影片
開飯介紹
總店於深水埗有多年歷史，提供各式懷舊茶餐廳菜式，包括芝蛋牛肉漢堡、避風塘生炸髀等，除了港式口味之外，餐廳亦提供海南雞飯、南洋咖喱等菜式。
繼續閱讀
營業時間
今日營業
06:30 - 00:00
星期一至日
06:30 - 00:00
以上資料只供參考, 請與餐廳確認詳情
一向食開深水埗分店，原來長沙灣都開咗一間分店，地方更加寬敞，坐底食嘢都更舒服，呢間餐廳嘅食物比普通茶餐廳更加好食：🍗生炸雞脾（加）薯皇/沙律$53雞髀最緊要外脆內多汁，仲加咗大量炸蒜美，味道完全提升，呢款炸髀都有手掌咁大隻，酥脆外皮再加嫩滑雞肉，一啖咬落去勁有滿足感！🌰榛子醬西多士$39平時西多士就食得多，今次食榛子醬做餡料，四邊金黃滿蛋香，入面多咗甜蜜嘅榛子醬，帶來另一種風味，減肥千祈唔好嚟食！🍔芝旦牛肉漢堡（加）薯皇$48經過香烤嘅漢堡包，入面加咗濃郁嘅芝士同漢堡扒，呢個配搭好難出事？牛肉漢堡經過醃製，味道超濃郁，唔會煮得太熟，入面仲帶少少嫩粉紅，薯皇香脆，呢個配搭食完大滿足！🐷豬頸肉$38份量都幾多，外皮都有燒香，肉質有口感又唔會太煙靭，點埋個醬汁食都唔錯！🌶️🔥香辣馬來炒米粉$68首先炒米粉炒得有鑊氣，微辣大部份人都食到，估唔到入面會加咗臘腸，仲有其他配料，真係有馬來西亞嘅風格，米粉唔會炒得太乾身，味道幾好！飲品🥤茶餐廳飲品眾多，呢間餐廳有幾款飲品特別出色，大家可以一試：❤️推介紅豆冰🤎樽仔奶茶 $9💚忌廉薄荷朱古力 $9✨作為呢間冰廳嘅捧場客，希望可以保持水準越做越好！⛄️雪山冰廳 (長沙灣)📍長沙灣青山道413號東景大廈地下4-5號舖
繼續閱讀
近排老婆辛苦多嘢搞，所以，趁開心星期五就費事煮，做一晚「無飯夫妻」出街食，因為唔喺咩慶祝，就無上啲大餐廳，不過，都想食好少少，就算茶記都搵間有水準嘅，故此就過嚟「雪山冰廳」，因為知道佢哋有好多蒸魚選擇，呢樣真喺啱晒佢。對比上一次嚟已新裝修過，不過，對上一次其實已經喺5年前嘅事，哈哈！今次再嚟，感覺舒服好多，除咗裝潢較新簇，間隔比之前好，燈火夠光猛。一如大多數嘅茶記，調味料、餐具、餐紙早已放齊晌枱面或枱側抽櫃，阿姐亦好醒目，嚟兩杯熱水俾客人洗洗刀叉筷子，而且，都好有禮貌。睇到餐具排列整齊，又夠充足，某程度都睇到啲管理幾唔錯。兩大本餐牌，食物款式包羅萬有，亦喺茶記嘅特色。餐牌過咗膠面，影出嚟有啲反光，好彩喺收銀旁有啲郵寄單張攞，掃描出嚟俾大家參考就一目了然。另外，喺牆上仲寫咗一系列是日鮮魚，有䱽魚、紅鮪、盲鰽、黃花及班仔。唔喺咁多茶記會提供咁多魚鮮菜式，當然要試吓佢哋啦。我哋就睇啱個「滋潤燉湯二人套餐」，因為既有燉湯飲，又可以揀蒸魚鮮，而另一款小菜又可以晌季節小菜嗰度揀。個餐本身就唔包飲品嘅，不過，但就有加配優惠。滋潤燉湯目測所見，好多客人都會揀燉湯飲，果然真材實料，撈一撈就見真章，而是晚燉湯喺淮山杞子椰肉雞腳燉赤肉，湯色濃而不濁，好清澈，入口清甜滋潤，非常好飲。香煎黑松露蓮藕餅小菜揀咗藕餅，因為老婆都幾鍾意食蓮藕，同埋呢類菜式平時我哋都少搞。一客有成7件，仲要件件有番咁上下大件同厚身，煎得甘香唔油，咬落口感鬆化，裡面有唔少蓮藕粒粒，多咗一份爽脆口感，而陣陣黑松露嘅香味，亦令啲藕餅嘅食味錦上添花。豉汁煎盲鰽落單時，侍應都說明蒸魚鮮需要等15-20分鐘，不過，最後都比我哋預期嘅時間快好多，同埋真喺好多人都有嗌蒸魚，未夠8:00pm已經聽到廚房話得番兩、三條。