影片
開飯介紹
走年輕活力路線的點心專門店，裝潢採用卡通化的古代茶居設計，用色鮮明。而由多位資深點心師傅製作的新派點心，精緻且擺盤精美，打卡一流。
繼續閱讀
營業時間
今日營業
08:00 - 00:00
星期一至日
08:00 - 00:00
以上資料只供參考, 請與餐廳確認詳情
有關獎賞計劃
優惠
71折
4人甜蜜套餐 (堂食) -創新點心專門店 新派點心美食!
$528
$750.2
75折
2人甜蜜套餐 (堂食) -創新點心專門店 新派點心美食!
$238
$319
相關文章
講起飲茶，而家好多點心店都玩新派fusion，但「龍點心」就keep住傳統之餘，又加啲小心思，今次試咗幾款招牌，真係有驚喜！ 🍢 懷舊燒賣豬肉同蝦肉比例啱啱好，咬落彈牙，面頭嗰粒蟹籽仲有卜卜聲，舊式茶樓風味返晒嚟！ 🐔 鳳爪拼黑椒金錢肚鳳爪燜到超淋，一吮就脫骨！金錢肚嘅黑椒味好香濃，辣辣哋超開胃，兩樣都入味到爆！ 🖤 黑金流沙包一撕開個包，流沙餡多到瀉！鹹蛋黃香濃得嚟又唔會太甜，個皮仲要鬆軟到呢～打卡必點！ 厚切叉燒腸腸粉皮夠薄又滑，入面嘅叉燒厚切juicy，啖啖肉，加埋甜豉油，完美！ 章魚肉餅飯估唔到咁有驚喜！肉餅混咗章魚粒，咬落去爽口又有鮮味，撈埋飯焦食，邪惡度滿分！ 🍑 白桃冰茶飲品反而有驚喜！白桃味清新，甜度適中，解膩一流，同濃味點心超夾～ 🍮 豆腐布丁食完濃味嘢，呢個布丁滑溜溜，豆香十足，唔會太甜，完美作結！ 🍍 拉絲菠蘿包壓軸登場！個菠蘿包真係拉到絲㗎！入面係暖笠笠嘅奶黃餡，外脆內流心，邪惡到一個點！ 今次試完「龍點心」，真心覺得佢哋將傳統同新派平衡得好好，價錢又合理，仲有咁多打卡位，難怪平日都咁多人等位！下次再戰其他點心先～ 😋
繼續閱讀
餐廳門外有可愛的龍造型吉祥物，仲有一龍大滿足的超巨型擺設，設計精美，打卡一流。餐廳主打港式點心，以創新既配搭和做法融入經典點心，味道和造型都一大突破。茗茶揀左菊花茶，味道甘香純厚，菊花落得相當足料。花膠鮑汁撈麵麵底揀左蝦籽麵，估唔到花膠相當足料，口感彈牙，充滿骨膠原。另有附上湯及鮑魚汁，上湯有韮黄及蝦籽，味道清甜，又有淡淡韮黃清香，而鮑魚雞汁濃厚，味道突出，撈麵食十分惹味。一龍大滿足酸菜魚鳳眼餃、蟹粉菠菜香蝦餃、筍尖蝦餃皇、鹹蛋黃墨魚燒賣、松露野菌晶瑩餃和斑蘭麻蓉桃子，一個價錢可以試哂六款特式點心，少見既新派創新點心，值得一試。拉絲菠蘿包菠蘿包入面的芝士熱辣辣時，可以拉到絲，芝士味濃厚，與菠蘿包意外匹配，味道香甜，口感軟熟。表面的菠蘿皮金黄色香脆，豐富了口感。脆脆富貴紅米腸粉有三個醬料可以選擇沾點，分別是泰式辣醬、花生醬及甜豉油。紅米腸粉顏色奪目，入面包左的金黃色的脆脆，令腸粉的層次更豐富，同時最中間包的蝦爽口，整體食落好有層次感。蘿蔔絲酥蘿蔔絲酥做到外乾內軟，外皮層層酥香脆可口，入面的蘿蔔絲又細長又軟身，充分食到蘿蔔既甜味。
繼續閱讀
今晚去咗銅鑼灣一間好高質嘅點心餐廳食晚飯，食物好高質之餘，而且環境仲好舒服，侍應仲安排咗卡位俾我地坐！一龍大滿足一籠點心就有好多款唔同嘅口味！每一隻燒賣都令人期待。酸菜魚鳳眼餃的外皮薄透，最鍾意佢啲魚子，食落好有層次感；菠菜香蝦餃有鮮嫩的蝦仁與蟹肉；鹹蛋黃墨魚燒賣夠鹹香；松露野菌晶瑩餃則散發著松露的迷人香氣，搭配野菌的鮮甜，讓人一口接一口。脆脆富貴紅米腸粉紅米腸粉入面嘅油炸鬼真係好香脆，而腸粉好嫩滑，十分出色。龍躉球蒸飯龍躉好新鮮，味道鮮甜。另外要讚一讚碗米飯，因為充滿飯香，粒粒都有好有口感。拉絲菠蘿包外皮酥脆，內裡係鳳梨蓉，甜而不膩，好味！一口鹹水角唔止擺盤精緻，連口感味道都好出色，外面脆，內饀豐富。
繼續閱讀
