水門雞飯 (蟾宮大廈)

營業中

休息中

自從去完新加坡之後就超耐冇食過海南雞飯今次起銅鑼灣想搵平價美食，朋友推介咗呢間▶️ 水門雞飯 ($54)當然要試招牌菜😉帶返新加坡回憶油飯好入味，淡淡雞油香，飯質好食同時唔油膩🍚雞肉有驚喜，可以揀胸位，或加錢轉脾🐔超級粉嫩，帶適量油脂，入口順滑一啲骨都冇，皮下有啫喱，雞皮簿身自己好鍾意佢個雞醬汁，甜甜地帶少少辣，夠惹味👍🏻附送清湯重胡椒味，幾好飲～▶️ 水門雞椰菜花雞飯 ($58)生酮選擇，賣相同飯好似多咗隻烚蛋🥚雖然冇雞油香，但好重蒜香味口感同一般椰菜花一樣，只係切碎咗-整體來講係高質海南雞飯，同新加坡當地食嘅差唔多😻雞同飯份量十足環境迫少少但坐得算舒服服務都OK，幾有禮貌性價比高，學生再9折，賣單$50咋❗️

趁著有幾日假期, 約左朋友係銅鑼灣行街, 夜晚係附近搵左間泰國菜餐廳食飯。我哋叫左幾款食物, 水門雞飯加錢轉左雞脾肉, 肉質嫩滑, 配上秘製醬汁和油飯, 味道幾好。另外, 叫左胡椒豬什粉, 胡椒味好濃, 豬什洗得好乾淨食落沒有腥味, 河粉吸收晒胡椒湯精華。麻辣鳳爪食落好惹味開胃。飲品方面, 叫左芒果沙冰, 味道香甜, 入面有芒果粒, 沙冰打得好滑。最後叫左甜品斑斕大菜糕, 斑斕味突出, 食落好清涼爽滑, 值得一試。餐廳環境坐得幾舒服, 價錢亦唔貴, 可以下次再黎食。

水門雞飯不嬲都係我最愛，你諗下雞肉果種滑溜，非普通人能夠理解。如果呢一刻你問我最想食咩，100%答你 水門雞飯！！👇🏻📌主 食 -▪️ 水 門 雞 飯 - $54▫️ 一定係先黎個招牌「水門雞飯」，雞皮色澤清澈，滑不溜口，肉質爽滑，絕對唔乾身，連住一碗胡椒雞湯同埋秘制醬汁，簡簡單單一個油飯，整體組合非常出色，可以話係一絕！▪️ 泰 式 乾 炒 辣 牛 河 - $78▫️ 另一道「泰式乾炒辣牛河」我覺得都係必試，河粉非常粗身，質感透薄，食落果種辣係帶香果種，唔食得辣既朋友都唔洗驚，加上炒得非常乾身，唔會好油膩，牛肉亦夠哂鑊氣。📌小 食 -  ▪️ 馬 拉 盞 西 蘭 花 炒 魷 魚 鬚 - $68▫️ 仲有一道「馬拉盞西蘭花炒魷魚鬚」都係幾高質，一上枱已經聞到香，魷魚鬚同西蘭花都沾滿哂D馬拉盞醬，相當惹味，雖然係重口味，但對我黎講唔會太鹹，當然送飯就一流啦。📌飲 品 -▪️ 芒 果 冰 - $26▪️ 泰 式 奶 茶 - $22▫️ 泰國野必飲「芒果冰」同埋「泰式奶茶」，前者夠哂透心涼，入口芒果味濃郁；而奶茶奶滑茶香，兩者比例岩岩好，唔錯。

之前喺元朗食過呢間水門雞飯，但係元朗而家嗰間冇咗。尋日喺銅鑼灣見到有呢間水門雞飯。就去咗呢度食個lunch. 店鋪入面都係同其他水門雞飯嘅舖頭差唔多裝修。入到去好似去咗泰國食水門雞飯咁😆如果好耐冇去泰國嘅話，可以去呢度食嘢感受一下！我12點幾去食，唔使排隊入去就有位。但係到咗一點幾嘅時候，見到出面已經排晒隊。今次我叫咗水門雞飯，轉雞髀肉。我個人鍾意食雞髀肉多啲。雞肉同雞皮都好滑。好好味！👍特別係個醬汁，加埋一齊食送飯，更加好味😋佢個飲品好大杯。我叫咗泰式奶茶，甜味適中。不過可惜呢度冇套餐。飲品要另外叫。感覺就冇咁抵食。水門雞飯$54，泰式奶茶$22。如果佢有套餐，又或者下午茶餐咁就好啦！可以更加吸引多啲人去食。

