影片
開飯介紹
此雞煲店以黃金芝士雞煲作招徠，除了可按喜好自選芝士分量，更可加湯變成港式火鍋。餐廳亦提供多款中式湯底，照顧不同口味的食客。此分店設有現場音樂表演，氣氛一流。
繼續閱讀
附加資料
用餐時間為兩小時
營業時間
今日營業
12:30 - 23:00
星期一至日
12:30 - 23:00
公眾假期
12:30 - 23:00
公眾假期前夕
12:30 - 23:00
以上資料只供參考, 請與餐廳確認詳情
有關獎賞計劃
優惠
相關文章
早幾星期先至同鄰居夜晚打完邊爐，估唔到屋企人話飲茶最後又揀咗呢一間。咁岩有個機會試埋佢個午市。一入到黎都幾驚訝，竟然全場爆滿，啲staff話一定要試吓佢哋既火焰麻辣雞煲。一上枱，侍應現場點燃，火焰騰起，氣氛非常好。麻辣湯底香氣四溢🔥菠菜豬肉餃：餃子係麻辣湯入面煮過後，外皮吸晒湯汁，變得好滑嫩。餡料入面菠菜既清香同豬肉既鮮美完美融合，清新中和咗麻辣既刺激。每一啖都能夠感受到餃子既多層次口感，意外地夾！Prime牛板腱：呢度既牛肉片帶油花，質感細膩。放入麻辣湯入面淥幾秒，牛肉吸收咗辛香既湯底。肉片既嫩滑同湯底既麻辣，真係會忍唔住想再叫多盤，非常過癮。鮮墨丸：墨丸彈牙有咬感，內餡鮮嫩多汁。墨魚既鮮味係麻辣湯底入面更加突出，每一啖都能夠食到墨魚既鮮甜同湯底既辛辣，都好彈牙！幾出色😍
繼續閱讀
喺觀塘站行一段好短嘅路程，就去到呢間高質又抵食嘅火鍋雞煲店，佢哋提供嘅食物嘅款式好多，而且員工服務態度又好好🍲湯底：蕃茄薯仔湯底呢個湯底好夠蕃茄味，而薯仔嘅軟林林口感令成個湯底更加有層次。飲完呢個酸甜度適中嘅湯之後超級開胃。配料推薦：1. 特級雪花肥牛🐮必嗌配料之一。肥牛切得夠薄又均勻，啲脂肪分佈得啱啱好。輕輕碌幾秒，肉質鮮嫩又多汁，配搭埋蕃茄薯仔湯底，味道就更加鮮味。2. 菠菜豬肉餃🐷呢個係我嘅最愛😍餃子皮薄而且非常彈牙，入面餡料非常飽滿。菠菜嘅清香同豬肉嘅鮮甜非常之夾，煮熟後嘅餃子又吸晒啲湯汁。好好味！3. 黑松露蟹籽魚麵🦀呢個係特色配料之一。啲麵非常爽口彈牙，又非常勁嘅黑松露嘅香味，啲蟹籽又喺口入面爆開，好滿足😌一吓就被大家KO晒
繼續閱讀
前幾日同老公去咗觀塘嘅【米走雞】，呢間餐廳主打火鍋🔥，同時啲食材選擇幾有特色。嗰日午餐人流唔算多，環境雖然唔大，但坐得幾舒服。開波係一煲蕃茄薯仔湯🍅🥔，湯底好清甜，酸酸甜甜嘅蕃茄味加埋薯仔，飲落好暖胃😌。食材方面，霜降牛頸肉片油花分佈均勻，涮幾秒就啱啱好，入口好嫩滑又冇筋位💯。白鱔片切得夠薄，煮耐啲都唔會韌，仲幾有咬口。精品拼盤幾吸引，有三款唔同嘅手工食材——蝦膠配墨魚汁做嘅丸，香口又彈牙；黑松露嗰款丸都食得出陣陣香氣；墨魚滑就比較特別，煮好之後滑溜溜又好彈，加埋竹笙，口感層次幾豐富🤤最後仲點咗杯水果茶🍹，茶香同果味平衡得幾好，唔會太甜，飲完覺得好清新👍整體嚟講都好滿意，食材新鮮，湯底又夠味，下次可以約埋朋友一齊再嚟試下其他湯底！
繼續閱讀
今日同公司嘅同事一齊去食午餐。佢最近工作好忙，我諗住帶佢去食啲火鍋舒緩吓心情。我哋揀咗呢間火鍋餐廳，點咗藥膳湯底鍋。藥膳湯鍋一端上枱就聞到淡淡嘅藥材香，清香撲鼻，好好飲，味道夠濃，唔會太淡。我哋點咗一份精品拼盤，入面嘅墨魚滑帶住黑松露嘅香氣，口感彈牙，味道好正。哈哈，蝦肉緊實鮮甜，感覺食材非常新鮮。入面嘅竹笙都唔錯，清新嘅香氣，十分討好。澳洲牛舌切片均勻，放入鍋度煮完，口感柔韌中帶啲嫩滑，加埋湯底嘅滋味，每一口都好香，好正！我哋仲點咗響鈴，炸得金黃酥脆嘅外皮吸收咗藥膳湯後，軟中帶啲硬，越食越上癮。成餐火鍋簡單又滿足，飲住熱湯涮住新鮮嘅食材，大家都食得好開心。
繼續閱讀
好耐都冇同男朋友去觀塘食米走雞Live，就打算呢個週末去搵返熟悉嘅味道。我哋兩個都好中意嚟呢度，因為環境好有氛圍，非常浪漫，坐得舒服，食物又好正，真係搵唔到拒絕嚟呢度嘅理由。呢度嘅花膠湯好香，未飲已經聞到濃濃嘅香味，飲咗更加不得了！而且湯底好鮮美，越飲越上頭！ 仲有花紋好靚嘅魚片，涮進湯底後，好有鮮味。至於口感又香軟，幾乎唔使咬，入口即化，真係回味無窮！ 我個人唔會食羊肉。但據男朋友講，呢度嘅羊肉食起嚟冇嗰股味道，仲好鮮嫩多汁，特別適合作為火鍋嘅主角。而且羊肉喺凍天食真係好溫暖，身體一下就熱晒，非常神奇！ 我每次食火鍋一定要點響鈴，因為特別爽口，食多都唔會膩。我最中意嘅食法就係涮進湯底幾秒鐘，然後攞上嚟食，脆脆嘅，食咗就好開心！ 呢頓晚餐真係好正，下次仲要再嚟！
繼續閱讀