Hong Kong’s first all-in-one dim sum and souvenir shop @lungdimsum 🫖 savour creative and vibrant delights 🎨 discover heritage-rich local brands 🥟 and enjoy a special 10% discount on gift purchases after your dim sum meal 💝全港首間新派點心 x 禮品專門店 @lungdimsum 🫖 新派創意 特色點心 🎨 設有兩大禮品專區 🥟「龍記有禮」 自家品牌急凍點心、特色禮品 及「香港有禮」經典香港老字號精選產品 💝 🍜 吉品鮑魚撈麵 HKD$138 (會員價 $122)stirred noodles with braised abalone選用1946年香港第一個蝦籽麵「好到底」鹹香爽彈搭配 近百年歷史「榮珍海味」 吉品鮑魚 嫩滑彈牙湯底選用1938年「大澳益昌」大地魚粉 細膩香氣再加上「啊一鮑魚」徒弟梁誠威師傅的秘製鮑魚汁成就了超過250年歷史傳承的鮮美滋味 鮑魚撈麵🎨 龍記六寶 燒賣拼盤 HKD$70 (會員價 $62)loong six treasure siu mai platter▫️星加坡黑胡椒蟹燒賣 濃郁滑嫩 帶有辛香▫️香辣雞軟骨燒賣 肉嫩脆爽 香辣不嗆 ▫️黑松露珍香燒賣 豬肉餡料 松露香氣▫️冬陰功泰辣燒賣 泰式風味 酸辣爆汁 ▫️十年陳皮牛肉燒賣 肉質鮮嫩 陳皮清香▫️蜆蚧魚肉燒賣 獨特風味 鹹鮮爆汁🥟 龍餃子 HKD$50 (會員價 $44)lung dumpling platter▫️筍尖蝦餃皇 大蝦彈牙 竹筍清脆▫️酸菜魚鳳眼餃 魚肉嫩滑 花椒麻香▫️松露野菌晶瑩餃 多種菇菌 松露香氣▫️蟹粉菠菜香蝦餃 爽彈鹹鮮 帶點清新💛 懷舊燒賣 HKD$40 (會員價 $35)traditional siu mai皮薄柔軟 豬肉蝦仁 鮮嫩鹹香🗞️ 脆脆富貴紅米腸粉 HKD$52 (會員價 $46)red rice roll with crispy prawn and pork stuffing粉皮軟糯 蝦仁爽彈 炸網薄脆 配酸辣醬 麻醬豉油 口感豐富🍤 大澳蝦醬鮮魷卷 HKD$58 (會員價 $51) squid roll with tai o shrimp paste 金黃酥脆 魷魚彈牙 鹹香十足🫖 茶介精選60年老品牌「華茶館」冬柏烏龍 清幽淡雅 微妙花香📍香港銅鑼灣波斯富街24-30號寶漢大廈2樓🇭🇰 * (various locations)
繼續閱讀
聽到好多人講話這間《龍點心》都唔錯🤔、同時都有幾間分店又喺銅鑼灣寶漢大廈開咗新分店、去到門口龍點心特色招牌、入到去望見龍記有禮自家品牌、同埋又買到自家品牌點心櫃獨立包裝夠哂方便☺️整間店面環境裝修時尚融合懷舊於一身、感覺回到過去年代feel🤭、又係一間新派創意點心店舖、地道港味多款懷舊點心、《秉承傳承、勇敢創新》口號、手工現叫現做保持最佳、又有多款不同特式點心選擇🤔！一龍大滿足 $70呢一款大滿足ー籠有六款不同特式點心、一次過食到不同款式點心🤭、每一款賣相精緻又吸引🤤酸菜魚鳳眼餃酸辣味道特別、蟹粉菠菜香蝦餃濃郁蟹鮮味同埋菠菜甜味道、筍尖蝦餃皇外皮軟糯包裹蝦肉鮮味爽口、松露野菌晶瑩餃色澤特別入口散發松露香味、斑斕麻蓉桃子外皮軟綿甜度適中、鹹蛋黃墨魚燒賣口感味道特別！香辣雞軟骨燒賣 $42呢一籠雞軟骨燒賣望見都幾特別🤔、整粒外皮黑色入口味道帶點香辣味道、配埋雞軟骨口感另一番風味！黑金流沙包 $40呢一款黑金流沙包熱辣辣入口外皮軟綿、咬開流出香甜軟滑嘅奶黄、味道都唔錯!翡翠響鈴腸粉$48呢一碟響鈴腸粉都幾特別嘅色澤、食到入口腸粉皮軟滑、包裏紙菜響鈴咬入去雙重口感脆卜卜、中間鮮甜蝦肉彈牙味道十足😋、我覺得都唔需要點醬汁都好好味！一口鹹水角 $38呢一款好特別又有特式鹹水角、圓碌碌賣相一啖ー口橙綠两色、外皮夠哂酥脆裏面鹹甜軟糯口感！宮廷桂花糕 $28呢一款宮廷桂花糕賣相好靚😍、好似一粒寶石玫瑰花、通透紅色賣相入口香甜😋、口感軟綿綿甜度適中！豆腐布丁 $30呢一款甜品望見都幾好、白叨叨口感軟滑😋、豆腐味入口濃郁豆香味道、甜道適中我覺得都幾好！.
繼續閱讀