水門雞飯差唔多係我飯堂咁滯，因為佢喺銅鑼灣來講價錢算唔貴，同埋我覺得間餐廳好有泰國風情🇹🇭個雞飯就係好似我地平時喺泰國food court食嘅雞飯一樣，正常發揮，不過不失，唔係特別好食，但係放得入口有餘。當然價錢係唔可以同泰國比啦，泰國我諗50泰銖可以食到，呢度要$54港紙💰除咗雞飯之外，水門雞飯最吸引我嘅係佢嘅飲品，有我最鍾意嘅泰式奶茶同埋龍眼冰，佢調出嚟嘅味道都同泰國好相似。另外，間餐廳一路播住泰文歌，令我覺得自己身處泰國一樣，係加分嘅地方。

幾年前去泰國曼谷旅行，其中一個景點就係去食水門雞飯。果時第一次食，覺得同海南雞飯個感覺好唔同，唔錯唔錯。近年就打入香港，分店仲要唔止一間，方便左好多。幾間分店我都食過，食得最多就係銅鑼灣店。今次終於的起心肝寫篇食評講下。我叫左個牛肉湯船河，一個椰青。太太叫左個水門雞飯加雞雜。牛肉湯船河，牛肉湯好甜好入味，係泰國船河既味道。水門雞飯有雞味，點左醬超好食。椰青好清甜。要讚下員工既服務態度，由等候入座，坐低，叫野食，到上菜，埋單都好好禮貌，值得一讚。

溫度丶枱櫈都還原到喺泰國食水門雞飯嘅感覺，大部分客人好快食完就走，短短一個鐘，翻枱率幾高。水門雞飯 $54 (雞雜 +$10)招牌水門雞飯，賣相同曼谷食嘅一樣咁，配有重胡椒味嘅雞骨湯，無骨雞肉，另加咗雞雜(雞紅丶雞腎丶雞腸)牛肉湯生牛肉金邊粉 $38牛肉片比平時食開嘅算大塊，牛肉湯唔係好濃嗰種，但都夠味，金邊粉亦唔少炸蝦春卷 $42 芒果糯米飯 $58芒果清甜，order咗多椰汁，甜度啱啱好泰式話梅茶 $22第一次試，味道似係酸梅湯加泰茶咁，夏天開胃又消滯之選泰式檸檬茶 $22好飲！

水門雞飯我諗香港人一定會聽過，基本上18區黎講，總有一間係左近，雖然我都係第一次食，但我對海南雞飯非常執著，收到風上年係銅鑼灣新開分店，要食得正宗，非水門雞店不可！👇🏻📌主 食 - ▪️ 水 門 雞 飯 - $54(+10)▫️ 黎得呢間一定要走唔甩「水門雞飯」咖啦，我識歎少少，轉埋雞脾肉，食落皮爽肉滑，配搭鮮香油飯同埋雞湯，誠意十足；配搭佢地泰式辣醬，濃香惹味，我幾鍾意佢個雞湯，夠哂鮮味，呢個價錢整體性價比高。▪️ 海 鮮 冬 陰 公 湯 - $60▫️ 第二樣又係必試「海鮮冬陰公湯」，海鮮夠哂足料，一次過食勻魷魚、青口、大蝦，樣樣野都相當新鮮鮮甜；河粉質感滑嘟嘟，好爽彈，加上吸收哂湯底精華，非常惹味。📌小 食 - ▪️ 脆 炸 雲 吞 - $28▪️ 泰 式 腩 仔 - $52▫️ 小食亦有驚喜，先黎個「脆炸雲吞」，即叫即炸，入口索索聲，好爽脆；「泰式腩仔」炸到個皮夠脆口，油香十足，配搭酸辣醬，味道岩岩好。📌飲 品 - ▪️ 泰 式 奶 茶 - $22▫️ 嗌埋呢杯最地道既「泰式奶茶」，味道絕對夠正宗，奶香幼滑，值得一試。

