雪山冰廳

一向也很喜歡這間茶餐廳，每次來長沙灣也一定會來，1956年開業，超過半世紀老字號冰室，環境舒適，有一點點懷舊氣氛。芝蛋牛肉漢堡，我每次來也會吃，濃郁的肉香與蛋香，咬落非常多汁juicy，牛肉手打好大塊，又厚又紮實，滿滿濃郁的牛肉味，十分足料。龍蝦摻摻也是這𥚃的招牌菜，鮮味濃郁，帶有豐富的椰香，龍蝦好大隻，彈牙又鮮甜，香氣四溢。咖哩魚柳飯焗得好香，魚肉軟嫩滑爽，香濃咖喱汁，帶點辛辣，配炒飯底一流。…查看更多

來左食好多次下午茶。踏入茶餐廳，撲鼻而來是避風塘生炸雞髀的濃郁蒜香！雞髀外皮炸得金黃酥脆，肉汁飽滿，辣勁與蒜碎交織，一口咬下無比過癮。經典芝士牛肉漢堡絕不馬虎，厚實手打牛肉配半融芝士，漢堡烘得微脆，簡單卻滿足。榛子醬西多是邪惡之選，厚吐司浸透蛋漿炸香，淋上濃稠榛子醬，切開瞬間流心，甜而不膩。結尾來一口招牌樽裝奶茶，茶香醇厚，奶滑順喉，冰鎮後更顯回甘，讓人一試難忘。這份港式風味，粗獷中見細節，教人念念不忘。…查看更多

又來食地道港產美食，港式茶餐廳——雪山冰廳今晚過來食晚飯，港式口味就岩曬我啦🤭呢度有好多款式的港產美食，例如港式小食，港式碟頭飯，就算川味既香鍋都可以跟翻我們港人口味炮製，點岩自己食既絕對沒難度👍今晚都點左幾款我鍾意食既：1. 芝士🧀煎蛋🍳牛肉漢堡包🍔$35 呢個牛肉漢堡包的靈魂之處就係牛肉，似係handmade 牛肉好有口感好正👍2. 海南雞配油飯 $72 海南雞雖然沒特別，但油飯真是不得了，跟餐配熱咖啡☕️也不錯3. 自選香鍋配白飯 ，吾食辣既必食醬香口味。揀左幾個菜 ：肉類係最愛的肥牛一定要點。炸雞軟骨好少系香鍋配搭，原來都好好味喔。大豆芽入曬味亦都好開胃😛整個香鍋送飯真心一流👍所以話款式都多，埋單吾洗$200 都夠3 個人食🤭…查看更多

今日就同朋友去左 雪山冰廳餐廳環境舒適，除左經典小菜之外，仲有多款特色新菜式始祖椒鹽豬扒飯用左炒飯底，飯粒粒粒分明，豬扒煎到金黃酥脆，肉質鮮嫩多汁，帶有微辣椒鹽香氣，同炒飯鹹香完美結合路邊炒粿條配料豐富，除左新鮮彈牙蝦肉外，仲有臘腸，醬汁均勻地包裹著每一條粿條，河粉同麵條各一半，口感煙韌，味道濃郁而不膩，鑊氣十足大叻豬勁肉湯檬豬頸肉切得薄而入味，口感彈牙，湯底濃郁，仲有清甜蘿蔔搭配軟滑既檬粉同香料，味道幾正宗…查看更多

其實真係唔明點解咁多人幫襯呢間茶記，可能佢啲款式多啦，但價錢一啲都唔平，態度又唔係好我哋嗰日去到要等位企咗喺近門口嗰啲位置，前面有啲凳有個阿姐短頭髮戴眼鏡唔該借借都冇句，撞開我攞咗前面啲凳😡😡😡只可以用一個無奈嘅眼神望住佢😡😡佢個常餐係幾特別，芝士蛋漢堡再跟個迷你肉醬意粉，可能星期日佢哋忙得滯？個肉醬意粉啲醬少得來又冇乜味，完全唔會撈得晒啲意粉，所以變咗好似食緊烚意粉咁😩，個漢堡更加唔使講，佢係牛肉漢堡，但入邊嗰塊肉完全食唔到一粒完整嘅牛肉，好似食緊一Pat唔知咩肉嘅糊狀咁樣🤢，唯一可以接受嘅係個煎蛋，咁就成為$62一個餐，都係嗰句冇下次😡😡😡…查看更多

