影片
港鐵鰂魚涌站 A 出口, 步行約8分鐘
繼續閱讀
電話號碼
27881996
開飯介紹
這餐廳演變自主打現代日本料理的Honjo，以時令食材製作精美的壽司及刺身。店內由著名手繪畫家繪畫的日式園景牆畫，包含富日本代表性的動植物圖案，打卡一流。
繼續閱讀
附加資料
Dining duration:
MON - FRI
Lunch: 2pax:60mins 3pax&4pax:75mins 5above:90mins - Lunch Set Menu
Dinner: 2pax-4pax:105mins 5pax&above: 120mins - A La Carte Menu
SAT - SUN & PH
Brunch: 120 mins - Brunch Set Menu
Lunch: 120 mins - Dunch Set Menu
Dinner: 120 mins - A La Carte Menu
營業時間
今日營業
11:30 - 14:45
17:30 - 21:30
星期一至二
11:30 - 14:45
17:30 - 21:30
星期三至四
11:30 - 14:45
17:00 - 21:30
星期五
11:30 - 14:45
17:00 - 22:00
星期六
17:30 - 22:00
星期日
11:30 - 15:30
17:30 - 21:30
以上資料只供參考, 請與餐廳確認詳情
有關獎賞計劃
優惠
相關文章
🌟 為咗迎接2025年，Honjokko 嘅行政總廚 Kyle Lee 同佢嘅團隊落足心機，設計咗12道全新菜式，每道菜都充滿咗對正宗日式料理嘅熱情同創意，帶俾食客一場視覺同味覺嘅雙重享受！🍣 全新推出嘅 a la Carte 餐單，選擇多到眼花繚亂，無論係單點定係晚市套餐，都一定滿足到你對日式美食嘅期待。🍶 今次食咗 Osaka Set，套餐完全展現咗廚師嘅心思同創意：🌸Appetizers🥢Edamame｜毛豆用左麻油炒香，表面再灑上岩鹽，送酒一流🥢Wings｜黑糖風味雞翼，雞翼已經去曬骨，外皮裹滿醬汁依然保持脆度。🥢Tofu agedashi｜令人驚喜既一道菜式，夾起舊豆腐出面層粉漿都唔會甩出黎，軟嫩嘅豆腐吸滿湯汁，🥢Wagyu tataki｜和牛外層輕輕炙燒，鎖住肉汁，內裡保持嫩滑。配上特製嘅醬汁同埋新鮮嘅洋蔥絲，味道層次豐富🌸Sashimi & Sushi Platter廚師每日精選最新鮮嘅當季魚生，款式會根據季節變化，保證你食到最時令嘅鮮味。每一片刺身都切得厚薄適中，入口鮮甜，魚油豐富🌸Soup｜自家製味增湯🌸Main🥢Vegetable tempura｜炸粉厚度適中，食落外脆內軟一啲都唔油膩🥢Chicken yakitori｜師傅用咗秘製嘅燒汁，甜中帶鹹，同雞肉嘅鮮味完美配合🥢Hamachi kama 油甘魚嘅下巴部位燒到外皮香脆，內裡魚肉依然保持嫩滑，油脂豐富，入口即化。魚肉嘅鮮味同油脂香完美結合，蘸少少酸汁更加提鮮又解膩🌸Dessert🥢Matcha lava cake牛油香氣撲鼻，抹茶味香濃，中間仲系流心既添～🍹Peachy Refreshment Muryo🍹Silky Interlude Muryo餐廳環境舒適，服務貼心，同朋友或者家人嚟聚餐都係一流選擇。記得提前預約啊
繼續閱讀
❀ Honjokko #鰂魚涌 ❀❗我最愛的Pirata group餐廳 日西fusion時尚料理 ❗——————————————————Honjokko推出全新嘅晚市套餐，超級豐富，包捧住個肚走😜作為Pirata group旗下，質素一向有保證，甚至喺我心目中係佢哋集團最好嘅餐廳❣️.作為時尚日本料理餐廳，與現代創意完美結合，帶來耳目一新嘅日式餐飲體驗。除咗刺身魚生之外，亦有唔少加入西方元素嘅主菜，讓味蕾享受一次難忘的旅程🥰而且服務及環境都係旗下頂尖嘅餐廳，無論係同朋友共享晚餐，定係慶祝特別時刻都非常適合👍🏻.