開生蠔、波士頓龍蝦、蟹腳、蟹鉗、麵包蟹、青口及翡翠螺，種類算多，對得住個價格🫶🏻 刺身最基本嘅都有，三文魚、帶子、油甘魚、八爪魚🐙等等。而佢嘅壽司有驚喜，係用赤醋飯🍣‼️同埋係不停新鮮即刻握，有誠意，配合和牛主題嘅有A3和牛中拖羅箱押壽司。至於前菜、漬物、沙律都有唔少選擇，例如吞拿魚開心果沙律汁A4和牛柳薄燒、炙燒胡椒和牛小排醃漬。 熱葷到熱葷，多到影唔哂！必食主打全場人氣最旺嘅即燒嘅火焰雪花和牛肉眼😍仲配上蠔肉、蛋他他，和牛薄身得嚟軟熟牛味亦keep到！仲有即切慢燒澳洲安格斯和牛肉眼、和牛板腱火車頭湯，全部都係和牛🥰另

尖沙咀地標美麗華廣場2期 Yamm最近推出咗全新主題嘅和牛自助晚餐，絕對係肉食控嘅天堂！呢個和牛自助晚餐做到4月30號，每晚6:30到10點開餐~~今次主打用頂級和牛入饌，菜式超豐富，重點嘢食推介包括A3和牛中拖羅壽司，每啖都係和牛嘅肥美油香；仲有A4和牛柳薄燒配吞拿魚同開心果沙律汁，味道層次分明，夠特別；仲有一啖咬落去充滿燒香味嘅慢燒澳洲安格斯和牛肉眼, 口感唔錯!!!除咗和牛菜式之外，仲有靚靚厚身花膠,鮑魚!!!!每日仲有滋補靚湯冬瓜瑤柱雲腿鮑魚盅, 呢款湯勁正 可以encore呢!!!熱食方面, 佢哋依然保留咗即切北京片皮鴨，皮脆肉嫩，好受歡迎；另外新鮮空運嘅波士頓龍蝦任食，仲有好多款又鮮又正嘅冰鎮海鮮，蟹腳,青口,大蝦, 真係海鮮控嘅最愛！另外仲有即燒大蝦同燒鰻魚串燒~ 2款都好好食!!! 食到尾仲有多款靚靚精緻甜品 豆腐花同多款水果收個靚靚尾加埋啲即場即製嘅甜品，窩夫,葡撻!!啖啖甜在心頭！雪糕係有任食haagen dazs!!正呀!!

美麗華酒店Yamm從來唔會令人失望.ᐟ‪.ᐟ‪.ᐟ‪Yamm全新推出·以頂級和牛入饌的自助主題晚宴師傅以和牛入饌·巧妙創作出多款菜式絕對可以滿足一眾肉食愛好者⁜必食和牛美饌A3和牛中拖羅箱押壽司、吞拿魚開心果沙律汁配A4和牛柳薄燒、慢燒澳洲安格斯和牛肉眼ꕺ冷盤區有法國生蠔·生蠔不算大size·但勝在新鮮蠔味濃！還有空運波士頓龍蝦、麵包蟹、蟹腳等·質素都是水準以上ꕺ熱食區即燒火焰雪花和牛· 色香味俱全；原塊足料燉花膠鮑魚海螺· 絕美奢華享受；還有人氣片皮鴨同海南雞、半肥瘦叉燒·燒味檔超有驚喜；而足料燉湯同港式粉麵·同樣值得一戰；還有即炸天婦羅同串燒· 燒鱔火喉拿捏一絕ꕺ肉類區即切燒牛扒同烤羊架· 個人較推介羊架·可媲美西餐質素ꕺ甜點區踏入女人第二個胃戰場·擺放得琳瑯滿目看著誘人藍莓朱古力蛋糕、綠茶蛋糕、芝士蛋糕、椰子撻這幾款要小心一吃愛上⟡.· ⎯⎯⎯⎯⎯⎯⎯⎯⎯⎯⎯⎯ ⟡.·極尚和牛自助晚宴自助晚餐HK$788（適用於星期一至四）｜HK$808（週五至週日、公眾假期及前夕）