叫咗豬頸肉/牛丸/牛肉越南檬粉，湯底味道正常，但懷疑味精太多，食完之後要飲好多水先 解到渴。1️⃣豬頸肉邊邊位太燶，而且好嚡，但叫做三款肉入邊最正常2️⃣明明寫牛肉，點知嚟到係牛腩，超鹹超嚡好似柴，老人家絕對食唔到3️⃣$8先得兩粒牛丸，好細粒，口感好空氣，完全唔似平時食開嘅實心有咬口彈牙牛丸根本嘢食就貨不對辦，揸流攤，側側膊，之前已經食過佢哋嘅下午茶餐已經覺得好難食，點知隔咗咁耐依然都係難食🤮🤮次次經過門口，射燈曬過啲太陽，唔講以為條街佢買咗。…查看更多

在外國回港旅遊的朋友，話太想念茶餐廳的港式味道，於是我上網揾到一間接近70年歷史的雪山1956，等她懷念一下。老店就位於深水埗，但今次我就揀左方便朋友的長沙灣分店進餐。能夠有多年歷史仍在的餐廳真的不是浪得虛名，一定有它個人之處，就是價錢平民化，懷舊的茶餐廳食物，加上新派元素的菜式及裝修，深得街坊、遊客的歡迎。就是以上原因，才有分店，果然犀利👍今次我哋當然點了店內最出名的食物🍗 避風塘生炸雞脾配粟米什果沙律 (跟餐紅豆冰）雞脾即叫即炸，配上避風塘風味的調味料，辣辣地，幾惹味，啱晒喜歡食辣的我，皮就脆脆地但內里肉質非常嫩滑，食完雞脾再食埋嗰沙律，可解番肥膩。講番雞脾size仲大過我手掌😂😂🍜 檳城叻沙海南雞米線 (跟餐紅豆冰）叻沙湯底唔會好辣，有椰汁香味，下午茶有幾嚿海南雞都唔錯，雞肉都好嫩滑。🍔 芝士煎蛋🍳牛肉漢堡包牛肉用上自家手打的，當然會比機器打牛肉好食，面包還烘了脆燶邊，煎蛋又流汁，熱辣辣夾在一起食非常好味。🧇 棒子醬西多士花生醬餡料就食得多，今次就試下榛子是什麼味道，滿滿的棒子醬加上糖漿，完美配合，甜而不膩，幾特別。以西多士作甜品結尾，朋友說完美滿足的一餐。😄再補充一下，我覺得這分店新派裝修簡單得來又舒服，地方面積夠大，不會人迫人。值得讚賞下各員工都很有禮貌，下午時段無咁多人，有位員工姐姐用熱水抹枱櫈，非常勤力，又乾淨衛生，非常欣賞。…查看更多

雪山冰廳是地區內的老字號。重新裝修後，餐廳充滿現代感，乾淨整潔，空間寬敞，座位舒服，冷氣充足。經典芝蛋牛肉漢堡包港式漢堡包底，配上芝士、煎蛋和漢堡，大大片芝士，煎蛋新鮮，漢堡扒啖啖肉。生牛肉檬粉生牛肉新鮮，薄薄的牛肉，味重鮮嫩。湯底好夠味，檬粉又易入口。豬頸肉湯河豬頸肉大大塊，好有咬口。粉面滑身，配上上湯，美味非常。樽裝奶茶樽裝奶茶入口冰凍，又唔會令奶茶變淡味。奶茶入口順滑，奶味足夠，與茶底十分配合，濃郁而不太甜。服務員服務有禮，態度良好。一入座更會提供熱水讓客人清洗餐具。因餐廳距離地鐵站有一段距離，記得要預留足夠的交通時間。…查看更多