✷𝑀𝑒𝓃𝓊✷☞ Hokkaido Set $880♥ Appetisers✦ Edamame ✦ Honjokko house salad ✦ Gyoza✦ Wagyu tataki✦ Negitoro tatare✦ Yuzu salmon單單頭盤已經多達六樣，真心淨係食頭盤已經非常滿足😝最吸睛莫過於放置咗大量海膽三文魚子，甚至係魚子醬嘅Negitoro tatare，鮮味十足，真係不能錯過😋柚子三文魚酸酸甜甜勁開胃，炙燒咗特別香口又嫩滑，份量甚至可以作為主菜🤣另外仲有和牛燒、香脆日式餃子、枝豆及沙律等。.♥ Sashimi & Sushi Platter4 kinds of premiur selectionUni +388pp嚟到日式餐廳當然唔少得刺身、壽司🍣師傅會選取當日最新鮮嘅四款魚生，拖羅真係超肥美，仲有油甘魚、鯛魚及帆立貝，款款鮮甜。仲可以加錢食海膽，口感軟綿綿，鮮甜完全無臭味另外有四款壽司，非常豐富😙.♥ Soup.♥ Mains✦ Pork belly✦ Classic salmon teriyaki✦ Chilean sea bass + 168pp✦ Vegetable hot stone rice主菜同樣不容惹少😆必試經典豬腩肉串🐷肥瘦均勻，甜甜甜甜嘅燒肉汁非常入味。 推薦試埋sea bass🐟滑溜到不得了，仲要燒烤醬，夠惹味！仲包埋香菇石鍋飯🍚底下有滿滿嘅飯焦呢！.♥ Dessert ✦ Black sesame creme brulee甜品超級好食😍先有香脆嘅焦糖外皮，然後係軟滑嘅黑芝麻燉蛋，底吓仲要有紅豆蓉🤩再配上海鹽雪糕🍦鹹鹹甜甜係Perfect match！——————————————————✨整體味道: 4.1/5 ✨環境裝修: 4.1/5✨服務態度: 4.1/5✨性價比: 3.8/5✨再訪興趣: 4/5.💞整體來講真係冇理由錯過呢間日西fusion餐廳，獨特創作嘅菜單真係特別好食🤤快啲book位試吓佢哋嘅新Menu。
繼續閱讀
蛇年繼續尋找高質餐廳，今次有位於太古坊嘅Honjokko，環境高雅，食物精緻。由行政總廚 Kyle Lee 帶領團隊推出全新菜單，12道全新菜式，融入正宗日本料理，衝擊你嘅味蕾及視覺。🥢Appetisers ～ 前菜・小食🔴Edamame 枝豆溫熱嘅枝豆，外乾爽，入面嘅枝豆濕潤香甜，加上岩鹽及香草，非常合適佐酒。🔴Wings 沖繩黑糖雞翼酸酸甜甜，雞皮及黑糖都好香脆，雞肉彈牙多汁。🔴Tofu agedashi 日式炸豆腐非常薄脆嘅炸醬，吸收醬汁後令豆腐豆香味更出，豆腐雪白又滑溜。🔴Wagyu tataki 輕熟燒烤和牛和牛配上開胃醋汁及松露油，入口軟熟易咬開，香氣十足。🥢Sashimi & Sushi Platter ～ 刺身•壽司3歇頂級壽司及刺身，分別係三文魚吞拿魚及油甘魚。新鮮食材，刺身肉質光澤，入口鮮甜，每款壽司都配上特製醬汁，例如油甘魚就配上松露醬，兩款香氣係口腔回甘，非常搭配。🥢Homemade miso soup ～ 自家製麵豉湯豆腐海帶麵豉湯，鹹味麵豉清新口腔，令胃部適應之後嘅熱辣辣主菜。🥢Mains ～ 主菜🔴Vegetable tempura ～ 蔬菜天婦羅炸醬輕脆，無油膩感，外脆內軟，蔬菜咬開，依然翠綠，而且濕潤得來唔會油膩。尤其係南瓜同番薯，入面綿滑又香甜。🔴Chicken yakitori ～ 雞肉京蔥燒甜麵豉醬燒雞肉，雞肉彈牙多汁，夾埋京蔥一齊食，又甜又爽脆。🔴Hamachi kama ～ 燒油甘魚魚鰭魚鰭位置肉質特別嫩滑，而且油脂豐富，魚肉特別香口，而且每個部份都燒到非常均勻香脆，啖啖滋味！🔴特級海鮮石鍋飯將所有鮮味融洽，有海膽、三文魚籽、魚子醬、蟹籽及鮮魚片，每粒飯都有海膽嘅香氣，每一粒魚籽喺口腔內爆開嘅口感，加上軟糯嘅日本米，令每一啖都享受到海鮮嘅甜美。🥄Dessert ～ 甜品即叫即焗嘅抹茶流心蛋糕，外層香脆，唔會太甜，有非常香濃嘅抹茶味，絕對為今次晚餐清新味蕾又減膩。🥂餐廳仲有好豐富嘅餐飲Menu🥃Yoichi NAS ～ 余市係日本出名嘅威士忌且非常香醇，自帶香甜麥芽味，加上菠蘿汁及梳打，入口非常平衡。🍵Go- matchy ~ 非常有特色嘅Cocktail，入面有熱情果、椰子水、檸檬汁、抹茶及梳打水，酸甜中帶清新，又隱約飲到抹茶嘅香味。