香港版的【水門雞飯】乃本地人開設的主打地道泰式海南雞飯的食店，餐廳店主更專程邀請泰國大廚來坐鎮。主打是要平、靚、正。因此大受街坊歡迎，於大埔、元朗、尖沙咀及旺角等均設有分店🙌🏻📋水門雞飯 $54 🌟推介🌟 ▫️ 會附送胡椒湯與醬汁▪️ +轉雞髀($10) ▪️+雞雜( $10 )-有豬紅、雞腸和雞腎。 -好驚喜❣️雞肉軟嫩滑順，雪白乾淨的帶皮雞肉塊，搭配粒粒分明的泰國香米，好正😍▫️凍泰式奶茶 $22▫️凍泰式鴛鴦 $22 🌟推介🌟-濃、純、香 的超道地泰式奶茶🥤入口，順滑，滿滿的茶香。▫️串燒 $14/串(3串起）▪️雞肉串▪️豬肉串-略嫌串燒肉質較柴，但醬汁10分出色❣️💁🏻‍♀️ 菜單選項很豐富，除了前面提到的海南雞飯、沙爹串燒和炸雞，其他還有像是無骨豬手、雞雜、泰式炆雞腳、芒果糯米飯等品項菜色。💘性價比來說，10分抵食。是會想再回吃的餐廳👍🏻👍🏻🏘裝修風格很有泰式風味，店舖明亮乾淨。💰只接受現金或PayMe📍 地址：銅鑼灣希慎道2-4號蟾宮大廈地下9號舖

人氣泰式水門雞飯最新分店位於喺銅鑼灣希慎道，住港島嘅朋友可以更方便享受地道泰式風味🥳 銅鑼灣店裝潢同其他幾間分店相似，牆壁上寫滿泰文好有泰國feel😚🇹🇭食物選擇一如以往咁豐富，除左招牌水門雞飯、炒粉、船麵、串燒、甜品之外，新店仲推出香辣牛脷飯、香辣牛脷生菜包，連火鍋都有🔥🍲 推介一下其中幾款食物☺️: 🔸•鳳尾蝦炒金邊粉 $75Pad thai係我最鍾意嘅泰國菜式🧡 呢度嘅炒金邊粉賣相好吸引, 有四隻蝦喺面🦐🦐🦐🦐 金邊粉炒得乾身又惹味，唔錯🔥🔸•泰式腩仔 $52外層炸得香脆，腩肉肥瘦適中🐖 非常香口🤤🔸•水門雞飯•$54去水門雞飯點都會叫個雞飯🐓 雞飯附送例湯一碗🥣 油飯香而乾身；雞肉脂肪唔多但都算嫩滑，仲可以+$10轉雞髀🍗 🔸•水門三寶雞飯 $64三寶雞包括招牌水門雞、炸雞、雞腎、雞腸同雞紅🐔🐓🐥 炸雞好香口🤤👍🏻🔸•牛肉湯牛丸生牛肉湯米 $50船麵湯底濃郁🤎 好大碗好足料👍🏻🔸•鮮檸梳打$22每次幫襯一定會叫鮮檸梳打，可以走甜，好清爽又解膩🍋❄️🥰🔸•椰青•$38呢度嘅椰青新鮮又大個，爽😚🧊整體真係平靚正，推介❤️

每次到泰國必食的水門雞飯， 銅鑼灣都有分店了，位於灣仔希慎道2-4號蟾宮大廈地下9號舖。 店內裝修懷舊風格，平日中午時段都好多客人。餐廳主打泰式雞飯， 還有麵類和小食。午餐 ～ 水門雞飯$54、 水門撈麵$58、 豬肉串燒(兩串) $28、 雞肉串燒$14、凍泰式奶茶(兩杯) $44。 🔸水門雞飯🍛 ～ 雞肉的皮又薄又爽， 海南雞已起骨，食落啖啖肉， 配上醬汁一起吃，肉質嫩滑又惹味。 油飯非常香， 軟硬適中， 雞骨湯有濃濃的胡椒味， 加入清甜的冬瓜， 一啖飯一啖湯，好正。 🔸水門撈麵🍜 ～ 有入味的雞腳、 香滑的鴨血和口感軟腍，膠質豐富的豬手，撈麵味道夠濃， 估唔到撈麵都做得幾出色。 🔸豬肉串燒＆雞肉串燒🍢 ～ $14一串，好抵食， 燒得又香，配上惹味濃郁的沙嗲醬，好滋味。 🔸凍泰式奶茶🥤 ～ 每次必點的泰式奶茶，香濃滑順的口感，味道正宗。 雖然現在已經開關可以隨時到泰國食水門雞飯， 但個人感覺香港的水門雞飯更加好味😋。🏷️溫馨提示～ 整個用餐體驗均屬個人分享意見， 只作參考😊。