椒鹽豬扒飯者，金黃酥脆，豬排橫陳於白飯之上，猶如將軍之屍體陳於戰場。椒鹽星星點點，似是為這屍體撒上的冥錢。一口咬下，外殼碎裂之聲清晰可聞，內裏卻乾柴如嚼敗絮。那椒鹽辛辣，不過是為了掩蓋肉質之劣，如同給死人臉上抹胭脂。豆腐火腩飯則另有一番風味。火腩肥白相間，油光鋥亮，鋪在豆腐上，豆腐已被壓得喘不過氣來。火腩入口即化，化為一口油湯，順喉而下，五臟廟頓時油膩不堪。那豆腐早已吸飽了油汁，軟爛無骨，用筷子一夾便魂飛魄散。米飯在這油海裏載沉載浮，粒粒都裹著一層油膜，閃著不健康的光。二者皆為茶餐廳頹飯之代表，一乾一油，相得益彰。食客們低頭猛啖，不過是為了果腹，哪裏還顧得上什麼滋味。生活逼人，能有口熱飯吃已屬不易，遑論其他。飽食之後，唯覺口乾舌燥，腹中沉甸甸的，似壓了塊大石。…查看更多

雪山冰廳已經開業六十多年可以話係老牌高質茶餐廳😍之前自己食午市為主都覺得好高質今次就試晚市🙆🏻‍♀️懷舊大馬站煲小編真係唔識依道菜😣Google返原來係經典粵菜主要有火腩、豆腐及班腩配以韭菜花、芹菜等油炸豆腐嫩滑又唔會縮加上火腩的鹹香令醬汁更惹味餸飯一流推介要點！海皇錦江豆腐煲主要用蝦、魚柳、青口、魷魚等海鮮製成煲底鋪白菜仔同落左紅椒所以依道菜個汁會甜少少青口好新鮮～油炸豆腐同白菜仔吸收了海鮮的鮮甜食落更滋味😛椒鹽豬扒飯我超意食椒鹽豬扒值得一讚配搭左辣味炒底‼️炒底用咗辣椒炒炒得粒粒分明雖然香辣但唔會搶左椒鹽豬扒個味為整道菜增添火辣層次金黃炸豬扒充滿鹹香微辣味食落唔會硬身好香口推介大家要試！另外餐牌入面雖然保留唔少經典粵菜仲加入好多唔同類型嘅菜式包括泰式、越南、日式等等同埋好多茶餐廳嘅菜式都有仲要份量大大份🤣絕對好啱做打工仔飯堂🙆🏻‍♀️🙆🏻‍♀️推介大家試吓🤓…查看更多

平時中午教完運動堂 就會附近搵嘢食今次去到呢間雪山冰廳 因為之前搭巴士經過就想試環境舒適 好多卡座位 空間非常大下午時段都好多人食 因為下午茶好吸引全部都送熱飲 $3轉凍飲 $9轉特色飲品同朋友叫咗四款 每款份量正常 同朋友分享最適合.✨避風塘生炸雞髀 $45 +$8 辣味薯皇= $53 呢款已配 紅豆冰外皮炸得金黃酥脆 雞肉嫩滑多汁 推介👍🏻避風塘香料 咸香中帶微微的辣紅豆冰冰爽 解膩.✨經典芝蛋牛肉漢堡 $40麵包麥香 中間夾著厚實嫩煎牛肉餅 肉汁豐富流心蛋一咬就爆漿 融化 芝士將牛肉同蛋痴住 正.✨檳城喇沙海南雞米線 $52湯底少少微辣 海南雞肉質嫩滑不柴月輕輕一抿就脫骨 濃郁的南洋風味 推介👍🏻.✨榛子醬西多 $39西多特別 一般配奶醬 中間鬆軟 薄薄榛子醬均勻塗抹 甜而不膩每口堅果香氣 加糖漿 完美融合 可以代替做飯後甜品…查看更多