繼續閱讀
推出全新a la carte 餐牌，為食客帶來了豐富而多樣的選擇。小食方面，Wings & Tofu Agedashi分別有香脆的炸雞翼和外脆內滑的豆腐，口感層次分明湯品中，Classic Miso Soup和 Crab Miso Soup** 各具特色，經典的味噌湯味道濃郁，而蟹味噌湯用料十足，更添鮮香。Honjokko House Salad新鮮爽口，搭配多種雜菜；Sashimi Salad則以新鮮的生魚片為主角，味道鮮美。在天婦羅部分，Kinoko Tempura 採用多款香菇，外酥內嫩，保留了食材的鮮味，搭配醬汁更添風味。主菜中的智利鱸魚，肉質鮮嫩，搭配香濃帶甜的醬汁，令人回味；味噌茄子則展現了茄子柔滑及味噌的醇厚；龍蝦蕎麥面加入熱湯，讓蕎麥面更具風味，龍蝦鮮味與麵條滑順好夾；最後，海鮮熱石鍋飯，上面放滿海鮮，色彩繽紛，賣相吸引
繼續閱讀
Pirate Group 餐廳通常食物質素都唔錯，適逢屋企人生日，咁岩星期日又有6 歲樓下既小朋友可以享用免費兒童餐，又有遊戲玩，扭波波，手繪，就一早上官網訂左位，仲揀選左係慶祝生日。見到餐廳本身有甜品，又一早問左係米慶祝，以為餐廳會有生日牌或者特別既greetings, 點知到走個陣都係冇既。12 點就去到，室內位置唔算大，但户外都有唔少座位，全場都見到好多既小朋友，都欣賞當中有一兩枱兩個人撐枱腳既朋友會星期日揀呢間餐廳。小朋友餐（$168)中間有d 沙律醬既蟹柳，夾住少少牛油果。好彩叫左汁另上，因為佢個照燒汁都幾重味。小朋友飲品都係包，可以揀蘋果汁或者橙汁。 本身二揀一雪糕或者生果，唔知點解最後兩樣都有。大人先係前菜有5款（share)，熱食的話都食得出係新鮮即做。等+食呢5碟食小食都過左一個鐘。見到廚房只係keep 住出前菜同小朋友既壽司卷，完全係做唔切既感覺，最後要催下職員麻煩上壽司同生蠔，因為之後都仲有main course。職員都有道歉又真係好快出到呢個壽司船出黎。以下成條船既野食都係unlimited 無限咁叫！食材係新鮮，刺身都鮮甜。都有即刻encore 左一次。因為任食關係，所以前菜同主食份量少都唔怕，一定夠飽。到主食main course、又要過左45分鐘...豬腩一串有三舊，好淋，入口即溶，都肥膩，所以配返佢個白蘿蔔都夾得幾好，但略嫌佢個大阪燒醬汁味道有啲濃。Tempura 有魚（2件），蝦，菇，矮瓜，西蘭花苗各一。粉漿好薄，好食。過左半個鐘左右，2點3，可以食甜品了！每人一份雪糕+生果。芝麻脆片好食，但本身個雪糕係海鹽焦糖，鹹鹹地再配埋雪糕底下嘅紅豆粒，都幾特別。等主菜個陣有去過kids area, 地方唔大，有3 架冇電既電動車係條只係企到兩個人咁闊既路俾小朋友玩，有個鋪左地墊俾小朋友玩積木同坐既sofa 區，仲有一個又係兩個人咁闊既位置一邊排手繪，繪面，一邊就扭波波。 個陣見人太多都冇等，只係玩下車。但當食完野先去2點4 左右就已經cut queue 了，（餐廳午餐時段到3點3)，好彩做到"最後一個"。前面見到有大約5個人等，但原來又會有d 小朋友會zip 出黎，一個人又會想扭唔只一個波。 最後都等左超過半個鐘，等等下又會人其他人想排隊，職員成功勸退咗兩位小朋友，但係之後又再黎多兩個外國人又成功俾佢地排隊架喎。整體黎講唔趕時間的話，呢間餐廳都值得一試，食物好食，服務唔差，只係出餐時間控制比較差，因為人太多安排少少混亂，職員都做到頭都暈，最尾埋單俾錯左張單，又唔記得還返張信用卡俾我。可能係我小朋友仲細，食到太晏撞左本身午睡時間，又唔會俾小朋友自己一個去kids area，先覺得個食飯體驗咁漫長。雖然未必會再去，但都推介俾有小朋友既家庭去，特別係6歲以下！成人brunch set ($498+10%).
繼續閱讀
您可能會有興趣的...