碟煎盲曹嚟到真喺有啲喜出望外，因為好大條，而蒸嘅火喉啱啱好，啲肉無黐骨，非常之嫩滑，又有魚嘅鮮甜味，加上豉汁蒸，令魚鮮味更突出，啲豉汁又可以撈飯，一舉兩得。港式茶走紅豆冰+$15、熱檸水 +$6小弟一向都鍾意晌茶記飲杯奶茶，而老婆就鍾意食紅豆冰嘅紅豆，所以嗌呢杯茶走紅豆冰就滿足到大家。其實奶茶紅豆冰都唔喺第一次飲，不過呢度刻意寫明喺港式茶走，咁你就明白佢喺落煉奶，而非花奶。紅豆嘅份量都唔少，口感又綿又清甜，奶茶嘅茶底幾芳香醇厚，入口蠻順滑，唔錯。整體嚟講，環境舒服，啲阿姐招呼好好，又無話催你走，再者，啲嘢食得吖嘛，啱晒口味，無論燉湯，抑或小菜，以及飲品，都無咩挑剔位，食得稱心，十二分滿意呀！
繼續閱讀
🇭🇰老字號港式茶餐廳 <雪山冰廳>咁啱去開長沙灣,想搵餐廳食dinner,行下呢間茶餐廳,勁多人，於是就入去try try⭐️🤪🫶🏻#mochicouple_hk長沙灣搵食團———————————————1️⃣椒鹽豬扒飯(炒飯底)($70)+港式茶走紅豆冰($15)必點🫶🏻好有鑊氣🍳一上枱🍴勁香椒鹽味🤭見到係炒飯底🥸即刻心心眼😍 炒飯底粒粒分明🍚吸收了豬扒的油脂和調味🧂超香口同炒得幾乾身🤪份量好夠 🤗夠兩個人share👯♀️椒鹽的調味令豬扒外酥內嫩🐖帶點微辣🌶️好惹味😋黎到茶餐廳☕️點茶走係必須🧋紅豆冰係用茶走去整🫖非常特別😍唔會似平時紅豆冰個種死甜😇茶味香濃😘紅豆煮得啱啱好😊好有香港風味😙好味指數：🍡🍡🍡🍡🍡2️⃣常餐-經典芝蛋牛肉漢堡配迷你肉醬意粉($62)+樽仔奶茶($15)用咗舊時漢堡包嘅麵包🍞上面有啲白芝麻加埋有烘底🥪表面少少脆麵包就相當軟熟☺️漢堡入面有煎蛋🍳免治牛肉🍔芝士🧀同醬汁😗牛肉煎到好香🥩又多肉汁🤤🤤 仲要夠熱令到啲芝士半溶狀態🪤好好食😍 迷你肉醬意粉都幾大碗🥣肉醬味道都夠濃郁🤪有啲似紅酒燴牛尾嘅汁咁😎意粉偏腍身😋😋樽仔奶茶設計充滿香港特色🇭🇰奶茶以濃郁的紅茶為基底🧋搭配順滑的奶香🥛口感醇厚😚茶味與奶香的平衡做得好好😋唔會因為冰溶😞整淡晒杯奶茶😝好味指數：🍡🍡🍡🍡🍡3️⃣榛子西多士($32)西多士本身已經好好食🥪當入面仲要搽埋榛子醬🌰就更加好食🤤🤤 西多士上面有好大片牛油🧈加埋啲糖漿🫶🏻每啖都超級滿足😝仲有埋榛子嘅香味🤪果然係邪惡美食之選😍😍好味指數：🍡🍡🍡🍡🍡————————————————🌟想知道更多美食🤪記得follow@mochicouple_hk啦😍🎉📸📍長沙灣青山道413號東景大廈地下4-5號舖🚇 港鐵長沙灣站C2出口,步行約7分鐘
繼續閱讀
之前已經聽過此冰室，雖然歷史悠久，但裝修新淨座位闊落，比較像咖啡室咖喱牛筋腩飯 $68咖喱香味濃郁，裏面有薯仔粒，牛筋和牛腩，全部軟腍入味，非常下飯椒鹽豬扒飯炒底 $70豬扒醃得入味，份量頗多，炒飯非常有鑊氣，粒粒分明，椒鹽味亦很惹味，炒飯帶微辣，讓人一口接一口避風塘生炸雞髀 $35必點，完美還原避風塘的味道，乾蒜和辣椒份量剛好，外皮炸得香脆，雞髀肉多汁，絕對是招牌菜茶走紅豆冰 +$9凍朱古力奶 +$9跟餐可叫嘢飲，凍朱古力正常，但茶走紅豆冰非常合拍，奶茶控必試價錢便宜，味道出色，會再來
繼續閱讀
價錢算係比較貴嘅茶餐廳，例如早餐$34淨係包沙嗲牛同熱飲，但其他茶餐廳會跟埋炒蛋同多士。味道就無挑剔，所有出品都好食。特別推介下午茶嘅香辣肉碎炒飯，惹味，非常有鑊氣! 仲叫過海南雞喇沙，雞肉夠嫩，喇沙湯底椰子味香濃，同埋焗咖哩雞排飯，都係份量大。餐廳職員友善，唔會黑口黑面，比普遍茶餐廳態度好。環境乾淨闊落。
繼續閱讀
您可能會有興趣的...