長沙灣醫肚便靚正之茶餐廳首選，必食雪山冰廳👍多選擇味道好服務也好,勁多街坊的飯堂同食飯好去處🤭基本上經常滿座😂今晚來食晚飯，咩款式食物都有得揀😂中餐川味港式都有，小朋友先做選擇，我全部都想試😂想食飯既，點左晚餐dinner 沙薑雞配飯，跟野飲飲咖啡☕️哈哈想食川味既竟然有得揀香鍋😋揀左肥牛，萵筍，蓮藕苗，小辣🌶️都係跟飯跟飲品🤤另外再點左呢度出名既即叫即炸避風塘炸蒜🧄雞比🤭全部都好食夾抵食，3 個人都夠食😋埋單$200 到，不錯👍…查看更多

以前係周記醬油條街個陣間唔中都去食，到佢搬舖前食物水準下降就冇再幫襯，直到今日突然鼓起勇氣去新店食佢嘅下午茶！新店好大間，環境乾淨，員工都幾友善！-我要咗個豉椒肥腸燒肉炒河$52有驚喜！河粉爽口，豉椒汁惹味，肥腸同個汁好夾冇怪味，燒肉OK！呢碟野仲有好多三色椒，製作認真！-熱檸檬茶印象中同以前嘅味道差唔多，不過要讚嘅係呢度有啡糖提供，對我嚟講呢個係加分位！-整體來講比舊舖感覺良好得多！又可以間中再嚟了！…查看更多

上網睇資料原來呢度嘅手打芝士蛋牛肉漢堡包係出名嘅，舖頭喺長沙灣扎根超過20年。今日經過就係試吓。手打牛肉有口感，雞蛋有小燶邊，香口，包皮軟熟又拱過，成個口感好正，個人覺得同出名嘅漢堡包店有得比，下午茶連紅豆冰$40，抵！ 下次食可以叫佢多醬，相信味道會更好。另外都叫咗佢個招牌避風塘炸雞髀，即叫即炸，雞髀肉嫩皮脆，配搭避風塘口味，覺得幾特別，雖然油炸，口感唔油膩，唔錯。仲叫咗嗰個XO醬炒公仔麵，炒出嚟夠鑊氣，麵底夠乾身，又唔會成個碟底油👍🏻餐廳環境乾淨，座位都好舒服，都坐得舒，仲要下午茶去到6:30，食開下午茶嘅又多個選擇。📍 雪山冰廳 (長沙灣)長沙灣青山道413號東景大廈地下4-5號舖…查看更多

咁岩係荔枝角附近，由於對雪山冰廳的椒鹽豬扒炒飯念念不亡，又再次回訪二刷，仲試埋其他菜式添!<始祖椒鹽豬扒飯(炒底)>一上枱熱辣辣，豬扒切得夠大塊，夠晒「諗」而且餣得好惹味，肉質唔會乾爭爭。炒飯粒粒分明，唔算話好乾身，飯粒滲入少少椒鹽豬扒的油香。份量都幾多，適量兩個人Share一齊食。<香辣馬來炒米粉>睇到個名幾特別，所以就試下。材料非常豐富，首先吸晴的係三隻大蝦，之後仲有好多臘腸同埋魚餅條。另外佢加左辣醬、洋蔥同臘腸炒，而本身又夠鑊氣，而米粉亦用較粗身的米粉，所以可以掛到啲調味料，更加惹味!<爆餡蛋牛治(烘底)>見到蛋牛治的餡仲厚過兩塊多士，真心足料，唔怪之話爆餡。雞蛋食落去有蛋汁，夠Juicy。另外除左鹹牛肉外仲加左蔥，所以除左鹹的味道外，仲會帶蔥清香的感覺，食落去無咁「溜」。由於每次通常都係兩個人，而雪山冰廳每道菜又大大份，所以每次叫兩至三樣就已經夠飽了。整體而言，雪山冰廳長期保持到高水準，無論係茶記小食、炒粉麵飯都做得出色，同時咩菜式都有得揀，如果有選擇困難症的朋友們黎雪山就岩晒啦!…查看更多