影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
曾經係好多地方都見過喱間水門雞飯，但係就從來都冇入去試過，咁岩上次落大雨屋企又冇飯食就叫左幾個菜返屋企加餸。係門口位置都見到唔少人排隊，即刻對食物質素有多D信心~~見到門口痴左幾張菜單，選擇算多。馬拉盞西蘭花炒魷魚鬚其實都有少少預左外賣份量少，但喱間水門雞飯既外賣份量都OK~魷魚鬚都唔係淨係得三幾條，魷魚鬚本身都好彈牙，而驚喜既係用西蘭花黎配搭馬拉盞原來比起通菜更夾更入味，喱個菜式要試!水門雞係喱到一定都要試下佢既水門雞，話哂都係店名，本人唔算好鐘意食雞，但外賣回家試左幾舊都覺得雞肉質地好滑好重雞味，半隻雞份量夠同埋已經起左骨，方便老人家同小朋友食。雞肉/豬肉串燒串燒方面餐廳跟左咖喱汁，同日式串燒唔一樣既係泰式串燒既味道會比較濃，喱到都一樣，味道好入味，師傅對火候控制得都幾好，就算我返屋企再做氣炸鍋翻熱都冇過熟既情況出現。整體黎講喱間餐廳既食物質素都OK，而價錢我認為係平既，如果唔係淨係係叫餸既話都有其他碟頭飯/面既選擇，不失為外賣既好選擇。
繼續閱讀
今天是假期，約了朋友去銅鑼灣一帶行街、shopping 和食飯。不經不覺已到食晏時間。 經過一間泰國菜餐廳，朋友想吃泰菜；於是去食! 餐廳叫水門雞飯，位於銅鑼灣希慎道2-4號蟾宮大廈地下9號舖， 港鐵銅鑼灣站 A 出口, 步行幾分鐘就到。 門口的招牌「水門雞飯」十分亮眼醒目，室內裝潢簡約，有傳統泰式味道! 各款不同的美食的poster張貼在店內! 檯椅擺設整潔，地方尚算寬敞，坐得舒適。 餐牌內的食物以QR code 點，十分方便。這間店以雞飯命名，雞飯一定會相當出色，所以是必吃的! *香辣鳳爪沙律不會太辣，無骨鳳爪很爽脆有口感! 沙律菜十分豐富，有洋蔥、紅蘿蔔絲、蔥花和香菜等等。甜辣的汁料很惹味開胃，是不錯的前菜! *水門雞飯雞肉新鮮嫩滑，份量十足。 仲係無骨，唔會油膩又雞肉味濃。 配上自家秘制醬汁和冬瓜胡椒湯，超美味! *泰式清湯腩船粉湯底鮮甜，牛腩炆得腍滑有牛肉味，又是份量十足。仲有白蘿蔔、香菜和洋蔥大量配料，好味道! *泰式腩仔燒得很香脆可口，配上微辣秘制醬汁，一口一件；必吃的! *炸蝦春卷十分足料，有大大隻蝦做餡料。即炸即做，炸得酥脆，配上秘制醬汁來吃更好味! 是一個不錯的小食! 這間位於銅鑼灣的泰式食店，食物種類的選擇多，品質又高。 價錢超抵，沒有加一，明碼實價。 真的極力向大家推介!
繼續閱讀
水門雞飯不嬲都係我最愛，你諗下雞肉果種滑溜，非普通人能夠理解。如果呢一刻你問我最想食咩，100%答你 水門雞飯！！👇🏻📌主 食 -▪️ 水 門 雞 飯 - $54▫️ 一定係先黎個招牌「水門雞飯」，雞皮色澤清澈，滑不溜口，肉質爽滑，絕對唔乾身，連住一碗胡椒雞湯同埋秘制醬汁，簡簡單單一個油飯，整體組合非常出色，可以話係一絕！▪️ 泰 式 乾 炒 辣 牛 河 - $78▫️ 另一道「泰式乾炒辣牛河」我覺得都係必試，河粉非常粗身，質感透薄，食落果種辣係帶香果種，唔食得辣既朋友都唔洗驚，加上炒得非常乾身，唔會好油膩，牛肉亦夠哂鑊氣。📌小 食 - ▪️ 馬 拉 盞 西 蘭 花 炒 魷 魚 鬚 - $68▫️ 仲有一道「馬拉盞西蘭花炒魷魚鬚」都係幾高質，一上枱已經聞到香，魷魚鬚同西蘭花都沾滿哂D馬拉盞醬，相當惹味，雖然係重口味，但對我黎講唔會太鹹，當然送飯就一流啦。📌飲 品 -▪️ 芒 果 冰 - $26▪️ 泰 式 奶 茶 - $22▫️ 泰國野必飲「芒果冰」同埋「泰式奶茶」，前者夠哂透心涼，入口芒果味濃郁；而奶茶奶滑茶香，兩者比例岩岩好，唔錯。
繼續閱讀
水門雞飯 (銅鑼灣)呢間水門雞飯真心係平價之選，分店又好多，今次就黎到銅鑼灣呢間分店試下。 無論咩時間間野都門口一堆人等外賣，入面都絕對唔會空場，就知佢幾抵食。水門雞飯 （$68）雞肉質爽滑，仲唔會有骨，岩曬得呢啲懶惰星人。油飯又香唔會亂加色素，配埋秘制醬汁，再連埋個碗胡椒雞湯，真心食得好暢快。串燒 （$14/串）分別點左雞一串同豬兩串，每串啲肉都好大粒，又唔會鞋，而且係即叫即燒，好香口，再配埋啲醬，再加香！凍泰式奶茶 （$22） 奶滑茶香，正！
繼續閱讀
今日陪呀媽嚟銅鑼灣拎完檢查報告，行經附近決定今日都係買外賣返去食唔煮餸揀咗泰式腩仔，半隻海南雞同埋6串串燒半隻海南雞份量都好多，而且食落去好滑嫩，啖啖肉好滋味。佢嘅雞皮同雞肉有種椰子甜香，同港式燒味嘅雞肉好唔同，係會令你忍唔住連雞皮都食埋，超級好餸飯！泰式燒腩仔亦都係非常之推介，同港式燒味嘅口感同味道都好唔同。港式燒肉會只係燒最上嗰層熱佢呢個燒腩仔就唔同，而係成個燒腩仔食起嚟都好酥脆，食起嚟更有口感。而且佢嘅味道係帶甜，唔似中式嗰種咁鹹，個人就鐘意泰式燒腩仔多d，好食！至於串燒同樣好味道，我揀左豬肉同雞肉各3串，燒得岩岩好，唔會鞋口， 特別加埋佢哋嘅沙嗲醬汁就更加惹味香濃。價錢亦都唔貴，又幾大串，讚！
繼續閱讀