間中想放縱一下 滿足肚皮嘅話ˆ̑՝̮ˆ̑❤︎可以去尖沙咀𝐓𝐡𝐞 𝐌𝐢𝐫𝐚食佢哋今期推出嘅𝐝𝐢𝐧𝐧𝐞𝐫 𝐛𝐮𝐟𝐟𝐞𝐭 ᜊᜊᜊ✨ 今次的主題以【頂級和牛】為主打💗真係無得輸！除咗有必食嘅【慢燒澳洲安格斯和牛肉眼】肉眼的油花分布得宜，慢燒後的肉質更顯得嫩滑，入口即化，簡直係肉食控嘅天堂！仲可以享受到【𝐀𝟑和牛中拖羅箱押壽司】每一口都令人陶醉，忍唔住想再食多幾件！(｡♥‿♥｡)加埋別出心裁嘅吞拿魚開心果沙律醬配【𝐀𝟒和牛柳薄燒】薄燒的和牛柳肉質鮮嫩，搭配上清新嘅沙律醬，平衡返和牛肉嘅油膩感，又幾開胃！(๑´ڡ`๑)❤️‍🔥另外一定唔可以錯過佢哋嘅【即切北京片皮鴨】脆皮的外層搭配上嫩滑的鴨肉，真係一試成主顧！而且，仲有【空運波士頓龍蝦】各款人氣冰鎮海鮮，肉質鮮甜彈牙無論係生食定熟食都好正！(๑•̀ㅂ•́)و✧M仲有【燉花膠鮑魚海螺】、【即炸天婦羅】【即燒串燒】【海南雞】、【足料燉湯】⋯⋯真係勁豐富🥂 除了美食，𝐘𝐀𝐌𝐌仲提供【無限暢飲紅白美酒、氣泡酒及樽裝嘉士伯啤酒】！只需加𝐇𝐊$𝟏𝟐𝟖就可以無限暢飲(ﾉ◕ヮ◕)ﾉ*:･ﾟ✧📅 星期一至四（公眾假期除外）成人只需𝐇𝐊$𝟕𝟖𝟖｜小童𝐇𝐊$𝟑𝟗𝟖星期五至日及公眾假

今日約咗朋友，去試吓美麗華yamm，自助餐，海鮮方面不過不失，麵包蟹，都算多膏，龍蝦放係另一邊，用嚟派，𧐢用法國𧐢，肉質麻麻有隻壞咗，之後無食，熱食方面唔算太多冇乜中式同東南亞野，凍食款式唔算太多，煲仔鮑魚花膠算特別甜品款式麻麻，總體嚟講尚算接受，喺尖沙咀嚟講尚算可以，有和牛粥都算幾特別，有叉燒算係好腍，仲有海南雞飯，味道都唔錯，魚生方面都算正常，西冷就比較硬，羊架都好好味，咖啡茶自己任取，壽司款式都算係咁

【#思思賢美食推介】Mira自助餐 Yamm!抵食7折午餐!係尖沙咀開完會,同事話有Yamm 7折優惠,梗係要食返個豐富自助午餐啦!一入座就衝去海鮮區!🦞🦀🦪 真係好多選擇,龍蝦､蟹､青口､蝦､螺､生蠔等等,應有盡有!雖然啲海鮮好快俾人掃晒,但職員refill得好快,仲好細心咁問我哋需唔需要幫忙添!今次係有法國生蠔,每次限拎3隻,不過麻麻地,唔算太鮮甜!冷盤區都好多嘢食,芝士､西班牙火腿､吞拿魚､柚子沙律等等,樣樣都好吸引!刺身都好新鮮,仲要係厚切,真係好滿足!熱食區有齊炸物､牛扒､羊架､湯粉､海南雞飯､燒味､糯米飯,好多款選擇,同埋都幾好食!甜品控表示好滿足!好多款蛋糕,綠茶味蛋糕同綠茶芝士蛋糕特別好味!馬卡龍甜度適中,仲有陣陣杏仁香!仲有Häagen-Dazs雪糕添!飲品方面,有即磨咖啡同凍果汁｡總括嚟講,Yamm嘅自助午餐選擇豐富,食物質素都唔錯,加上7折優惠,真係好抵食!😋 雖然Oyster麻麻地,但其他食物都夠晒吸引!下次會再嚟試吓其他嘢!

今日有朋友約食自助餐，講真我未幫襯過Yamm，估計今次係最後一次食Yamm。因今日冇食壽司/刺生同本身自己唔食生蠔，所以是次分享沒有此兩項目，凍盤肉，一般般，小碟(相左上角)的吞拿魚本身正常，點知下面個芝麻醬多咗，反而只係成口芝麻味，右上角果個無記錯係蟹肉？撻，不過味偏淡，撻殼淋，兩樣可以略過。芝士，普通凍海鮮，冇乜味龍蝦鉗正常，長腳蟹肉散，麵包蟹同青口普通，(無影嘅)龍蝦(半隻)零零舍舍放到山仔咁又要職員拎⋯點知都係勁普通，基本上凍海鮮唔會翻單。熱葷～ 牛扒叫可取少少，羊架如圖所見，散，食落唔香，所謂嘅鮑魚花膠麵，勁似罐頭貨，天婦羅蝦，ok嘅夠熱，片皮鴨就⋯⋯算啦，紅酒炆牛，唔夠淋好硬，蒸比目魚ok嘅，雲吞算啦，個海南雞唔知點解佢要拖滾水⋯之後成碗都係水真係唔知佢攪乜，燉湯，可以嘅。甜品～中間青提撻 ok嘅，長條有蝴蝶果件綠茶慕絲，綠茶對我就重咗，如果愛綠茶嘅好岩口罩，其他都普通。基本上成餐都普普通通，7百中，起尖沙咀好多酒店自助餐好食嘅，戴返頭盔先，我覺得好唔好食≠你覺得好唔好食，好唔好食因人而異。

