龍點心 (寶漢大廈)

營業中

休息中

講起飲茶，而家好多點心店都玩新派fusion，但「龍點心」就keep住傳統之餘，又加啲小心思，今次試咗幾款招牌，真係有驚喜！ 🍢 懷舊燒賣豬肉同蝦肉比例啱啱好，咬落彈牙，面頭嗰粒蟹籽仲有卜卜聲，舊式茶樓風味返晒嚟！ 🐔 鳳爪拼黑椒金錢肚鳳爪燜到超淋，一吮就脫骨！金錢肚嘅黑椒味好香濃，辣辣哋超開胃，兩樣都入味到爆！ 🖤 黑金流沙包一撕開個包，流沙餡多到瀉！鹹蛋黃香濃得嚟又唔會太甜，個皮仲要鬆軟到呢～打卡必點！ 厚切叉燒腸腸粉皮夠薄又滑，入面嘅叉燒厚切juicy，啖啖肉，加埋甜豉油，完美！ 章魚肉餅飯估唔到咁有驚喜！肉餅混咗章魚粒，咬落去爽口又有鮮味，撈埋飯焦食，邪惡度滿分！ 🍑 白桃冰茶飲品反而有驚喜！白桃味清新，甜度適中，解膩一流，同濃味點心超夾～ 🍮 豆腐布丁食完濃味嘢，呢個布丁滑溜溜，豆香十足，唔會太甜，完美作結！ 🍍 拉絲菠蘿包壓軸登場！個菠蘿包真係拉到絲㗎！入面係暖笠笠嘅奶黃餡，外脆內流心，邪惡到一個點！ 今次試完「龍點心」，真心覺得佢哋將傳統同新派平衡得好好，價錢又合理，仲有咁多打卡位，難怪平日都咁多人等位！下次再戰其他點心先～ 😋