港島區終於開左間水門雞飯啦‼️由裝修去到味道都好有泰國街頭既感覺🛵 地道得黎又夠曬風味🤪 唔洗飛都食到咁正既泰國味真係泰好味了🥰⭐️ 水門雞飯 🐔最招牌既雞飯果然好有水準💕無骨啖啖肉 雞肉嫩滑調味唔會太鹹 加上醬汁恰到好處🍗 油飯充滿雞油香但係唔會膩🍚⭐️ 扎肉雞絲香辣肉碎冬陰功湯金邊粉 🍜冬蔭功湯係精髓🤤 辣得黎夠重香料味🌶 配料都好豐富好有街頭風味😜⭐️ 泰式炒通菜 🥬通菜炒得非常爽脆香口👍🏻 雖然偏油但係好有鑊氣風味濃濃🔥⭐️ 泰式奶茶🧋好掛住呢隻味呀🥹 茶味濃厚但係唔會苦☕️奶味超滑夠消暑🥛

聽過水門雞飯好耐，前排終於有日去食下。餐廳內好地道泰國夜市風格，幾特別。🐔水門雞飯- 來這裡必食招牌水門雞飯！雞肉好雪白嫩滑，外層嘅雞皮薄薄的夠滑，幾好食。-而且都好多舊雞肉，一定夠食！🌟冬陰雞湯粉- 湯底少少辣，配上 lemongrass 香，幾特別- 上面雞肉比較有嚼勁，配埋薄薄嘅滑香皮一齊食，好香口。🍢點了雞肉和豬肉肉串，比較喜歡豬肉肉串，外層脆香入面肉嫩。旁邊嘅沙爹醬更加係非常香濃，幾出色。呢到飲品都幾多款式選擇，而且價錢好合理。🍵香茅特飲- 成支lemongrass在內，好清新，而且只係微甜，正！下次再來食雞！😆

銅鑼灣的朋友又有多個高質飯堂！😋來到水門雞飯當然要食雞飯，啖啖嫩滑的雞肉，加上香噴噴的油飯，真的很出色！如果想雞肉再厚肉和滑身，還可以加錢轉雞肶👍除了飯類還有其他泰式船麵、炒粉麵等，點了泰式辣雞絲湯金邊粉，湯底較清淡，但辣雞絲炒得十分惹味，還有洋蔥、豬油渣等增添層次。但最驚喜的是兩款小食！炸雞皮非常脆身，本身沒有配醬，反而蘸雞飯的豉油都幾夾，$20就有一大碟很划算！而燒魷魚亦燒得剛好，配上香辣惹味的醬汁，特別開胃。

@watergate_chickenrice 𝗵𝗮𝘀 𝗷𝘂𝘀𝘁 𝗼𝗽𝗲𝗻𝗲𝗱 𝘁𝗵𝗲𝗶𝗿 𝗻𝗲𝘄 𝘀𝗵𝗼𝗽 𝗶𝗻 𝗰𝗮𝘂𝘀𝗲𝘄𝗮𝘆 𝗯𝗮𝘆🚨 𝘁𝗵𝗶𝘀 𝗶𝘀 𝘄𝗵𝗲𝗿𝗲 𝘆𝗼𝘂 𝗴𝗲𝘁 𝘁𝗵𝗲 𝗮𝘂𝘁𝗵𝗲𝗻𝘁𝗶𝗰 𝗰𝗵𝗶𝗰𝗸𝗲𝗻 𝗿𝗶𝗰𝗲 𝗮𝗻𝗱 𝘀𝗮𝘁𝗶𝘀𝗳𝘆 𝘆𝗼𝘂𝗿 𝘁𝗵𝗮𝗶 𝗳𝗼𝗼𝗱 𝗰𝗿𝗮𝘃𝗶𝗻𝗴𝘀😋.水門雞飯終於開到去銅鑼灣啦，係附近返工嘅朋友又多個選擇～ 必點水門雞飯件件都肉香嫩滑，配埋香噴噴嘅油飯無得輸，連碗冬瓜湯都胡椒十足啱哂依加轉涼飲🤩另外撈麵配上泰式滷雞腳同豬手，啖啖肥膏但超正，辣辣哋幾上癮！ 叫埋炒通菜同泰茶，上菜速度極快唔洗一個鐘就食完，泰式快餐首選👅