依間自助餐我好耐冇食啦，不過我諗呢10幾年食過三四次左右la, 但最近依五六年應該冇食過，今次有朋友生日，所以試吓，但都係冇乜驚喜😂😂😂不過d 嘢食係足夠滿足到你食自助餐International嘅心態… 不過始終佢係喺尖沙咀交通最方便嘅自助餐之一今晚可能年近農曆年尾, 全場都滿晒，可能好多公司都搞飯局，見佢哋食物都好國際化嘅，首先類似一個九大簋嘅煲仔有鮑魚有盛，另外龍蝦麵包蟹生蠔壽司counter和一般海鮮類應該都滿足到所有人，不過啲海鮮就正常啦，生蠔佢用法國生蠔，但係好似唔夠鹹，but 新鮮度都算高嘅…. 另外其他熱食都OK，有羊假有牛扒，但cake蛋糕類就比較差少少, 雪糕方面佢哋用Häagen-Dazs, 可以任食一杯杯咁….佢哋而家轉咗少少，飲品方面任飲和自助bar …. 咁我都贊成都幾好, 可以飲多啲嘢同埋唔使限住一杯咁依間buffet 由開始都可以坐到10點左右嘅…..最後埋單四個人約$2700, 即係$670一位, 都算OK

最近去咗尖沙咀嘅 Mira 酒店 Yamm 自助晚餐，整體體驗其實幾普通。餐廳環境優雅，服務員都幾友善，但食物方面就唔算特別出色。自助餐嘅選擇雖然唔少，但大部分菜式味道都幾普通，未能令人驚喜。不過，花膠同鮑魚嘅表現就相對好啲，口感鮮嫩，味道幾好，算係一個值得一試嘅亮點。如果對食物要求唔高，Yamm 嘅自助晚餐可以考慮，特別係如果你鍾意海鮮。不過，如果你期望更高嘅料理水平，可能會有啲失望。希望將來可以見到更多創新同改進嘅菜式出現🫣

餐廳很熱鬧，還以為昨天Friday是假期，或許其他食客有會藉優惠吧！一般食客用visa結帳，只需四百多元，就可以享受一個自助午餐，價錢算合理。食物質素不錯，尤其是生蠔，極新鮮和甜美。座位方面，我被安排坐1號枱，梳化布面破損，感覺不太衛生….幸好這次是相隔十多年再此惠顧！P.S. 進食期間有職員兩度推銷入Mira會

第一次食這馬裡星馬自助午餐，星馬食物主要有1）胡椒炒蝦幾惹味，2）肉骨茶藥味濃，內有豬排骨，豬肚，豬手和腩肉，足料。3）鐵板炒贵炒，夠鑊氣。另外有串燒和唔夠濃味叻沙。生蠔幾大隻有鮮味。日本刺身夠厚身和彈性。甜品幾多選擇。另有自助果汁。唯中缺點枱與枱之間空間太少。整體性價比中上。

今次黎到尖沙咀美麗華酒店地下食呢個lunch buffet 估唔到閒日呢度都full house 今次會揀yamm係因為做左美麗華集團嘅會員 咁可以以優惠價去幫襯旗下嘅食肆同酒店房Lunch 時段為12:30pm - 2:30pm 咁兩個鐘都比較鬆動 唔會食得太趕冷盤就有蜆 蝦 青口 熟食個人覺得比較普通 口味同種類都唔太唔吸引 不過值得一提係lunch都有即開生蠔🦪 雖然唔係話太大隻 不過都過都下口癮甜品我覺得係唔鐘 蛋糕款式唔算好多 不過食落都唔會話死甜或過甜 亦有中式豆腐花同即焗嘅雞蛋仔 配雪糕食都係個唔錯嘅選擇

都係第一次嚟 The Mira Hong Kong Yamm食自助餐 呢期主題喺海鮮盛宴 每位仲贈送時令大閘蟹一隻✨ 啱啱踏入生蠔盛產季節 見到任食即開新鮮生蠔就好開心 最正喺源源不絕嘅冰鎮海鮮‼️ 蟹鉗 貝類 龍蝦 麵包蟹 長腳蟹 鮑魚等等🦐🦞🦀🦪🤗 滋潤養生嘅燉湯同埋即切北京片皮鴨真係食唔停口😗 最後甜品方面都超多選擇 保證捧住個肚走😂